真美味

Open Now

Now Closed

豉油溝水， 豉油都可以難食既小食店講明話要一串魚蛋、一串燒賣， 唔出聲嗶一大碗收人$30，我梗係唔比， 講明話要一串， 個呀嬸勁惡話我買得少 ？！？！ 但死死氣比返每樣5粒我， $20我外賣都話冇蓋！ 魚蛋鬆散、難食冇味，仲有啲腥味！燒賣都係一堆粉， 冇味， 因為連豉油、所謂嘅辣椒油都係冇味！😂 要自己返屋企用自己調味料！ 真心好少何小食都可以係難食既！ 旺角附近大把小食， 大家可選擇既何其多，小心中伏！咁既店仲可以生存真係奇蹟 ！

飲完嘢口痕諗住督返串燒賣，點知佢話無得一串，最少12粒，然後已經開始畢比我。未問得切幾錢已經遞咗兜燒賣比我，然後話要25蚊，恰我醉醉地就落搭⋯最後兜燒賣仲要俾少一粒我，25蚊11粒燒賣，永不錄用撇開亂標價嘅問題，其實食物質素亦難以比like......... 燒賣已蒸到熟透，全無彈性可言，好似食緊粉咁。豉油溝咗水，辣油亦比平時食開嘅更淡，成兜嘢無樣合格，真係無下次。要幫襯嘅記住一定要問咗幾錢先，唔好比佢米已成炊

本人以遊客身份和大家分享 純碎經過買小吃，加哩魚蛋一般，臭豆腐就不是那麼臭沒有什麼特別，反而最特別就是雞蛋仔，算是第一次吃，吃了第一口之後會有一直想吃的衝動，雖然之前已經吃得很飽但這個雞蛋在真的很好吃。唯一的缺點就是店裡買很多牛雜有一股很濃烈的味道

尋晚一個人去上課途中, 見早到左便想吉串魚蛋醫肚, 轉入奶路臣街便見到一間小食店, 本來淨係想要一串魚蛋, 點知老闆話得大同細之分, 大30細20, 我心諗：哇, 想吉串魚蛋都要20蚊, 通賬真係咁厲害嗎? 算啦, 見佢D魚蛋個樣幾靚仔, 就要左碗細魚蛋,老闆裝滿一碗, 應該有十幾廿粒, 加埋我至愛既甜醬. 企左埋一邊食, 咬落去第一啖, 嗯~~~真係同七記果D軟LAI LAI好唔同喎, 好彈牙呀! 突然覺得廿蚊好抵食, 唔使五分鐘我全部食晒啦! 下次我會試下佢既辣既魚蛋, 我諗會更加好味

旺角有什麼多, 除了人多之外, 就是周街都是這一類型的魚蛋店. 成個西洋菜街, 奶路臣街, 山東街, 通菜街, 花園街.....總之整個步行區, 小食店之密雜程度, 勝過便利店. 此行, 目的是介紹旺角的街頭美食, 上一次吃了臭豆腐, 今次, 就先向炸點行一個禮, 而且一叫, 仲叫足三串, 包括炸大腸, 煙肉包香腸同炸龍蝦丸.味道, 來貨時已經帶具味道. 尤其是龍蝦丸同腸仔呢一D製成品, 好味嗎, 好味, 無論你燒野食, 煮麵食, 或是係街邊拮一串炸黎食, 都係同一個味道, 說真, 這樣炸來吃, 始終不太健康, 腸仔, 我鐘意燒, 龍蝦丸, 我喜歡放湯. 是次小食主角, 是脂肪極高的炸大腸, 好多人喜歡, 因為大腸一炸, 是非常之香脆, 而且帶點羶香. 不過, 此特味道, 大多是味精居多, 基本上, 味道, 是間暑一樣的, 分別呢, 就完全在炸既功夫上, 好的大腸, 要脆, 但內裡要腍, 不韌, 這樣才是好食的炸大腸.味道好不好, 見仁見智. 不過我覺得, 此等食物...太油了, 不建議多吃....但係旺角行街街, 小食, 始終是非常之受歡迎.

2010年8月5日 旺角 ( 真美味 - 1)( 首評:256)旺角辦事時，途經人氣頗佳的小食店。望見牛雜賣相幾靚，用15元選購了一份牛雜，選擇了牛肚、牛腸及牛肺，不過佢會自動波的加入蘿蔔來墊底，看起來會較為大兜，牛雜夠腍又好味，真的不錯，有機時，會再來Encore的...