廣東名門 (三聖市場)

Open Now

Now Closed

係過去我星期六日，一連兩晚都約左黎廣東名門食飯由於海鮮係對面買的，非常新鮮，但煮又煮成點呢？兩晚下來，可以總結如下 。。。侍應們都是十分”論盡“的，星期5既同一個姐姐係我地到撞跌／倒瀉野共5次，星期6另一個姐姐都有4次 。。。煮嘛。。。。叫了兩個炒飯 。。。。都好咸 上湯菜，特別要求走油 。。。。。都仲係好油 蒸魚，蒸到變左老魚 。。。。。炒聖子 。。。。。又係好咸其他白灼既都好好食 最後，提一提，餐前小吃個到，記住問清楚幾多人食收幾多份錢 。。。。因會俾少花生但又收多錢 。。。又唔退錢，個侍應仲發我地脾氣 。。。。掉野。。！！！

上星期日入開屯門探朋友, 夜晩去左三聖食海鮮, 原本想去容龍, 但下午打去 book, 已經爆棚 , 最後去左廣東名門(因為佢都有芝士脆焗龍蝦)。同老婆起水立坊買左龍蝦 x 2、扇貝 x 4、聖子 x 4 (total $500), 値得一讚係水立坊 service 真好, 幫我地拎埋去酒樓同攞埋位 (book 左)。芝士脆焗龍蝦好好味(同容龍差不多) , 扇貝蒸得岩岩好, 聖子炒得夠火喉。2位 四送加兩支青島 beer 1. 芝士脆焗龍蝦2. 算容粉絲蒸扇貝3. 豉椒炒聖子4. 粉絲雜菜煲Total $465

公司請食飯，有啲同事係外面買海鮮，我地就係名門等食。全晚食左勁多海鮮，但係最回味，到而家諗起都流口水既係脆焗芝士龍蝦，外層焗得勁香脆，芝士滲入龍蝦肉度，啖啖肉好香口。另外個羔蟹蒸糯米飯都好好食，個飯混合蟹香，拌埋蟹羔食，好滿足。題外話，用iphone點可以上傳多過一張相？

大夥伴一齊吃海鮮,因友一早已細心安排,她已在招財記買了海鮮、真好！（1）甜味九節蝦（2）蟶子不會過老、過味(3) 龍蝦麵非常好味不過個人對龍蝦就興趣不大、太多功（4）鮑魚做法比較特別(5) 賴尿蝦好吃平時我不吃的因多工要弄清殼（5） 清甜椰青蛋白

年廿七公司團年飯.今年我們去屯門三聖(廣東名門)食海鮮.好在有位老友在對面(關財記)做海鮮炸.如果唔係年尾買海鮮食一定要天價.....今次(12人用)海鮮我買左 (象拔蚌剌身)超大象拔蚌.貨魚真的唔講得笑呀.12個食.食極都有爽呀.厚溥切得江江好蚌肉先甜到不得之了.如果唔食生野.仲可以加個gas爐.黎個(堂卓蚌片)原來象拔蚌個膽仲可以用黎粥.用個膽黎粥又係先味到不得了.....正~~~~再黎....(.避風塘炒珍寶瀨尿蝦)一開二都以巠好大件好香好脆好多肉GOOD.....第三道的是(豉椒炒聖子皇)隻隻長過手板架拆哂肉面唔洗四圍巢的肉.不過真係好多肉又厚.豉椒炒得好有火氣.好入味.第四道黎的是(大海虎蝦上湯伊麵)龍蝦伊麵.食得多虎蝦上湯伊第一次.虎蝦的肉真的唔會小得過果大大隻龍蝦的.肉味超鮮.蝦肉彈牙.冇得彈....正第五道是(果皮清蒸大鮑鱼 )隻隻都成個盒咁大.比出面酒樓果鮑仔大一半.用刀差來食好有FEEL.GOOD..第六道(蒜蓉粉絲蒸扇貝)又係好厚肉鮮甜.加理果蒜蓉粉絲間直是絕配......第七道(石窩辣酒花螺)辣酒好香.花螺鮮味.唔太辣.味道好.因為用石窩的關係.所以食到尾

平時會去海天食飯的, 今次家人提議去呢度, 一行十人去左對面買海鮮買左:1 花竹蝦 10隻2 象拔蚌一大條3 鮑魚8隻4 羔蟹4隻$1400蚊海鮮去到廣東名門, 老規矩都係同伙記講點整, 再加幾款小菜第一樣既菜來到係蝦奇怪了, 一上碟 好明顯, 都唔係花竹蝦, 仲竟然有12隻經理話一定係花竹蝦, 死都話無錯, 但佢解釋唔到點解由10隻變12隻真係勁到無人有, D 侍應好似益左我地咁 , 俾多2隻咪算LOR攪錯呀, 根本唔係花竹, 點可以比較呀另外幾樣都係一般水準啦, 象拔蚌都ok 甜, 都無咩難度, 個膽做泡飯, 反而唔錯,好好味鮑魚煲都幾好, 好香薑蔥味, 好林羔蟹好多羔, 好香 但一開始咁樣, 咩開心時刻都無哂埋單好似1600蚊好難再會令我再去了

六個人專誠過來青山灣食晚飯。選擇在對面「上記」買海鮮。五百多元,便有以下海鮮。七點多鐘,還好,有枱,晏少少便要等咯!豉椒炒蟶子，味道好,但唔夠鑊氣。 鹽水浸小蛤蜊,如果加點酒會更好。喜歡他加了粉絲,蛤蜊湯粉絲,正!上湯龍蝦，好差。本身有斤半重,煮出來,好像不見了頭部份。上湯調味很咸。見隔離枱用芝士乾焗龍蝦,好似好正。豉汁蒸帶子，加工費@$9。豉汁味濃，蒸過火了，韌晒。蒜蓉粉絲蒸扇貝，粉絲仍有彈性，蔥及完茜切碎，令整體味道更均勻。乳鴿$48隻。大家說麻麻。星洲炒米，$78米粉好硬，下太多咖哩粉。好難食。甜品有桂花紅豆糕。桂花味很強烈,紅豆多又大粒,被紅豆作了主角,吃過後很飽!我覺得這裡的加工費收費貴,又不是味味都做得好。好吃與否,主要關乎海鮮本身質素。如果行入少少的興記,加工平d,而且味道都ok,只是坐得不太舒適啫!不過最終我覺得鯉魚門吃海鮮,是最好吃的啊!

約埋兩個friend，一行四人去屯門食海鮮，人少少，又想試多D款，自己買料都唔錯，可以每樣買少D，買多幾種。本來想買一隻魷魚，用嚟椒鹽，不過太大隻，四個人食唔晒，於是散叫一碟魷魚鬚。魷魚鬚炸得鬆脆，送酒一流！花竹蝦爽口鮮甜，用豉油汁煎香，更惹味！蒸嘅火候到家，唔會過火太韌，又不失咬口。象拔蚌鮮甜爽口，內臟嘅味道更濃郁，不過唔係人人都啱口味。原來都好大碟，四個人夾極都仲有，抵食！炒蟶子亦好抵食，平日去大牌檔食，只係炒蟶子殼，呢度冇呃秤，半碟殼，真係有返半碟肉。相比起扇貝就唔抵食，舊膶仲大過粒帶子，唔抵！海龍王湯好味！買海鮮時叫老闆執包海龍王湯，次次都係執D瞓覺嘢，魚毛蝦毛等，今次竟然撈咗條游水魚，雖然唔係咩貴嘢，但已經正好多啦！已經好飽，諗住叫甜品，侍應跟手上埋碟蟹，係喎！仲有奄仔蟹！不過蟹殼上有D油光，唔似淨係搵鹽去焗，一開蟹蓋，蟹羔都算多，雖然唔太黃，不過都香！最後送甜品，紅豆桂花糕麻麻地，紅豆唔夠腍，桂花太多太濃，有D似藥水味。南瓜西米露就好正！南瓜夠香，唔太甜，完滿嘅終結！買料$1300，加工費$700，埋單$2000，每人$500，抵食！

廣東名門脆焗芝士龍蝦 - 芝士味濃,香脆外皮,龍蝦正 蒜蓉粉絲蒸大扇貝 - 大隻扇貝, 蒜容味濃花彫蛋白蒸花蟹 - ok lar芝士焗龍蝦 - 芝士太過濕, 龍蝦正炒菜 - ok lar

向來對海鮮的態度是既不愛亦不恨,即是從不會主動地提出去吃一餐海鮮,但有局的話亦不會迴避.所以甚少在鯉魚門、流浮山這些海鮮集中地出沒,而三聖邨的三聖市場更是首次踏足!今次的小局來吃海鮮只是其次,這裡聲稱全城獨有的明爐"荔枝柴燒味"才是首要目的!(不過喜喜厨房也是用荔枝柴!又何來獨有呢?)差不多八時來到,這裡的環境與想像中非常不同!一邊是海鮮市場而另一邊是獨立一棟棟門面裝修各有特色的海鮮洒家.(感覺很像內地那些海鮮城!)入到大廳中坐下,雖然檯與檯距離狹窄,但因樓底極高及用上落地玻璃的關係,所以空間感也不覺太侷促.這夜由惡男兄發辦購買海鮮交給酒家加工,再點叫些小菜及燒味八個人吃應已很豐富.荔枝柴叉燒----叉燒切得厚薄不一賣相並不吸引,放在鼻端也嗅不到特別的味道,入口感覺到温度是微暖而肉質是像豬頸肉般"爽"!吃不出與荔枝柴有何關係.撇開荔枝柴不談,叉燒本身是可以的.胡椒豬手----上檯已聞到濃郁的胡椒香味!豬手處理得非常乾淨可放心進食,一口咬下皮的質感是爽脆肉質軟淋,但奇怪地並沒有胡椒味!再呷一啖湯但又味道十足.這菜真的很難作判斷,分開湯與豬手各自各來計是做得不錯,但一結合卻亳無交流.荔枝柴

aug 17,10攪了1局去屯門食燒鵝, 10人嚟食dinner。多謝攪手買埋海鮮嚟+工 : 1) 小食 2) 荔枝柴叉燒 (hk$78)-當然無荔枝味啦-蜜味都不俗-無乾無"鞋",不過質感喺帶彈口的,有點特別 3) 胡椒浸豬手 x 2 (@hk$48)-碗豬手喺我前面時,胡椒味都撲鼻-不過入口,胡椒味就唔喺好入隻豬手度-個湯都唔喺好胡椒-豬手肉質也彈的,並非煲到腍晒嗰隻 4) 香煎魚頭雲 (hk$48)-都香口-不過要趁熱食,否則會有腥味 5) 荔枝柴燒鵝 (hk$290)-大家都有研究過用咗荔枝柴會對隻鵝產生出咩特式-找不到特別嘅香味-估計用上荔枝柴,可能因為佢乾身d,會令個火燒得猛d-肉質嫩,juicy,但鵝味不重 6) 名門燒茄子-茄子蘸過脆漿去炸,不厚-淋上惹味的醬汁-是1道可以送飯嘅菜色 7) 炸脆奶 x 2-食友話好想試吓呢度嘅炸脆奶,ok無問題-上枱時見到綠綠哋,原來喺蜜瓜味-大家就開始議論喺陽x牌..........差點連廣告歌都想唱埋出嚟-老實講,佢唔難食的,個脆漿都食唔到苦味,又大大舊,味道又唔會好甜,都唔假-所以是ok的 8) 蒸鮑魚仔-以下開始喺我哋自攜嘅海鮮

好耐無食海鮮, 一行三人, 即興入左去三聖村唔去都唔知, 入面大部份酒家都係客人自己响出面海鮮檔買海鮮, 然後來料加工椒鹽賴尿蝦 - 全隻上, 好鮮甜, 入面無干身 豉椒蟶子 - 粉絲可以再多dd, 無過火, 剛剛好果皮清蒸鮑魚仔 - 上枱都係手掌咁大隻, 果皮唔多, 但係味道好出, 鮑魚好淋椒絲腐乳炒通菜 - 完全無腐乳味, 菜就好身鮮, 好淡芝士焗加拿大蝦(e底) - 芝士太過濕, 水咁, 芝士味都好濃, 但無影响到蝦既鮮味伙計換碟快及密, 食物上枱快今餐全部$320, 汽水多謝 $15

週日於屯門三聖村品嚐海鮮，海鮮選購於海鮮檔關財記，並惠顧對面的廣東名門代為烹調。關財記舖位不細，海鮮款式繁多新鮮。一行四人選購了九節蝦、奄仔蟹、瀨尿蝦皇、聖子皇、貴妃蚝及大扇貝，只需五百餘元，收費合理。九節蝦以白灼烹調，以突出鮮蝦的鮮甜美味。奄仔蟹以油鹽焗製，做法特別，味道鹹鹹地，但不會搶走蟹的鮮味。蟹肉肉質都算結實，而且有羔，味道豐富。瀨尿蝦皇以椒鹽香蒜製作，香口惹味。聖子皇以傳统豉椒製作，聖子皇本身口感彈牙，質素不俗，但烹調方面則有點瑕疵，部份聖子仍覺得有點冷，烹調時間不足。貴妃蚝及大扇貝以蒜蓉粉絲蒸製，味道口感同樣令人滿意。除了海鮮，亦加選招牌燒鵝一碟。味道還OK，不過肉質過肥。海鮮費五百餘元，烹調費約五百元，人均消費二百五十元食海鮮餐都OK喇！

星期天到三聖海灘一遊, 順道在此午膳, 一行人五大兩小, 飲茶兼享用一點海鮮 差不多一點但仍不用等位, 跟對面人山人海的情形不太一樣, 有點擔心食物質數... 不過大人小朋友都肚餓, 所以決定醫肚為重~~因為肚餓點菜都特別快, 不用3分鍾便填好點心紙, 我和另一個友人已飛身到對面海鮮檔選海鮮回來加工, 一切安頓好便專心等食 椒鹽九肚魚 - 夠香夠脆, 仍然食到魚的鮮味, 不錯~ 叉燒腸粉 - 腸粉皮都OK滑, 叉燒餡味道一般. 干燒伊麵 - 炒得幾香口, 最受小朋友歡迎. 酸菜胡椒豬肚 - 酸菜幾夠味, 豬肚都算爽口. 紅燒乳鴨 - 乳鴨皮夠香脆, 肉質彈口, 唔錯. 山竹牛肉 - 好一般水準. 燒賣 - 夠咬口, 豬肉和蝦的比例幾平均. 蒸排骨 - 肉質幾爽, 軟骨位好好味. 叉燒飽 - 呢個水準一般. 蝦餃 - 皮算薄, 欣賞蝦餃不會做太大隻, 喜歡一啖一隻. 蒜泥開邊蒸蝦 - 材料從對面海鮮檔買, 這裡祇收加工費, 蝦夠鮮味, 蒜泥汁味道亦不過濃, 幾好~ 豉椒炒蟶子 - 材料同上, 蟶子夠彈口, 用豉椒炒更把鮮甜味提升, 好味 雖然沒有人山人海的長龍, 不過味道都幾好食,

在香港要找嚼海鮮像樣的地方恐怕巳所餘無幾，大部份西貢及鯉魚門的海鮮餐廳，我的經驗是 : 盛名之下，其實難副，早巳淪為遊客級數，價不廉而物亦不復美。近年不少本地老饗亦開始轉投屯門三聖邨覓食，故此活海鮮店與海鮮餐廳越來越多，好不熱鬧，與十多年前只是市區近郊的一個小型魚販結集之地情景頗有異迴....廣東名門走的是中高擋路線，在屯門區比較罕見，難得又其門如市，證明只要廚師易牙之術了得，無論地方多遠，價格定位如何，總有其捧場客。門外大字標題全港獨家荔枝柴明爐燒味 - 用正宗荔枝柴烤肉會令肉質留有一股香濃獨特的氣味，令人垂涎。但因市區防火條例所限，香港則沒有幾家食肆能做到。東莞地區偶有食肆保留此傳統，配合鮮宰之黑鬃鵝，果勝常品。選擇荔枝柴做燃料是因為荔枝柴質地較硬，燃燒時煙不大，火力持久且溫柔，這樣烤出的燒鵝乾爽，散發出濃香。烤一隻燒鵝，要用去荔枝柴約5斤，耗時40分鐘左右。廣東名門之燒鵝敢取此古法，巳屬難得。可惜雖有上好坎具與柴火卻苦無鮮宰鵝隻，冰鮮鵝索然寡味，大剎風景。其實海鮮烹調要做得好只有兩個基本原則 : 保鮮和除腥。蒜泥貴妃蚌與蒸南非鮑魚火候剛好，「保鮮」二字，巳可達到。醬油濃淡得宜，蒜