釣魚船屋 (Closed)

好耐無去觀塘搵食，朋友話想食日本野，甘就一於搵間有特式啲既試下啦！ 最後就揀左依間，係餐廳入面竟然有一隻超大既船！今晚我地坐既位置正正就望到船頭，很特別的感覺！今晚仲有所有無酒精飲品免費！網上訂位仲有85折，好抵🙈見到開飯好多人既食評都講到佢地既服務好差，但我又唔係好覺，佢地係我地坐低既時候好細心甘講解點樣自助點餐，亦都有介紹佢地當日既特別推薦菜式，而且我仲聽到有個員工搞gag，同客人有講有笑，我真係唔認同佢地既服務差之後講講我地今晚點左啲咩食先！魚生船：厚切，味道正正常常，魚子超甜的！壽司盛：外觀非常吸引，質素ok的，只有吞拿魚麻麻。三文魚子吉烈帆立貝：我幾鍾意依個配搭忌廉蟹肉可樂餅：入面很creamy，但無咩蟹肉味。帶子卷：依個賣相麻麻地，啲飯一夾就散，面頭既帶子有啲腥依個我唔推介❗️

居酒屋玩釣魚🎣吾洗飛去日本咁遠 香港就有啦琴晚就帶左男朋友去🌟釣魚船屋🌟慶祝生日🎂🙈今餐完全係由男朋友發板架😆一坐低男朋友即買魚餌同魚竿🎣 $20係船身既周圍係一個魚池有分👉🏻公海區 (如果你平時有釣魚🎣經驗一定冇難道)同👉🏻養魚籠(建議係比冇釣魚🎣經驗既人釣既)一向熱愛釣魚🎣既健佢話要係公海釣條大魚🐠比我地今晚做餸🥰轉眼間就釣到條🔺絲立 👏🏻👏🏻👏🏻當客人釣到魚既時候店員都會打鼓🥁一齊助興🔺絲立 $348我地揀左黎做刺身點少少酸甜汁酸酸甜甜令我地更開胃呀而且口感仲非常彈牙爽口😋👍🏻食完刺身 如果想整活魚麵豉湯每位需要架18蚊~~個人認為麵豉湯既味蓋過左魚既鮮味☹️之後就叫左🔺日本下關生蠔 $100/3隻係限量架 好彩我地早去😆真係好新鮮又肥美生蠔上仲有d特製刁醬汁食落酸酸甜甜 幾特別🔺濱燒馬刀貝五隻 $68超大隻😍‼️‼️店員會將個爐放係我地面前幫我地燒坐定定有等食 正呀😆重點係燒完都吾會話好乾 仲好爽口不過要趁熱食呀~~🔺釣魚船屋刺身盛 (竹) $ 580當中有油甘魚、鯛魚、深海池魚、中拖羅三文魚、海膽、三文魚子、帶子款式多之餘每樣都好甜🥰👍🏻👍🏻🔺和牛他他 $168食落肉味濃郁但吾

啱啱幫公司傾咗個大客返嚟， 大工未知有冇得加， 但都對自己好d, 食返個靚lunch先。 餐廳位於觀塘， 叫做釣魚船屋， 食日本野嘅。 點咗 「美國安格斯牛肉眼便當」，沙律菜、魚生都新鮮， 前菜個螺肉都幾好味， 但沙律同埋螺肉個醬可以小返小小就更好。 蒸蛋又夠滑（呢個應該冇難度）。 主菜個牛就普通咗小小， 唔太值168蚊呢個價。 不過整體可以接愛嘅。 飯後果係兩粒提子。 168未加一前有15 Percent off。 價錢以午餐嚟講算中上， 下次會試埋隔離個間日本餐廳比拼一下。

The place is nice. But the staff are rude , and the food is just soso, especially the urchin. The urchin is not fresh and taste bitter. For the urchin and beef roll, the taste of urchin and beef are not match. I don’t even know what I’m eating. The price is expensive with this quality. You have too many other choices with this price. Definitely won’t come back!!!

四個大人一個小朋友，食咗成二千幾蚊，即每個大人$600，但係換來嘅只有梅左嘅魚肉，食物質素同價錢不成正比。用呢個價錢，已經可以食到比較好質素嘅自助餐。雖然有得即場釣魚感覺新鮮，但係換來嘅食物質素不如人意！服務員建議用煮嘅方法會食到魚嘅鮮味，但係我哋只係食到死魚嘅腥味！其實我哋有問過如果用天婦羅嘅方法會唔會好啲，但係服務員唔知係咪因為廚房已經煮咗，所以就話煮會更加好食！除咗主打魚非常難吃之外，海膽飯團成$80，但係就只有手指尾指甲嘅海膽，仲要係腥，總之食完嘅感覺就係，都貴又唔好食，絕對唔會再幫襯！非常失望！

同姊妹慶祝生日,就黎呢間啅頭係釣魚嘅餐廳~😜架船係打卡位之一, 都好多人釣魚, 仲可以坐係船上食, 邊睇住D人釣魚邊食飯, 幾搞笑😚氣氛好好, 唔識嘅人都會一齊睇下魚缸研究下魚傾下計咁,好有愛啊!呢到有部PAD俾人點菜, 都幾好架清楚睇到晒所有野食嘅圖, 唔駛估估下🤪不過即使係咁, 店員仍然有好好招呼同推介, 仲好細心會照顧我地怕唔怕凍啊坐得舒唔舒服咁, 都幾細心!🥰好多時我地都未叫店員, 佢地已經留意到我地需要D咩,好似我地暗示下就已經識得幫我地俾驚喜俾姊妹,唔錯唔錯👏🏻我地叫左A4和牛刺身, 竹刺身, 仲有個超抵價海膽杯, 樣樣都幾新鮮架!😋D燒物都唔錯, 即叫即燒, 熱辣辣好味道~今餐我地都好滿意!😌

早兩日同屋企人黎呢到食飯,一家大細係呢到好有氣氛啊! 小朋友見到有得釣魚好興奮, 有人釣到魚仲會有店員打鼓添,幾開心!叫左份釣魚用具俾D細路玩下,D魚睇落都幾唔錯, 釣到可以刺身上啊,煎啊煲啖魚湯飲下咁。而且坐得幾舒服, 我地有老有嫩咁,店員安排卡位俾我地坐, 招呼都幾好, 會同我地有傾有講, 唔係就咁落完Order就算, nice!最後我地叫左條日本空運嘅真鯛做刺身,幾新鮮好味。小朋友同老人家多, 我地就食左個安格斯牛肉眼, 肉質鮮嫩多汁, 鰻魚牛油果卷開胃滋味, 小朋友都食到lam lam脷!仲有個海膽松葉蟹肉麵豉甲羅燒, 好香好吸引!

膽粗粗試新野....開飯都幾多差評，但6款清酒放題2小時同活魚刺身好吸引.....都係忍唔住要去試下！一去到待應姐姐就問坐唔坐船，不過除鞋既時候發現係盤膝位，即刻轉走，我盤膝一陣都會腳脾，仲要著住裙添。。。反而見到佢d 4人細房好正喎，可以自成一閣，又唔使盤膝，不過尋日俾人book哂。建議訂位時先訂定房間，不過我唔知有無最低消費架....一坐好，想問清酒放題既時候，待應推介佢地日本引入既清酒機，$20一個代幣，買五送一，可惜...第一杯未斟滿就要維修....好好笑......整好左哥哥送多左2個代幣，不過一試就發現係室温清酒...原來部機無製冷功能，諗住放棄餘下6個代幣，直接叫放題，待應姐姐都好識做咁幫我取消佢。不過忍唔住再確認清酒放題係凍既先落單...叫左絲鱲刺身、吞拿魚他他配山葵汁 、燒雞皮 、燒河豚魚乾 、燒免治雞肉棒沾蛋 、燒黑豚五花腩 、鹽燒牛舌 、安格斯牛肉壽喜燒原條魚刺身好新鮮！絲鱲係爽脆口感既魚，跟埋同魚刺身最夾既酸汁！食完刺身，可以加錢將個魚腩同魚骨煲碗麵豉湯，不過真係好細碗😅 （唔記得影相添）吞拿魚他他賣相唔討好...但估唔到好有油香，唔錯。串燒正常野，唔係差但又無

想去啲特別啲嘅地方,朋友推介呢間有一大架船做啅頭嘅餐廳😊睇落地方好大,有好多塔塔米😁好有日本風味啊!有一大個地方俾人釣魚,無論餐具,食物擺設,都感受到餐廳用心經營啊👍🏻店員好有耐性解答我地嘅問題,有傾有講咁都好親切!首先推介左前菜,芥末八爪魚🐙 安康魚肝,好醒胃,口感唔錯,送酒幾好😝另外有超抵嘅$100三隻嘅岩蠔,物超所值😋好新鮮海水味亦適宜👍🏻和牛他他亦係超高水準,賣相好靚😉今餐好滿意啊😛希望下次可以再叫更多野食試試😉

姊妹們心血來潮想食日本野,佢地搵到呢間有得釣魚幾得意嘅就去睇下~環境幾有味道,好有去左日本嘅感覺🥰好遲先book位,但都好彩仲有位俾我地~店員都好好招呼啊,特登俾個舒服啲嘅位俾我地😊又會好好介紹到我地想食嘅野!叫左個赤貝刺身,帆立貝軍艦,十五貫壽司🍣好好味啊😍啲刺身好新鮮爽口😋兩三個女仔咁樣食已經有啲飽飽地啦~另外再食啲熱食,叫左炸雞,一口芝士,炸蝦天婦羅同枝豆~都唔錯啊啲野食好快上到,啲野食都即叫即炸,外皮香脆😁

難得放假想食好啲 咁我朋友就帶左我黎食日本野 黎到先知原來依到可以釣魚架 有得玩又有得食 好啱小朋友黎玩下 但好可惜我哋釣左好耐都釣唔到啊最後就有同事黎向我哋介紹啲日本魚 睇落都幾新鮮 雖然有好多日本魚 又有秋刀魚 又有深海池魚 但我哋都唔想食太貴 所以最後我哋就平平地落左依伊佐木刺身 做刺身都幾爽口好鮮甜我哋另外都嗌左刺身壽司和食都ok啦 中規中矩 黎到真係食啲日本魚最抵架啦服務方面都幾好 啲同事都親切 會介紹啲優惠比我哋 又唔會太hard sell 總之成餐飯都食得好舒服啦

收工好想食日本野~今晚試左呢間環境幾得意嘅日本餐廳!一入去見到有架船有得比人釣魚,又幾盞鬼架喎🤔環境唔錯,店員安排到靜靜地嘅位俾我地休息傾下計,又可以睇到人釣魚,不過可能平日嘅關係就唔算多人釣~為左今日目的,首先叫左個竹刺身,15貫壽司。都幾ok喎,刺身件件幾厚身新鮮,口感非常好😋壽司飯少但面頭刺身大件,所以好食到舊刺身嘅原汁原味,抵食!加上有個池係到,感覺食嘅野都特別fresh!😎店員推介可以叫條空運魚食下,有晒牌仔係到都幾清晰邊條打邊條,加上個店員都有介紹,就試下個金目鯛。正喎~食完刺身食返條煎魚,送埋酒一流,好香口👍🏻之後加多個蟹籽牛油果卷,都唔錯,非常creamy又啱晒我地個要懶係健康又要飽肚嘅同事🙃幾好幾好~野食好味地方又過癮,下次叫多幾個同事黎一齊比賽下釣魚先😂😂

話說舊年去大阪旅行嗰陣去過釣魚屋餐廳，同行嘅大人細路都玩得好開心聽聞香港都有類似嘅餐廳，所以專登揀咗嚟同屋企人慶生，睇下啱唔啱feel先一入到餐廳嘅感覺係「迷你版」釣魚屋餐廳，應該都唔差啩一坐低就按店員指示scan QR code落單，店員仲介紹我哋食 $38【海膽杯】，海膽好新鮮好creamy，雖然細細杯，但以呢個價錢嚟講係好抵，不過⋯每張枱只限叫一杯我哋order咗一份釣魚用具，小朋友當然玩得開心好容易就釣到條【黑鯛魚】，釣到魚即刻會有職員打鼓助興，氣氛都幾好。我哋揀咗魚肉刺身+炸魚骨，雖然活生生釣到條魚，可能鯛魚始終較淡口，無乜鮮味可言，只可以用嚟影相呃like成餐飯最好食就係炸魚骨，因為炸粉夠薄，炸得脆卜卜加上七味粉辣辣哋，上枱時仲非常熱，所以特別好食【日式吉列蝦拌黑松露醬】吉列蝦炸到好乾，蝦味同黑松露味都欠奉唔知仲以為係芝麻醬【蟹肉忌廉餅】忌廉係好creamy嘅⋯但蟹味呢？蟹肉呢？唔見喎！！我究竟食咗D乜嘢【明太子溫泉蛋稻庭烏冬】烏冬質地好好食好彈牙，但完全唔覺有正常明太子應有嘅咸香味【燒明太子】燒得幾好，唔算好咸，送下酒都唔錯【串燒拼盤】每款串燒都可以試下

今天我們一行10人再次到這裡食午餐，我們被安排一間房間，食物及環境原本都很好，但今天竟然遇到這種惡劣的待遇，其中有二位朋友生日我們帶了蛋糕，一坐下便問有沒有爉燭，其中一位服務員說有，我們用餐完便按鐘叫服務員，但按了多次沒有人來而我們午餐時間也差不多夠鐘，所以其中一位朋友只好自行去找服務員拎碟及爉燭，但眼看附近也沒有服務員，只有接待處的一位員工，便問她她說沒有提供，叫我們問返剛才答應的員工，而且需要收100元切餅費，我們也説接受但她沒有理會，同事只好見附近的櫃子上有碟便自己拎，由於沒有刀同事再出去拎一對筷子當刀用，怎知那一位接待員竟然說這位同事偷野，真係好難想像她竟然說客人拎一對筷子為偷野，後來聽其他員工說這位是老闆娘😱真的是老闆娘嗎？如此對待客人根本不像為餐廳，似在趕客人一樣，之後我們要求這位女士來埋單，她沒有來找了另一位服務員來說可能是溝通上誤會了，怎可能是誤會，拎一對木筷子在歺廳內使，竟然説成偷野，到最後也沒有來道歉，真是可惡的態度😤😤😤以後也不會再去😡😡😡

餐飯好好食，咁大個女第一次見成版咁靚嘅海膽🤪烏冬好有彈性，d醬撈得好flavourful😋炒飯估唔到幾有火候😲同埋可以係間餐廳裡面釣魚???🤔______________________________𝙒𝙝𝙖𝙩 𝙬𝙚 𝙤𝙧𝙙𝙚𝙧𝙚𝙙😋1. 根室海膽剌身🐡2. 明太子溫泉蛋稻庭烏冬🍲3. 蒜蓉片海膽炒飯🍛4. 加州卷🍣