Chopsticks Fork n Knife (CFK) (Closed)

港島南地鐵開通之後，我經常會去黃竹坑、鴨脷洲等地方搵好嘢食。 上網見到呢一間餐廳朋友介紹話好好食，所以就慕名而來喇！佢位於one island south大廈裏面的走廊盡頭！ 但都唔難發覺，因為一出lift就會有指示！ 因為我下午時間去，過咗lunch time，所以唔算多人，食得十分之舒服！餐牌內款式選擇多，樣樣都想食先叫個擔擔麵配厚切吉列豬扒～擔擔麵湯底香濃微辣，麵質幼滑吉列豬扒炸得外脆內嫩滑，好食餐茶就叫杯玫瑰花茶！朋友叫咗一個 日式溫泉蛋牛肉飯 牛肉 同埋飯底超多，超抵食仲叫多杯特飲熱情果梳打！ 餐廳特別推介，梳打水嘅酸配熱情果嘅香味！超級涼快！爽呀資料由香港愛玩生iPlayhk.com提供

平時淨係會係黃竹坑熟食市場搵食，但原來近運動場呢邊都有唔錯既西餐食～搵餐廳時，沿路都見到唔同既塗鴉牆，食完就順便係樓下既塗鴉牆影相！食左lunch關係，仲係飽飽地，淨係叫左幾樣野食share 酥炸魷魚圈 $48魷魚圈炸到好香脆，索索聲，粉漿同魷魚圈唔會炸到分離，而且唔油膩，點埋沙律醬 ，搞到我食左好多舊~焦糖奶油雪糕泡芙 $48最驚喜係佢既焦糖奶油雪糕 ！香滑細膩，creamy且甜度適中，對於中意食雪糕既我，非常想encore佢既雪糕呀～泡芙微脆，但食起上黎其實有D唔方便，成個拎上手食就太大個，用刀切開又會整到散晒，好矛盾呀>_< 窩夫配焦糖餅乾雪糕及香蕉合桃 $68窩夫一共有3塊，帶少少蛋香，但略嫌窩夫整到有D燶呀~香蕉微微燒過，變得更好食！雪糕就覺得焦糖奶油味好食Ｄ，但呢隻味都唔差！而且擺碟都好用心思。雪糕為呢碟甜品加左唔少分～熱情果愛玉梳打 $18，紫貝天葵檸檬愛玉梳打 $18愛玉比想像中多，清新得黎又好有口感！夏天用黎解渴不錯呢！ 餐牌

這個熱得令人連食慾都提不起的天氣, 心情煩悶一於去屋企附近食D辣野, 驅走暑熱! 餐廳都幾持別, 有西, 日, 中的菜式, 環境幾大, 有空間感, 吾好覺得迫因為想食D辣野, 所以就叫左個擔擔麵配蒜泥白肉, 擔擔麵是中國四川的特產小吃，呢個麵條細滑，湯底有紅辣椒油、芝麻醬、肉末、、碎花生、蒜末, 而且配上香濃、仍然帶有麻辣風味的湯底, 口感部份真的是恰到好處，再加上湯汁濃郁，擔擔麵的辣，會讓身體整個熱起來，味噌的濃郁會讓人想一口接一口, 夏天吃起來很過癮啊蒜泥白肉, 夠薄砌, 那切成細薄肉片的刀工, 勁淋上特調的醬汁, 不可或缺的一定要有蒜泥搭配, 真是讓人胃口大開, 好吃!再飲番一杯熱情果梳打, 香氣撲鼻，味道較酸, 梳打水調製，能豐富熱情果的香味, 入口清新涼快

原來海洋公園步行到黃竹坑只要五分鐘左右，朋友收工過來非常方便。下次去完玩，過黎食下野都係一個唔錯既選擇。晚市餐牌不同的菜式都有，似是一個小型food court。由中菜到西式到日式都有。點了主菜，甜品和飲品都可以半價。甜品和飲品比起出面的餐廳，都較便宜；半價之後真的很抵。*菠菜蟹肉意大利飯($108)蟹肉是新鮮拆的，食落有少少蟹殼碎；菠菜的份量很多；忌廉汁很CREAMY又不會太咸；唯飯粒不太像意大利飯的口感，有點失望。*燒菠蘿雞肉漢堡配薯條($118)牛肉漢堡就食得多了，雞肉真的較少吃；雞肉肉餅質感比較實一點，雞肉味濃；燒菠蘿香甜多汁，是一個不錯的配搭。*蘋果橙花果茶($28)吃完咸味的主菜，再飲一口花果茶，清一清味覺，再吃甜品。*法式歌劇院蛋糕($42)一層層的歌劇院，結實得來，又有點鬆化；味道是朱古力咖啡味，很香，又不會太甜。

Chopstick Fork & Knife 簡稱 CFK ，座落在商廈，鄰近地鐵站吸引到一定人流，但晚市相對會比較靜。從餐廳的商標可以看得出是一間中西合璧的餐館，筷子和刀叉又可以創作什麼特色菜式？未食先期待起來...於黃竹坑的節奏與市區果然大有不同，節奏都減慢下來。無論是沙律便當，還是中西菜式，星期一至六均有套餐，另加配每日餐湯或沙律/甜品或蛋糕/非酒精飲品。擔擔麵配孜然脆香雞 $98 師傅將湯底打成綿密泡沫，讓擔擔麵食起來更有西式風味，加上湯底帶微微餘辣，感覺挺特別！重口味的我略嫌雞件不夠重口味，多一點孜然粉會更惹味！也有喜歡食米線最愛的蒜泥白肉和厚切吉列豬扒可供選擇。日式鰻魚飯 $108 用上蒲燒汁炮製而成，鰻魚有咬口又夠軟腍，飯粒渾圓又不會黏成一團團，伴有生姜，處理得恰到好處，還隱約帶有和式風味。晚市飲品和甜品都是半價，點了杯珍珠奶茶和熱情果梳打，後者那杯十足太陽花般活潑，朝氣蓬勃，可被稱得上是夏日消暑解渴的飲料！紅桑子忌廉芝士蛋糕  (原價 $48，跟餐半價$24）在甜品櫃觀察了一陣子，店員便推介最新推出的甜品。紅桑子入口微酸，剛巧中和芝士蛋糕的甜度，芝士蛋糕的餅底比較硬身，

可能一講到工廠區美食，大家第一時間應該會諗到觀塘，但其實黃竹坑工廠大廈一樣有美食，不能略忽。黃竹坑站一出到One Island South，唔哂5分鐘路程就到目的地，沿路都有不同高檔餐廳，人流唔多，可以自由"行"，自由呼吸。😻❤💙💚💛💜🖤環境舒服帶有少許文藝氣色，high tea，吹水，自拍，睇下書，扮下文青又點睇!?😂😂 最緊要食物飲品選擇多，中﹑西﹑日﹑韓樣樣齊，仲有提供酒精飲品。唔知係新開張關係，定太受歡迎所有沙律一早己賣清光，好可惜食唔到煙肉馬鈴薯沙律，為有改叫日式牛肉便當。足料便當，厚牛肉，味道唔錯，除左白飯食唔哂外，其他都清哂。特色十勝紅豆西多士，唔會覺得好甜，口味一流飲時會聞到陣陣香甜味，入口順滑。呢杯我無飲過，聽朋友講話好特別!總括而言，下次會再去幫襯，到時一定要食到我最愛既薯仔沙律😋🤣

我同媽咪去黃竹坑食野順便去深灣探朋友。咁上網搵到呢間餐廳，One south island 唔難搵。喺足球場隔離一條街。之後搭lift 按一字。然後出lift 轉左。室內環境用白色做牆身，牆身仲掛左一幅歐洲火車掛畫。檯有高檯同普通檯。普通檯用深啡色同黑色櫈。牆身掛左一幅火車嘅圖、呢幅歐洲喺19世紀嘅蒸氣火車圖畫。令到餐廳有歐陸色彩。餐牌餐牌完全有圖有真相。份量同圖片相同。飲品玫瑰花茶，先聞到玫瑰茶本身嘅清香嘅香氣。Latte聞落有好咖啡味：有少少苦，但苦得嚟有咖啡味。奶味濃而且入口好幼滑。食物煙肉薯仔沙律，內面有蛋黃醬、車厘茄、薯仔、煙肉同紅蔥粒：車厘茄有紅色和黃色：煙肉好脆，食落去卜卜聲。洋蔥好甜。薯仔食落去唔太實但唔太淋，混埋蛋黃醬食：甜甜地。炸魚手指和薯條：有魚手指有4條，炸到金黃色而且好脆。入面魚味好濃,質感好結實。薯條長而粗，薯肉嘅密度高，無咸味！反而食到薯條本身味道。餐具餐具擺喺左邊，餐檯用實木製造。喺左手邊係叉同羮。上面放左咖啡糖砂糖。如果飲咖啡嘅人士就最好啦⋯⋯因為落咖啡先會保留原有嘅咖啡味道。服務態度：本人覺得呢間餐廳侍應都主動：當我成檯都係食物同飲品：佢就主動幫地執

日，意，韓，四川，粵，各地美食共冶一爐。今次試左日式同四川口味菜單，除左味道可以之外，份量都唔係講笑。沙律相對好多餐廳嘅套餐份量多，好適合我呢啲大胃。配擔擔麵嘅蒜泥白肉，辣油同醬油嘅比例剛好，個人好多蒜泥，呢度嘅份量我覺得可以多少少。個面好夠粉量，面條熟成剛好，花生碎夠多係加分嘅地方，麵汁可以多少少香辣會好啲。呢個牛肉飯，牛肉量係我食過咁多牛肉飯當中算較多。溫泉蛋時間亦非常準，係我最喜歡嘅熟度。飯煮嘅時間同水量亦非常好。無想過這個新開嘅商場會有一家超乎想像嘅餐廳，睇睇Menu，真係多國菜式都有，有機會要再嚟試試其他。

本身打算係留下coffee shop坐陪朋友去ladies room就見到呢間野有wifi，又唔貴，又靜，坐得舒服好岩傾野佢下午茶58蚊起咋啲待應十分有禮，我地好滿意野食都好滿分三樣野都好食特別係廣島燒，我朋友覺得三文治個包好硬，但好豐富，雞肉餅無咩特別，好難唔好食吧？飲品有愛玉的，酸酸甜甜好好飲又大杯推介～～～