潮州合成甜品

Open Now

Now Closed

同班朋友起附近食完泰國野，專登唔食咁飽，就係為左要黎食糖水！相比起西式甜品，我比較鐘意食中式熱辣辣既糖水，可能因為天氣開始涼，要食返啲野暖下肚！呢度叫合成，糖水可以點合成法？原來係配料可以可錢任揀，好似車仔麵咁，蓮子清心丸湯丸都可以加。黎到一定要食清心丸，煙煙韌韌，一咬落去好爽。我叫左腐竹薏米清心丸，呢度既腐竹一塊塊咁，有咬口，成碗都好多薏米，最岩食完泰國野清熱食。朋友叫左木瓜雪耳糖水，好滋潤同養顏！

好喜歡去九龍城吃東西，有潮州菜、泰國菜和各式各樣的美食，最重要是有平有貴任君選擇。買了些水果準備離去之際，心癢癢都係食返個糖水先。合成是我喜愛的傳統甜品店，一行入去你便見到各式已準備好的食材，像車仔麵形式的格局，一格一格放好，當客人下單時便將食材放於碗中，「合成」便產生了😂。今天吃了潮州蓮子綠豆邊薏米馬蹄沙，蓮子鬆化，開邊綠豆粉粉的，馬蹄沙爽爽的加上蛋花馬蹄露，食極都唔厭。很可惜他們現在已冇清心丸賣，老板說供應商已無做了。

去九龍城見到有間潮州糖水鋪頭，入去見識一下。見到有個潮州特產 薑薯蓮子百合糖水，這是季節性的出品，所以叫了一客試下。一碗糖水 水量也多，蓮子百合也沒有什麼特別，少少硬身，薑薯一片片的、薄薄的、爽身的。試過便可以，但$55 一碗，實在太貴了。

去到九龍城有兩樣嘢一定要做，就係食泰國野同甜品，天氣開始轉涼，要開始養下生，所以就去咗食中式糖水🥣☺️星期五晚上9點半左右去到，可能仲早，唔係好多人，等咗一兩張枱就入到去👍中式糖水黎講，佢都有好多選擇，普通會啲紅豆，綠豆沙，特別啲清心丸燉品都有，價錢大部分都係三四十蚊左右。我同朋子都叫咗川貝蓮子雪耳燉木瓜😋😋叫完唔使兩分鐘個老闆就拎咗兩碗糖水，佢仲提我地好熱要小心☺️碗糖水好清甜，好足料，木瓜甜得黎唔假，個底仲有好多蓮子，好好食👍

九龍城除左泰國菜多之外，糖水舖都一樣非常之多，要突圍而出一d都唔容易。而家西式糖水愈開愈多，中式糖水淨返都唔多間了😖😖今日係九龍城食完飯之後，黎左合成買左碗腐竹百合清心丸返屋企慢慢品嚐🤤🤤。腐竹百合清心丸，價錢都係$34蚊，不過因為外賣，所以要加多1蚊。腐竹味好重，大部分既腐竹都已經煲爛哂，但面頭都有幾片大塊既腐竹，咁樣食落去，非常之有口感👍🏾👍🏾👍🏾👍🏾而清乜丸，雖然我唔知係咩黎，食落去無乜味，但都幾有𡁻頭。只係略厭糖水太甜

數下數下都成三四年無過嚟食，今日有朋友係外國嚟香港話想食啲特色啲嘅嘢食，即刻諗起中式糖水，但要老字號非合成也，即刻車左佢嚟九龍城是一是我哋傳統嘅中式糖水。叫咗碗紫米露清心丸俾佢試試，朋友有讚冇彈，仲話如果拎去外國做一定大賣！講到咁誇張我即刻試一試，法國啲清心丸好似擦子膠咁Q彈🤤，仲有好重嘅紫米味，好好味呀！！好彩朋友都話好好食，冇失禮我哋香港美食天堂呢個稱號！而我就叫咗個燉雪梨補一補，熱辣辣好想食多碗，保持水準👍🏻

今天到九龍城食完泰國菜後，當然要去我從前一定必到的潮州糖水店食個糖水，才得圓滿。見到今日不用排隊，才立即坐下。我當然專一地叫了綠豆邊清心丸，老公試下新野，菠蘿馬蹄露。光顧多年，每次都叫同一款甜品—-綠豆邊清心丸，可惜如今味道及份量已大不如前。另外，菠蘿馬蹄露，更加失望！不單止用罐頭菠蘿，馬蹄只得幾粒。這個價錢，如此質素，大概不會再有下次吧！除了失望，還是失望！希望出名後，也要注意質素，口碑好重要的！

夜左放工，朋友又有揸車，去九龍城食個宵夜就係最好不過。合成糖水，一間喺九龍城老字號嘅糖水，主要都係食中式糖水為主，都有少量嘅西式甜品嘅。餐廳座位都算多，因為有兩層，但係唔好諗住一定唔使等位，原因係合成糖水都幾出名，成日都會滿座。我叫咗個腐竹湯圓，$35，價錢唔係平。個質素都有保證嘅，應該話，你喺嗰度求其叫一樣甜品，都一定唔會令你失望，但都未必會比到你驚喜，所以話佢只能俾你一個有保證嘅感覺。湯圓係芝麻餡，你嘅厚度適中，當然如果可以做到皮薄餡多就最好啦。腐竹都幾滑，還好啦。總結：如果喺九龍城食完野嘅話，再想食糖水的話，合成糖水一定會係其中一間考慮嘅糖水舖。

今天與Honey吃了泰國菜，味濃，口乾乾，故此想吃糖水，解解鹹膩。經過合成，傳統的中式(潮式)糖水，正合心意。Honey點紅豆冰 - - -真的是紅豆糖水加冰粒。紅豆好大粒，飽滿，而且夠稔，又未至於粵式紅豆沙般｢起沙｣，仍很有嚼口。我點腐竹雪耳蕃薯丸我原本點清心丸的，但老闆説沒有，改作蕃薯丸 - - - 同樣口感煙煙韌韌。腐竹糖水不太甜，腐竹稔滑。市面越來越多新式甜品店，但專售傳統中式糖水的，買少見少。

每次經過九龍城食飯無論幾飽都好，都必定會黎合成食碗糖水。雖然九龍城糖水鋪唔少，但傳統潮式糖水真係淨返唔多選擇。今晚真係太飽，不過都買碗外賣返去食，好鐘意佢禁多年都無變，都一樣禁足料，蓮子百合綠豆馬碲沙，盛為$50，今日貪心左，平時都係會叫3樣料，多一樣好似貴左禁多🤔，算，最緊要味道。Anyway佢既蓮子真係粒粒都禁鬆化，永無失手。講真，都真係為左佢既蓮子而黎。雖然佢既清心丸都好出名，但始終唔係我杯茶。

九龍城有好多糖水舖，但如果想食中式糖水嘅就要去合成糖水呢間老字號食！有好多款式揀，唔會太甜款款都好傳統，鐘意食煙韌口感嘅冇芋圓/小丸子比你食😂但清心丸一樣係好煙韌👍🏻

平時唔係好食甜品既我，竟然愛上左尼間「合成甜品」，位於九龍城。我次次去食都必點清心丸，無論咩糖水做底都好，清心丸都係主角。今日，我老公非常好。知我愛食，特登過去九龍城外賣帶番黎屋企。今日點左紅棗蓮子燉雪蛤膏另加清心丸（$70）。尼個真係貴價甜品啦。但真係好好食。料多，雪蛤膏好多，成碗都係。仲有蓮子，蓮子燉到好粉又甜。再加上，不可少既清心丸。個清心丸真係好好好好食！！首先講個味道先，清心丸既甜度岩晒我口味，唔會好甜。係清甜既味道。另外，佢既口感真係一流，無得頂。咬落去好爽，但唔係爽脆，係又爽又QQ。咬完會有彈牙既感覺。有d似咬緊珍珠奶茶入面既珍珠甘。但分別就係珍珠係林林地QQ地。但清心丸就係爽爽地QQ地。口感係絕對有分別。要大家自己去食過先會感受到合成做既清心丸。 *我係清心丸既頭號粉絲😍😍😍

嚟九龍城唱K，經過呢間咁出名嘅糖水舖，梗係要食返碗涼浸浸嘅糖水啦個餐牌超多選擇，睇到人眼花繚亂，搞到唔知點揀因為唔太鐘意食蓮子，所以主要向冇蓮子嘅糖水名落手最後鐘情雪耳百合綠豆邊，貪佢夠消暑同朋友兩個都加冰，佢個碗$35，我個碗$40碗嘢到咗，冰嘅份量都真係佔幾多，糖水呈奶白色，入面嘅材料都係雪耳，百合，綠豆邊可能期望太高，食落真係唔覺有咩特別只係照單執藥咁將3種材料撈埋，加碗甜嘅冰水，係就係好爽，但係$40呢個味道未免太普通不過都真係好佩服佢呢員工，個餐牌咁亂都背到出嚟

打完波又口痕，想食少少又唔知食咩好。難得叮叮話食個舊式糖水，一諗就諗起合成。仲記得細細個會同表姐一人叫一個，再叫糕點甜品。往事如煙，一甫入門口，所有回憶都番哂黎。因為裝修冇變過，就算有新式糖水，舊式既冇因爲時代變遷而汰弱留強。實在太感動！蓮子百合湯丸椰汁紫米露幾好，因為我鍾意食紫米露！不過可能夏天又食熱既，有啲濟！綠豆邊清心丸相信冇得輸，因為係潮式糖水既皇者。鍾意煙韌既朋友仔唔好錯過。雖然想跟你再逗留久一點，但始終時間不留人，要番歸嚕。

星期日游完水經過九龍城，好想食1 d 甜嘢，個肚又餓，個時5點幾，唔多人，又唔洗等位，所以即刻衝入去食啦。次次去到都會叫蓮子百合清心丸，今次都唔例外。 不過好多時清心丸都會無貨或者買晒，但好好彩個日有。 清心丸好爽，蓮子浸過好甜，天氣好熱，叫咗凍，但唔想有d 冰粒係面，老闆話可以加 d 馬蹄沙或者腐竹，我鍾意馬蹄沙多d 就加咗喇，不過加加下就貴咗要 $45。 黎到 d 料好多，食完好飽，水準依舊，狂我無特登行過去食，一定會再去食 😋😋