第一城冰站

Open Now

Now Closed

岩岩係間野買完格仔餅，其實一開始聽到16蚊一底，雖然係貴，但心思思想食就試下啦。一俾完錢，唔洗兩分鐘已經整好。但係人都知雞蛋仔同格仔餅係要俾時間佢烘。而我又冇催個姐姐快啲，又冇人等緊，顯然係冇心機整。一打開見到塊餅，隻色淺到懷疑佢未熟。咬落去有部分地方仲係帶有粉漿感。最過分係，個餅食到1/3先食到裡面既料，啲花生醬少到以為漏左落。連醬都懶得查，hea到甘不如唔好賣。

由細食到大，由老闆自己整，到依加好少見到佢。我鐘情芝麻椰絲同香芋味既雞蛋仔今次食香芋味，好香香芋，好吸引人可能少人買依隻味，所以即場整比我好開心新鮮既，等下都ok。外脆內淋，好食，同埋好原粒，唔似外面d咁散。

由細開始食，每過一段時間都會幫襯下，今次都係，不過今次係我人生中食過最難食的鷄旦仔，鷄旦仔味道淡而無味，只食到硬硬的旦糕，每粒都係一堆填滿滿既麵粉，塞滿，厚到死，外皮質地完全唔脆，之前買果D每一粒鷄旦仔入面是半空，軟軟滑滑，甜未剛剛好，外皮又香又脆，都唔知邊方面出錯，麵粉漿有問題，定係倒粉漿倒得太多＄15一底，完全似食緊隔夜麵包，絕對失望

去到附近口痕痕，晌第一城冰站買咗份雙拼雞蛋仔，我揀咗香芋拼芝士，前者係貪佢嘅顏色，可惜當日從外觀嚟睇紫色唔突出，反而撕落嚟之後先見到入面係深紫色。雞蛋仔食起來蛋香稍遜，慶幸外脆內有彈性，但就感受唔到香芋味。芝士口味唔算非常非常濃郁，除頭幾啖較明顯外，再食落去就好似同原味雞蛋仔差唔多。呢排食過唔同食店嘅雞蛋仔，綜合而言呢間唔算出眾。不過以花臣類雞蛋仔嚟講，一份唔洗廿蚊，都算係想過口癮時嘅選擇之一。

經過商場門口，係呢到買左一底朱古力味雞蛋仔。不過竟然係大失所望。雖然係門口飄過陣陣香氣，但食落卻覺得好淡。係食落卻冇乜朱古力味。唔同味道只係有顏色同無顏色的分別，根本同原味冇分別。D火計仲要👠口👠面，又唔係平...絕對無下次！

無聊聊行行下，見到魚蛋！好耐無食呢 d 野啦！小時候喜歡掃街！但係人大個咗就怕被人見到！不好睇！又怕被人笑！但係今日著便服，無所謂啦！足知買咗一串魚蛋呢食，嘩！嘩！嘩！賣相充滿黃色，漲卜卜的！咬落去又彈牙！食了串仲想食多一串添！

之前去過一次,起碼有廿幾人等緊 即刻走人.....今次再去又係咁.......就等,一等就35分鐘入到去叫好晒所有食品,侍應就話要等10-15分鐘.....又等.....飯...........好食肥牛肉鍋飯...........好食麻醬冷麵,d麵好彈牙...........好食魚生,新鮮....................好食呢個網燒雞翼,一上枱.....唔知係咪自己見識小,佢地將d雞翼斬開一半,感覺好肉酸,食落口.....淡而無未,又無口感......個人應為係劣作甜品出場,綠茶丸子紅豆.....好好食香蕉班戟伴朱古力雪糕,買相好好,無失望,但驚喜唔大,都係好食呢個蕃薯布甸,未食過..........好好食成餐晚餐最唔滿意係等,飯前等位,叫野食又等,叫甜品等左13分鍾,好彩既係女部長好有禮貌同我講,3分鍾內一定到,咁條氣都順d

點了個新鮮格仔餅，是即製的都要等十多分數才有得食，熱辣辣幾香脆，不過就嫌花生醬奶唔多，好似吃緊無乜味既野咁，有點淡，不過勝在佢既質地好特別，唔錯唔錯的，份量都算中等，12元的價錢不錯了。

每次經過第一城商場，都會比冰站散發ge香味吸引到。最死係佢開正喺商場門口，所以每次出入商場都要聞一次d香味所以，今次我終於抵受唔住誘惑，買左一底朱古力味同一底士多啤梨味雞蛋仔。可是，雞蛋仔ge味道同預期大有分別。雖然d雞蛋仔聞落好香，但食落卻發現味道偏淡。另外，雖然我見到雞蛋仔入面的確係有朱古力/士多啤梨ge餡，但係食落卻冇乜朱古力/士多啤梨ge味。感覺上，唔同味道只係顏色ge分別，食落去都係同原味冇乜分別咁。

呢間第一城冰站最出名既就係雞蛋仔，但係唔知係咪因為做出左名，賣得越黎越貴，同埋質素都冇以前咁好，D雞蛋仔有時都係整定，所以唔熱，有時甚至係凍既，所以唔算好食，希望遲下會有番以前既質素。

年初四繼續出動拜年，是日難得來到第一城，當然不能錯過吃第一城冰站的雞蛋仔。 雖然食店位於住宅區，但其雞蛋仔在香港數一數二，baka知道我喜歡這裡的雞蛋仔，曾經外賣給我吃，可惜見面時該雞蛋仔已放涼太久，完完全全變成一底「雞蛋糕」… 自此一直心癢癢，時隔一年終於又可嚐新鮮出爐的第一城雞蛋仔！ 適逢假日，食店外有大量食客等候，baka說平時可以直接向負責弄雞蛋仔的叔叔落單，但可能今次碰巧多人，我們要先向熟食部的姨姨落單等叫號，美食不怕等待，最後約等了十五分鐘。 原味和特別味道的雞蛋仔售價一樣，看回一年前的食評，原來又加價了！今次點了士多啤梨味（＄１５）及香芋味雞蛋仔（＄１５）。雞蛋仔叔叔將新鮮烘起的雞蛋仔先放在陳列架上一會，再放進紙袋裡。很幸運，第一顆拿起的士多啤梨雞蛋仔像極可愛的小鯨魚～ 今次點選的兩款雞蛋仔剛好屬於較女生的粉色及紫色系，賣相漂亮。 第二次嚐士多啤梨雞蛋仔，跟上次一樣，一邊是粉紅色，一邊是淺啡色，但今次的粉紅色非常突出！ 新鮮烘起的雞蛋仔非常飽滿厚實，可見餡料足夠，口感香脆內軟，煙煙韌韌，裡面充滿紅彤彤的士多啤梨餡，今次的士多啤梨味很濃郁，散發陣陣清新香味。

第一次試這間，見好多人排同店舖都好整潔，於是就買左一底原味雞蛋仔，外觀同一般的雞蛋仔無咩分別，溫度都係適中，但係食後發現是苦的。。。而且個餡都係令人失望，外殼並非脆，內裏是軟熟，而佢依家係裏面軟林林，好似未熟咁，質感很奇怪。所以佢收15蚊一底，相比係北角，太安樓，西灣河有名的雞蛋仔，有點遜色。

呢間雞蛋仔我由4歲讀緊幼稚園個陣已經食開睇住佢愈做愈難食前排買左個格仔餅，收14蚊但塊餅都推唔靚餡少得可憐，塊餅本身連蛋味同甜味都完全冇好啦，都諗住間野而家咁難食，有生之年都唔會想再幫襯點知朝早行過時見到大王係度打蛋開漿我覺得雞蛋仔好食唔講手勢先，個漿一定要開得好見原來大王仲把持住間鋪自己開漿決定佢開鋪俾面大王食多底我揀左香芋味呢隻味應該好少人食，我揀係因為我不嬲好鐘意芋頭師傅即整，等左5分鐘到底雞蛋仔都仲有肉既好在，唔係得個脆字上色好靚，好紫，都食到香芋本身個隻獨特既甜味，中規中矩，芋頭味再濃d當然更好

小弟因學業關係，不時都要到威爾斯親王醫院走走。非常自然地，我亦會經常經過第一城，在眾多店鋪中，我最留意既舖頭就係呢間小食店。佢位於商場門口，位置非常顯眼，而且因為口碑不錯，所以都有幾多人排隊。佢既招牌食物同其他香港街檔差唔多，都係格仔餅、雞蛋仔同埋D港式飲品，雖然唔係有咩特別，但其實整得唔錯。最值得推介既係佢既朱古力味同草莓味格仔餅，口味獨特，令人感覺煥然一新，配一杯橙汁就最好啦。

其實冰站經過好多次，每次我都聞到陣好香雞蛋仔味！有日放工太肚餓都頂唔住買一底食。但第一粒已經令我失望！！一個冇味雞蛋仔！係連粉味都冇！仲衰過超群！！唔想太浪費下為有支持半底。