重慶燒燒烤旗艦店 (Closed)

重慶燒，一串串燒物又一餐黎到柯士甸附近，總會看到重慶燒的招牌，因為它真的有好幾間分店在此同朋友講起重慶燒呢個話題，就當然擇日不如今日，所以就黎左柯士甸食一串串的美食它們仲有雞煲、火鍋、烤魚提供，可惜今日一行2人食不了多少!!燒聖子皇 $38粉絲落得足，醬油都放得足，自然好味道啦聖子皇 ，不愧聖子皇，大大啖肉，好爽口粉絲也會吸到聖子皇的鮮味，不單只醬油的蒜頭的，蒜頭更是帶出鮮味來聖子皇也夠肥圓飽滿燒牛舌 $16舌頭的觸感很強，用左辣椒粉、七味粉加持下，爽爽聲，好厚肉地燒韭菜 $13一直都覺得燒韭菜燒得好真的很難，好久之前都試過重慶自助燒，燒韭菜真的花功夫，要不停落水燒熟後，再落醬油調味，最後再灑上七味粉加強它的味道呢度燒韭菜就做得非常好，因為韭菜還是鮮綠的，還有醬油汁，吃後不乾煙肉芝士巨菇 $28芝士滿滿的鋪在巨菇上，巨菇會較重菇味，而且吸水、儲水會較強，所以吸左醬油緊緊的鎖在裡面煙肉切得碎碎的灑上、經芝士包容，再用上火槍一燒焦，外貌、味道都加曬分燒虎蝦 $45燒虎蝦蝦身長長的，由於燒時，醬油被蝦殼阻隔，所以算是乾燒，比較乾身蝦的味道會較強，肉質大而彈牙東風螺 $58東風螺的辣汁做得非常

我同朋友都好鍾意食辣，所以兩個人成日挑戰四處尋辣。呢間店之前幫襯過，好滿意，有川菜食又有串燒食，好多選擇可以一次過滿足哂兩個嚐辣願望，所以今次黎宵夜。首先叫咗涼伴萵笋絲同涼伴黑木耳，兩個都係我至愛，又係健康清腸胃之選，非常爽口好味，配埋啲汁，我地都叫得幾辣，好開胃！！燒雞泡魚乾又係我至愛，香脆，加埋七味粉嘅調味，食唔停，好味推介！！燒虎蝦大大隻，新鮮好味～鐵板清酒煮花甲，好多隻，好有酒香又暖身。日本蕃薯好甜。 食完咁辣，點少得叫杯柚子蜜中和返，呢度嘅相當大杯。無諗過咁多人食得辣，餐廳不停一枱又一枱滿座，難怪同一條街要開幾間店。

想食重慶串燒所以黎呢度，知道佢出名，一條街有幾間鋪，無諗過呢度會有埋羊腩煲，可以食串燒之餘仲可以滿足埋媽咪嘅口味～羊腩煲叫咗個細嘅，細份都幾大鍋，份量好多好足料，價錢都抵食，食唔完咁，羊腩酥香腍滑，味道濃淡適中，而冬菇同枝竹等配菜盡收肉香，沾上腐乳，味道更香滑，滋補暖胃，媽咪好滿意，特登再叫多d枝竹用黎點d汁。之後叫咗d串燒，燒韭菜，燒粟米甜，又係媽咪至愛～ 燒魷魚好正！！今餐非常之滿意，好味，價錢合理，服務好！！

同朋友行街行到餓餓地，就去左佐敦個邊食重慶燒，座位OK，食物又OK既好地方，所以每次行到攰攰地都會揀呢度坐下食下，全店充滿燒烤味勁香噴噴！黎到唔少得一定要食燒雞軟骨串，燒到外層脆卜卜，軟骨位軟軟地又爽口，口感非常好，係我最愛！ 雞中翼燒得好靚，唔會過燶，好入味雞肉又嬾滑，配埋呢度特製既味粉，更惹味可口！ 羊肉串一d都唔蘇，肉質唔會過韌，淋淋地岩岩好有口感味道又好！ 豬肉串不過不失，個人比較鍾意羊肉串既！ 燒茄子切開再放上蒜蓉，蔥花一齊燒好好味，蒜蓉味完全溶入茄子裡面，配埋味粉非常夾！ 唔止燒烤泰式生蝦呢度一樣有得食，仲要一樣好好味，蝦肉鮮甜爽口，配埋蒜頭辣椒同特製醬汁，非常開胃！ 雞煲呢度都出名好食嫁，我地當然都叫左黎食，嬾滑既雞件配上花椒八角，紅辣椒，青新椒，紫蒜，洋蔥，芽菜，因為配料多味道都非常濃郁惹味，仲有埋雞腳可以比我地啜下添！

假期當然要出黎食好西啦，今次黎到柯士甸站附近覓食，平時少黎呢頭，原來呢頭有咁多好野食，成條街都係串燒同雞煲超多選擇，最後黎左呢間食串燒六點幾黎，只有一兩檯客，可能無人咁早食串燒不過食下食下到七八點都已經差唔多坐滿咯。呢到既串燒選擇都好多下，基本既雞豬牛菜茄子果啲就齊哂啦，但除左呢啲仲有其他好多新穎啲既選擇，例如海鮮，生蠔果啲等等，所以揀都揀左我好耐囉其實除左串燒，呢到仲有雞煲烤魚揀，不過咁早真係食唔落雞煲，所以淨係主攻串燒先燒鴨胸 $ ：鴨胸三件一串，估唔到呢個價錢會咁厚身，雖然連皮連肥膏，但唔會覺得肥，反而肉質新鮮之餘燒得岩岩好，推介燒多春魚：一碟有五條真係幾抵，多春魚本身已經好食，加埋燒呢個煮法都實無輸不過原來我個朋友唔食多春魚，結果我一個人食哂咁多條囉牛肉粒雞柳粒：呢啲都係串燒必叫既，未係好突出味道但肉質尚算彈牙兼肉汁多，略嫌醃料唔夠濃味所以唔夠重口味哈哈原條燒茹子：拿識食串燒一定會識叫呢個蒜香茄子，就算一個唔食茄子既人都會愛上呢個蒜香味濃加埋茄子獨有既微辣，即刻食條食哂佢呀哈哈港式海蜇$24：平時食海蜇都幾十蚊一碟，呢到廿幾蚊幾平，份量唔算多，但海蜇質素唔錯，唔似平時果啲一包包

我至喜歡吃燒烤，佐敦有一間專門是吃燒烤的地方，就去左個間！吃的食物也不少燒雞排有好多肉，燒得又香又滑，而且有一D特製既配料，但表面完全冇燒燶！雖然份量唔大，但係已經滿足了吃雞的慾望．燒雞翼，自小就很喜歡吃呢個，燒得香中帶點辣味！跟剛才個配料有D不同，裡面好ｊｕｉｃｙ，而且帶紅潤的感覺！芝士忌廉蠔和蒜蓉蠔係燒烤過程中會變小，但是依然充滿著海水既香味，另外蒜蓉蠔的吃香，非常入味！泰式生蝦真係好有特色，本來以為這裡一定冇燒烤以外既食物，原來都有！味道仲好鮮，不帶任何蝦殼！點上特製既配料就更加美味！香辣雞鍋辣辣的非常開胃，那些雞唔算好滑嫩但係質感味道非常有雞味～加上雞鍋那些配料真係幾不錯～五花腩串比較咸香，而且本來軟軟就變了比較硬身，變得有口感，不過脂肪位置不會太明顯油膩牛肉串都燒得幾好，完全冇怪味，竟然整得唔錯，本身食物既品質唔低，口感有夠鬆軟的蒜香茄子一整個切開了，燒得好香因為有唔少蒜蓉係表面，每一口都爆出茄子既油份，熱香十足，整體味道唔錯而且價格合理，非常推介！

好耐無食啲咁重口味既野 係時候要解一解禁 望住個招牌再聞到佢傳出黎既味道 都有啲流口水喇 食物種類唔洗講 真係幾多下 你諗到既都應該都有得燒肉呀菜呀魚呀 生果呀乜都有架喇 坐低點就可以食啦!!諗住叫杯普通抽子茶 點知一黎到 嘩!!! 好似變大左咁多既?! 若然有飲過HOEGAARDEN既都知有幾大杯架可?穩陣 味道正常 無問題!!開個胃緊係要黎個涼伴瓜先啦 (WASABI底)爽口又勁WASABI味道 食到我胃門大開 眼淚水都滴返一兩滴先 刺激一下個味蕾!!!!!!燒菲菜 - 配合埋調味孜然粉同七味粉 菲菜都相當入味又爽口 食極唔厭一串有十幾條 如果再多啲就好喇估你唔到食條魚 - 燒烏頭魚 成條魚上都真係幾鬼爆架 唔係講笑 條魚都有手前臂咁長而且燒食個外皮同肉可以即時分開 烏頭油份重 又嫩滑 加埋個泰式酸辣汁 好惹味!!!又係唔覺唔覺就食晒!!金菇肥牛卷 - 例牌要叫既一味 爽口又彈牙 充滿牛味 個卷比平時個啲大件 唔會蝕呀真係!!!!! 燒茄子 - 又係必點既一樣 將茄子燒到呢個程度 係需要花時間 仲要介開加調味 蔥花蒜泥 一絲絲咁拉出黎食 個種感覺真係要食過先知有幾爽!!!!雞軟骨

好耐都冇食過串燒，就約左幾個朋友黎左呢間食。一去到就梗係睇食咩啦。我地就簡左烤蒜蓉包，涼拌皮蛋，川味涼拌海蜇，烤芝士金菇，燒原條茄子同埋燒牛柳粒。咁多樣入面，最正嘅係烤芝士金菇，茄子同牛柳粒。就講係芝士金菇先，芝士嘅分量絕對唔少，食嘅時候係啱啱燒好咁上，芝士可以拉出黎，好好食！ 再到茄子啦，茄子係我至愛，所以都好鐘意食，不過略嚴有啲多油。 而牛柳粒係抵食之選，份量都算大，食落又唔韌。 而烤蒜蓉包就不過不失啦，唔會話太過硬，都算唔錯。涼拌系列係俾左另外一個感覺我嘅，就係皮蛋唔似譚x咁嘅，味道都好特別。 整體黎講，我同朋友們都好滿意今次嘅晚飯！

以往食過嘅重慶燒都係有個爐俾你，跟住就自己燒咁嘅，而今次係你落order就可以，佢會幫你燒埋，非常好😂😂咁我就叫左燒豬頸肉，多春魚，韮菜，牛仔骨，墨魚丸，雞全翼，司華力腸同雞煲。首先最估唔到嘅係同時有雞煲食，而入面嘅配料都好多，令到成個雞煲都好香。 之後燒牛仔骨亦都係非常細心，因為佢黎嘅時候係已經切細左一粒粒，食得好方便。 而且一向燒多春魚都係會燒得好乾，而呢個都唔會燒得好乾，燒得幾好。 仲有係司華力腸，無論去到邊度食串燒，都係必叫的👍🏻👍🏻 韮菜嘅質素亦都好高，因為有啲會燒到韮菜好乾好韌，而呢個就唔會。 而其他嘅食物都不過不失啦，叫做正常發揮。

今晚賣甩肥妹女友，同左個fd去左佐敦重慶燒食串燒，黎返晚男人的浪漫呢度位置唔算好易揾，不過好在有揸車，地鐵站行過黎都有啲距離，呢度有两間店，一間旗艦店一間專門店，今次我地去旗艦店，雖然唔知有咩分別舖頭細細，環境一般，不過呢啲先係男人嘅浪漫丫麻，叫左條魚，叫啲串燒，呢度最好係有大size嘅Hoegaarden，唔使飲到到喉唔到肺燒烏頭 $88老老豆豆，通常燒海鮮都係計時價，但呢度燒盲鰽，紅柚，黃立倉果啲都係88蚊條，都真係幾抵食，呢條魚上到枱熱辣辣，店員喺上枱前已經介好左，等我地一打開魚皮就食到入面juice嘅魚肉，魚肉唔鞋口，點埋佢提供嘅酸辣醬，唔錯，好惹味燒腐皮三文治其實呢個燒腐皮喺大陸食過念念不忘，同時都係肥妹女友嘅重點燒物之一，喺呢度見到有就叫黎睇下點三文治法，原來係腐皮間夾有大量嘅蔥同蒜泥，表面脆卜卜，的確係香口同送酒一流，不過我都係鐘意腐皮軟軟，汁燒嘅口感多啲燒茄子同燒韮菜都係必食(肥妹女友必點)燒茄子大大條，配上蔥蒜同香料，又juice又有咬口燒韮菜試過自己燒，硬係燒唔到呢個效果，唔係燒乾就燒燶，但呢度又無啲咁嘅問題，所以送酒都係一流丫，要提一提呢個煙肉蕃茄串，估唔到煙肉同

小弟作為一個出色既寵物小精靈訓練員, 最近四出去捉小精靈, 順便去d平日小去既地方覓食.最近就去左佐敦區附近 試左間串燒,其實附近都非常多選擇!串燒店既食物種類有好多, 除左本身既主打串燒外,仲有雞煲同火鍋配料等等既其他類野既選擇,大家黎到睇完點餐紙之後就會明,一間出色既串燒店係會有不同款式既串燒黎滿足客人,雖然話就話想黎食串燒, 但有海鮮食又點會放過,, 識食梗係要食燒扇貝同蟶子皇啦! 其實只要海鮮夠新鮮都幾難會唔好食牛仔骨都ok重牛味, 燒烤菇同芝士菇就梗係無得輸, 另外雞腎, 雞翼, 粟米, 肥牛卷等等既味道都ok但可能韭菜本身吸味 有小小咸, 如果可以落小d鹽就更好,值得一讚係餐廳無咩油煙味,通常好多人食完串燒都會成身燒烤味,呢到做得好好,食完個身都唔會好重味,抵讚咁當然食串燒又點可以無野飲, 點左杯蜜桃果粒果汁,30蚊勁大杯, 夠兩個人飲,夠晒解渴

上星期日小胖男友話放假要去圓方捉小精靈 但由於圓方食店選擇唔算多 亦比較貴 所以我就search下附近有咩好食原來近柯士甸站有一條文英街有好多食店 其中串燒店已經有好幾間我地揀左有兩間分店既重慶燒專門店試下原來呢間重慶燒專門店唔單止有串燒同燒海鮮食 仲有好多估唔到會有既菜色 泰式生蝦, 蒜泥白肉, 辣酒煮花螺,連雞煲都有 選擇都真係幾多我地點左蟶子皇, 蒜蓉扇貝, 燒雞翼, 海蝦, 芝士煙肉燒大菇, 煙肉車厘茄, 金菇牛肉 仲有粟米同韭菜蟶子皇 同 蒜蓉扇貝好大隻, 夠爽口雞中翼燒得夠香 加左重慶辣粉 味道不錯芝士煙肉燒大菇就最好味 熱辣辣 好香芝士同菇味 yummy粟米超大條 真係原條畀晒你 夠晒甜 抵食反而韭菜就重手左 有dd咸 基本上所有串燒都抵食同好味小店連Hoegaarden rosee都有得飲 岩晒三五知己一邊嘆串燒一邊摸住酒杯底傾計

昨晚吃了雞煲加鮮蝦、菜、雜丸、芽菜，並叫了羊肉和韭菜串燒，再叫了五花茶和蔘蜜。可惜大部分的食物非常令人失望，所謂鮮蝦，其實已死了好一段時間，肚腹部分有少許變黑，肉質都是霉的，一點彈性都沒有。至於羊肉燒得過了火，也沒有羶味，都不像一般吃的羊肉，芽菜也沒有切尾。最過份的是，那些五花茶和蔘蜜，竟然是鴻福堂產品，還要成支上。這餐飯真的不知所謂。

呢間串燒專門店叫重慶燒位於佐敦，附近都有幾間分店，主要提供海鮮燒烤系列及烤肉串燒，而且食物會配上秘製醬汁，味道似足重慶四川既感覺。另外交完order紙，待應會問客人食辣既程度，非常細心。首先，嗌左幾種平時都會食既串燒，燒花枝丸，燒雞軟骨串，燒豬頸肉串，燒司華力腸，燒豬仔脾。味道相當出色，醬汁配合得好好，雖然製作時間比較長，食落去熱辣辣，d肉都唔會韌。另外，嗌了一份蒜蓉焗美國石蠔，一份有6隻而且d蠔食落好鮮。另外嗌左一份燒原條茄子及芝士牛油焗金茹菜，茄子製作得很滋味，d金茹好香芝士味而且食完都的唔會好漏。最後，燒烏頭魚是最出色的，食落好鮮魚味，另外配上辣醬幾特別。

自從家附近的串燒店執了後，很久都沒有吃過串燒了。聽朋友介紹這家重慶燒很好吃的，就決定放假特意過來一試了！因為不太餓，所以只點了數款試試看。店內的位置不窄，坐得舒適。燒韮菜每次吃串燒都必點的！韮菜燒得很香，不會燒得太乾。配上燒烤的汁，十分野味。燒菠蘿菠蘿有六到七件，燒得外面帶小許焦香。菠蘿很多汁，又夠甜，而且不會很多根。燒大海蝦（7寸）海蝦很大隻，足7寸，燒得很香，而且很新鮮，蝦肉是彈牙的。燒芝士丸芝士丸鎖住了汁，內裹的芝士半溶拉絲，配上自家製的辣味粉，又是另一翻風味！汁燒帆立貝一串有三粒，滿滿的搽上了燒汁。帆立貝肉質彈牙，很入味。配上燒汁甜甜的，很有日式的風味。蒜茸大蜆大蜆是一鍋的送上來，樣子有點像清酒煮蜆。蜆的份量多，肉身厚且鮮甜，不會帶沙。是難得比較清和不熱氣的好選擇。烏龍茶串燒都比較熱氣，所以點了烏龍茶來解渴。這裹上菜快，而且食物質素也不錯。如果經過附近，可以來試試喔！