CHIC Italian Cuisine and Oyster Bar (Closed)

這個星期日不用補習，便和媽媽一起去輕鬆一下，去了The Cameron的Chic by the Oyster House吃個brunch！上電梯後，見到這部𨋢，上去就是餐廳了！很artistic的裝潢，餐廳掛了很多很有趣的畫！出面還有空中花園！這個brunch的頭盤任吃，有西班牙蛋餅、火腿、蕃茄、黑松露薯條和蝦！第一轉會有齊全部，之後可以按你喜歡的再添！我很喜歡西班牙蛋餅，綿綿的蛋富蛋香，裡面還有菠菜！黑松露薯條好香黑松露味，非常香脆！主菜有5款，有乳豬、肉眼、羊腿、risotto和pasta！我選了肉眼扒！來到的時候好香，6成熟，很香牛味，燒汁惹味，肉質有咬口！最後還有chocolate brownie，不太甜，是用dark chocolate做的！鬆鬆的口感，很美味！餐廳一定播著音樂，很relax的Sunday afternoon！

（to openrice: 得我有食呢款main course點解話我濫法、相同？佢地brunch mean得幾款食物，撞左有咩出奇！？）今天本想在尖沙咀開開心心的逛街，怎料下起大雨來，唯有找個地方嘆午餐。身在金馬倫道的我立即想起曾經吃過晚餐、有獨立升降機的CHIC by the Oyster House. 第一次在日光下看清楚環境，室外環境很Chill, 但下雨天我還是坐室內比較適合。||Weekend Brunch Menu $298||有Tapas + main+ dessert TAPAS(free flow)限定了以下幾款（服務員將我和朋友幾人的份量一碟上）：Spinach Tortilla - 蛋味不濃。Grilled Vine Tomatoes - 大粒鮮甜；Grilled Garlic Prawns - 肉質爽彈；Fried pumpkin blocks - 南瓜金黃香口，味道清甜。Parma Ham Croquette - 脂肪不多且帶咸香；Truffle Fries - 薯條炸得薄脆多肉。主菜我選擇了《Roasted Lamb Leg 》。本以爲是一般連骨上的那種，

系尖沙咀呢頭返工咁耐, Chic by The Oyster House早就聽聞, 難得女友今日放假, 一於豪一次!坐得左睇Menu, 原來又唔係想像中咁貴wor, 都係一般西餐價（可能夜晚會富貴d)女友叫左個意粉，炒得好香我就叫左個牛柳，5成熟好嫩口，好味！跟餐加配既生蠔更加係抵食驚喜餐廳有自己私家電梯環境當然高級啦其實午餐唔算好貴餐前麵包餐+$58跟兩隻, 又鮮又抵食餐湯沙律牛柳朳 ($148), 水準之作甜品 (Chocolate Brownie)

今日，心血來潮想食蠔！雖然得一個人，但心魔不繼同我講，lunch一個人的午餐都可以食好少少嘅上openrice搵下有咩選擇啦！呢間連店名都寫到明食蠔，唔會衰啦！基本上出左地鐵站行落一個街口就到，好易搵，入到去轉搭專屬於呢間餐廳嘅glass bubble lift，感覺氣氛相當似樣出lift就見到好high-end嘅裝潢，大大一排落地酒櫃，配襯型格油畫，豪華得黎又有型待應友善殷勤，介紹左lunch Set 同生蠔俾我。一個人食始終淺嚐就好了，點了兩隻南非生蠔。上枱真係即時心動呀！超大隻！係我至愛個種creamy 質地，味道超甜個種！食完兩隻已好滿足！前菜的餐湯係雜菜鮮茄湯，雜菜明顯係新鮮貨人手切粒，市儈如我即時覺得返曬本。自家製意大利軟包，豐郁有質感。點少少黑醋同欖油，人間極品！前菜的Caesar salad係另一亮點！新鮮羅馬菜均勻的沾上沙律醬，用的Parma ham比一般的高檔幾班，甜甜地嘅Parma Ham 簡直係搶曬分！Main set 點了tenderloin , medium rare, 一口已食得出食材係貴價貨！牛扒真係好簡單，只有用靚料，塊扒難食極都有個譜！呢個扒處理得剛

服務態度非常好，食物質素唔錯，坐室外食飯環境好舒服，可以同朋友傾計。。雖然第一次去，下一次可以再去試下坐室內。見到面嘅環境好浪漫，值得一試。。當日試咗生蠔，都好新鮮，好正。。開支酒，食生蠔，加埋甘好嘅環境，正！

返學返到日夜不分，終於有日返晏，朋友就嬲我去食海鮮拼盤🤔事關佢見到依個海鮮拼盤做特價，就叫我陪佢去食，好啦好啦唯有去，地點就腳，係尖沙咀，唔太遠😆西餐一定要有沙律，依個汁都幾香，沙律新鮮☃️個紅湯係素湯，味道都還好但我不喜歡紅蘿蔔粒同西芹粒🙁海鮮拼盤登場，紅蝦好吃有黏性，生蠔清爽薄身，鮑魚煮得入味但有小小太稔，翡翠螺同車厘蜆都有海水味👻煎三文魚朋友幾喜歡，我略嫌有點乾身🤔漢堡同薯條都好吃，麵包有麥味，肉汁豐富，薯條香脆🤤包餐飲同甜品每人二百，幾抵☃️

下午同老細食lunch, 佢話之前食過一間西餐廳啲生蠔好正，lunch 又抵食，今日就決定過黎試下新野啦。餐廳位於金馬倫道33號，上扶手電梯之後就到電梯口。餐廳裝修高檔舒適。lunch set 由$88至$148不等，加$58就有2隻生蠔！我同老細都有加生蠔，嘩，冇諗過有咁大隻！食落仲好新鮮肥美！$58真係抵食呢！跟set的意大利雜菜湯同凱撒沙律主菜我揀左香辣虎蝦忌廉番茄長通粉，個醬汁煮得好香老細就揀左頂級牛柳扒，佢話牛的肉質好嫩滑，岩晒鍾意食牛扒的佢！最後仲有brownie做甜品添！

好耐冇食生蠔，突然間生蠔癮發作，朋友知道咗立即介紹我去chic by the oyster。黎到先知原來呢間野嘅前身就係一間以前我好鍾意嘅日本餐廳。今日再嚟，搖身一變成為左一間中環高級，有格調嘅西餐廳！裝修頗華麗，有signature嘅嘟嘴妹掛滿牆壁，非常有生趣！今日星期六，係weekend brunch menu，tapas 有六款，仲要係free flow，唔使驚食唔夠！我嘅main course 揀咗肉眼扒，再加左半打生蠔，加一杯白酒。半打生蠔來自South Africa: 大大隻，肥美爽口亦鮮甜，海水味淡。先吃生蠔便配上來自智利非常易入口的白酒，是賞心悅目的體驗。六款tapas (free flow):六款tapas 中嘅蕃茄特別出色，小蕃茄非常鮮甜多汁，一口咬下去口腔有爆滿嘅番茄汁，很開胃。當中嘅蝦亦彈牙，薯波外脆內軟薯香十足，非常可口。主菜——肉眼扒：7成熟肉眼扒味道甚濃，充滿黑椒和炭香，牛扒七成熟嘅火候掌握得剛好。肉香有肉汁，油脂分布平均，是一塊不錯的肉眼扒。食完生蠔慢慢傾計先開始熟食ready，優哉游哉地過咗一個下午。🙂

放假和友人到尖沙咀逛街，正煩惱到哪裡lunch的時候，剛好經過金馬倫道的The Cameron停下來看到這家Chic by The Oyster House，大家都想試試便上去了特別的是餐廳有專用lift，十分型格出來左面是室外的長高枱，右面是餐廳入口，進來先是酒吧，內進靠邊有2人枱和中間的4人枱，還有包房和室外空間。餐廳裝潢時尚有品味，牆上有許多餐廳主題的漫畫人物，整體氣氛浪漫舒服。TAPAS(free flow) (4pax)Spinach TortillaGrilled Vine Tomatoes Grilled Garlic Prawns Serrano HamParma Ham Croquette Truffle Fries TAPAS(free flow)Risotto of the Day 磨菇意大利飯意大利飯醬汁濃稠度一流，菇類豐富，飯質感是我喜歡的煙韌口感，味道整體配搭不錯，食完整個飯都不會有膩感。

週末約左朋友係尖沙咀shopping，行街前先係附近食lunch，諗住义滿電先開始去掃貨。朋友想食西餐，所以朝著這個方向找。後尾俾我地發現左這間Oyster House。CHIC有獨立升降機從商場去餐廳店鋪。一入升降機，已望見地下指引去CHIC餐廳。一步出升降機，已被CHIC環境吸引，室內環境格調清幽。餐廳牆上掛著可愛女郎的圖畫它們還設有VIP房，可容納8人以上，下次朋友聚會又有一好選擇。餐廳還設有室外位置，配合一些喜歡自然環境的顧客。今日餐廳提供了Weekend Brunch，六款小吃、一個主菜和一客甜品 $298，抵食。餐廳會先安排六款小吃供顧客享用，每一款都好精緻，享用完第一輪，可按自己喜好再追加小吃。我今日點選了肉眼扒medium，肉眼扒份量唔少，牛肉味很重，吃完已經好飽。最後配上一件很濃的Chocolate brownie，十分滿足。

Order one bottle of wine/ two glasses of wine per head then get 40% off the oysters 😍👍🏻varieties of choices, belon 0000 and the smallest one is 0200 , lambert and majestic are soooo creamy yet with that delicate metallic after taste ❤️ rib eye is normal juicy with char grilled taste but hv fat rim and tendon so just so so~ banana toffee cake is worth to try too, not overly sweet with quite strong toffee flavour and the banana is nicely caramelised ~~~ banana liquor ice cream pair with chocolate c

今晚同老公慶祝結婚一周年紀念，特登去尖沙咀食之前非常鍾意的餐廳食晚餐。餐廳還是一樣裝飾一樣咁高貴優雅。香脆餐前麵~香草味濃，焗到外脆，點少少醋及橄欖油食，一人有兩件。生蠔yellow stone ~蠔身比較大隻，食時鮮，帶有少少cream 感覺。Rollex ~蠔身比較細隻，肉質比較實及有海水味。紅菜頭沙律~ 第一啖已經食香濃的薄荷味， 材料有綠色椰菜，紅色椰菜，紅菜頭粒再加開心果碎。第一次食紅菜頭沙律，是肉質淋淋的。棒棒糖~把鵝肝醬切成小方粒，外層有士多啤梨醬包住，再在頂端加上開心果碎，裝飾有士多啤梨糖粉及士多啤梨粒。食到士多啤梨味又食到鵝肝滑溜。配搭又特別又好食，仲有少少聖誕節拆禮物的感覺。墨魚汁意大利麵配墨魚及車厘茄~ 車厘茄鮮甜煮到好淋， 選用了厚身魷魚切成條煮這意粉。意粉選用墨魚汁做成的黑萌萌一條條，但食落食煙煙軔軔，我唔鍾意煮得太淋的意粉，這個就剛剛好。仲有個蕃茄醬好食到呢，我想連碟都食落肚。面層有一些炸到香脆蒜片。香煎法國黃雞~ 肉質非常之嫩滑， 無論邊個位置用都咁嫩滑，雞肶又好食，雞胸又肉嫩，仲有香濃黑松露味，食到舐舐脷。好想知佢地點樣煮得咁好食，所以問了一下服務員，佢

朋友呢排忙到死下死下，難得佢有時間食lunch，諗住搵間坐得舒服啲嘅，見到尖沙咀呢間好似唔錯，就黎試下。 凱撒沙律個醬唔同平時食開，呢度係有加埋芝士，入口香濃惹味，菜亦都好新鮮，唔錯。 意大利雜菜湯酸酸甜甜幾開胃。海鮮拼盤有6種唔同海鮮，款式算多。星期一二個海鮮拼盤平啲架！ 香煎三文魚配牛油檸檬汁，皮煎到脆卜卜，三文魚速充滿油香 而且嫩滑，夾埋啲檸檬汁一齊食，中和返油分，相得益彰。 安格斯車打芝士漢堡配薯條，薯條炸得好脆，漢堡入面有酸洋蔥，完全係畫龍點睛，帶起左漢堡扒嘅肉味。 朱古力brownie同出面食嘅有啲唔同，比較粉，但係超濃朱古力味。上嗰陣暖暖哋，食落好舒服。 檸茶茶底係lipton，糖漿唔係普通嘅糖漿，感覺上係楓糖漿，冇咁甜，健康啲。

生日晚上，當然要找家特別浪漫的餐廳來跟愛人慶祝慶祝。餐廳有自己專屬的升降機環境優雅，燈光醉人浪漫我們倆個先來白酒來送海鮮拼盤及生蠔海鮮拼盤很超值，逢星期一，二都特價$138， 有生蠔， 美國車厘蜆，日式磯煮鮑魚，法國翡翠螺，紐西蘭青口，亞根廷紅蝦。 每一樣都很新鮮，很鮮甜，我特別喜愛機煮鮑魚，味道很出衆。再來半打生蠔，員工介紹了3款，Rollex, Majestic, 仲有款special， 味道由淡至creamy，很新鮮，一點腥味都沒有，口感豐富。 下次要吃生蠔，都要來這裡~ foie gras 棒棒糖 - 像一件藝術品般，很漂亮，不捨得吃。鵝肝與士多啤梨很配，酸酸的很醒胃海膽紅蝦刺身- 我愛海膽，更愛紅蝦，這款滿足了我的慾望。紅蝦蠻大的，肉質彈牙~海膽天使麵配香草醬 - 再來一客有海膽的菜式，這次有一整版海膽，入口啖啖甘甜味，非常豐富~松露芝士厚切豬胺 - 這個豬胺以慢煮方式來烹調，肉質軟腍，很juicy， 用上松露，淡淡滲出松露及芝士香~配菜， 忌廉菠菜，牛油炒蘑菇招牌香蕉太妃批 - 最後來一個甜品，來一個完美的總結。這甜品不太甜，雪糕很香濃，配撘效果很好總括來說，環境舒適，氣氛

一入同𨋢，就見到呢個大紅唇，入到餐廳見到既畫都係出自同一個畫家的風格同朋友喜歡呢道有戶外座位係下午茶時間黎係完全無人的感覺舒適舒服，可以暢所欲言！我都幾喜歡佢哋既餐包，軟綿綿，可以引到好多橄欖油同醋，好開胃呢！我哋叫左紅菜頭沙律，估唔到佢哋會用埋紫椰菜，全碟都係紫色，好味！無草青同苦澀味的我朋友就鐘意三文魚他他，佢呢個都用紫椰菜襯返，問你死未！啲食材係新鮮既，我朋友就大讚，我覺得不過不失吧。個卡邦尼就硬到無朋友，個味就好味既，但對於我哋個胃又唔多好，又無牙力既朋友仔黎講，我哋選擇放棄...最後，係我去洗手間時order 左個 tiramisu。當時我只問佢會唔會有蠟蠟，估唔到佢俾埋生日牌，真係又細心又sweet ❤️👍🏼 tiramisu 好味，我覺得一件唔係太夠喉😂🙈