銓滿記餐廳小廚 (Closed)

本人係呢頭返工十幾年，間中諗唔到食咩會幫襯下。雖然覺得價錢偏貴，因為相對平時食其他餐廳來說比較細碟，但味道不錯，間唔中一次半次食下無拘。事頭婆態度其實唔錯，一直以來事頭嘴臉態度都不佳，但仍然一直無礙我間中去幫襯，不過近來一次聽到老闆高談闊論某自食其力行業不是，感覺憎人富貴厭人貧，使人非常反感，又會去偷瞄隔離鋪頭有無生意。雖然餐廳應以食物質素為主，但感覺不是太好，仍是使人卻步原因，希望日後有所改善，有機會再次光顧。

疫市下又禁晚市，想食煲仔飯，但大多淨做晚市，check到尼間4-5pm都有得堂食煲仔飯，YouTube又係推薦top5，就過黎試下同老公兩個人order左兩份雙拼，76蚊一份排骨臘腸：排骨醃得幾入味，但食落就好明顯唔新鮮，臘腸切得大大舊幾好味田雞黃鱔：都算新鮮，料足米飯用得就幾差….難食過公司canteen d米飯，自然飯焦就靚都唔會好味！感覺食緊擺左好耐好耐的沉米，醬汁都普普通通，整體來講無mud特別，唔使專登過黎幫襯

見天氣凍凍地就想食煲仔飯。由於喺附近返工，所以得知呢間煲仔飯出名。夜晚好多人等位，好彩都算早到，等咗五張枱就有卡位坐。餐廳係茶餐廳格局，有常餐、快餐咁我哋當然就叫咗煲仔飯啦。叫咗一個雙拼田雞潤腸同埋一個大鱔煲仔飯。套餐非常抵食，有一大碗湯同埋油菜送。食物方面，田雞潤腸雙拼：田雞好滑，份量都適中。潤腸非常惹味，有飯焦唔燶。大鱔煲仔飯：啲鱔好滑，非常肥美，加埋啲蔥食，非常之香，同樣有飯焦啱啱好。總結來講，比油麻地某間煲仔飯好食，坐得舒服、乾淨衛生好多。

天氣寒冷當然要食煲仔飯羊腩煲臘味糯米飯同埋蛇羹，今晚決定投煲仔飯一票。油麻地落地鐵諗住去廟街食，點知4檔煲仔飯都超長龍，於是諗住行落旺角，沿途邊度有就邊度食，結果竟然要行到朗豪坊先有，不過好彩呢一間係好食嘅。煲仔飯竟然有套餐，叫咗潤腸黃鱔煲仔飯，包一個小盅上嘅例湯，再跟一碟菜。個例湯都幾正，好足料。潤腸黃鱔煲仔飯嘅黃鱔好大舊，潤腸都好好，有潤腸應有嘅香味，而且唔會太肥，個煲仔飯勉強有少少飯焦，如果可以多啲會更正。

旺角一流暖❤️煲仔飯天氣開始凍所以想食煲仔飯，去開旺角附近，發現呢一間餐廳好多好評。雖然要排一陣隊，但排隊時老闆娘態度好好，入到去更發現好多特別嘅小菜同海鮮餐，又有好多報道，似乎都係一間有口碑嘅餐廳。我哋嗌左兩個煲仔飯，飯未上就先上咗兩盅老火湯同油菜，見啲老火湯一盅盅預先放喺盤度用熱水暖住，夠熱又有誠意，飲落重好足料。煲仔飯上嘅時候仲有餐廳職員幫我哋打開個蓋，落豉油，感覺服務好貼心。煲仔飯味道不錯，計埋價錢，性價比高，我哋非常滿意。埋單老闆娘仲送上雙11優惠券，下次一定再嚟

職員態度惡劣，今次第一次嚟食，入到去坐底職員已經催落單，先叫一個煲仔飯再決定叫其他餸，職員轉頭大聲講：未肚餓就唔好嚟食！例湯多味精，煲仔飯味道極普通，不值一試。

一到秋冬，唔係打邊爐就係煲仔飯，講起煲仔飯，陳漢記、四季煲仔飯、江湖小棧都幾出名，都有食過，今次就係食銓滿記，呢間煲仔飯係蒜蓉扇貝粉絲煲仔飯，扇貝好大粒，加埋粉絲，甜醬油，飯蕉，加上好涼天氣，一流絕配。阿仔食蒜蓉蝦煲仔飯，同樣入味，但飯量過多，我食完要去廁所🚽另外，仲有野飲同湯，個湯明顯無味精，值得稱讚，加上送一小碟菜，秋季最正配搭😆

好耐冇食煲仔飯，想發掘下未試過既煲仔飯店。 雖衝著煲仔飯而去，但也沒有抱太大期望，畢竟好既煲仔飯難求。二人晚餐套餐 $342雞絲翅三百幾蚊套餐的翅，沒有期待，所以沒有失望，只想有淡湯水咁。辣酒煮螺轉左做蜆上菜時我覺得奇怪，明明是4隻扇貝，為何只有兩隻，再看清楚原來兩粒扇貝肉放在同一個扇貝殼上😑 於是我問店員，店員說現在是用急凍扇貝肉，所以放在一起😑 煲仔飯實在一般，感覺似酒樓蒸飯，田雞肉少到要豉油送飯套餐仲有一碟油菜總結不會再來。

如果食厭咗傳統煲仔飯，但係又想食煲仔飯，強烈推薦呢間茶餐廳的煲仔飯👍🏻👍🏻✨✨講食物之前，先講呢間茶餐廳的服務。一心諗住茶餐廳就應該只會有茶餐廳的服務態度。但係相對，呢間茶餐廳的員工非常熱心，明明櫃桶有餐具，佢哋都會幫你拎埋出嚟。另外，唔同煲仔飯佢都會有唔同落豉油的方法和建議。平日食開煲仔飯都係放低你自己搞掂，仲邊有人得閒幫你睇時間👍🏻👍🏻✨✨✨蒜蓉帶子粉絲煲仔飯✨窩蛋滑牛臘腸飯臘腸肥瘦適中，非常美味。如果唔鍾意食帶子亦都有蒜蓉開邊蝦煲仔飯選擇😋😋😋✨

💜一去到姐姐已經好熱情咁招呼我哋 仲同我哋介紹佢哋既招牌菜 所以我就叫咗佢介紹嘅煲仔飯套餐 送老火湯同油菜 都好抵嗌 飲得出唔係味精湯 而且鍾意佢哋用既原盅 更添風味 💙豉汁大鱔煲仔飯 一上菜已經聞到好香嘅味道 林生佢哋自家製嘅豉油同豬油 撈埋食勁好味 鱔既份量都唔算少 而且時間整得岩岩好 好滑同保留到鱔既味道 💛自選雙拼煲仔飯我哋揀咗田雞同鳳爪 一樣都咁好味 成個飯調味得啱啱好 唔會過咸 煲仔飯有好多飯焦 而且啲飯都夠乾身 十分推薦 ❤️辣酒煮花螺呢個真係我最推薦嘅菜式 花螺大大隻好新鮮唔會臭 而且個辣酒汁都好夾 份量一啲都唔少 非常夠喉！ 另外員工仲會話俾我哋知 每個飯大約要焗幾 耐 非常細心 亦會不時幫我哋更換裝花螺殼既碟 非常抵讚

呢幾日涼涼地 突然間想食煲仔飯應該今季最後一次食因為睇天氣報告話週末升返成30度所以收工就去咗呢間銓滿記餐廳小廚係朗豪坊附近 行多兩條街表面係一間茶餐廳可以叫小菜但最出名係主打各式海鮮煲仔飯包括招牌的蒜蓉粉絲開邊蝦飯肉餅煲仔飯加黑松露等今次就叫咗排骨臘腸雙拼煲仔飯重點係加豉油焗一焗等佢有飯焦呢到店員介紹加砂糖呢個食法真係第一次聽送埋油菜同足料老火湯都只係$74有卡位舒舒服服咁坐低好過去四季坐街邊唔好食又唔衛生 

冬天就梗係要食煲仔飯㗎啦，見呢間餐廳被評為香港十大好食煲仔飯就決定一於嚟試試佢啦🤩 呢度嘅煲仔飯$74可以自選兩款配料，如果想試啲特別啲嘅仲可以叫海鮮煲仔飯添！順帶一提，呢度嘅煲仔飯餐全部都會送老火湯同埋一碟油菜，仲可以半價加嘢飲添，呢個價錢來講都算係抵食😗 今日嘅老火湯係西洋菜湯，個湯好足料嚟煲，飲落都好有屋企嘅味道😋-臘腸滑牛煲仔飯 ($74)一個好食嘅煲仔飯，精粹就梗係要有好嘅豉油同埋飯焦啦。呢個煲仔飯一想面已經聞到香噴噴，加完豉油再冚蓋焗多3、4分鐘就可以食得！份量都算好粥，有成四五件滑牛，而且臘腸都好好食，唔會話有一浸油益味或者食落過多肥肉🤩同埋呢度嘅豉油都非常之好食，加埋啖啖飯焦非常之惹味🤣

今日放工晚點，就外賣兩件回去，一個粉絲帶子，一個排骨臘腸，味道過得去，但是價格小貴，都要九十左右，感覺一道菜的價格也不過如此，下次應該不會再去，食材算是新鮮，帶子略小

上年偶然一次，朋友帶我過嚟食，之後就覺得愛上左，每隔幾個月，都會嚟一次，餐牌上面嘅煲仔飯，食齊晒，最推介嘅，都係白鱔同埋蝦，因為有粉絲嗰啲煲仔飯，真係食粉絲食到飽，煲仔飯，即叫即做，熱辣辣上枱，真係有飯焦，而且味道好夠，就算唔落豉油，都好好食，主打都係海鮮煲仔飯，另外有和牛煲仔飯，價錢都好抵，大概78至108 ，連埋餐湯，飲品今次試吓小菜，份量都足嘅，不過有啲貴，晚市套餐，大概有10款，88-128不等，一樣有餐湯同飲品。如果鍾意食煲仔飯嘅朋友，真係要來試吓，食過咁多間，呢間真係好食，不過如果你係食小菜，真係有啲貴。。。因為只係茶餐廳，一個小菜晚餐要$100。。今次朋友手痕，等俾錢嘅時候，玩埋門口嗰個抽獎箱，抽左$50現金券，下次可以用，而且問咗老闆，冇期限，滿200就可以用，如果兩個人嚟食，就一定可以用到張$50。突然之間覺得自己蝕咗，之前咁多次，都冇抽過獎。。。

飯依然要食，朋友一樣要見，今晚黎左旺角銓滿記食煲仔飯，呢度雖然有小菜，但煲仔飯真係王牌中王牌，今晚點左必點既臘味排骨，朋友就點左田雞黃蟮，另外有菜有湯送添，飲品會有半價，不過我地就冇點嚕