菜香齋素食館 (Closed)

年初二晚到伯伯家吃晚飯。今年不買盆菜，各自做點菜式。我和媽媽則到此店買了3款素菜。1小時後，用發泡膠盒盛著的素菜，到伯伯家還是熱得噴煙！燒汁金菇卷。帶點鹹味的燒汁與沒有味道的金菇很配合。金菇很爽，肉片很軟滑。蓮藕鰻魚煲。這碟菜比較鹹。蓮藕不太爽。菜膽雲吞雞煲。店員很細心，湯和菜是分開盛的。雲吞的餡料不知道是甚麼，不是菜粒，也不是火腿漿，我不太喜歡。芥菜煮得熟，但翠綠依然。之前也嚐過此店的香芋焗飯、星洲炒米等，都是很美味。店員亦很友善。所以，雖然不是新派素食店，我還是喜歡光顧此店。

今日我和阿媽到東華三院羅裕積小學參加校友會茶聚。所以完了聚會後，二人便在附近找東西吃。剛剛行經過這兒，見到一間齋舖。阿媽話不如來這兒食素，我話好，因為想不到吃什麼，而且最近吃了太多肉，所以決定吃吃素，清清腸胃。我們點了一個套餐：沙律併脆奶－好好吃的脆奶，好滑呀！而且有脆葉！銀芽金菇炒生菜－好好味，因為有很多金菇及銀芽！黑椒茄子炒烏冬－好香黑椒汁味！服務不錯，但好貴！

琴晚同男朋友去旺角行街街....就係旺角食埋野啦旺角多款式揀呀嘛諗住唔想食黎食去都係譚仔呀日本菜呀個d我又鍾意食齋...就黎左呢間啦佢出面有d懷舊糕點賣...成日間鋪係好舊式齋鋪咁款咁住d野應該有咁上下水準啦!我地入到去坐低...真係其實未叫餸我已經想走!因為一睇個menu...見到茶錢每位$6.5,....加我地一坐低佢就塞過黎既小菜$8已經加左成$21唉..我心諗:有冇搞錯!!個碟咁小既小菜要$8?!我屋企樓下間酒樓都唔洗收錢啦!當時覺得算啦,,,可能佢地既規矩係咁..拿拿林叫野食好過!我同男朋友兩個叫左兩個餸...因為怕好多食唔晒會sai左...第一個叫既就係脆皮乳豬件第二個叫就係芝士椰汁焗蝦球上菜既時候係個乳豬上先....因為個蝦球要焗wor.....張圖係食左一半架啦其實份量都幾多其實個乳豬都唔差...好有平時食開既乳豬味同口感佢既同之間真係有d好似一層肥豬肉咁...其實質感同味道唔差不過佢整得唔夠咸,,,同埋個乳豬醬好...令到我食左兩..三舊就唔想再食之後黎既就係芝士椰汁焗蝦球呢張相就係食左幾啖既相....菜就得幾粒...真係唔知係咪臨收工冇晒菜求奇搵d黑媽媽實的的既芋頭

今天同朋友預祝生日，去了菜香齋吃晚飯，但感覺很普通，沒想像中好味？只吃了三個菜和一碟酸齋，酸齋是最失準的一樣，另外比較好的是羅漢齋炒麵，都有85分，另外一樣是木耳絲蒸勝瓜。都有75分既。

之前逛旺角剛好看到店裡有年糕賣便試試他們的蘿蔔糕， 味精不是很多而且有蘿蔔絲 (~ HKD 50 each)。近幾天又經過附近，所以試了甜點 - 忘了名字但鋪面就一定會認出的。有芋頭的味道還有白蓮蓉 – 以HKD 4.5 each 的價錢算很有心。另外， 他們的羅漢飽 （HKD 4.5 each）也很好吃。

星期五晚去到旺角既菜香齋食飯，入到去發覺唔係齋期都幾多人喎，下層己坐滿了，我和朋友唯有上樓上，裝修只是一般。由於唔知有咩係照牌菜或好食的，便選了個自選三小菜既套餐。初時以為套餐既份量會細d，但上枱時發覺一點也不少。我們選了沙律拼脆奶，金銀蛋扒莧菜及梅菜茄子豆腐，另叫一個白飯。我對脆奶期望不大，有點心理準備佢會好油及炸粉好厚，但來到時，咬一口發覺我並不如我所想的，外層炸粉好薄，入面好香椰子味，好好食的，重有十粒之多，我們二人最後吃剩兩粒。至於梅菜茄子豆腐，賣相不錯，雖然豆腐唔滑，但食入口好有口感的，好清，適合我口味比較淡的人。最後會送上糖水，但甜了點，不過也不影響對食物既正面評價呢。

1) 坐下即奉上花生小食及辣椒油一碟, 當表示不要時, 店員即冷面回應: 唔要都要計錢喎2) 同埋, 點解素食錧會主動offer 辣椒油??? 大家明佢有幾正宗啦...

今天晚上將有家庭飯局, 2位阿姨率先於下晝剷上我家, 小hae幾粒鐘. 登門造訪, 手信就梗架啦, 佢哋為我準備了一個不'肉'午餐!買了以下幾樣嘢:齋燒鴨, 1份10蚊雞, 大家一致認位敗北, 皆因佢係淋嘅! 脆皮係燒鴨既必備條件啦, 唔理佢係有血有肉嗰啲抑或淨係得層皮嗰啲啦.齋鴨腎同酸齋, 1份15蚊雞, 呢份唔錯, 齋鴨腎有咬口而個酸齋亦夠酸. 汁亦不會過多, 唔會成'劈'嘢咁. 可以!羅漢齋炒面, 小弟夾了少少料嚟食, 不太油, 味道清清哋, ok的! 但要38蚊, 小弟覺得都幾貴喎!芝麻卷, 1碌3.5蚊, 正常價. 但幾有芝麻味喎! 食落感覺到有落足料, 有啲似唔溶喺手即溶喺口既芝麻糊咁, 出色!仲有齋粉果, 又係3.5蚊1隻, 小弟冇試到, 但睇落佢個皮都幾厚咁. 由於冇食, 故廢事亂噏, 告白狀.終合嚟講, 係唔錯既! 味道不太濃, 冇味精, 不油膩, 附合健康標準. 要知道'笨'唔係好多齋舖能做到此效果的! 間唔中不'肉'吓都幾過瘾嘅, 始終1支公有時係'齋'啲架啦!

聽聞這店有咁上下歷史，有不少食客幫襯，就來試試。我們一行三人來個套餐，三個餸菜，另點了一碟齎滷味和一窩粥。每樣都很快送到，好似一早就知有人會叫咁。西檸鴨：最難頂，好油，食一件就想收工五柳仙斑：不過不失，但就不是魚型，似吉列豬扒北菇小唐菜：個汁嚴重杰，算係有條菜食下粟米粥：有粥、有粟米、甘荀粒、少少菇，無乜特別齎滷味：味道評級為中下這一餐每人$88，唔算好食及抵食，食齎有好多好地方，不用來這裡。

原價$3.5, 但我俾0左$5唔記得找錢...XDDD都OK 0架, 幾有芝麻糊的味道0架!! 口感都唔錯, 食落唔係黐埋一PAT 0野, 但又唔會好大菜糕咁喎!!食得過咁啦~

難得妹妹仔主動約我出街, 行完旺電, 睇完手袋, 就佢係素食者, 女人街附近只記得呢一間. 二人叫一個羅漢齋炒麵, 味道一般. 不過後來大家後悔點解唔叫炒飯. 碟炒麵$45, 埋單$66, 茶芥哇$21. 飲咩茶咁貴. 好唔值.羅漢齋炒麵真係好普通. $45 變$66. 下次外費叫小點算數.

同媽媽去mk食dinner~佢\話想食粟米粥~話10幾20年前女人街有間齋舖~d野食好好味~但係唔知仲有冇營業~因為由家樂o個邊行過去,行左兩個街口諗住冇之際~e~~仲o係度wor~即刻入去~兩個人食左:粟米粥(碗)$16,芝士南瓜鴨脯$60,法海蒲團$50.粟米粥真係幾好味wor,好清甜,有雪耳,粟米同磨菇.媽媽冇介紹錯.芝士南瓜鴨脯賣相靚~又夠多南瓜,好甜..鴨脯味道都幾似口感ok~d個dish唔太油~又特別..起碼唔係普通o個d傳統齋舖可以食到~法海蒲團係有塊腐竹包住d羅漢齋~有d油~但味道ok~兩個小茶既portion都好大~食唔晒~要take away~最後送紅豆沙~幾甜.....但都有起沙~算啦~其實好想食荔芋卷,但太多喇~唯有下次啦~

食齋同事搵到好路數，所以黎呢度食歡送午餐。傳統齊菜嚟講呢度算唔錯，而且歷史悠久，我地都不時嚟食lunch。午餐有套餐，都係三十幾蚊，碟頭都有返咁上下，尤其是炒粉麵飯，唔使驚唔飽。今次我地叫咗一個咖喱海鮮炒飯，好香，食落同真既相似。仲有荔芋卷，芋頭係我既至愛，所以覺得好好味。另外椒鹽豆腐都唔錯，唔怕熱氣會幾鐘意，其餘餸菜水準平均，都係ｄ瓜菜，好難煮得難食。整體嚟講呢間算係旺角區食齋既好去處！

尋日放工心情低落,到旺角轉車探媽咪,儘管唔肚餓(下晝已不停食零食),但口淡淡想食齋,巧合地發現呢間"隱閉"齋鋪,決定放縱一下!買o左$10三款齋鹵味,甜酸齋,齋鮑魚&齋叉燒,份量多,唔太油,暖暖地,幾好味!再去津味買多杯綠豆沙冰,即時變o左一隻傷心o既大笨象!

昨日五時左右光顧. 老式素菜店的裝修, 地方尚算整潔. 服務一般.我和家人在這裡叫了三樣東西: 素西檸鴨, 梅菜腰果炒飯及羅漢齋湯麵. 梅菜腰果炒飯(HK$45-), 收這個價錢的但覺得飯是有點少..太油膩而且過鹹. 私下覺得梅菜本身已經有鹹味, 炒飯應該少放點鹽(可能是因為我們是長素者? 口味較一般人清淡?). 我的食量一向相當大, 但這碟飯吃了一半已經覺得有點不想吃了.素西檸鴨(HK$50-), 賣相不錯但勁油, 咬下去油是「滋」出來的. 雖然炸的東西不會「預」很少油. 但也不用這麼多吧.....羅漢齋湯麵(HK$25-), 我沒有吃, 但家人吃後的評語是味道過濃, 有點不像齋湯麵, 還好用料足.佐敦的六榕仙館價錢比這間稍平, 而且味道清淡得多.