Chopsticks Fork n Knife (CFK) (Closed)

今日有舊同事喺外國返嚟探班，所以就同佢出去食好嘢。行到去One Island South，一個想食西餐，一個想食其他類型，就走去CFK，一次個滿足大家嘅願望。啱啱過咗午飯時間所以入唔到。入到去好快就有位坐。朋友分別點左日式鰻魚溫泉蛋飯，黑松露雜菌意大利飯，而我就點左墨西哥素菜卷、炸墨西哥脆片配牛油果醬。先上餐湯同沙律。日式鰻魚溫泉蛋飯嘅賣相唔錯，朋友話個鰻魚味道不錯。黑松露雜菌意大利飯黑松露嘅味道非常濃郁，佢上菜嘅時候連隔離嘅人都聞到香味。相對地個素菜捲就比較失色。個餅都煎得脆口，但餡料唔算豐富，主要係生菜同幾粒粟米。脆片味道較淡，而牛油果醬味道亦麻麻，牛油果味不重，而重洋蔥味。環境亦算唔錯，幾岩傾住計嚟食。

沉悶既星期一 唔知食乜好同事提議不如食豪啲醒醒神於是就話去食CFK CFK一直都有不少多元化既嘢食提供就好似有吉列豬排定食、擔擔麵、意粉、RISOTTO、BURGER 等等價錢算中上，但一到LUNCH就好多人食好多時候預早book位會比較好☺️貪佢環境唔錯 嘢食質素亦有保証👍🏻於是我就叫咗我最愛既「卡邦尼扁意粉配溫泉蛋」💲98一開始會問你要湯或沙律 今次揀咗沙律可能沙律菜份量唔多 芝麻醬多咗小小反而覺得有啲咸意粉方面個汁幾好 唔會好杰 而一般卡邦尼都係配意粉 呢度配上扁意粉 口感唔錯 亦幾新穎 煙肉唔會過咸 溫泉蛋亦煮得岩岩好 晶瑩剔透🤤好食度:😋😋😋😋Overall嚟講，呢個lunch CP值都幾高！

忙完一個星期，Friday night過來逛逛，又幾舒服，人少少，享受一下悠閒寧靜，而且食物都幾好味！😋😋✩大蝦冬陰功risotto：泰式意式fusion又出奇地夾，而且risotto煮得剛剛好，蝦就一般，唔覺鮮味。✩擔擔麵：跟一般擔擔麵不同，少了花生醬的味道和creamy口感，但是落了孜然，又幾惹味。✩配擔擔麵的豬扒：我唔食豬，所以no comment，哈哈！✩薯條、炸魚、魷魚圈：魷魚圈夠腍容易食，炸魚一般，薯條一般，若是波浪紋薯條會更佳。✩焦糖紅菜頭latte：第一次見有紅菜頭的latte，又幾得意，不過飲唔出有菜味，哈哈！✩抹茶蛋糕：好鬆軟，微甜，好食。✩不記得甚麼白朱古力mousse：外面層皮好得意，包住白朱古力，中間有橙味的，要這樣整3層都考功夫。

有同事食過覺得呢間唔錯就lunch帶我黎試下la 果然有驚喜打開menu食物好多款式有西式 中式 日式選擇價錢約$90-$130套餐包餐湯或沙律 飲品都好多選擇同事叫左韓式牛肉便當賣相好吸引 牛肉有好多汁味道濃郁惹味配埋飯食頂呱呱沙律係芝麻醬同有黃蕃茄好好食食肉獸嘅我就揀咗吉列豬扒便當 估唔到係用厚切豬扒炸粉唔多好有咬口配沙律醬食冇得彈唔係岀面成日食嗰d普通薄豬扒呢杯熱紅棗薑茶需另外加$10 好香紅棗味不錯套餐包既餐湯係南瓜湯員工都好nice好有禮貌 環境舒適 整體好滿意誠意推薦

餐廳食物實在好食有特色可惜服務質素不以客人服務為本！餐廳對客人要求非常不接納而且不喜歡你們給任何意見態度高傲！簡單到叉燒飯上面的蛋因為俾小朋友食想熟一點他們都拒絕這個要求！然後主管給客人的感受是”你們的要求很有問題”! 而且主管告訴我們，你們不如唔好要隻蛋寧願浪費死都不肯改！後來擾攘一輪最後才肯整熟一啲.全餐的小姐態度很好可惜主管及公司制度不會接納客人在任何情況下的任何要求或更改，而且餐廳價錢並非一般街坊茶餐廳, 今時今日服務嘅態度是這樣實在有點驚訝！雖然食物好食有特色但是我們也不會再去了！

住咗係南區咁耐其實都知道一直缺乏可以坐得耐嘅cafe今日朋友就帶咗我來呢一間位置比較難搵嘅Cafe我哋就叫咗兩個湯兩個主食同兩個飲品當日嘅湯係番茄忌廉湯 都幾好飲幾creamy 而主食方面 呢度都有好多選擇 有日式西式中式我就係食咗個冬陰公大蝦意大利飯個汁好特別 有冬陰公嘅酸辣味但同意大利飯異常地夾朋友就食咗個吉列豬扒擔擔面都幾特別飲品方面我就帶咗個椰子朱古力咖啡其實係之前朋友介紹 果然十分唔錯椰子味同咖啡非常之夾 朋友就叫咗個芋香珍珠奶茶都幾好飲 珍珠唔會好膠 都q彈

上星期晚約左個fd係黃竹坑做gym，做運動前食少少野，見到one island south 有間食意粉好似唔錯就黎試下。卡邦那扁意粉配溫泉蛋呢個carbonara 芝士好濃，但又唔會覺好漏，仲好多煙肉添，加埋溫泉蛋既蛋黃汁，將成個意粉既味道昇華意大利雲吞薄薄既雲吞皮加埋Ricotta cheese，配上香草忌廉汁，味道非常好而且食左幾塊都唔會滯。Opera cake最後仲忍唔到叫左件opera cake 食，呢個蛋糕係法國都幾傳統既cake，蛋糕入面有大概六層，分別係咖啡味既海綿蛋榚、朱古力同慕絲，好香甜既蛋糕。

是日比朋友約左黎黃竹坑食晚飯。小編心諗，乜呢到有野食架咩？十分疑惑! 直至左穿右插，黎左呢間CFK (Chopsticks, Fork n knife) 呢到包含吾同菜式，盡求做到應有盡有(=ﾟωﾟ)ﾉ 環境幾大架！可能系商廈地區比較偏僻，人流就吾系好多！我地叫左好幾樣野食。芝士牛肉漢堡配薯條(hkd$118) 麵包軟軟的、中層牛肉幼嫩，食落十分Juicy之餘，配上芝士增加了層次感！至於薯條、沙律都好有質素，絕不馬夫！泰式菠蘿雞肉炒飯(hkd$98) 炒得既香又乾身！炒飯落了好多菠蘿粒同腰果，差吾多每啖都食到，真系落足料架٩(˃̶͈̀௰˂̶͈́)و飲品方面，我同朋友都好養身。分別叫左 熱柚了茶(hkd$28) 同埋 皇室玫瑰花茶(hkd$28)最後影張食物大合照作結♪(´ε｀ )！

趁今日係黃竹坑開會早放就去附近既one island south 食飯😋上網睇到間餐廳chopsticks Fork and Knife好似幾吸引 一於去試下！一入到去 環境好舒服又闊落 播緊英文歌 七點左右去到 唔算多人我同同事們三個人叫左 大蝦蕃茄意粉 口水雞同埋牛肉飯 份量都好大啲大蝦好爽口 唔似係急凍蝦牛肉飯好別緻另外口水雞味道都唔錯 不過唔太辣另外叫左杯椰子鮮奶咖啡 見係外面既餐廳吾常見點知有驚喜 咖啡味吾算好濃 椰子味好重 同咖啡好夾店員仲介紹我地下次試朱古力椰子咖啡下次一定要試下☺

接朋友放工之後帶我去食樓下既西餐放工時間好似比較小人 不過我中意咁樣傾計原來樓下係商場型式 行入呢間既感覺係開放式既cafe咁都幾大 門口仲有啲高枱睇完menu覺得似一間多國既餐廳 有日式 西式 中式岩唔同人既口味我就叫左最中意既Carbonara❤️ 中間仲有個蛋 好多bacon仲有啲香菜苗（個人就麻麻）食既時候夾起左 整體黎講唔會太漏 扁意粉唔會太林都唔係un 加埋啲cream同蛋槳撈埋好好食朋友就叫左個日式鰻魚飯 一個便當既賣相都好靚 雖然好似份量唔多 但朋友食唔哂 我試左條鰻魚都好香 加埋個燒汁好最緊要又係有個流心蛋 撈飯正呀飲品就叫左熱情果梳打同埋荔枝龍眼梳打個人比較中意荔枝龍眼梳打 兩隻水果既味好夾 又香又甜 好岩女仔飲最後埋單300蚊左右 食個西餐都差唔多啦 仲有咁多選擇 美中不足係晚上有甜品 勁想食佢啲甜品唯有下次先食

CFK - stands for Chopsticks, Fork n Knife : )意思就係黎呢度食野, 無論筷子, 刀定叉你都有機會用到~因為呢度有西式, 日式, 泰式什至乎港式食物都有!!位於One Island South 1樓, 夜晚黎看似已經關晒門既商業大廈, 但當你搵到呢個小角落就代表你已經搵到呢度 : )環境清幽 有悠閒的cafe氣息..大大幅掛牆畫加大大片仿草牆壁..木製餐枱同雲石餐枱任君選擇☺️員工態度亦都非常友善呢^^~每日供應唔同款式既蛋糕櫃黃竹坑對我黎講確係遠左d 但呢度勝在菜式大包圍..乜都有d岩晒成日三心兩意既朋友, 連飲品款都勁多! 仲要係好吸引~~芝士牛肉漢堡配薯條 HKD$118Long time no hamburger!🍔麵包軟軟的 又有芝麻香...中層的厚切牛肉幾軟嫩 而且juicy!被一層薄薄的芝士包圍住 唔算漏🧀~但最後個重點其實都係香脆微咸既薯條!!🍟佢又好好地加左d沙律菜 幫你減輕罪疚感😌泰式菠蘿雞肉炒飯 $98我鐘意佢唔過咸兼唔油膩連我呢d腸易激綜合症患者都好岩食😂菠蘿粒飽滿鮮甜 幾乎每兩啖就食到一粒雞肉嫩滑又煎得幾夠火喉 仲有少量

去左黃竹坑one island south 朋友公司個到，佢之後帶左我落留下食野，話呢間西餐廳係附近最方便同埋幾有質素，我地就食左d野先離開黃竹坑喇。呢間餐廳係one island south今面一樓，係比留工人士落黎食lunch,見客，坐一唔錯嘅選擇。我地個日等埋個朋友收工落去，8佢地都last order, 所以都係就番office hour.佢平時下午會有set, 不過夜晚就冇。佢個樣似西餐廳，其實佢仲有中式日式menu都幾多元化。不過我地兩個都叫左pasta我叫左個prawn linguine, 分量都好大碟，唔會話得個樣細細份，絕對夠食飽。而佢用嘅蝦都係新鮮，肉質靚嘅蝦,咬口係實正唔係好爽口個種冰鮮河蝦，仲要成碟有6-7隻，比足料。 味道亦都唔錯，辣辣地加少少蕃茄醬炒，幾開胃，非常符合我嘅口味。另外朋友叫左carbonara, 佢話呢個係佢favourite,次次都係食呢個。除左佢味道夠creamy濃口之外，佢個溫泉蛋都係點睛位，做得岩岩好，中和番ham 嘅咸味，唔會太濃太咸。我試左一淡都係咁夾佢黎食🙊最後都叫左個甜品，佢地cake都好多款，手快有手慢冇，本身想試兩個frui

在One Island South吃午餐，隨便走進一間餐廳，全因為可愛的名字 --- Chopsticks, Fork and Knife，有筷子、刀和叉，到底有甚麼東西吃呢? 餐廳環境寬敞，客人可以舒適地用餐。提供中、西、日、韓美食，由薯條、意粉、窩夫、霸王雞飯、鰻魚溫泉蛋飯至泰式咖哩都有，恰如店名"Chopsticks, Fork and Knife", 以不同餐具品嚐各國美食。點了黑松露雜菌意大利飯，上桌時黑松露香氣撲鼻，令人食指大動圓潤飯粒煙韌有口感，不會煮太軟身平日很怕吃意大利飯時飯粒太淋，失去了risotto的精髓。忌廉汁味道和份量亦調較得恰到好處，完全不覺膩。香芋珍珠鮮奶的漸變紫色非常誘人，香芋味自然清淡，珍珠煮得夠Q。等候朋友期間再點了杯焦糖紅茶頭鮮奶咖啡，以紅菜頭調配Latte比較少見，抱著姑且一試心態，沒期望就沒有失望，哈哈呈誘人的暗紅色，味道柔和容易入口，沒有難聞的草青味，但未有驚艷之感，貪新鮮的不妨一試喔～

呢間餐廳位於黃竹坑 店內環境一流 我地坐左落地玻璃旁邊既位 望到遠景影相食野打卡一流 正~!牆邊既擺設都好靚好休閒既 配上雲石枱 啲相真係點影都靚店內原來係做多國菜既 我地叫左韓式牛肉便當同黑松露雜菌意大利飯   $108韓式牛肉好香麻油味 而且冇乜肥肉 位量都頗多 重有沙律同兩粒麻糬架便當重有啲薑同黃蘿蔔 酸酸甜甜幾開胃 啲飯上面重有日本人撈飯個啲木魚配料完全係錦上TIM花<3$108 黑松露雜菌意大利飯好驚喜！ 好香既黑松露味 好creamy 意大利飯硬度適中 都唔會太乾椰子朱古力鮮奶咖啡$38 飲得出同普通mocha唔同 淡淡既椰香味 鍾意試唔同味既人可以試吓!($48跟午市套餐$35)重叫左伯爵奶茶蛋糕 好特別 食落好香伯爵茶味 一啲都唔會太甜 而且好moise 係少少濕潤既 成個蛋糕可以用好輕盈尼形容!

Went out to lunch with colleague on Friday, quite a fancy lunch with a nice restaurant settings! Food here in general is quite pricy for lunch but the portion is there! My colleague ordered Carbonara, I tried few bites and it is nicely made with a rich and creamy sauce, and the egg is nicely cookedThe menu here is with a big variety, they even serve Beijing style of dishes too! Dan Dan noodles is always my favourite so I gave it a try. Te noodles is made with a really rich peanut sauce, was expe