頌興餐廳小廚

Open Now

Now Closed

每日早餐都要諗食咩都幾頭痛🤣🤣🤣🤣好彩返工落車附近有間茶餐廳，每日都有好蛋款式嘅早餐組合，有粥粉麵，有各款三文治🥪售賣員叔叔態度好Nice,落單，出餐好爽手，絕對唔會阻礙你返工。今日我試咗芝士火腿餅蕃茄蛋三文治🥪配凍檸茶，好經典嘅港式早餐組合🤣🤣🤣仲好健康，又美味呀番茄提供了纖維和抗氧化物，雞蛋提供了蛋白質和必需的營養物質，而芝士則為其增添了豐富的口感和味道。均衡的營養又有豐富的口感，正😄

今日再嚟到灣仔區尋找平靚正嘅美食.係灣仔地鐵站附近有間老牌茶餐廳.呢間茶餐廳係地鐵站行過嚟只需四至五分鐘.交通都算方便！依度早餐好多人幫襯.每朝都排晒隊.今日我唔係介紹佢哋嘅早餐.係呢度個下午茶鐡板扒餐.係下午2點30分鐘開始.由$54元至$55元.配餐羅宋湯或忌廉湯.餐飲配咖啡或茶.熱飲免費.凍飲加$2元。我哋係2點15分鐘已經到達入座.店家已經話下午茶可以落單.我哋點餐如下： 1. 黑椒鑊仔牛柳配黑椒汁.意大利粉. 餐湯：羅宋湯 餐飲：凍鴛鴦 $55元加凍飲$2元 2. 美式什扒（豬扒.牛扒.火腿.香腸） 配黑椒汁.炒飯. 餐湯：羅宋湯 餐飲：凍檸檬茶 $55元加 凍飲$2元

【#鐵板扒餐 】#鐵板西冷牛扒一直都知道灣仔依間餐廳有鐵板優惠，五十幾蚊有齊湯，飲品同主菜，有冇咁平呀🤔 今日五點半就去試吓💪每次食親鐵板餐，西湯必選羅宋湯😄 依個湯絕對有驚喜♥雖然只有大半碗，而且未去到辣咀既熱度，係可以接受。個湯味道好濃郁，唔會水流流，裡面料都唔少，有牛肉碎同西芹，有少少辣，食埋D肉粒果時覺得好似五香肉丁🤣 可能加埋落個湯度都唔定，整體係幾好飲👍#凍檸茶 亦好出色，茶底好香濃👍 其實由一開始送上檯果杯熱茶夠熱夠濃就知佢杯茶應該相當唔錯。主菜好快送到，本身有好多疑慮，塊扒會唔會係好薄果種呢？係咪傳說中既「梳打牛扒」呢？答案全部都係否定！雖然塊鐵板唔算好熱，並無好壯觀既「渣渣聲」，不過塊西冷都幾大塊，而且幾厚身😍係一個非常吸引既級數👍 當然佢唔會問你幾成熟啦，切落去都唔難切，又唔係淋晒果種，仲可以食到少少牛味😄 依塊扒，好食♥♥配菜係白烚既紅蘿蔔同粟米芯，比較少見🤣 不過兩樣都啱食。意粉就真係一般，因為個質感太淋，完全唔係意粉應有既質地🤤 不過如果你問我揀依個定係白烚冇味質感好既意粉，我會揀已經撈咗汁既依個😊食咁多野都係$55+2，真係好抵食😄 依個餐兩點半後供應，如果

来湾仔见朋友的时候，想找一家店吃饭，正好朋友那天的地理位置离这里最近，就决定，来这里尝试一下，店里环境比较老旧，最开始还有点担心餐品质量，点完才发现不仅好吃而且量大，重点是超级实惠，我点的干炒牛河，配一份忌廉汤朋友点的洋葱巴西猪扒，配一份罗宋汤，和一杯朱古力，他那份猪扒里有两大块猪扒，超级合适的说，我的36，他的55。最后说一下店员阿姨超级好，当时外面在下雨阿姨看我伞没地方放，给了我一个装伞的袋子让我装伞，这个袋子我准备留着之后下雨时都用它了。

近來又調返落灣仔返工好多年前黎食過，餐牌基本都無點轉中西式早餐都有，由通粉公仔麵，到粥，腸粉叉燒包都有黎左幾日，本身都ok接受到，價錢灣仔區算好經濟。但都真系要吐糟下，食品味道尚算可以，而且速度快，快到我個面就黎食完杯茶都未到望住師傅系度傾計，慢條斯理都唔知做乜鬼最後杯茶到左，飲左兩啖，真系苦澀到泥水咁唯有叫樓面姐姐拎返去加奶，師傅即時變臉，仲要即刻望出黎好不悅既態度算啦，加左奶，最後都免強飲到，但飲到底，竟然全都系茶渣埋單走人，沖茶師傅仲要o個o的好唔真心講句“多謝晒，慢慢行”完全感覺系想攞尾彩。好心啦，囗痕不如去做棟篤笑，下次真系唔敢再黎出到門囗，原來奶茶咖啡賣12蚊杯，價錢真系便宜既但呢個質素，呢個面囗，真心覺得接受唔到。

平時過開灣仔都會經過呢間頌興餐廳，今日唔知食乜好，就諗住過去買個外賣返嚟食。你間舖頭一般嘅炒粉麵飯都有，仲有啲兩餸飯同埋焗飯。炒粉麵飯如果唔跟嘢飲似係$36 ，一般茶餐廳如果要試佢嘅質素，首先就要睇佢炒野得好唔好食。所以我嗌左個干炒牛河。過左無耐，個炒河已經整好。我拎到返去，個炒河仲係熱辣辣，表面金黃色，反晒光咁。食落口，每一啖都好好味。啲牛肉亦都好淋，適合大部分香港人既口味。除此之外，佢個份量都好有誠意，我食完一合都幾飽

港式餐廳的代表當然是茶記，今天就去了頌興餐廳小廚，打算食個平靚正的午餐。這裡的午餐平均都是大約50hkd左右，有湯飯、焗飯、碟頭飯、湯麵、蒸魚飯、雞飯等，選擇非常多。冬天天氣比較冷，我就選擇了吃蕃茄蛋牛肉湯飯，感覺很健康又可以暖暖胃。蕃茄湯底吃得出是用新鮮的蕃茄煮出來，而並不是用蕃茄醬煮，有很濃郁的蕃茄味，配上鮮牛肉的確不錯。跟餐點了一杯熱茶走，奶茶走糖配煉奶，更加香滑，茶底亦都不錯，有很香濃茶味。

比錢買難受，湯又咸仲要係咁受人脾氣坐底無耐就比人xyz咁款，餐牌阻住晒，拎走個餐牌又頂鬼住晒，個湯又咸到死，如果你只係求受氣受到飽肚既話，呢家野都仲可以接受既。完全唔知咩餐廳黎

坐落在轩尼诗道上的一家茶餐厅，感觉位置不是很好，附近过马路有点麻烦，尝试过之后觉得很一般。这家茶餐厅的价格不高，环境在茶餐厅里面来说还是挺好的。晚上可选的套餐不多，点了豆角煎蛋套餐，例汤还可以吧，但是煎蛋实在油太多了，还偏咸，不喜欢。服务态度还行吧。

第二次光顧呢間茶餐廳食LUNCH, 呢間野真係好舊式既茶餐廳，連裝修都好懷舊，但都算乾淨企理既，重點係侍應叔叔姐姐係有禮貌，唔會有反感既感覺，而且種類都好多，價錢實惠。今日咁岩我地3個人都叫左特別推介：我係1號：洋蔥什扒飯上碟既時候有小小驚訝，因為個洋蔥汁既顏色係嚇親我，點解會係螢光色，完全係色素野，洋蔥味都冇，什扒飯有一塊豬扒一片火腿同一條香腸，味道其實唔差，豬扒仲好軟林林，我都唔使用刀切，全程用匙羹都食到。佢個飯係好熱好軟，係一個好正常既午餐。朋友既2號：窩蛋免治牛飯朋友既5號：香茅豬扒飯

差不多十多年沒有光顧這間餐廳,不是因為他的食物不好吃.只是因為轉了工,改了工作地點. 他的食物也不是超水準,有的是人情味和溫暖的感覺. 中規中矩正正是這間餐廳的突色. 大部份員工依舊,這印證了餐廳的老板一定是個好老板！

灣仔呢個商業區，咩都貴過人。平日呢間早餐唔少人排隊，相信都有咁上下威水，等我都試下先！如果要堂食有呢一個餐牌。而外賣早餐就有另一個特價的餐牌的。佢地除左湯粉麵類之外，仲有三文治同點心。我覺得最扺食既係湯通粉餐，加埋飲品都係廿蚊搞掂，比起連鎖茶餐廳更加平！最中意食既沙爹牛肉通粉。佢地既沙爹好夠濃，係個種食入口有花生碎好濃郁個種！而且佢既湯係個種好味既高湯。真心正！晨早流流梗係要整返杯奶茶！好香茶味！夠哂濃呀

今日過來灣仔training，附近得呢一間茶記，好晒好熱唔想行，冇得揀了。鋪頭門口有平價外賣午餐，$28個盒飯，益附近工友，幾好。內部空間都算幾大，lunch太多人要同人搭檯。侍應十分熱情，坐低即刻行埋來寫嘢。lunch set有四樣嘢揀，叫左冬瓜豆卜蒸排骨，配白飯、時菜、嘢飲（可以叫餐湯），$42，雙拼+$2，凍飲+$2。講真排骨幾好食，鮮味足（可能落左好多味精），份量足夠。冬瓜已經蒸爛成蓉，撈飯幾好食。時菜好大份，比個👍，茶記有咁大份蔬菜幾難得。整體來講，正常茶餐廳小廚，味道唔差，價錢適中，算有心思。

9點幾食，人數不多嗌左個豬扒一丁 感覺好得意豬扒被切過再成塊煎，一來較易入味，二來賣相都不錯。唯獨太甜，無左豬扒本身鮮味煮一丁手勢都幾好，唔太多斷面，而且味粉落黎控制得好，唔會太咸，一讚！

叫香芧豬扒變蔥油豬扒@頌興餐廳小廚灣仔軒尼詩道23-25號地下1去了食LUNCH環境都幾DIRTY下..D位勁迫, 我小女生都勉強先迫到入去MENU都似港式茶餐廳, 多款不過食LUNCH等位已等好耐所以叫常餐, 咁希望上得快D叫了個香芧豬扒飯都有兩塊扒, 但奇怪是面上是蔥油......咁我唔食蔥油架一咪撥走去只食豬扒但豬扒係一D香芧味都無LAW飯又乾曾曾..好難吞=___=而D飯又無其他汁, 但食到碟低成碟油我見其他人個D都係成碟油架所以唔係因為我D蔥油流左去下面仲有少少菜都無呀, 勁唔健康食多兩餐全是肉, 唔大腸癌都便秘死了同埋油多, 肥同埋對血管心臟都唔好