Video
Opening Hours
Today
11:30 - 20:30
Mon - Sun
11:30 - 20:30
Above information is for reference only. Please check details with the restaurant.
天文台預測今日係日照最長同最熱的一天，為咗唔想喺街邊熱死，午餐決定外賣自取❣️#出差食好嘢系列 呢排又來到美食天堂灣仔啦，朝早番工時留意到QRE plaza有間韓國餐廳，喺專門食韓式炸雞㗎，價錢仲要超抵食添😚平時啲炸雞店多數一舊水起跳，一個人獨自真係好唔化算🥹，好彩呢度有間獨自食都超抵食嘅鋪頭😍「韓式炸雞是韓國人的國民級美食，Chimac將經典甜辣、洋蔥芝士、蜂蜜焦糖及蔥蒜醬油等呈現給食客。炸雞與啤酒的搭配亦深受食客喜愛，Chimac就將這個韓國文化完整帶來香港。」CHIMAC真係唔講得笑🤭抵食到喊出嚟😭，小妹與同事每人各點了一份有骨炸雞套餐，價錢方面係$66，套餐附有骨炸雞5件、一份薯條、一小盒酸蘿蔔及一罐飲品，我地揀咗《經典甜辣口味》 & 《蜂蜜焦糖口味》，炸雞外皮脆卜卜，雞肉亦好juicy ，兩款口味都好好食🤤，餐附薯條🍟同事話比麥當勞更加好食😋，少少嘅酸蘿蔔解膩剛剛好，再飲番啖冰凍的忌廉鮮奶，一個字「爽」呀🤩🤩小妹兩人比較「為食」，額外+$10試埋溏心蛋紫菜飯🤣食完飽到上心口😂😂😂；CHIMAC除咗有骨炸雞，仲有提供無骨炸雞、飯麵粉絲、連豬手都有得落單添，下次再叫外賣拎番屋企同家人分享先🥰🥰
continue reading
<網上外賣平台半價系列>自從美團喺香港插旗之後，外賣平台就好似不停有優惠😏，早排有買滿$100-$50，而家就買滿$100就半價😍，真係好難忍口唔乘機食餐飽😋。雖然只係指定餐廳有優惠，不過都有唔少好嘢食。之前$100-$50時食過一次Chimac，今日encore同細細做下午茶。6件炸雞🍗連🍟餐，+錢轉蜂蜜焦糖味，再加紫菜飯同🥤就過$100，半價後只係$52.5，抵✌🏼。因為細細放學時已經太肚餓，見堂食冇人就比佢即刻食少少先😂。炸雞同薯條都係新鮮炸起熱辣辣，啲蜂蜜焦糖包住炸雞但又唔會淋晒。上次拎外賣時我見到佢哋個做法，係將新鮮炸好的雞放落鑊，再加入醬汁兜勻，裝起後再淋醬汁。食落去唔會覺得厚粉，啖啖肉，肉質都好嫩滑，薯條都係炸得好好食，另外跟餐仲有酸蘿蔔，中和返冇咁漏。呢個質素就算正價都算係合理水平，而家半價真係唔食唔得啦😂😂。
continue reading
灣仔炸雞店提供地道韓式炸雞仲有多款韓式主食可以坐底食/外賣都得好適合突然想食🇰🇷野既時候重點係好好食性價比幾高👍🏻🌟韓式炸雞腿肉炸雞有多款口味可以揀有原味,蜂蜜牛油,芝士,蔥蒜醬油,辣味等揀咗六件既雞腿肉同芝士味每件雞腿肉都沾滿左芝士粉炸到外皮香脆 但內裏肉質嫩又多肉汁加上無骨食落好方便💯另外跟餐仲有炸薯條同醃蘿蔔都好好味!🌟魚糕串魚糕吸收湯既精華 食落夠鮮味口感亦彈牙🌟韓式泡菜炒飯炒飯粒粒分明 帶泡菜香辣惹味再鋪滿左紫菜 食落夠哂開胃😋
continue reading
總有啲日子好想食啲邪惡嘢👿第一時間即刻諗起Chimac ~~因為一個set就可以滿足晒我個胃😛炸雞我就一定會點原味～一份有六件雞皮炸到脆卜卜～炸粉唔會厚雞腿肉仲保留到肉汁🍗薯條係我鍾意嘅粗身直薯條🍟炸到酥脆嘅外層包裹住棉棉嘅薯仔蓉超級滋味泡菜炒飯🔥食落唔會話好油膩 都唔會話好辣但入口都好惹味 仲有雞肉腸仔粒同韓式麻油紫菜配埋啲芝麻食夠晒香口 唔夠飽仲有半隻水煮蛋添魚糕串都係韓國嘅signature小食長長嘅竹籤即刻令我諗起韓國掃街嘅日子呢間店座位唔算好多～不過我take away食都一樣咁好味😛
continue reading
CHIMAC - 韓式炸雞外賣專門店今日介紹一間位於灣仔區嘅炸雞專門店，主打韓式炸雞，以外賣為主，除咗炸雞，仲有多款韓國小食、主食等等。 韓式炸雞腿肉六件套餐總共有九款唔同嘅口味，除咗經典嘅原味之外，亦都有常見嘅蜂蜜焦糖同埋甜辣口味，另外就有特別啲嘅韓式黑炸醬、洋蔥芝士同埋蔥蒜醬油味。可以揀無骨炸雞腿肉或者有骨炸雞。套餐仲包埋汽水、炸薯條同埋酸蘿蔔。韓式泡菜炒飯 香辣嘅韓式泡菜配上粒粒分明嘅炒飯，泡菜汁加上油香，非常惹味，熱食嘅泡菜一樣咁正。魚糕串 最後仲加配咗地道嘅韓式小食魚糕串，口感軟腍配湯一齊食。
continue reading