潮興魚蛋粉

Open Now

Now Closed

要到藝術中心看drama,第一次來此醫肚(哈! 如果看過下面的食評,可能不會來...)要了魚蛋牛腩米($25),好好味! 魚蛋幾爽口彈牙,清湯牛腩好味過天后間大利,湯底都ok.吃的時候,見到有幾個熟客點牛肉餅,下次要試試!回顧下面的食評,可能於非繁忙時間惠顧,食物質素和服務都較好.

2008年4月8日，潮興紫菜牛腩河。沒有坑腩和爽腩,只好叫了普通牛腩, 有少許臊味,但也很腍。

食晏時間來到超多人﹐每張四人既圓臺都起碼坐滿六至八個人﹐張張都係﹐個個人都坐到密密麻麻﹐插針都唔入。所以環境好逼﹐食o野時仲會比人撞來撞去。味道唔係差亦唔係好。如趕時間而對食﹐環境同服務又冇乜要求既人﹐呢度都唔錯既。食物唔會令你失望﹐亦唔會令你覺得好味。食晏時間來得呢度﹐亦唔好預左會得到食店應有基本既服務同好既態度﹐因為佢地每位員工(男或女)都係用一個你今世﹐前世﹐大前世已及你下世同再下一世都殺左佢全家既服務態道來招夫每一位食客。

今日lunch 一心落灣仔去潮興食河粉，本來店內已經超多人超迫，幸好都搵到一個位，坐底即叫坑腩河...阿姐亳不客氣話"無坑腩，要牛腩啦" 我答了一句好...之後等左十分鐘遲我入座的人客都紛紛有麵食...阿姐之後拎一碗魚片河比我，我又再話比佢知我要既係牛腩河...再等多五分鐘...我決定走人!咩服務? 激死我!

2008年3月12日，潮興魚片頭河加芥籣：魚片頭都幾好味，但可以少D鹹味。河粉滑但唔係好有河粉味。

常常來吃的，每一兩個星期總會來一次吃午餐。推介自然是魚蛋粉($20)，魚蛋頗彈牙，河粉很滑，還有放湯的菜($6)，健康便捷的一餐。不過，每次都是極多人，有時五個人迫一張細檯，吃得頗吃力。

一個人搵地方食lunch, 由銅鑼灣「散步」到灣仔, 求其入0黎食碗四寶米($24).先飲啖湯, 味道係淡出個鳥來, 不過唔係咁人造味精, 算啦; 米粉唔會太腍, 不過有d 黐埋一堆的; 「四寶」係7 樣0野, 有魚片頭, 魚蛋, 墨丸, 扎肉, 魚皮餃, 貢丸同豬肉丸各一, 夠晒大堆頭又夠晒頂癮... 最好食係墨丸, 彈牙又有濃郁墨魚味! 魚蛋都唔錯, 幾彈, 可惜魚味唔夠; 其他味道非常一般, 食完都唔記得.鋪內光猛又乾淨企理, 環境ok; 我得到0既招呼無乜特別, 不過睇住d 好cool 的阿姐好燥咁對待d 計錯數0既客人, 係感受到佢0地可以有幾惡=P$24 一碗, 唔貴, 不過食完都唔記得食0左d 乜0既味道, 應該都唔會再0黎.

禮貌欠奉，兼唔多理你，落單發悔氣，前世欠佢咁。倒曬d 洗菜水落我朋友度，完全冇say sorry(無錯，係洗.菜.水)冇比tissue，佢反而比面色我地睇!野食方面，叫碟菜，冇葉，得框，西利!麵呢，我寧願唔擺入口。凍奶茶、檸茶都可以整得難飲的，只此一家；別無他選。想受氣，0黎潮興啦老友。其實想比全部0分，但可惜最低係1分囉

陸運會,lunch黎呢到食因為周圍間間都好多人見呢間岩岩有位就入左黎叫左個香菇餃子河仲有杯豆漿送...香菇餃子河ok喇...不過就冇咩特別...但杯豆漿就好正!!!勁耐未試過飲過咁香既豆漿其他街果d溝勁多水冇乜豆味.. 呢到就唔同...勁想再飲返杯..不過飽了~呢間都係食d普通野...

噚日走去試，對面個阿伯叫牛腩河(18蚊碗)，我就諗住食靚牛腩啦！咪叫碗坑腩河囉，貴3蚊，要21蚊一碗，都幾貴。同一時間送到我面前，我仲以為佢掉轉，但我係走，所以應該冇錯，從外表同份量睇，都係阿伯碗靚同多好多牛腩，食落口更加覺得唔抵，牛腩好普通，冇乜味，唔係想像中咁淋同咁好食，總之就一路食一路呻笨啦！心諗係唔係個伙計將落錯落我碗河粉，畀錯阿伯呀！唉...總之奉勸大家下次呢度食就唔好叫呢樣，費事錢益佢！

今天到此間店舖外賣, 由於食飯時間, 所以很多人, 不過我等了很久, 遲過我來買外賣所有人都取了, 我便問包外賣阿叔,我等了很耐, 他豪不客氣同我講"你唔好同我講, 你同裏面收錢講", 我跟住就問收錢阿姐, 佢一尾叫我等下先, 我話人地遲過我買已經有, 仲叫我等, 好似唔想理我咁,我跟住話我唔要, 比番錢我, 講了兩次,佢都唔肯比, 阿姐先再叫做麵個阿哥做好未, 那位阿哥又好不客氣講話唔好理我! 我真係好嬲, 錢就比左, 時間又浪費, 呢個過程中, 阿姐行左出去, 大叫"迷有囉! 係出面, 阿靚女,你要聽住先得ka", 仲話我無聽清楚, 呢班人真係不知所謂, 禮貌勁差, 比錢仲要受氣, 我永不會再幫襯!!

和男友在會展聽了一場悶極的演唱會後，回家前先食碗粉。其實這間店都食過一次了，也是在逛會展後食的，因為比較便宜嘛。我們點了雙丸米($17)，雲吞麵($17)、菜芯($5)。雙丸米:有牛丸和魚蛋，兩樣都很彈牙，而米粉是爽口的那種，深得我心。雲吞麵:男友食的，他說雲吞不太好呀……至於菜芯真的差透了，只有很少很少，而且菜芯都頗老，不好。不知店內為何那麼熱，我倆食得汗流浹背，很辛苦!而且是夜看到老闆在改menu價錢，大部份都加了價，但我們收的是舊價，應該是最後一夜了……

赤口, 無啦啦被徵召戥腳, 玩前都要吃的, 於是一個萍水相逢的人就帶我們去其主場樓下-- 這家茶餐廳吃飯, 再上佢主場打牌。萍水相逢推介吃雜扒, 對於新年流流已負磅數十的我, 當然吃不消! 清清地叫一碗魚蛋米已夠。魚蛋及魚片萬料不及地過得去, 湯底也不是行貨, 令我喝到碗底, 他添加的魚皮, 也又薄又香脆, 整體上樣樣都過得去, 廿鬆d蚊在灣仔是過得去架喇。朋友的雜扒飯很大堆頭, 他們都吃清碟, 好不好吃就不得而知。

是另一場比賽，循例又是天未光要起床，未上車已要吃飽。凌晨五時未夠，約了跑友們在灣仔等，本想去附近的一個街邊檔吃撈麵，但其中有人認為食物可能不潔，要求找間舖子好好坐下來吃。視線範圍內已有兩間潮興，自然不作他選。早餐除了全日供應的各式魚蛋魚片牛丸魚餃粉麵外，也有多士公仔麵的選擇。來得潮興，沒道理吃出前一丁，就要了碗紫菜四寶魚麵。單看份量比較少，不過以早餐計，就差不多。「四寶」是墨丸、肉丸、札肉、魚蛋及魚片，當中以墨丸最好，都算是真才實料，吃到墨魚肉的味道；肉丸及札肉俱普通，魚蛋及魚片不過不失。這裡標榜湯底是無味精的響螺豬骨湯，喝幾口雖然也有點口渴，但都不覺有味精。紫菜沒有沙，要多青也真的儘量多，不錯。四寶紫菜24蚊，要魚麵加8蚊，再加凍檸水一杯加7蚊，總共39蚊，不算便宜。不過吃一碗魚麵做早餐，也不錯。

2007年4月30日星期一。午飯。雙丸米（魚蛋牛丸）。$17“魚蛋有2粒牛丸3粒。魚蛋自稱是手打，但我對太鬆泡泡魚蛋唔係太喜歡，牛丸也比較“削”，牛味唔夠。米粉是爽口的一種。這兒好在唔算多味精。店太小，逼得我一面食一面俾身邊走過的人碰碰撞撞的，好不厭煩。