潮州合成甜品

Open Now

Now Closed

最鍾意依間中式糖水佢嘅清心丸係最好味！之前食過馬蹄清心丸，好清新唔太甜，清心丸超有口感今次試腐竹糖水清心丸，清心丸仍然冇令我失望，Keep到水準！不過價錢貴左好多，如果好味都值得嘅！

係太子食完晚飯，雖然好飽，但永遠食甜品都有第二個胃於是我就特登行去九龍城，就係為左食合成糖水。相信好多人都有試過合成糖水，亦都知道合成糖水好出名，幾乎外國同日本雜誌都有報道過。雖然糖水價錢略貴，但係糖水質素的確係真材實料，俾都俾得有價值。黎合成糖水其中一個主要原因就係食清心丸，據聞清心丸係老闆自己研制，個種QQ彈牙的口感令人食完覺得好幸福可能因為我係煙un控，對所有煙un食物特別鍾意，例如珍珠、清心丸、芋圓。清心丸只有六粒，實在唔夠喉，對於煙un控黎講，下次一定要雙份。今次我叫左紅豆沙配清心丸，價錢$31。落單時候姐姐問我加唔加蓮子，口快快叫左加。但係原來加蓮子要多$10，價錢比較貴，不過蓮子數量都好多。下次再試下清心丸加其他糖水！

今晚食完飯～開車返屋企途中～醒起9龍城有間潮州糖水舖～就特登轉入去買d甜品俾爸媽食啦～我媽咪洗潮州人～以前婆婆自己成日煮清心丸俾佢地食～其實清心丸有d似白玉咁～qq冇咩味咁～但又好好味啵我爸媽想要黑糯米清心丸同紅豆沙清心丸～等左一陣就走得啦～所以有車都5需要太擔心～味道係好香～但根據我媽咪說法～佢個清心丸整得太大粒～所以冇咁好味～而價錢我都覺得有d貴～Overpriced～不過個糖水係好飲ge～希望佢一直保持水準啦～

今晚同朋友在九龍城食完晚飯，當然一定要去食（合成糖水），20:30左右不用上樓上坐，平時夜晚大排長龍，一坐低不用想叫了腐竹蓮子加清心丸，朋友選了勁薑蕃薯糖水。1.腐竹蓮子清心丸⭐️⭐️⭐️⭐️腐竹勁多香滑，蓮子多入口即溶，清心丸煙煙韌韌。美味非常。2.薑蕃薯糖水⭐️⭐️⭐️蕃薯🍠好好味好甜，薑味就不是人人可以接受，超勁，本人就頂唔順🥺，但朋友確好美味。合成還有好多不同選擇，所以去九龍城我一定會食，但多數都只食腐竹蓮子清丸來吃🤤🤤回味指數⭐️⭐️⭐️⭐️⭐️

支持咗好幾年嘅糖水舖，雖然去九龍城唔係咁方便，但間唔時都會特登過去食碗糖水😋呢度賣嘅係潮州糖水，雖然無坊間嘅甜品舖咁咁多花款，睇落大大份嘅餐牌其實都離唔開紅豆、綠豆、蓮子等等嘅組合。最鍾意呢度嘅糖水有冰糖嘅清甜，而唔係死甜，食哂成碗都唔會覺得膩。《蓮子紅荳冰》每次嚟都係叫呢碗，蓮子又甜又棉，出面好難食到咁樣嘅蓮子。同時，紅荳又夠香，仲有啲碎冰，呢度啲紅荳冰真係食埋啲冰，所以夏天食真係非常清涼☺️❄️雖然糖水嚟講唔算平，但有咁嘅質素絕對值得👍🏻✨

喺九龍城食完飯就順便食埋糖水先返屋企，見呢間唔使等位一於試下佢D糖水啦！佢係買中式糖水，選擇都有好多，不過相比起其他中式糖水舖價錢就貴左少少啦！清熱百合綠豆清心丸 $35甜度啱啱好，而味道就唔會話好特別啦！都係普通味～腐竹薏米 $31腐竹同薏米都煲得幾腍，口度係唔錯！蓮子百合柿餅 $34我都係第一次食糖水係有柿餅喺入面嘅，柿餅甜到十足，但放入糖水入邊有唔會過甜！唔錯～總結來講我就覺得呢間糖水舖正正常常，但價錢小貴，CP值就唔係咁高啦！🙂

好耐之前食過一次，成日心思思想再食佢嘅清心丸！今次食完晚飯經過就忍唔住要再食！上次試話佢嘅雪耳蓮子清心丸覺好好食好清爽！今次心血來潮好想食紅豆沙，就叫咗碗熱紅豆沙清心丸。清心丸依然係我好鍾意食煙煙韌韌嘅口感，份量都幾多但碗紅豆沙就突然太甜，食到一半會覺得好漏好想飲水，如果冇咁甜就完美😭😭因為其實佢嘅紅豆沙煮得幾好，又夠綿密同真係好沙沙嘅口感！但係我諗我下次都應該會食返雪耳系列，好似同清心丸夾啲！

九龍城除左食泰國野之外 我仲會唸到合成 今次食完飯之後去左食糖水 清心丸係我必定會加 今次叫左綠豆邊清心丸馬蹄爽 但係今日我覺得佢d 清心丸好似怪怪地 好林 唔似平時咁有口感 希望下次會正常返啦 傳統店要保持水準吖

晚上同朋友在九龍塘睇完戲，時間尚早，決定去九龍城合成食清心丸，開車過去，不到10分鐘就到了，果然街上泊滿車，好多人。等了一下才有位。第一時間點綠豆邊清心丸，服務員提議我們雙拼馬蹄沙，加奶。上枱就後悔加奶了，看不到綠豆邊，心目中的綠色。不過吃著挺有趣的口感，特別是清心丸好煙韌。不過想再吃湯丸就覺得貴了，40元才2粒，只好作罷。

每次去親九龍城食飯都一定要合成糖水，今晚都唔例外 😂今晚食早左，唔使上樓上，坐左個自私位，二人打橫坐。😛餐牌依然係千年如一日，有少少亂但總會搵到自己想食咩既，而我就一貫作風叫熱食，腐竹意米清心丸 😍 雖然岩岩食飽飯，但糯米口感既清心丸都唔會食到好飽好濟嫁，因為女仔有第二個胃俾甜品 🤣 個腐竹超綿，好正 😆朋友食左紅豆沙，非常非常沙，紅豆味好出好香 😊

同朋友食完晚飯，吾太飽於是食糖水，第一次黎呢間😊😊我地去果陣吾算太夜，所以一去就有位啦！Menu勁多款，我地都諗左好耐先揀到😖😖最後大家都有試佢地出名既清心丸👍🏿👍🏿清心丸都好特別 好有咬口 👍🏿👍🏿👍🏿😍😍我本身都好鐘意食有咬口既野！😍😍推介！！不過食到勁飽朋友同我都覺得糖水偏甜，容易滯大家由吾太飽變左滯🤣🤣後尾好多人排，店員都催我地走咁😢😢😢環境都ok 光猛

平時好少嚟九龍城，但其實有好多好食餐廳係依區。今日咁岩有野做嚟開依頭，一於周圍行下睇下有咩好野食！經過合成糖水，門面都幾舊式，但門口貼左好多唔同既報導，好似好出名，一於買碗糖水返去試下！一望餐牌，好多選擇，以傳統中式糖水為主，最普遍既紅豆沙，湯圓當然有得揀，但連平時比較少見既潮州傳統清心丸糖水都有！難得嚟到，當然點啲比較少有既糖水，潮州綠豆邊清心丸。大熱天時諗住點凍既黎食，但老闆話熱既會香好多，所以一於聽佢講！果然無介紹錯，熱食會食到綠豆邊既香味，綠豆邊煮得淋身，糖水唔太甜，岩岩好，再配埋透明煙煙韌韌既清心丸，特別有口感！下次再嚟九龍城既話，一定會再嚟食碗懷舊糖水先走！

我好中意食甜品，特別是傳統糖水。見網上推介呢家中式糖水鋪，就自己過來試下。那個潮州綠豆邊清心丸真喺超級正！甜度啱啱好，清心丸嘅口感好煙靭，加埋綠豆邊一齊食落去，超滿足。仲食咗芝麻糊，芝麻糊真喺好滑，好香，又唔會太甜。兩碗糖水落肚，超級飽超級滿足。下次叫埋朋友一齊再來試下其他款。

✨✨✨✨✨✨✨✨✨✨✨✨✨✨✨✨✨最後緊係食下最掛住既「合成」趕到收鋪前食，Lucky✌🏽✌🏽✌🏽雖然冇哂「清心丸」，但「大西米」（珍珠）都照殺😆😆今次叫咁熱，因為period嚟所以就戒戒口🤣物1次食熱，熱都貢好食！點算啊⋯⋯如何可以不愛「它」#健康真係無價 有病既有公德心戴口罩😷，病唔好既去醫院🏥檢查，病係有原因！所以更加體會到 #有健康體魄 先係皇道！特別陪伴照顧最親愛的人❤️ #肥dodo食記 #TR90達人#小病是福

今晚朋友仔聚餐約好在九龍城食泰國菜，大家食完晚飯後，指定動作就是要找糖水吃龍岡道有好幾間糖水店，但我比較鐘情於老字號嘅合成糖水，因為有齊中西式，餐牌種類又多👀實有一款岩你食我是一個芒果🥭控，所以今晚都是以芒果為主🤣🤣✍🏻芒果西米涼粉珍珠丸第一啖當然食芒果先🤪咬落口超甜又多汁，另外有西米、涼粉同珍珠丸，份量十足👍🏻👍🏻但不知為何要加碎冰在碗內🙄進食時要撇除碎冰有點麻煩，可能是怕不夠凍吧！！！✍🏻芒果菓凍加奶有🌹❤️圖案幾得意，內裏有芒果粒同清心丸，煙煙韌韌😱幾有咬感😋😋