睿私房菜

Open Now

Now Closed

6-11-2023 (Mon) 老公細妹新婚後第一日,佢哋設晚宴請家人食,妹夫book咗呢間14位,要咗轉角嘅房,有啲海景同馬場景,菜色已經預訂,人齊就可以開餐.1. 酒香鮑魚擺咗乾冰,營造仙氣效果,爽彈嘅鮑魚係凍嘅,亦有淡淡酒香,唔錯.味道:5分2. 椒鹽淮山炸漿炸得脆, 椒鹽味唔重手,近乎食唔到,淮山仍juicy.味道:4分4. 冰鎮咕嚕肉端上嚟時,侍應話要即食喇,唔係啲冰溶咗咕嚕肉就索咗啲水會變腍.呢個酸甜度好啱我口味,外脆內裡juicy,OK 嘅.味道:5分5. 上湯鍋巴大蝦球鍋巴脆,味道亦唔錯;蝦球都爽口,加翻唔太濃味嘅上湯幾好味.不過老公話佢食到隻蝦有鯹味.味道:4分7.  秘製醬汁炒安格斯一口牛牛肉好鬆軟,牛味亦有,呢個幾好食,我都encore食多舊.味道:5分3. 懷舊胡椒豬肚包雞湯欣賞完個豬肚,侍應就將佢剪開,不過有啲剪得好大舊, 豬肚夠腍,但都仍然有啲咬唔開;湯嘅胡椒幾重,我只飲一碗唔添喇.味道:4.5分6. 八寶煎釀鯪魚呢個食到陳皮味,好彩未好到好濃味,鯪魚肉味道同口感都正常嘅.味道:3分8. 中華國宴雞原來只有雞皮係雞,其他係蝦膠同墨魚肉,口感正常,連埋脆雞皮食

試過呢間餐廳幾次，一向覺得佢嘅質素唔錯。有朋自遠方來，book咗間VIP房同幾個朋友一齊諗住食餐好嘢。但結果覺得今次嘅用膳體驗及食物性價比差咗。冰鎮鮑魚- 有質素，鮑魚味濃郁椒鹽淮山 - ok 的，炸粉可以薄啲脆片紫薯北海道帶子 - 覺得唔係太襯，紫薯完全掩蓋咗帶子嘅味道。上湯鍋巴蝦球 - 比較一般，鍋巴唔係太襯蝦球燒汁炒鱔球 - 味道比較差，鱔球有泥味XO 醬爆炒豬頸肉- 味道OK藥膳胡椒豬肚湯 - 略嫌胡椒味過濃，掩蓋左藥膳嘅味道。黃金芝麻雞 - 這道菜式算是美味上湯豆苗 - 上湯味道有點怪臘味糯米飯 - 美味的

朋友介紹呢間私房菜嘅湯包，就買左包睿土茯苓牛大力燉豬骨瘦肉湯黎試。第一次飲湯包，入面嘅料會有咁多。一飲就飲得出係煲左好耐嘅老火湯，一個湯包湯連料岩岩好一個大湯碗嘅份量。簡單加熱，只需要10分鐘就有靚湯飲，岩哂一班唔得閒煲湯嘅打工仔😆拍得住媽媽煲嘅養生靚湯，清熱去濕。除左買左湯包試之外，仲買左一包沙薑陳醋豬生黎食。豬生可以涷野或者熱食，我選擇左涷食。豬手口感非常爽口，亦都非常入味，岩哂黎餸飯食，值得推介。👍🏻

返工忙無時間煮野食，又唔識煲湯，要搵啲方法幫下自己，試下即食包、湯料包幫下自己⭐️睿姬松茸花膠燉竹絲雞湯湯包介紹話6小時精心燉煮，可以滋陰補腎、清理肝熱，岩曬都市人。湯包材料好足，有竹絲雞肉、雞腳、花膠等等。好濃郁雞湯味，但已經隔了油，超級好👍🏻👍🏻雞肉又好嫩滑。拎返公司lunch time 整熱飲都得，好方便😍⭐️鮑汁花菇鵝掌材料有一對大大隻鵝掌及兩個大大個花菇，本身已經煮得好入味。鵝掌嘅口感柔軟，花菇又好淋。只要加個叮叮飯，或者煮個麵一齊食，已經好正😋😋

見 openrice 評語不錯，所以約了幾位朋友，試試睿私房菜。味道、材料確是不錯，不過份量實在是少得驚人，可以說是每人一、兩口份量，明白花膠、鮑魚、海參是貴價食材，但連菜、也只是每人兩條，炒飯、甜品滴漏布甸，也是一小碗，我們一行四位女士，全部都吃不飽，埋單每人$800，卻要下樓後，即時再找其他食肆再吃一點東西。

觀塘區真係好多美食，堂食又有外賣又有。疫情底下多左好多高質即熱包(姐係整熱就食得果 D)，即熱包好適合成日招呼朋友又懶得煮GE 我。🥳🥳講真，以前對即熱材料包印像好一般，但依家多左好多高質選擇。今次這間店的梅子骨得到我媽子的認同，講左幾次好味。🤩我媽一向好中式食物，但好少讚。哩包野份量好多，四個人食都夠，用黎加餸揀直一流啦!!甜酸度剛剛好，肉質都好唔錯，仲有軟骨位。啖啖肉，一家人食得好開心。😍😍😍😍#觀塘區美食 #睿私房菜

睿私房菜👨🏻‍🍳🥢前兩個禮拜又打風又黑雨，好彩之前買定咗好多嘢食喺屋企姐！唔使水浸都要落街買🥹其中之前買定嘅睿私房菜餸菜包同埋燉湯真係值得一讚！👍🏻👍🏻全部都係香港製造、冇防腐劑、加熱即食，求其煮個飯整返熱就可以食到超好食嘅住家菜！正呀！😍😍睿惹味柱侯牛筋腩 🐮$78呢一個柱侯牛筋腩，倒出嚟超級大份，兩個人食都綽綽有餘🈵🈵材料有牛筋、牛腩、紅蘿蔔、柱侯醬、冰糖、生抽蠔油、老抽、香葉、八角、桂皮等等，味道非常濃郁，你一陣牛腩牛筋都非常入味！個汁仲非常好餸飯添🥰🥰睿姬松茸花膠燉竹絲雞湯 🥣$88一打開就聞到好香，足足有兩大舊花膠，仲要係平時阿媽煲湯嗰隻質地嘅花膠，唔係平嘢嚟㗎！真正真材實料，滿滿膠原蛋白！✨✨材料有姬松茸、淮山、竹絲雞、花膠、雞腳、火腿、瘦肉、薑汁、瑤柱、花雕酒、鹽、冰糖等等，一睇就知真係好野啦！呢隻湯包真係啱晒我呢啲夜收工嘅人，放工都可以飲到靚湯！😋😋我要大手購入啦！

最近去左一間超出色既私房菜🥰好值得推介比大家🤣🙌🏻呢到環境開揚舒服 坐擁頂樓兩層 落地玻璃望正馬場景🐴店鋪系由星級主廚打造既新派粵菜👍🏻將創新意念融入傳統粵菜 更可以為客人自訂菜單 處處充滿驚喜👍🏻餐廳坐無虛席 大時大節亦火爆 想試既話記得提早預約‼️▫️酒香鮑魚花雕酒入口濃郁 鮑魚大隻又煮得夠腍身 鮮嫩彈牙▫️睿手工蓮藕餅藕餅煎得很香口 外層乾身脆口唔油膩 加入勁多蓮藕粒 仲有啲豬肉碎煎香 惹味小食～▫️上湯鍋巴蝦球配埋上湯芡汁 口感清新唔油膩 鍋巴好脆 蝦肉爽口彈牙▫️碧綠羊肚茸炒北海道帶子上枱已經覺得碧綠又吸引 羊肚菌好爽口 帶子爽口鮮甜 炒得好香 仲加左紅、黃椒、蔥段、洋蔥粒、蜜糖豆一齊炒香 格外惹味👍🏻▫️金錢蟹盒店員介紹呢款系70-80年代好多中菜廳都有既炸物小食 香港地真系買少見少🤣👍🏻外皮炸到好酥脆 熱辣辣 食落鬆化唔會好油膩 内餡有蟹肉絲、蟹膏、冬菇、馬蹄、松子仁，、芫荽、洋蔥、紅蘿蔔粒 囗感好豐富 大人小朋友都一定鐘意🥰▫️黃花魚蓉羮湯羹除左黃花魚肉 仲有粉絲，萵筍絲，薑絲，木耳絲 口感好滑溜 魚味好濃郁 一啲都唔腥 仲帶點微鹹香 個人最鐘意呢款😍▫️燒腩仔炒飯炒飯炒炒得乾身香口

呢間餐廳喺高層有落地嘅玻璃.景觀非常之優美.服務員態度非常之好.水滾茶靚.茶水充足.菜式非常之特別.有創意.特別鍾意食嘅係冰鎮咕嚕肉.色香味俱全。仲有碟炒飯都炒得好好一粒一粒乾身唔會黐埋又唔會硬·

年輕人通常都鍾意食cafe、西餐，因為通常擺盤比較靚，適合打卡。今次介紹嘅睿私房菜就顛覆我對粵菜嘅刻板印象。除咗擺盤好靚之外，最重要每一道都係手工菜，廚師要花費好多時間嘅準備功夫，唔係度度都食到。酒香鮑魚 用左4隻唔同顏色嘅湯匙，打卡感十足。鮑魚凍凍地又有酒香，夏天食就啱哂。脆皮紫薯帶子用左乾冰製造煙霧離漫嘅感覺，外層和饅頭一樣，中間係綿密嘅紫薯，最內層就係一隻大字，依個組合係中菜第一次見。冰鎮咕嚕肉平時食開多數都係熱炒，冰鎮感覺好新穎。咕嚕肉外層有啲冰凍，內層係皮又熱辣辣地，味道又酸酸地好開胃。玉環銀絲蒸蝦球節瓜入面加入粉絲和蝦球，粉絲吸收晒節瓜和醬油味道，味道。蟹肉石榴球香港70、80年代嘅菜式。外型似足白色嘅小籠包，包皮係用蛋白手工整出嚟。內餡係滿滿嘅雪白蟹肉和蟹汁，充滿鮮甜味。中華國宴鴿又一道好考功夫嘅手工菜，首先要起哂乳鴿皮和鴿肉出嚟，然後同蝦膠一齊油炸。鴿皮香脆，鴿肉嘅油份又滲哂蝦膠度，最重要完全冇骨，真係唔係度度有得食。櫻花蝦黑豚肉炒飯好夠鑊氣嘅炒飯，同埋蛋粒均勻分怖係飯粒之間，又有櫻花蝦帶番啲咸香出嚟，黑豚肉又有油香，非常豐富。最後食埋個睿招牌布甸，其實係白芝麻

୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧點解啲私房菜喺香港真係越來越少，除咗生意難做競爭又大，咁可能係香港人心目中都係一樣比較少接觸嘅嘢，好似我成日去食唔同餐廳但係私房菜都係食得比較少，依間餐廳算係較為人知嘅私房菜之一係香港，食到好幾樣菜式都比較特別同埋創新。聽到餐廳介紹有幾道菜喺香港應該都唔一定會再食到！點解咁巴閉😎咁即係要睇埋落去啦！酒香鮑魚 用顏色繽紛嘅匙羹每一隻都放上一隻鮑魚，凍食酒味濃郁，口感軟糯脆皮紫薯帶子又係一個打卡之選，其實原本淨係睇個樣可能唔知佢係咩嚟㗎，因為呢佢係一個圓形嘅波入邊包住紫薯蓉在中間有帶子，冇諗過呢個配搭都幾好冰鎮咕嚕肉招牌菜之一，原來冰鎮咕嚕肉令到佢嘅愛皮比較脆同凍，打卡之餘有感覺到幾新鮮玉環銀絲蒸蝦球鮮味十足嘅蝦球加上節瓜既甜味，我屋企人都幾鍾意，啱晒大人細路仔蟹肉石榴球原來係一個夠香港80年代嘅菜式，見到個外型係一個白色嘅球型，其實外皮係用蛋白造成，整個形狀係一個錦囊寓意袋袋平安，比較考功夫，切開後入邊流出豐富嘅蟹肉蟹肉！第一次食感到新奇又有小驚喜！中華國宴鴿另一道好特別的菜式，要花好多時間，可能睇相就睇唔到出嚟，原來佢係拆出一隻

食中菜除咗去酒樓或者打冷之外，想食得特別啲，私房菜往往都幾有驚喜今次去銅鑼灣樓上嘅中菜館，可以飽覽山景夜景送飯頭盤菜係酒香鮑魚，一上檯仙氣瀰漫，乾冰飄出嘅氣體縈繞住鮑魚。鮑魚非常彈牙，酒味醃到入晒味下一味係脆皮紫薯北海道帶子，同樣係圍繞住煙紗，當你以為佢係咕嚕肉一切開就見到紫薯蓉包住好大粒帶子，唔會散颼颼，兩者相近彈牙跟住嘅鮑汁花菇扣鵝掌，花菇都已經熬到入肉，切起嚟菇肉軟滑，鵝掌更勝一籌，軟腍到𦧲骨唔使用力，鮑味同骨膠感融為一體接下來金蠔花枝球，為大胃食金蠔帶嚟嶄新體驗，外面脆卜卜，中層花板肉好彈牙內餡係非常足料嘅金蠔，唔會太鹹但有蠔香呢個玉環銀絲蒸蝦球，有咁大個勝瓜托底，食完唔會變楊貴妃嘅，銀絲冚蝦球，果然係有寶，多重口感同時味道又夾碧綠香煎鰻魚卷呢，冇諗過鰻魚可以咁食，用好大塊鰻魚包住魚肉煎，竟可二合為一，外脆內彈真係好正到澱粉落肚，櫻花蝦黑豚肉炒飯展現到廚師功力，炒到粒粒乾身唔油膩，蝦香肉香炒到淋漓盡致，啖啖極具鑊氣甜品係花膠蛋白杏仁茶，杏仁茶似係自家磨製，非常滑口但又唔會好甜裡面仲有兩大嚿花膠，好腍好補

個個都係大忙人，但幾忙都要食飯嘅。今次開心慶祝升職飯，我又大飽口福了。朋友選了銅鑼灣呢間《睿私房菜》，訂了六人晚市尊貴套餐，每道菜式都好有驚喜！另外加了《酒香鮑魚》，一匙一隻，酒香夠晒入味都唔錯。兩款前菜好吸引，豬耳偏辣夠惹味，冷盤豬手好爽脆！好鍾意胡椒豬肚湯，越飲越辣，越辣又越想飲，靚女朋友熱到即時除外套，絕對係充滿魔性的一道湯！仲有創意無限的《冰鎮咕嚕遼參》，裏面竟然係遼參。可惜每人只得一嚿，若然多多一嚿就更完美😌再來一個《中華國宴鴿》，利用簡單複雜法，將一隻小乳鴿變成一隻大乳鴿。將蝦膠和鴿肉混合之後，再將乳鴿皮風乾五至六個鐘，然後砌返隻乳鴿形狀。味道唔錯，創意十足！最後不得不提《海鮮大良炒鮮奶》，介乎炒鮮奶和蘿蔔糕之間，加上又放了臘味粒，鹹甜曖昧，口感漿糊，大家真係唔太識欣賞，唯有將啲蝦食晒就算了，係唯一一道需要繼續改良嘅菜式。其餘菜式都各有水準。牛尾烹製夠入味，但冇乜大驚喜。最後食埋個甜品都已經好飽了。不經不覺已經三個幾鐘，偈係永遠傾唔完嘅！期待下次又再繼續😊

呢間粵式私房菜館以經典黑白嘅現代風格設計🖤🤍一大片嘅玻璃窗仲可以睇到馬場添🪟由星級主廚潘錫祥打造一系列新派粵菜‍ 將創新意念融合傳統粵菜 重新詮釋傳統中菜文化👨🏻‍🍳真係視覺味覺同享受😎.〰️行政商務套餐 原價$888/1 特價$688/1 兩位起.📌鐵觀音佢同平時中式茶樓唔同 呢度係用咗茶包 唔會飲飲吓又茶葉碎 茶底苦澀回甘味濃🍵.📌酒香鮑魚 鮑魚好厚肉 鮮嫩爽口彈牙 花雕酒味好濃 但冇蓋過鮑魚本身嘅鮮甜味🦪.📌睿手工蓮藕餅 外皮炸得好乾身脆口 唔油膩 好足料 加入勁多蓮藕粒 仲有啲豬肉碎 多咗份肉香同爽彈口感🐷.📌上湯鍋巴蝦球 拌碟似係燉蝦上湯打出嚟嘅芡汁 比湯汁杰身少少 味道有啲似龍蝦伊麵上湯 鍋巴好脆 甜甜地 蝦肉幾爽口 再配上上湯 鮮味更濃🦐.📌碧綠羊肚茸炒北海道帶子 羊肚菌好爽口 仲加左紅,黃椒, 蔥段, 洋蔥粒, 蜜糖豆一齊炒香🫑🧅🫛帶子幾大粒 但過熟有啲韌 同埋鹹左少少🤏🏻.📌金錢蟹盒蟹盒外層炸得好鬆化 甜甜地 有啲似牛脷酥嘅味🤣內餡有蟹肉絲, 蟹膏, 冬菇, 馬蹄, 松子仁, 芫荽, 洋蔥, 紅蘿蔔粒 口感幾豐富 但蟹絲蟹膏份量較少 所以鮮味唔濃 整體有少少油膩🦀️.📌黃

蕃薯uncle約咗幾隻麻雀腳去銅鑼灣「睿私房菜」飲茶，叫細佬幫忙訂位，嘻嘻，好人獲得嘅酬勞係免費午餐！位於二十八樓嘅中菜廳佔用面積全層，一邊對住跑馬地馬場，絕對有景睇。光鮮企理嘅用餐大堂並無花巧之裝潢，餐桌與餐桌之間有足夠嘅活動空間。每位席上都有齊備嘅自用及公用餐具，十分衛生。午市點心款式唔算特別多。大路嘅蝦餃同燒賣每籠正常有四隻，經理哥哥好好人，特別安排夠五隻俾五口子一人一隻，極俱變通能力，長輩都非常感激。冰鎮咕嚕肉（$188）：由於細佬最後一個到，所以唔知咕嚕肉嘅份量有幾多。咕嚕肉皮層冰脆，肉質尚算鬆爽。鮮蝦蝦餃（$85/五隻）：蝦餃層餃皮厚得黎好黏，雖然個餡都好鮮嫩，敗筆在於食落黐住哂啲牙仔。特色燒賣皇（$75/五隻）：燒賣就偏實咗少少，唔係好夠油潤，莫非特色在冇落肥豬肉？！香脆咸水角（$58/三隻）：咸水角外脆內煙韌，味道都唔差。香煎手工蘿蔔糕（$68）：蘿蔔糕個賣相有啲爛溶溶，辣味多過蘿蔔味，不過起碼食落唔硬唔實嘅。XO醬炒腸粉（$118）：腸粉軟潤滑溜，auntie們只係略嫌XO醬份量唔夠多，未為最惹味。生炒臘味糯米飯（$168）：上枱先發現糯米飯用咗花生炒製，小肥因敏感問