李家 (華發大廈)

Open Now

Now Closed

舖頭名令我諗起韓國嘅一個即食麵牌子，心諗有冇關係嘅呢？餐廳招牌菜似乎係韓式炸雞，不過今次係午飯時間去，所以揀咗睇相都幾吸引嘅定食。可能我哋一放lunch就去幫襯，兩份餐都好快嚟到。雖然價錢平，但係用料都唔hea，睇相都見到啲前菜都幾足料好食，直頭想encore多一份兩個湯都係用個迷你鍋上，好keep到熱，幾乎食到尾都仲熱緊。🐻泡菜豬肉海鮮湯套餐泡菜味非常之出，好開胃。啲泡菜又唔會因為個湯而出晒啲味。🐻海鮮軟豆腐湯套餐啲豆腐一路食都係咁綿滑，海鮮啲味好出又足料，搞到令人一路食一路係咁飲啲湯。性價比幾高，有機會可以再翻兜！總評分：🍯🍯🍯🍯（4/5）

韓劇永遠不離開炸雞，最近追劇看得炸雞癮犯，朋友帶我到他的「飯堂」吃韓炸雞！！藍色多瑙河名字很鬼馬，其實是梳打水加入蝶豆花及檸檬，有點雪碧的感覺，清爽解渴！炸雞方面，餐廳有不少口味可以選擇，我們點了半半炸雞，要了原味及甜辣口味，外皮香脆，中間留有肉汁。尤其喜歡甜辣口味，香口又惹味！牛肉炒粉絲材料有牛肉、洋蔥、紅蘿蔔、菠菜等蔬菜，韓國粉絲口感煙韌，根根分明。蒸水蛋韓式蒸蛋口感柔嫩軟綿綿，蒸蛋微微鼓起來像個小蒸糕。

🌸《李家 · 韓國菜 · 灣仔》-𝐅𝐨𝐨𝐝 𝐑𝐞𝐯𝐢𝐞𝐰 食評 青辣椒蛋黃醬洋蔥炸雞 （連骨） $218醬汁好惹味，辣之中帶點甜，今次揀左連骨炸雞，會有兩次雞鎚同雞翼✨雞肉嫩滑多汁，雞皮亦都好香脆，分量都足夠三至四人share👏🏻-海鮮湯 $198海鮮湯底有少少似辛辣麵湯底，加左大量海鮮多左陣鮮甜味🤩 而且海鮮都好足料，分別有蟹、青口、蝦、墨魚仔等等，飲完成個人即刻暖返曬🥹-📍 李家灣仔駱克道405-419華發大廈地下C號舖-環境：🌸🌸🌸🌸味道：🌸🌸🌸🌸服務：🌸🌸🌸🌸🌸衛生：🌸🌸🌸🌸性價比：🌸🌸🌸🌸Revisit:🤍-

李家出名老字號，食物也比較傳統，可說是真韓國人的餐廳。每次想食韓國料理，尤其是泡菜湯時，就會想起他。🏅豬肉泡菜湯（$168）記得在網上看過一篇文章，內容是指韓國的泡菜湯能把體表的寒氣散掉，加速感冒痊癒。所以有時感冒時食泡菜湯真係好過食感冒藥，中醫稱之為「以熱制熱」。李家的豬肉泡菜湯有瘦豬肉、豆腐和泡菜，香濃香甜，辣度溫和，飲完熱湯，出點鼻水，輕鬆舒暢，無論有無感冒都啱飲。🏅原味炸雞（$168）我愛原味，原味的炸雞無拌醬汁，特別香脆。想多點變化也可以蘸點韓國甜辣醬。🏅蒸水蛋（$68）韓式蒸蛋蓬鬆、柔軟，同時加入紅蘿蔔粒和蔥花，顏色和營養都豐富。這鍋蒸蛋又深又厚，口感嫩滑清甜，好好味。🏅辛辣麵（$58）熟悉的經典原味，喝得到香菇、胡椒的味道，麵條有嚼勁，還有隻流心半熟蛋。

韓式炸雞始祖——「李家」在灣仔近鵝頸橋開咗分店，水準保持一貫水準，炸雞超級惹味。💕半半炸雞（帶骨）要了半隻辣咖喱炸雞+半隻粟米炸雞炸雞份十量足，外皮蘸上一層酥香炸粉，鎖住雞肉肉汁外，最重要是把雞皮和雞塊炸得非常酥香可口，雞肉多汁彈牙。辣咖喱味辣中带點甜，味道豐富；粟米炸雞更是甜香可口，還有一塊塊粟米，簡直是不能太好吃了😋另外我們又要了一份💕砂鍋牛內傳統韓國砂鍋牛肉粉絲，除了牛肉外還有大量香蔥配料，黃芽白、紅蘿蔔、粉絲韓式年糕、超過豐富，味道正宗，非常滿足。

又想食韓式炸雞，即刻諗起李家。因為我哋4:30去到，唔係繁忙時間所以可以揀位坐。我哋坐咗喺卡座。店內燈光柔和，播住K-Pop，好有韓feel.酸蘿蔔（贈送）：蘿蔔粒爽口，冇苦味。酸度適中，好開胃。沙律椰菜絲（贈送）：椰菜絲切得好幼，新鮮爽脆。有骨半半炸雞（原味+甜辣味）：炸粉好薄，外層炸得鬆脆。肉質嫩滑多汁。原味就食到雞味多啲。而甜辣味，就啱晒重口味嘅人，醬汁充滿韓國風味。我就鍾意原味多啲，而朋友就鍾意甜辣味。所以真係人人口味唔同，但呢個半半炸雞就滿足晒我哋兩個嘅願望。鐵板燒牛仔骨：食物上枱嘅時候咋咋聲，冒曬白煙，即刻胃口大開。牛仔骨經過醃製，甜甜鹹鹹的。牛肉嘅部份好易咬開，到貼近骨位置嘅部份既筋位就好有咬口，一件肉有兩種口感。辛辣麵：時間控制得好，唔會好林，有咬口。入邊仲有一隻同麵一齊煮熟嘅蛋。配埋香蔥同泡菜，再加埋用鐵煲原個上，夠晒韓式風味。韓國罐裝飲品-菠蘿汁及橘子汁：兩款都係甜甜酸酸，好啱食咗咁多肉嘅我哋。

店名: 李家炸雞地址: 灣仔駱克道405-419華發大廈地下C舖銅鑼灣C出口，行4分鐘環境: 4.5/5價錢: 4/5味道: 4/5舖頭牆身都貼住Vintage風嘅相片，仲有唔同圖案嘅霓虹燈，播住K-pop音樂，又有電視睇住MV/ dance video，好chill！🤩✨自選半半炸雞有唔同口味，可以自由搭配，亦有無骨&有骨選擇，好貼心咁分開兩兜上！😝無骨甜辣炸雞(半隻）❤️❤️❤️❤️❤️$103炸雞新鮮炸起鋪上韓式甜辣醬，個人覺得甜味較重，炸雞好香脆，好搭！🥰半隻都有好多件，兩個人食平均都有四五件無骨蜂蜜蒜蓉炸雞(半隻）❤️❤️❤️❤️❤$118蜂蜜醬清甜順口，蒜蓉、蒜片係額外鋪面，小編鍾意蒜所以如果可以多啲蒜蓉就好啦😆 整體食落去不膩！😍芝士辣海鮮炒年糕❤️❤️❤️❤️$178海鮮有青口、蝦、魷魚，亦都有好多蔬菜，如青椒、紅蘿蔔等，面頭鋪上一層好厚嘅芝士，夾起會拉絲喔！年糕口感煙韌，整體味道偏重口，樣樣夾埋黎一啖食落感覺好豐富好食！🤤西柚蘇打❤️❤️❤️❤️❤️$38 西柚口味好開胃，好大杯！食辣野再飲一啖好爽！😝檸檬蘇打❤️❤️❤️❤️❤️$38檸檬口味相比西柚嘅酸d，份量size同上，飲落好fresh！😁👍🏻

這間人氣韓國餐廳港九新界都有幾間分店🇰🇷每次來都會叫韓式炸雞🇰🇷現時西灣河分店星期一至四晚市有88折更優惠💯店鋪都幾大比較多卡位坐得舒服 一直播著kpop加上韓國人店員招呼感覺好地道😬點完菜店員就送上泡菜 椰菜沙律跟醃蘿蔔 可以送炸雞食✨自選半半炸雞 $211辣咖喱味炸雞｜醬油炸雞個人比較喜歡有骨的炸雞也可以要無骨的🍗兩種味分開兩大盤份量好多 炸雞新鮮熱辣炸得乾身不會油膩👍🏻咖喱味有驚喜 曬上的咖喱粉味道甜甜的帶微辣好濃郁惹味😋醬油炸雞像烤雞肉質比較豐富 有甜醬油的味道都好入味✨鐵板炒泡菜豬肉 $168♨️以鐵板上熱辣辣 泡菜豬肉不會太肥 肉質有口感 加入洋蔥撒上大量蔥花🌶️味道帶酸酸辣辣炒得好香好惹味 好下飯好想要個白飯送😆✨年糕餃子湯 $98原煲熱湯暖笠笠好適合冬天飲 湯頭比較鮮甜🍲豬肉餡的餃子隻隻都好飽滿🥟年糕口感煙靭📍李家 (筲箕灣道) (西灣河)西灣河筲箕灣道180號1樓3號舖

今日喺灣仔學完韓文，於是就在附近找了一間韓式餐廳食午餐😎😎😎 喺韓國餐廳食嘢，當然就一定要叫最出名嘅炸雞🍗😎😎😎😋😋半半炸雞（原味加甜辣）-😍😍😍$188 因為我哋兩個都費事輪骨，所以就選了無骨炸雞🤣🤣 原味炸雞十分之脆而且加上冇骨10分方便食用，而家想甜辣醬之後，味道十分之配合口感也十分之好☺️☺️☺️牛肉炒粉絲😋😋😋-$ 158 比想像中嘅大碟，兩個人也足夠食😎😎重點係佢真係都幾好食，而且也配搭了很多蔬菜喺裏面🥹食起上嚟都非常之爽口😎蘋果西打麗塔-$88 😍叫呢杯完全是為了打卡之外用😍😍大大杯的而且也很美觀😂😂😂 薰衣草梳打-$38😍😍喺普通嘅餐廳好少見到有薰衣草味嘅梳打選擇，於是選了這一款淡淡的紫色再配上薰衣草味道是很特別的人均：$250地址：李家 (華發大廈) (灣仔)灣仔駱克道405-419華發大廈地下C號舖

炸雞不嬲都係我嘅最愛，但並唔係間間都整得好食，所以我次次食炸雞都會去李家，因為佢嘅質素一如既往嘅好，從來都冇令我失望。每次我都會叫甜辣炸雞，因為佢d汁超jucy，甜甜辣辣咁，好開胃🤤撈埋個白飯嚟食，真係好正，食一個飯都唔夠喉！除咗炸雞之外，呢度嘅燒五花腩肉都係一個唔錯嘅選擇！鐵板嘅熱力哄住啲五花腩，食落去熱辣辣，點埋啲醬汁，包埋啲泡菜一齊食，好有層次，好滿足。今次我同朋友仲試咗個烏冬，清清哋，入面有魚腐同埋紫菜，用嚟解辣同埋解下啲油膩食物都非常之唔錯！我哋見到宜家menu仲有唔同口味嘅炸雞拼盤，都非常吸引，好啱外賣買返去一大班朋友share嚟食。大家一定會食得超級開心！提外話，如果呢間分店有埋玫瑰醬年糕烏冬就更好啦，因為呢個烏冬，李家真係整得超級好食！

✔️甜辣炸雞（半隻）$103✔️粟米炸雞（半隻）$123呢間元組級嘅韓國餐廳質素果然唔錯🤤 炸雞炸皮唔會過厚 而且十分香脆😚入面亦都keep到肉汁🍗兩款口味入面 講唔停比較推薦粟米嗰款🌽 喺出面真係好少見呢款口味 食落味道就好似係粟米濃湯嗰款薯片一樣 甜甜地好惹味🥰 正👍🏻✔️韓式玫瑰炒年糕 $188講唔停想食呢種一條條好長嘅年糕好耐 因為成日都見到韓國啲mukbang 食得好滋味😳 今次食完都覺得好食❤️感覺似係十分煙韌版本嘅烏冬 超級掛汁😝 甜甜辣辣真係令人食唔停口🥰 配料就比較普通🙈 有魚糕 高麗菜 同埋腸仔～ 值得一提喺呢款份量係勁多 建議約多幾個朋友仔share👭🏼✔️檸檬梳打 $38

李家嘅傳統元祖炸雞不嬲都好出名，今次去到見到佢哋新推出嘅炸雞拼盤，就決定試吓蜂蜜炸雞拼盤🍗炸雞拼盤有雞翼同埋雞鎚，食落香脆，但係炸粉好薄，唔會好油膩，而且面頭有好多蜂蜜，食落甜甜地唔會太乾🍯韓式海鮮湯🥘韓式海鮮湯就好似泡菜湯咁辣辣地，但又又好香濃嘅海鮮味，飲落仲酸酸地好開胃，入面仲有兩隻大蝦同埋有啲泡菜，係去韓國餐廳一定會嗌嘅嘢食🤓辛辣麵🍜每隔一排就會好想食辛辣麵，所以就叫嚟解下癮，入面仲有隻蛋🍳

口痕突然想食韓式炸雞，見附近有李家，灣仔店冇食過就試下啦～ 一入到去有種家庭式經營的韓國餐廳感覺，兩部電視都播住kpop, 好韓國feel🥳✅蜂蜜炸雞拼盤($198)一拎起個menu見到第一頁有炸雞拼盤，決定試下，一盤有齊雞中翼，雞槌，雞下髀。味道好唔錯! 好香嘅蜂蜜味，醬汁都好足夠👍🏻我最鍾意食佢嘅雞槌，炸得好香口同最多雞肉😍✅芝士雞蛋卷($128)呢一份比我想像中大喔～一切落去果下出煙熱辣辣，芝士味重，食食下都幾飽肚😎✅海鮮蔥餅($168)海鮮葱餅都幾多葱，整得好香，入面會有蝦，魷魚等等，配埋醬汁台咸地幾好食👍🏻我地2個人食呢3樣已經飽哂，下次會想試下呢度嘅豆腐泡菜湯😋

呢間韓式炸雞店我同同事已經嗌過好多次外賣，炸雞同泡菜湯都係一絕😍今次終於去到鋪頭食新鮮炸起既炸雞我地嗌左⭐蜂蜜炸雞拼盤黎得韓式炸雞店點可以唔食炸雞，今次嗌的蜂蜜炸雞拼盤，一盤有十幾隻雞槌+雞中翼同埋兩個大雞髀，食肉食到好滿足😍😍😍炸雞外面薄薄一層脆皮，裹滿蜂蜜醬汁，講真又唔會漏，我一個人食左八舊⭐泡菜豆腐湯黎到李家除左炸雞我真係要推薦你地order呢個泡菜湯，泡菜味之濃郁，真係好令人驚艷，連我平時唔食唔多喜歡泡菜味道的朋友都話好飲，又濃又酸又熱，必點⭐海鮮蔥餅海鮮蔥餅又幾有驚喜。又係新鮮煎起既餅，蔥香同魷魚絲，蝦仁海鮮味混合得好好，配湯一流總之真係強烈推薦

一到weekend 就忍唔住要同朋友搵好嘢食，今次就揀咗食韓式炸雞！未食都已經好興奮極期待😆餐廳雖然話係灣仔，但好近鵝頸橋，銅鑼灣站出行一陣就到。餐廳的電視不斷咁播住k pop mv ，搞到好似去咗韓國咁，我同朋友一面睇電視一面食炸雞好爽呀😆蜂蜜炸雞拼盤 $198全部都係雞翼同雞膇，係我最鍾意食的部位🤤炸雞外層炸得好酥脆，雞肉唔柴唔韌，好juicy，完全唔油膩。味道食到有蜜糖味，仲食到甜醬油味，兩者配搭得好正，好惹味。炸雞有配埋椰菜絲同醃蘿蔔，椰菜絲配千島醬都幾fresh，醃蘿蔔酸酸哋都幾開胃。印第安雞沙律 $168睇menu以為係雞肉生菜沙律，但原來墊底的係大量水果，有好多蘋果同奇異果，好有驚喜，連提子乾都好好食。雞肉粒外層好香脆，亦好juicy，沙律的sauce 係蜜糖芥末醬，配埋生菜同水果，成個沙律的味道都幾豐富。檸檬無糖有汽水 & 蘆薈樂 各$18檸檬無糖有汽水真係好有檸檬味，但又唔會勁酸，都幾fresh。蘆薈樂都幾甜，裡面有好多蘆薈粒粒，好有口感。食物的份量都幾大份，我哋兩個女仔到最後都係食唔晒，所以問職員要咗個外賣盒諗住唔好浪費帶走。好欣賞佢個外賣盒有層錫紙跟埋，咁就可以k