城景閣

Open Now

Now Closed

今次同朋友慶祝生日去咗cityview staycation 個package 包自助早餐同晚餐第一日首先食咗晚餐先時段係1830-2130同朋友大概7:30先落去因為唔想同人迫！可能因為平日嘅關係所以唔係太多人一去到即刻食冷盤同埋生蠔🦪生蠔每次可以拎三隻都好大隻好新鮮冇乜腥味跟住仲有唔同嘅冷盤，自製咗凱撒沙律🥗仲有巴馬火腿同埋哈密瓜魚生全部都好肥美，仲要一啲都唔孤寒一比比勁大碟唔使要人行咁多轉我叫咗三文魚帶子同甜蝦最後就係女人嘅第二個胃甜品區啦有窩夫同埋心太軟食仲有好多movenpick雪糕味任揀10分滿足捧住個肚走！到咗第二日再嚟早餐時間由於夜晚玩得太癲所以好眼瞓不過早餐嘅種類都唔錯都幾好食

前幾年成日與家人都城景閣吃自助餐🍽️， 今年朋友生日🥳， 就帶他們過來試下。位於油麻地窩打老道23號城景國際1樓， 揸車過去可以有泊車位，非常方便👍🏻。 星期日晚市每位$498， 沒有加一收費， 生日月份可以有生日蛋糕🎂和生日牌。 雖然自助餐區位置不算大， 但都算應有盡有😊。 冷盤🥙、 凍海鮮🦐🦀、生蠔🦪、刺身🦑、沙律🥗、芝士區🧀、熱葷🥘、即叫即整粉麵和粥🍜🥣、甜品🍨、雪糕🍦，飲品區有餐茶☕、果汁🍹、紅酒🍷、白酒🥂和啤酒🍻任飲。 生蠔每次可以攞兩隻， 新鮮甜美😋。 各款食物的質素都中規中矩， 推介築地蟹皇水蟹粥， 味道鮮甜🤤。 羊架🍖肉質軟腍， 喜歡吃羊的千祈不要錯過。 記得留肚食Movenpick雪糕🍦， 另外各款甜品都做得不錯😊。 大約$500一位， 可以食到酒店自助餐， 性價比都算高😉。

自助晚餐由6點半開始到9點半酒店餐廳服務非常好，收碟速度快熟食種類選擇多，而且味道唔差總括黎講會有興趣再翻食，可以搵個機會再試下每人送半隻蘑菇忌廉汁焗龍蝦，忌廉汁味道太過濃，我自已覺得一般，但龍蝦夠鮮味肉質彈牙。小食 / 各種火腿 / 芝士 / 各種沙律菜及配料。凍盤（麵包蟹 / 凍熟蝦 / 青口 / 沙白蜆）。魚生（長腳蟹腳 / 帶子 / 希靈魚 / 鯛魚 / 吞拿魚 / 章魚 / 三文魚）刺身選擇唔少，但可惜唔係即場原舊切片。各種熟食（特別推薦：羊鞍架）。生蠔（產地: 紐西蘭）生蠔夠新鮮，係廚房開完先拎出黎，依然有海水。麵食有配料有菜（有廚師煮）。各種甜品 / 窩夫 / Movenpick雪糕。紅酒/白酒/啤酒/4款果汁/咖啡/熱茶（自助取檸檬切片）

從到酒店門口開始，到步入餐廳至用餐完畢至離開，全程 都感受到每一個酒店服務員工態度 熱誠與殷勤 喺現今香港酒店及餐飲服務業係難得一見， 值得在此表揚。 今天中午舆 家中一老人家去享用午餐， 因曾 經過 这酒店， 看見 應該係全新裝修， 見佢中午的自助餐價錢也不高，而家中的老人家食量也不多，所以就嚟試一次。 結果 今次的選擇是對的， 食物冷盤熱葷甜品選擇也不少， 還有即煮的 越式牛肉湯河， 海南雞飯 甜品亦系有名的movenpick，以2百多元， 在假日 ，應該在香港酒店嚟講已經算少有。 而且 這裏最重要的環境衛生係絕對乾淨， 員工收拾檯面用完的器皿亦非常之快， 而且服務殷勤有禮， 就我們走的時候 大堂的哥哥也走出去大街幫我們接的士回來， 這個 服務是相當之好， 所以今次整體嚟講 從食物 到服務 十分之滿意100分。

賞你遊整個行程最期待是吃自助餐，但質素真是一般，感覺有點像參加了大陸一日遊的團，這一餐只適合年紀大的客人享用。位置：在油麻地地鐵站A1出口，就在嘉多娜麵包店對面。環境：普通裝修，沒有任何特色設計，而且座位安排相當緊密🙃，場面人山人海，感覺一般！而且雪糕和飲品櫃檯是放在餐廳外面，顯得餐廳真是很擠逼🥲！服務：我們被安排坐在城景閣旁的中菜廳，所以拿食物就要走入自助餐廳，會上上落落，是有點麻煩，而且當日是有兩個約60人的團吃飯，所以人多擠逼，食物很快被搶，幸好補充服務都算快！基本上自助餐有的食物都提供，海鮮只有熟蝦和青口，刺身只有三款，分別是三文魚、吞拿魚和池魚，而且還要排隊，每次都只是給三四片，有一點吝嗇！🥲至於其他熟食都質素一般，沒有留下任何印象，也吃得不多！唯一欣賞是雪糕品牌是高級些，有Movenpick和Dryer’s，可以即時製作窩夫🧇和脆脆雪糕筒！另外我個人喜歡的麵包布甸都不錯👍🏻總結，幸好我不是付款吃這一餐，否則有怨氣，真是性價比低！

不知是否地區 覺得食物偏向熱葷比較出色首先入座一人一隻焗鮑魚.像芝士海膽醬味道.好軟臥不錯生蠔區已經開好.每次只可取2隻生蠔好瘦.細隻。味道尚可！魚生不吸引有些腥味難咬有筋麵包蟹和長腳蟹比較好麵包蟹只出一次.沒有再添加比較少。炸天婦羅 海老.秋葵.南瓜.紫薯 很不錯！熱辣辣好脆好味金沙炒蝦 咸蛋黃好正好多.蝦身亦好脆好香口！羊架7成熟好好咬.香草好香個醬很惹味上湯魚肚雲耳浸娃娃菜.娃娃菜好甜好好味道部份食物有海膽放在上面冷盤海膽蝦麻醬豆腐不錯海膽希靈魚梅子冷麵一啖一杯溫泉蛋必吃炸田螺雲吞，超大件好鬆脆！有白酒紅油啤酒任飲.感覺幾多男士食自助餐movenpick 雪糕好食。味道：雲尼拿，朱古力，焦糖，青檸雪芭，士多啤梨 ......等味道有杏仁片，朱古力醬，士多啤梨醬，mm朱古力....好多選擇可以加甜品細件蛋糕都不錯整體都多選擇.價錢都合理不太貴。

餐廳提供Buffet 時間由18:30-21:30 但是去到20:15左右就沒有再出新的食物及甜品 想食的甜品沒有再提供新一輪 試過問餐廳職員 職員叫我問在場廚師 廚師話會問廚房 但是等咗15mins都無人回覆 唯有離開餐廳一般酒店都會不停供應食物 須然這次是做promotion 有discount 但是都應該要有足夠食物提供給客人 希望餐廳會有所改進唯一讚好的是餐廳會送蛋糕給生日的客人

城景酒店嘅自助餐已經唔係第一次食啦，之前呢如果冇記錯，應該係做緊生日優惠四人同行一人免費嘅，但而家好似已經取消咗，變咗生日淨係送個蛋糕咁樣。雖然冇咁抵食，但係見佢咁就腳好近地鐵站，適逢母親節，就約埋屋企人一齊去食餐自助餐啦。去到6:00，食物已經通通準備好。冷盤熱盤樣樣齊，甜品亦都有好多款，仲有五六種味道嘅Movenpick雪糕,種類來說都係多樣化嘅。先講冷盤有長腳蟹、有麵包蟹、青口都有兩款、仲有凍蝦墨魚同埋蜆。但係令人失望嘅係長腳蟹味道很淡，而且肉質十分削，可以話係不吃也罷。至於刺身方面呢，都有吞拿魚三文魚立魚，仲有八爪魚螺片可以選擇，刺身質素唔錯，新鮮解凍得啱啱好。熟食方面呢，中菜就普普通通啦，可以話係比較出色嘅，係炸蠔同埋羊架。個人最喜歡嘅係喇沙，個湯底好好味。😋甜品就梗係要食movenpick雪糕啦，加埋新鮮出爐嘅窩夫簡直係一流。平心而論，呢個自助餐入邊嘅食物種類雖然唔及五星級酒店咁多，但係都算係各式各樣都有。至於質素方面呢，可以話係普通，唔會有好大驚喜，亦都未至於驚嚇。如果貪佢就腳，而且又容易book位的話都可以一試嘅👌

甚少寫食評、但今次真係不吐不快聖誕節臨時想食返餐自助餐、可惜周圍都訂唔到位難得呢間仲有位、不妨一試(事後終於知道點解咁易訂到位)成個場本身食品種類已經唔多除左甜品叫做正常熱食係凍嘅、紅茶都係凍嘅刺身只有三款、仲要係唔新鮮所謂嘅稻庭烏冬又係超難食皮蛋瘦肉粥衰過街邊檔唯一添食就係MOVENPICK 雪糕仲話6折優惠、如果正價就係傻$3××食D咁嘅質素Lunch Buffet一定唔會有下次大家自行判斷、強烈XX推介

Lunch buffet價錢一般（成人$348另加一），質素亦一般，但環境坐得舒服。食物方面建議可以多食刺身，Movenpick雪糕及甜品，熱食不過不失，但無太多驚喜。

世事往往係咁 係城景國際訂左一晚酒店 對佢送既早餐無想法 甚至唔太有動力去食一入到餐廳 一個人都無 任我地坐 餐廳經理好好禮貌 會推介早餐menu邊款咁受歡迎 我地最後揀左eggbenedict同all-day breakfast點完餐就可以拎野飲喇 咖啡 紅茶 奶 熱水 檸檬等 要自己調配 不過佢啲杯唔夠厚身 好易辣親手 要小心注意兩款早餐份量好足 全日早餐- 有炒蛋 腸仔 薯餅 牛角包 迷你沙律 無特別烹調技巧 但調味夠 好滿足既一份早餐Egg Benedict- 上面既hollandaise sauce太稠身 像一塊凝固左既車打芝士 亦無左應有輕怡既感覺 食左一舊已經膩好彩餐有包水果 乳酪 cereal等 感覺無咁大負擔

唔知點解近期嗰啲酒店都好難搵到係有長腳蟹可以食嘅🤔🤔🤔見到呢間有長腳蟹之餘個價錢又唔係太貴網上面book亦都有Discount 唔需要$500就已經有嘅酒店自助餐去到現場見到佢海鮮區除咗有長腳蟹仲有生蠔其實已經有啲加分見到有麵包蟹….不過個蟹蓋係一啲膏都冇仲要有一陣腥味 OMG （扣分）佢嗰啲生蠔同長腳蟹係每次去到有人夾俾你嗰啲並唔係你可以怒攞…對有啲人來講可能唔係太盡興熟食來講不過不失啦，冇乜邊啲特別嘅嘢係會encore但係亦都冇乜邊啲嘢食左係覺得難食嘅個喇沙麵湯底幾好👍甜品雪糕係movenpick，我自己食咗六球唔同味嘅四百幾蚊來講我覺得佢係合格以上

與友人到城景國際慶生，想不到今次的榴槤下午茶自助餐為我們帶來一些驚喜。首先嘗試了燕窩鮑魚海鮮粥，材料也充足，是不錯。我們喜歡榴槤奶凍和榴槤拿破崙，榴槤味道香濃，甜度適中。特別欣賞侍應生的服務，很是貼心，為我們安排椅子放物件。我們很滿意是次生日價惠，自助餐6折及送贈了一份生日蛋糕，實在是不錯。

睇過食評ma ma, 但呢個價錢都想一試，而且主題也是我們喜歡的生果：榴槤，芒果。只限weekend 供應,1500 －1730， 未夠3點，餐廳門外已經排左長長人龍。入酒店都見到唔少staycation 的人。等到三點，終於開始登記入座。熱食款式比想像中多，有小籠包，燕窩蟹皇粥，船noodle 較少見。沒有刺身，但有三文魚壽司，味道普通。推介係甜品，很多款式，賣相不錯，味道也很好。soffule 要等出爐，有幸拿到一個。芒果榴槤小甜品D24 榴槤千層CAKEM字頭ice cream, 食番幾球都回本了！二百幾蚊算係好唔錯了！

有免費橙汁飲，但啲水杯好多污漬，係喺杯裏面，而杯外又模模糊糊。我真係自己洗過隻杯至敢用。很多碟有水漬，唔知係生水定滾水，直接擺食物唔知有冇感染。食物枱上的夾具被弄污，侍應生冇經常檢查，到客人取用時弄到滿手醬汁。