潮州邨 (Closed)

茶壺咀: 崩的(可能我咁講要求高左少少, 但係咁大間食店, 崩左換掉也很應該吧)Book左枱 :準時到, 一樣要你等, 同無book根本無分別. 你如果唔打算reserve定張枱俾我, 唔該你唔好俾我book, 我咪黎等囉, Fine.但唔好係我book左之後, 你要我等.係一個10尺x14尺(大概)的細房到, 放了一張12人枱, 再臨時係12人枱周邊梗硬開一張2人摺枱諗住叫我地坐!! 等reserve左張枱俾我地!! 大家無睇錯, 係摺枱!! 仲要係有一張12人枱的周邊!! 死人都唔制啦!! 張12人枱如果坐左人, 咁張2人枱咪勁odd!!"枱A"的客人叫仕應沖茶, 仕應扲左茶壺去沖, 沖完之後放落我地張枱到(我地張枱同"枱A"有兩張枱距離), 我地知佢放左落我地張枱到, 但唔知點解. 咁我地無出聲(呢個我地可能都有D責任...) 過左一陣, 黎遠聽到"枱A"的人話唔見左壺茶先知.....最後一句, 食物一般.Overall: 不值得去.

不是潮州人，只曉得點一兩味潮州名物。鹵鵝肉質尚算嫩滑，但鹵水鹹而不夠香。蠔烙說是煎，卻似是炸出來，食落味鹹了些，粉漿亦略嫌多。基本上只得一些魷魚的簡單炒米，同樣頗濃味。唯有石榴雞相對上清淡些，不過4件索價$60，不便宜，不太懂得欣賞。清心丸綠豆爽則比較理想，清心丸夠多之外，亦吃得出豐富的綠豆蓉。侍應的服務態度不可說差，不過奇怪剛開門營業半句鐘，廚房卻要開飯，因此催促落單，結帳又起碼$300才收卡，自然沒有好感。

鵝腸鵝肝並盤一流，好回味，但其他食物就一般。服務員成日推介貴價菜，令我們好反感，我們turned down他，他就即時黑面。餐廳乾淨度一般。

Mom chose this place for Chinese New Year Dinner because she saw all the great comments.... Turned out.....Food was good. Just that the waiter who served out pushed us for too much food. We hated this kinda service. Ruined all the good food. The lady, perhaps the owner of the restaurant, probably heard of our grumble, came to serve us and ameliorated the atmosphere right away. Thank you! She added several sweet dumplings for free I think, which was adorable. Without the gentleman server, the din

昨晚情人節來了這兒雖然不情人節但我地都好滿足蠔仔粥之前吃過呢蘿蔔烙..好味..但冇乜味鵝肝..好鬆化好味每人大概八十元，比想像中貴啊

食到已經捧住個肚，等到太座收工，再食埋正餐真係食唔到好多嘢，但太太都要食gar ma...都叫咗三個餸，最後飽到暈...主要係為咗碟鵝肝而嚟。入口甘香豐腴，軟淰淰好似食緊軟雪糕咁，又夠入味。如果可以做多一步，挑走入面嘅"根"，咁就係完美嘅中式鹵鵝肝...雖則如此，水準依然極高，絕不比西弍foie gras遜色。太太呢個"肝"迷亦感滿意...搭單叫嘅鵝片就唔多得。肉韌，唔夠肥，比陳勤記差個十萬八千里...蠔烙係真正"煎"出嚟而唔係求其放入一堆滾油入面"酥炸"而成，乃真正潮式做法。鴨蛋份量唔算少(雖用咗少少雞蛋亦少不免嘞)，可惜蠔仔唔夠肥美，魚露份量亦只一小碟，太孤寒la..要扣分...方魚味道香到加零一，用嚟炒芥蘭就fit晒。芥蘭亦夠爽口...單係鵝肝一味，已可以俾個笑臉佢...

食友一日前相約飯局,有香檳,又有好耐冇食嘅潮州菜,剛巧又冇約,當然立即say yes啦!!先介紹香滑無比,入口即溶嘅滷水鵝肝!!! 只係$55一碟,份量又多又好味,我地忍唔住要多叫一碟. 本想雙拼,但食友覺得太好味,要叫一整碟!!! 最後當然都清碟啦!!!沙嗲牛肉炒芥蘭,沙嗲味夠濃,牛肉又夠腍,芥蘭靚,難怪係招牌菜之一.炒鵝紅太老,有啲失望. 不過蒜芯就好爽好好食!!滷水鵝片拼豬耳,鵝片極之嫩滑,可惜豬耳咬唔開,我忍唔住叫老細嚟試試,佢都頂唔順吐咗,換過全碟鵝片. 豬耳放咗一整日風乾咗,其實切果陣都應該感覺到,唔應該攞俾客食. 扣分!好彩滷水鵝翼十分入味,又夠腍,補番之前不足.椒鹽白飯魚十分肥美,炸漿夠薄身又均勻,又係要推介!!!最搞笑係個餐牌,大家下次去一定要留意個英文名!!一定包係笑爆咀!!!

石榴雞($60) + 荔芋鴨($58) + 滷水鵝($56)石榴雞= 清清地幾好味, 4 pieces.荔芋鴨= well fried too, about 12 pieces.滷水鵝= 鵝is 好味. The 滷水tofu underneath the 鵝is 好好味~! LOLthe tea is $10 per person.the sour vege is $5.Rice ($6) x 2All up $222 or something.Next time I should try 豬牛羊?

同幾個為食朋友一行六人, 因為訂唔到枱打邊爐, 朋友發辦食潮州野.除咗地點就腳, 我搵唔到理由再黎....!7:15pm, 3 個人剛坐低, 個部長(特徵: 個子不高,瘦瘦的老人家) 已經埋黎問我地食乜. 我朋友仲塞緊車, 打算等佢地差不多到我地就叫定. 問阿部長有咩推介:a. "翅丫, 我地d翅好靚" (.....)b. "鮑魚扒鵝掌啦, 好靚呀" (根據圖片, 隻鮑魚長度係少於鵝掌一半!!)c. "唔啱凍蟹啦"樣樣都係貴野, 我地話今晚想食小菜, 即時好似中毒咁- 面都黑晒. 不過我地先叫基本野啦.到我d朋友黎到, 加餸啦, 朋友又問佢有咩推介, 佢重複abc答案....食到半路, 發覺d餸真係好細碟(最多係4人份量), 再加咗兩次餸; 但部長知道我地唔會叫貴野, 已經冇咩好面口.1. 金牌三寶- 鵝腸, 鵝肝, 鵝片: 我只食鵝片, 味道可以, 但點解鵝片有骨嘅?2. 蠔烙- 味道ok, 用薯粉, 但略嫌過火.3. 方魚炒芥蘭- 不俗, 唔算好油4. 方魚肉碎粥- 只是ok, 唔夠香5. 芥蘭肉碎炒河- 好食!!!6. 椒鹽九肚魚- 味道ok, 但外層好似漏晒氣咁林pat

31 Oct., 2007 (星期三) 好耐冇食過潮州野喇, 所以我地揀左銅鑼灣"潮州村" 試一試我地２人叫左４樣野　：　１．碎肉蠔仔粥- $28 (味到好淡好淡) ... 嘛嘛地!２．蠔仔餅- $48 (足料好味,唔油膩但煎得唔夠香口)... 都好好味!３．沙嗲牛肉炒芥蘭- $48 (沙嗲唔夠沙嗲味, 又細碟~ 兩個人都唔夠食) ... 唔抵食! 呃錢! 仲衰過茶餐廳D小菜! .\_/. ~ 搵笨,咩有細碟到咁架?! 唔合理４．鹵水鵝肉- $48 (唔係好肥,好味) ... 好味!埋單$210/2人(加一/茶錢/前菜) 結論: 雖然都算抵食但唔係想像中咁好食( 比我揀我會揀去旺角個D細型"潮州舖" )

尋晚食飯＿３個人去了食潮州野__之前已經食過１次）現在轉了地方）舒服了）地方大了）環境好了）食物水準依然！老闆侍應也很熱情！比以前多了翅及蔘等..食物))叫４人餐～及加了一碟石榴雞！1.石榴雞　＜清清地幾好味! 用蛋白黎包住D料..好有心思!2.炒介蘭＜好新鮮！3.粥　　　＜最好味！　我覺得好味過<xｘ世家>4.桂花魚　＜本身諗住食大眼雞）但係侍應哥哥又推薦呢個＿好在都好鮮！5.鵝肝鵝肉　＜本人一向唔食肝嫁，但係整得真係好好味!　　　　　　　入口即溶＿完全唔腥｜|　鵝肉也不錯!6.白果綠豆爽　＜熱食既糖水黎講整得唔錯！唔錯唔錯＿Ｐ．S 略厭冷氣凍左少少）搞到食物好快凍!埋單$４20o係銅鑼灣食野差唔多啦...呢頭ｄ鋪租咁貴.."佢地賣既價錢已經好合理~~所以抵食！

2007-09-16以為帶父母去試試這間新開得潮州菜(我知道是從灣仔鋪搬過來的﹐不過我們也沒有去過灣仔店)﹐怎知媽媽告訴我兒時經常去他們的北角店的。噢﹗以為他們還是小店價錢﹐但原來套餐絕不便宜﹐一個沒有甚麼特別貴價菜的4 人套餐都要$7xx。我們六個人淨點一個套餐怕不夠吃﹐也不好看。反而那個$298 的二人套餐幾合口味﹐而且菜式都不少﹐再加兩個小菜和白飯﹐應該都差不多了。套餐有鵝肉拼鵝肝/鹵水豆腐(甚麼鵝肉﹖似鵝骨多d﹐不過鹵水幾香﹐鵝肝有肥美﹐算合格啦)﹑烏頭魚飯(不知道是否合時令﹐不過這條烏頭夠大又夠肥﹐有不少黃油﹐是整晚最好味的)﹑炸雙棗(不過我們改了要淨蝦棗﹐剛巧一人一粒﹐不過不論外型和口感都不像我記憶中德蝦棗﹐當普通炸蝦丸還可以﹐但絕對不是潮州蝦棗)﹑清炒芥蘭(菜牌這樣寫就不能改﹐想加方魚去炒都不可以﹐非常冇彈性) 和方魚肉碎粥兩碗(兩碗潮州粥粥大大碗﹐幾香甜﹐就算已經好飽都吃了半碗)。另加的小菜有川椒雞(份量不多﹐不過雞肉都炒的很嫩﹐也不算太油膩﹐可以) 和菜脯蛋(煎得很香口﹐用來送飯/粥一流)。老闆見是幾十年前的老主顧﹐就送甜品﹐清心丸綠豆爽﹐算幾有人情味。

我都到食過,叫就唔多,只係叫:1,鹵水鵝片K呀,不過不失2,椒鹽九肚魚:上碟時散收收,不好看,食落又唔夠乾食,唔係太好.3,潮洲抄米粉:食落幾香口,但如果鍾意食清淡人會覺得油.但座位好舒服,又有落地玻璃可睇街景,環境算清靜.

得知潮州邨遷往銅鑼灣廣場，不禁有點高興，此店食物上佳，只是舊店環境未算最理想，上次和小頭去就不幸地碰上了小強，新店應該會有改善吧。不過第一次上來就等不到位，這晚早點到，總算不用等。新店裝修樸實，一貫潮州老闆的風格，店雖不算大，但已比舊店多了一倍座位，侍應也多聘了幾個，不過老闆和老闆娘仍是親力親為，不改其小店風格，這是我喜歡此店的原因之一。點了幾個菜，另每人一碗蠔仔粥。韭菜花炒鵝紅是小卡偷聽老闆介紹給鄰桌後點的，鑊氣非常夠，韭菜花鮮嫩，絕不會「起渣」；鵝紅比豬紅及鴨紅結實，口感十分特別。不過現在的鵝不是都冰鮮入口的嗎，鵝血是從哪裡來的？不得不吃是鵝片配鵝肝，別處吃不到這裡的嫩滑滷水鵝肝，每次吃還是不免讚不絕口；這天的鵝片亦比之前弄得出色，味濃且不是乾和韌，好吃。老闆介紹的遼參扣鵝掌，是遼參鵝掌扣鮑魚的「抵食版」，後者要接近二百元一份，而遼參扣鵝掌只售五十五元，但卻是同一煲精製貨色，單是吃那功夫和鮑汁，已經值回票價。遼參和鵝掌都燜得極腍極入味，差點想來個白飯伴鮑汁吃。蠔仔粥除了新鮮的蠔仔（蚵仔）外，還有柴魚和肉碎，那湯鮮甜得很，又是沒話說的好味道。買單三百多，價錢比以前差不多，要吃正統潮州

估唔到呢度都幾細，同韓雅林share同一層。安排咗我同男友坐喺一張卡位檯，好舒適。仲對住部大電視添。餸菜不太大碟，可以多點幾款。但我倆不算太大食，所以只點了迷你潮州粿，一咸一甜，咸的應該是韮菜粿，而甜的應該是鼠殼粿掛，一黑一綠的，幾好味。芋頭滑雞，芋頭汁味香濃，配上雞肉，送飯一流。金華四寶蔬，有冬瓜、白菜、津菜、冬菇、磨菇、蘿蔔及金華火腿等做材料，但味道太鹹了，不合格。最後更點了生磨合桃糊及福果綠荳爽做甜品，後者比較好，但也只是一般，不吃也罷。順帶一提，侍應招呼不錯，值得稱讚。