麻辣派對 (Closed)

銅鑼灣真係選擇太多，對我依d有選擇困難症既人真係身處在一片混亂之中⋯⋯今晚就試下依間麻辣派對，我係一個唔係好食得辣嘅人，所以小辣對我來講已經係極限，3個人點咗4樣野，生腸、咕嚕肉、四季豆&雞煲生腸係非常之好食嘅，唔算好辣，非常之爽口，雖然依d內臟食物一定經過加工，但學蔡瀾話齋間唔中食下帽事嘅咕嚕肉係我至愛，亦都係我試一間新餐廳嘅指定菜式（如有的話）往往睇吓佢咕嚕肉好唔好食黎做指標，佢嘅咕嚕肉算係唔錯，用咗酸薑炒，我覺得加埋菠蘿會更好四季豆小小小辣啱哂我，炒得唔太油，好食雞煲算係今餐既主菜，叫咗小辣，但係因為有火滾住既關係，越食越辣，最後我係辣到個頭都痕⋯⋯依個時候女經理比咗3杯桂花糕我地解辣，食咗又真係解到喎

之前同男友去完大陸，食完探魚後話幾正想再食，我話其實香港都有架，就搵左呢間麻辣派對佢試一入到去個格局都幾似探魚，暗暗地幾好FEEL，同埋入到去陣麻辣味已經搞到流哂口水，即刻坐低叫野食。我地叫左個二人餐，有一個小食一個小菜一個主菜兩杯野飲加甜品，幾抵。小食我地叫左口水雞，麻麻地唔算好辣，啲雞好滑身爽口，身量都多，一人搞到五六舊，平時食口水雞得好少今次可以狂食！小菜就叫左個干扁四季豆，炒得好乾身，四季豆爽口清甜，食完口水雞岩哂，中和返。到主菜啦，成日聽人講酸菜魚好食，今次到我地試下，果然OK！酸菜湯更加突出到魚既鮮甜，同埋佢地個魚叫黑魚，肉質又滑又彈牙，份量都好多，我地幾乎食唔哂，真係好爽係咁食。野飲就一人一大杯水果茶，清清地飲完都無乜罪惡感。最後就食埋甜品桂花冰粉，侍應話食黎解辣喎，都真係幾WORK呢間味道好份量多又唔算好貴，一定會再黎食下其他！

同同事滿心期待緊搵到呢間辣嘢食諗住好開心啦，入到去陰暗嘅環境影令到我哋一啲期待嘅感覺都唔再有。門口呢句野⋯⋯well.....叫咗個酸菜魚水煮魚，酸菜魚真係令我哋大吃一驚，酸菜冇酸菜味，完全唔知佢用啲咩色素化學劑去令到啲魚都可以變到螢光綠色咁；再黎個水煮魚成層油係面，人哋啲水煮魚啖啖肉，佢就用一啲魚粹咁嘅嘢，完全搵唔到一個完整嘅魚肉，其實70幾蚊一個set真係會飽咩？豆所謂全餐最好食嘅係個口水雞，點解好食係因為佢個汁有甜味，而唔係得個油字，雖然啲雞其實又硬又多骨，而且份量根本冇可能食得飽一個人，不過算啦⋯⋯成餐飯最過分係個辣子雞，成兜都係辣椒，啲雞炸好似雞皮乾咁，究竟我食緊咩呢？啲肉呢？仲有呢個甜品：冰粉，我真係好想知佢個製作方法，點解可以將啲冰粉搞到唔水又唔凝結咁，其實出邊食嗰啲冰粉都係啫喱狀咁啦，但係佢呢度係好似未雪凍咁樣嘅狀態，食咗啖真係⋯⋯感覺唔良好。

麻辣派對上次同朋友去咗銅鑼灣間麻辣派對度食四川野😛😛😛 之前已經有係open rice個排行榜度見過呢間四川野 睇相都幾吸引 就約朋友去試一試一去到俾佢個環境嚇親 同我想像中嘅四川餐廳一啲都唔同 唔講以為去咗西餐廳 果度環境好暗 好有情調 好浪漫咁 哈哈😂坐低咗我地就睇下餐牌 都好多選擇 例如係有涼菜 小炒 香鍋 仲有米線 佢啲香鍋都幾大搵 我哋仲見到隔離枱個女仔自己一個食一大兜 真係好犀利😂😂😂最後我地叫咗個水煮魚加埋個水晶粉 魚我哋就揀咗剝皮魚 一嚟到就覺得好香啦！超大 仲擔心兩個人食唔食得晒 點知越食越滋味 覺得唔夠食添😛仲有啲 芽菜 酸菜 豆卜 啊 等等嘅配料 覺得唔夠嘅可以再追加其他配料 都好多選擇㗎 例如係肉類牛肉羊肉雞肉等等 蔬菜啊 娃娃菜 土豆 各種嘅菇類呀都有😍另外我哋仲叫咗個四季豆 都炒得好香 好入味 份量都係啱啱好👍🏻 兩個人食其實都真係好夠😋 四季豆係食川菜必叫㗎 又平又好食 亦都可以顯示到呢間川菜餐廳嘅功力 麻辣派對嘅四季豆就炒得唔錯 嘅不過又未話好好食 都好夠淋 我最怕啲食個啲好爾後好似未熟咁 真係諗起都唔開胃最後餐廳仲有個個小甜品送😃 係桂花糕啊 仲好靚咁

店舖位於銅鑼灣渣甸中心，位於地鐵站附近，地點算是非常方便。但來過渣甸中心的朋友都應該知道，在晚飯時段，是有10分多食客到這裏的餐廳吃飯，所以樓下的升降機要排隊。一般而言在繁忙時間，估計排10到20分鐘。餐廳一般需要預約，以免要摸門釘。我們一行四人在收工後前往用餐，這已是我們第三次來這家餐廳。餐廳以四川菜為主打，辣度可自行選擇大中小。暴推介的就是銅盤金椒脆魚，首先辣味非常有層次，而且魚肉選用脆肉鯇。口感非常有層次。

已經係到食左n次, 特別推薦e道 ge 辣子雞, 水煮肥牛, 酸辣薯粉, 真係又香又辣, 次次愈食愈開胃！2個人, 可以食2-3個tea set, 再加個大水煮牛！ d配料慳多, 辣椒多到爆, 所以d香辣滲唒入d雞同牛到！

朋友生日吃飯，在渣甸中心間麻辣派對。我第一去：餐廳不算太大，樓層不高，天氣熱有點焗。但是，坐低，幾道菜上來，感覺蠻好！菜式不錯，改良的川菜，不算太辣，味道不錯！我想說的是，品嚐了幾道經典菜式，能感覺得到老闆是一個細膩用心的人！食物選材講究，製作用心，能吃得出來⋯⋯味道雖給不了驚喜，可是真的不錯！我就推介水煮辣魚 ，魚夠嫩，黑蒜螺頭雞湯健康好飲✌️干煎大蝦，蠻新鮮香辣。 麻辣派對這樣新派川菜搭廣東靚湯真的蠻好！健康又美味！吃得舒服！服務好！

心血來潮好想食麻辣派對，另一半又唔方便出街，於是我去買外賣。我唔知呢間同金百利店係咪唔同，上到去個餐牌都唔同，呢間冇干鍋嘅🤔咁我就叫左其他嘢，見到有酸菜牛肉，即叫，另外一個辣子雞。通常餐廳都係酸菜魚，好少有酸菜牛，因為另一半唔食魚，所以叫牛，牛肉都幾多，不過浸得耐都有啲老。主角酸菜好夠酸，成兜湯又夠辣，好開胃呀😆香口嘅辣子雞冇酸菜牛咁辣，又係好好送飯嘅，雞件唔算好多嘅。外賣味道質素都咁好，堂食應該都試得過。兩人埋單130，外賣有九折呢。

原來麻辣派對除了金百利, 渣甸坊廣場都開了分店，雖然都在銅鑼灣，但貪新鮮的我選擇了到新店跟朋友晚餐，麻辣一番。比較一下環境同樣暗光，很有情調金百利容納人數比較多，多人等候兩者餐牌及餸菜也不同，渣甸坊較似私房菜 銅盤金椒脆魚鍋 HKD 298 這尾魚切成小塊但只有小糧骨，魚肉嫩，慢慢用火爐煮，保持其熱度。招牌鮮椒爽脆生腸 HKD 78 辣度可自由選擇，腸內也清潔得很乾淨，而咬下去生腸真的是爽爽脆脆的。 燒椒皮蛋 HKD 48 這道湖南名菜燒椒皮蛋，外層精瑩通透，有咬口有紅豆沙送哦～

之前到此間餐廳仍念念不忘，今天跟朋友再到此盡訢心中情。令我回味的地方就是銅鑼渣甸中心的- 麻辣派對了。 這個地方最適合朋友聚會，不論餐廳位置優越，座位又寬敞，即使有BB也有梳化位提供。到門口時寫著經honeybees 落單 堂食指定餐點即享七折優惠，既方便又有折！ 意大利花枝世界葡萄汽酒 HKD 268 我們先開支葡萄汽酒過過隱 ，味道很清也易入口，酒也夠凍。這裡有私房菜也有火鍋可供選擇，很多元化呢。乾煸四季豆 HKD 78 即使是小辣但仍然可接受，油不是太多，口感脆脆也沒有渣銅盤金椒脆魚鍋 HKD 298 上菜時己熟，爐用以加熱。最後送上桂花冰粉，清涼消膩。紅豆沙亦不錯。

今日返工不太如意，唯有開派對來要化悲憤！今天到銅鑼灣的渣甸坊的《麻辣派對》慶祝一下！ 在門口經己感受到其威力，原來很多藝人光顧。另外也有句 「好食是必須的」很欣賞其執著。 正棕重慶麻辣雞煲 HKD 168 有洋蔥、辣椒、蒜頭、醬汁炒起來，又香又惹味。雞皮己去，每一舊都切得均勻，易咀嚼。 咬下去雞肉仍很嫩，而且沒有雪味。老坦泡椒鳳瓜 HKD 48 驚喜的這店提供！是夏天必食送酒小食之選。肉爽微辣，很好味。 燒椒皮蛋 HKD 48 很突別，平常見的皮蛋黃都呈現墨綠色，而這道菜跟一搬蛋一樣 是金黃色的。味道小許辣，外層富有陣性。招牌鮮椒爽脆生腸 HKD 78 平常都是街邊製作，原來加了鮮椒更為美味，生腸粗壯，口感爽脆，而且腸內也清潔得很乾淨。

今日去左銅鑼灣食飯，男朋友喜歡吃辣的，所以特登上網搵左間餐廳食川菜。「麻辣派對」，男朋友知道之後好興奮。正宗川菜口味，辣得麻香過癮。蒜泥白肉，滿滿蒜泥蒜香極重極是滋味，白肉爽嫩入味，配搭蒜泥非常重口味。之後叫左幾個主菜試下，金椒脆魚鍋，賣相極是吸引，脆魚香脆帶濃郁麻辣香，辣度適中，男朋友最鐘意。脆香唔油膩炸得極是入味。火爆乾鍋肥腸，依個最霸氣，肥腸入口極是爽口肥美，大量辣椒非常驚人，辣度極是香濃，陣陣香味令人驚喜。手撕包菜，叫左一個蔬菜，香甜蔬菜非常乾身入味。男朋友要就我口味，全部叫左小辣。

朋友好有興致約了我們幾個去銅鑼灣食川菜, 她說之前食過好好味，所以帶我們去食，來到渣甸街的一間樓上鋪, 一入鋪頭就聞到好香麻辣味, 頓時感覺胃口大開, 好想食嘢. 睇完餐牌，大家一致決定叫了幾味川菜, 其中有一個是餐廳推介的金盤脆魚鍋, 上枱的魚鍋真的是用個大金盤裝住的, 好大的份量, 底下用爐火㷫住，金盤內面頭嗰層見到有大量的蔥花, 姜碎，蒜頭，切碎的鮮青椒等等, 而且聞到濃郁的香辣味, 我們用個勺撈均個煲，見到裡面浸住好多一舊舊魚肉, 仲有薯粉, 牙菜, 海帶絲，豬紅，云耳及秀珍菇，勁多材料在湯裡面, 唔怪得要用大盤裝住。一陣間功夫，這脆魚鍋開始滾起，個個都急不可待去㚒魚肉食，D魚肉片好爽脆，難怪呢道菜式叫脆魚煲，原來是脆肉鯇，由於魚肉是切片的，爽脆得來卻無乜魚骨，証明這廚房的刀工都好了得，將這脆肉鯇片處理得相當好！啖啖肉得來又無乜骨👍，因為我們叫的是少辣，所以真的是小小辣，但卻是好惹味! 仲有浸在湯裏的豬紅，索晒魚的鮮，湯的辣，其他配料的香，這豬紅都是超好食！唔怪得這道菜是餐廳推介，真的好好食，無論是脆魚片抑或是裡面的配料味道都非常夾，好味！仲有另外一道菜式，叫火爆干鍋肥腸煲，超

今天相約舊朋友聚聚，吃辣之人當然要火辣辣一番，於是到銅鑼灣F出口再步行2分鐘的《麻辣派對 - 渣甸廣場分店》。 位於熱鬧地區，很方便 服務貼心 - 會自動自覺的幫客人換碟 正棕重慶麻辣雞煲 HKD 168 大量辣椒，蒜頭、洋蔥爆香再加雞炒起。 非常惹味。雞肉切成小口容易食，炒後乾身但仍保持著其乾煸四季豆 HKD 78有辣度可選擇，而我們吃小辣。四季豆很爽，也沒有變黑且小油整體都不錯，是個好聚腳點。食物質素穩定，是梳化座且枱與相隔遠。最後還送上啫哩狀的桂花 （主要解辣）及 紅豆沙

今天天氣不太好，母親大人還是如期去老銅買手袋，老人家念舊，要求清涼天氣來點辣。辣度有四個lvl🌶全部要了中辣，發現都幾辣，下次叫小辣好了🤣老成都蒜泥白肉58一片又一片白肉，厚薄均勻，晶凝通透包著蒜吃真惹味，蒜不刺鼻，卻給舌頭沾上刺激。口水雞88例雞肉不會跟辣味嚴重分離，兩者帶麻而相得益彰，雞比較瘦。干扁四季豆78自己去吃飯比較少有會叫個菜，這豆炒得入味，肉碎不過咸，做得不太油。金山黑蒜螺頭燉竹絲雞湯68很少湯水的我，也首次要了老火湯，入面落足料，黑蒜夠特別，湯清不膩，感覺女生要多喝，日子有功，皮膚會更好。薑茶水中花28花手功時間去切豆腐成花不容易，切功令人觀看亦賞心樂事，薑味不嗆，清香甜美。食後感：食物多選擇，價錢又好合理，一定有下次。