潮興魚蛋粉

Open Now

Now Closed

灣仔區食飯一點都唔平，閒閒地都要$30以上，但付出的（銀紙）與得到的（食物水準）不成正比！其實呢間舖的野食唔可以叫做掂，但因為佢係公司附近唯一可以用$25以下解決醫肚問題的餐廳，所以都幫襯得幾密。通常我都係叫紫菜四寶米或者水餃米。但覺得四寶米的札肉好難食，好腥，佢地用左大量胡椒粉辟腥但失敗，結果食落又腥又勁重胡椒粉味。牛腩亦都唔掂，太韌。咬都咬唔開，仲點吞落肚？不過店員的服務，以粉麵舖黎講都還可以，至少唔會好似新釗記咁保證食到你一肚氣。

以前食牛什粉這裡還是可以的特別是宵夜不是他難揾食了但今天叫了外買,粗面有鹼水味不特止,牛什重死,林都,唔林下死實的的,好似佢比乜你要食乜一樣..好我今次成碗倒了

因為今日俾人引誘，講到ｄ魚湯, 蒸魚幾好食，所以我都唔想執輸。走左去食魚面，點知。。。　－食牛什魚面＋腐魚通菜1) 黑仔果然當家，送錯面，但我已經用筷子攪個碗野，仲叫佢\\\送去第二枱俾另一個食客。好嚇人！2) 今日可能餓，覺得碗魚面超細。3) 味精超多，好口渴呀！依家飲左可樂，但依然受味精影響當中，繼續無乜心機。

二個人好耐之前食過呢度既魚麵, 今次重遊, 發覺質素下降, 相信不會有第三次.叫左一碗魚蛋魚麵, 另一碗牛根魚麵, 魚麵另加$7/碗, 魚麵好幼兼少, 唔彈牙, 無魚香, 頓時覺得超唔抵食.炸魚皮不過不失, 但食完碗唔掂兼唔飽既麵就一肚氣!!

29 April 2006 (Sat) - 遲來的晩飯去飲嘢前由於咩都味食過又己經成11點鐘，所以喺附近求其搵間平啲既河粉食．．．叫咗個墨魚丸米，唔知攪乜，舖裏並唔係太多人，但係等咗好耐好耐，耐到我其實想唔要．．不過算啦，我諗都有等咗四個字至黎到碗嘢，仲要麻麻地，我都有食淨少少．．．不過勝在平啦，$19蚊碗．．．

呢到既潮州粉麵我覺得唔錯，之前夜晚上堂之前都會係呢到食咗晚飯先，經常係到食都唔覺得厭。我比較鐘意佢地既牛什同四宝，四宝既丸、魚餃同魚扎都好彈牙。其實灣仔，銅鑼灣都開咗好多間潮興，不過我個人就比較喜歡呢間近修頓既呢一間，覺得質素好同地方較乾淨。呢到17蚊一碗既粉麵都幾平(四宝要$23蚊)

唔記得街號，我想講o既係修頓球場對面果間，地址都應該係軒尼斯道，不過係灣仔，唔係銅鑼灣。Anyway，講住先啦！如果寫錯舖，唯有麻煩編輯代執啦本來我係o係皇后大道東果頭食早餐，不過在灣仔重建計劃下，幾間食開o既舖都冇左，唯有行出D搵食啦！呢一朝忽然好想食紫菜，咁o岩見有間潮興，就決定入去食個墨丸米。朝早八點三左近，成間舖得一檯客，阿姐o既招呼都幾殷勤。睇下餐牌，見有我最鍾意o既魚麵，即時轉唔叫墨丸，要左碗魚麵加紫菜。本來對呢度冇咩特別期望，點知個魚麵入口竟然幾彈牙，而且好有魚肉味，配上潮式辣椒油，真係相當唔錯，不過份量就少左D同埋湯底比較重味精。埋單好似係十八大元唔包餐飲。以茶記早餐黎講，其實都唔平，不過個魚麵都叫值回票價啦！

雖叫"潮興魚蛋粉", 但牛腩都唔錯.叫個牛腩粗麵,牛腩好腍,肉紋條理分明而肉間隱約有層油分o係度,入口香盈,好食.粗麵爽口彈牙.唯一不足o既係湯底味精較多,所以個師奶店員成日問人"飲唔飲野呀?".

今晚獨自吃飯，去潮興買了一碗香菇水餃麵，餐牌上寫$17，原來外賣只收$11，好平。以為只是一般水準，但出乎意料，水餃很好味，雖然只得兩隻，但好大隻，蝦很大又新鮮，豬肉不會梅，冬菇絲好香，麵很爽口，湯底稍咸及較多味精，都算可以。以這個價錢吃到這樣水準的水餃麵，很滿意。

去過幾次，唔係呢間，而係灣仔地鐵站出口三聯書店旁的及Southorn球場過馬路那間。次次都是食紫菜四寶麵。$24一碗的紫菜四寶麵湯底好味(但味精比一般魚蛋店重)，麵大碗，仲唔只四寶，共有魚蛋、牛丸、魚餃、墨丸、豬肉丸、扎肉片、魚片各一，基本是「公司麵」。評價如下:魚蛋、魚片: 好軟好滑，好味墨丸: 都好食，冇魚蛋咁出色牛丸、豬肉丸: 冇特別，但唔差扎肉片: 片得好薄下，唔夠味魚餃: 較為失色加$5有油菜，一個人食魚蛋麵$29落樓，都幾豪。

行到灣仔食lunch,成條街都見到3,4間潮興...我去呢間應該唔係呢個地址...叫左碗魚蛋牛筋米+凍奶茶+菜. 魚蛋唔錯,食得出係自家掣,牛筋都ok既,普通貨...果間店得個女人做樓面,越黎越多人佢都幾nice丫. 叫左3樣野,仲要雙拼$29,但係去德昌就要$42...差咁遠既

今日去書展前醫左肚先叫左牛肺魚麵,凍檸茶朋友仔則叫左牛肚河加凍檸茶試左朋友仔既牛肚同我O個碗既牛肺炆得好淋但味道偏淡OK咁啦魚麵唔夠彈牙而且味精好多食完成個下午不停飲水凍檸茶叫左少甜仍然甜到漏唔平又唔特別好味一定無下次兩個人咁都食左66蚊

一直都知軒尼詩道"潮興"有"烏繩滿屋"此問題,在近富城及永華的新店, 更有"屈錢阿姐"出現!事緣, 我與同事第一次去食. 佢食豬手麵, 為怕咬豬手時令麵湯四濺, 吩咐豬手另上. 阿姐A先奉來一小碗豬手, 只有2件. 正奇怪點解咁少時, 十分鐘後阿姐A上埋碗麵, 入面又有2件, 加埋好似好多, "都唔知食唔食得哂添..."同事說.食食下, 阿姐B向我地審問:"做咩咁多豬手o架?" 我地點知wor.阿姐A答: "aiya比多左添."阿姐C殺出, 向我地講:"唔得wor, 你要比多$6!!!"(一碗麵$17, 就算雙拼都係加$5)咁我地梗係唔制, 咁同屈我地食有咩分別?我向同事講:"有冇搞錯, 自己做錯野要人地揹."同事向阿姐話:"我未食o架, 你拎返一半走啦."廚師阿叔搭咀說:"都食緊咯, 算啦."阿姐咀藐藐話:"掂過啦, 點要返呀!!!"之後果幾分鐘後, 我地面黑黑, 食到背脊骨落.d阿姐好野, 由舖頭嗌都舖尾, 不停比說話我地聽:"你比乜人, 人地就食o架喇!" 比錢食野重要受氣, 真係離譜!然後阿姐C又來, 一手拎走碗豬手, 口中唸唸有詞:"倒左去都唔益你!"最後我地停左手, 冇食果

尋晚同朋友仔去潮興食個快飯，點個佢居然自己食0左野，吹啤∼咁唯有自己食啦！我叫0左肥牛米線，油菜，雪碧。朋友叫熱檸水∼唔使3分鐘就上晒所有0野，肥牛仲係半生熟狀態，要將Ｄ肉浸入湯裡面，講真，佢0既牛肉唔係特別好食，但個人覺得好有懷舊感覺，因為佢地0既肉唔會用梳打粉醃到無晒質感。嗒落有牛肉味，米線有0趙口，份量夠，兩個女仔食都得∼好耐之前食過佢地個肥牛飯，連我奄尖細佬都話好食∼下次要試下∼最唔好就係成日食食下有烏蠅飛過∼真係要留意下。

到灣仔軒尼斯道（三聯書局樓下）的新店。十二點九巳經九成滿。點了「香菇水餃米」（$17）加紫菜（$3）。三粒香菇水餃，件頭大，蝦肉梅，豬肉死硬實實的，吃不出有香菇，可謂大而無當。米粉偏硬。紫菜只有兩湯匙份量，算少。每張餐桌都有…鳥蠅！服務唔掂，D亞姐呼喝鬼叫，吃完拿拿林往樓上書店打書釘。一頓劣質港式湯麵午餐。