CJ Cafe (Closed)

今日星期五臨放假就同屋企人去食CJ cafe因為聽人講個view好正一入到去地方好寬敞，員工仲安排我地去坐泳池境位臨近黃昏望住泳池其實幾好feel上野食都算快，一坐底已經有羅送湯個味都算濃 加多D鮮蕃茄就好個包好有牛油味 正個羊架好有驚喜因為一D都唔酥而且D肉唔老調味做得幾好 唔會太over而且價錢十分抵總體黎講 依個價錢質素係對得住waiter waitress都係年輕人 幾易溝通

估唔到係馬鞍山有得係泳池旁邊鋸扒咁High class ! 次次去親游水都以為係普通小食店但原來係個不錯的西餐廳水牛城烤雞翼一碟有六隻，每隻都被燒烤醬包圍，燒烤醬好惹味，帶著微微的蕃茄酸甜味，味道不錯！主菜好大份！個豬鞍真係好巨型而且肉厚！薯條份量都好多！豬鞍味道不錯，同紅酒汁好夾帆立貝煎得剛好，唔會UN,仲保留到水份！餐飲揀左比較健康既圓肉薏米檸檬蜜，整體味道不錯，味道暖和清新！

原來泳池隔離有間cafe，游完水好肚餓，就去左食個晚餐。餐廳環境都幾靚，冇諗過泳池隔離會有間靚cafe。叫左炭燒牛肉眼扒。好大塊！七成熟，口感好好。之前食過好多七成熟既牛扒都煮到好似十成熟咁，但呢個真係我想要既七成熟。今日唔係aspect 食好野，諗住求其搵野食，點知食到我想要既味道，正！肉眼肉質外層熟，內層多汁，好味。西蘭花入邊既味道都好香，唔知調味料係咩，真係好好食既西蘭花！！叫左個燒豬頸肉。豬頸肉葉左香茅，入口有陣淡淡的香茅味，唔錯！再叫左杯熱檸蜜完結今日既晚餐。其實呢度真係幾舒服，悠閒之餘又食到質素高既cafe。而且價錢唔貴，一個肉眼牛扒hkd148，出去高級d既餐廳都要double price。而且呢度味道好，所以整體黎講性價比高，值得推介！

久久都應該要出走一下。所謂嘅出走就係去睇心形石。由於坐得太耐車就到附近搵個地方醫肚先，所以就同男朋友過到黎呢度。呢一度喺泳池附近，所以都見唔少泳客都會過黎食下野，而且我幾中意呢度係因為望到個泳池景。對於唔中意做運動嘅我，望下人地做運動就當自己做左，都係一件幾滿足嘅事。沙律黎講就合哂我嘅心意，最上方有大大隻大蝦喺度已經好吸引到我嘅目光，食落去都覺得好好味。而下層嘅沙律亦都有唔同嘅蔬菜同生果，火龍果同生菜等等嘅一般用材料都齊哂喺度，所以沙律都唔係單單得幾種食物。我幾中意呢個沙律，又睇得又食得。呢個係炸雞翼配薯條，比起一般嘅幼細薯條，呢一款大得多，而且做到個質素都好好。好多地方做嘅大薯條都會做得差，薯條會軟左唔脆加上鹹過頭。但呢一度嘅大薯條依然好脆好好味，鹽亦都唔會用得過多而令到太鹹。旁邊嘅雞翼亦都唔錯架，但我覺得薯條比較突出。熱柚子蜜作為飲品亦都會係一個好選擇。呢一杯甜度適中，所以我都幾中意呢一杯野飲。作為cafe，我覺得呢一度做得好足，比一般嘅cafe多選擇之餘，質素亦都比較好。馬鞍山都唔一定係冇咩好食嘅，至少細心發現下都見到一啲值得一試嘅餐廳。

CJ cafe這天，我和家人到了馬鞍山泳池旁邊的西餐廳吃晚飯，家住馬鞍山已經有20多年，但好像從未試過在這間西餐廳吃晚飯，朋友告之這間位於馬鞍山泳池旁邊的餐廳食物質素不錯，而且景觀優美，可以看着正在戲水暢泳的泳客，感覺非常寫意。進入餐廳後，發現餐廳的面積非常大，而且樓底很高，就在泳池旁邊，翻一翻餐牌，發現食物選擇也不少，我們這晚吃了意粉和牛扒。先來兩碗雜菜湯，雜菜湯味道酸酸辣辣的，色澤橙紅，合格！接着，炭燒西冷牛扒也上枱了，西冷牛扒有陣陣炭燒味，我們要了五成熟，牛扒裏面仍然呈鮮嫩粉紅色，牛味香濃，不過西冷牛扒的脂肪分佈一般，而且感覺筋部不少呢。挪威煙三文魚鮮雜菌南瓜汁闊條麵這碟南瓜汁闊條麵挺有驚喜，南瓜汁味道甜美香濃，所有闊條麵都被幼滑的南瓜汁深深裹着，配上幾片煙三文魚，感覺非常好吃，家人都大讚。我們另外叫了兩杯特飲，薏米檸檬蜜則比較普通，沒有太重薏米味，而芒果藍蝶水晶則不錯，芒果味香，而且視覺效果很好，有漸變的紫色。

人懶其實做咩都冇咩動力，自自然然行步路都會話煩。但係呢一度對我呢一個懶人係一個福地。偶爾相約中同於圖書館殺時間，殺殺下都有肚子餓嘅一日，呢一度近近地，喺泳池同圖書館附近，仲有大大個泳池景觀望，個人表示非常喜歡。先講下飲品，因為我幾中意呢度嘅飲品，叫得cafe飲品當然唔差啦。蘆薈水晶綠茶特飲$6（跟餐） 呢一杯特飲望上去顏色宜人，儘管係綠茶，飲得耐亦冇澀嘅感覺。另外甜度都適中，所以幾得我歡心。午餐D--鮮什果大蝦沙律 $58 呢一個係我嘅餐，作為減肥嘅糧食，呢一個都算適合我嘅食量，撐得飽我嘅肚亦唔會令我食咁多肉。我不像別人，唔會口叫減肥，而係實行叫沙律食，減少肉量嘅吸收，所以我都幾推介呢個比啲減磅人士，又好食又實行到目標。卡邦尼意粉 $68 呢一個係朋友叫嘅，佢就話幾好食。同一般卡邦尼意粉其實冇咩大嘅分別，但起碼食落去冇膩而嘔嘅感覺。紐約芝士蛋糕$20 朱古力紅桑子芝士蛋糕$20 呢一度嘅芝士蛋糕都好食，但相比起我中意翻原味嘅紐約芝士蛋糕，因為唔會太甜太膩，同原味相比起，朱古力我會覺得甜左啲，雖然有紅桑子作調配，相對上紐約芝士蛋糕，都係紐約芝士蛋糕好食啲。其實個人覺得呢一度幾就腳，所以不

去馬鞍山去游水消暑望住個泳池一路見到好多青春少艾喺度游水一路食住肉醬意粉，配上芝士薯哥係人生一大樂事殿內裝修優雅，用上colorful的擺設很潮呀西冷扒好大塊，大塊過塊面。咬落肉汁豐富，配上燒汁份外match

星期日晚飯時段周圍都要等位，經過呢度發現唔駛等位，環境又舒適，就入黎試下~窗外可以睇住人地戲水，真係好舒暢，就算自己唔玩都好開心!晚餐餐牌:餐湯只有什菜湯，冇得選擇。味道一般:B.炭燒紐西蘭草飼牛肉眼扒餐$148，呢個真係好好食，份量足，有碳燒味道，好有牛味亦都好霖，但又好有口感。大推~H.龍蝦汁海鮮天使麵 $88，材料有蝦、蜆、青口，加上濃郁既龍蝦汁，幾好食，賣相亦都好靚。可惜有啲碎既青口殼，唔覺意咬左落去，牙都爭啲崩，牙痺左十分鐘。如果唔小心吞左都唔知點算，食時要小心!!加$6可轉特飲:藍蝶水晶系列，左:石榴味，右:芒果味。底層係類似啫喱或大菜糕。但兩杯都激甜，亦唔係果汁飲品，係用啲濃縮糖漿沖既。

大家都知馬鞍山被認為美食沙漠,但係呢個說法今時今日要版打破啦,今次為大家分享呢間位於馬鞍山泳池附近既CJ CAFE,黎到既時候好似去左海邊酒吧咁睇真D 原來係有落地玻璃望到出面泳池,格局十足夠另類,一坐底都事不宜遲,落單叫左一份煙三文魚鮮果沙侓,一肉眼扒,一個肉醬意粉,水牛城雞翼同一件芝士 CAKE做甜品牛扒跟餐會有餐湯同牛角包,首先上既菜係沙侓,黎到係非.常.大.碟,入面有火龍果,蘋果,有菜,用黎開胃同之後食飽解濟都非常好,之後就黎雞翼,亦都係非常大碟,雞翼酸酸地味道唔錯如果落小小辣應該會更好食,之後就係肉醬意同肉眼扒,全部都係非常大碟意粉醬汁唔錯,而牛扒都夠哂多汁啖啖肉,,最後食埋件CAKE就岩岩好啦如果大家去到馬鞍山又唔想食連鎖快餐的話,不訪試下呢間抵食夾大件既CJ CAFE吧保證食到肚滿腸肥

姐喺咁，先唔講佢既食物質素，一坐低叫入俾餐牌啦，個waiter 問返我地*咩無人比你咩？？？*之後攞個餐牌黎，叫我地order個羊架，話好食，之後我地無反應，佢就叫我地order牛排加意粉，咁我地都未諗到食咩野，同左佢講話要諗諗先，咁個waiter就話老板叫waiter企喺度等客人落單，唔落唔走喎，咁我地再三邀請佢行開比時間我地諗，佢照企喺度。真係好mean囉唔該。

今日朋友帶左我黎間好特別既餐廳, 間餐廳係泳池邊, 咁大個都係第一次, 咁我地叫左2個set share食, 龍蝦汁海鮮天使麵,, 天使麵好爽口, 加上濃郁既龍蝦汁, 好惹味, 而且海鮮好足料, 都好鮮味吾會韌炭燒紐西蘭草飼牛肉眼扒, 我地要左7成熟, 牛扒好冧身, 而且肉味好濃, 亦食到牛脂焦香, 正呀

間中都會相約朋友同小胖男友到馬鞍山做運動 但往往晚餐都無咩選擇 唔係茶記就米線 真係名符其實既"美食沙漠"一直都無發現泳池餐廳竟然唔知幾時變左間Cafe 仲要裝修格局都唔錯 拿拿聲去試下餐廳同泳池原來只係一塊玻璃之隔 可以一邊食一邊睇到小朋友係嬉水池玩 感覺幾悠然一行三人點左煙三文魚蘋果沙津, 肉眼扒配薯菜, 肉醬意粉, 水牛城雞翼, 再跟餐加左餐湯同餐包齊齊share煙三文魚蘋果什菜沙津 超級大碟三文魚花底下一半係富士蘋果+火龍果, 一半係什菜沙津蘋果好爽口 但無諗到火龍果配埋沙津醬咁好味 連平日唔係特別喜歡火龍果既我都覺得好岩胃口 成碟沙津既感覺好清新 推介!!肉眼扒配薯菜 份量同樣大碟 肉眼扒下勁多薯菜水牛城雞翼 都係勁大碟! 水牛城汁味道唔錯 炸得幾脆 不過一向嗜辣既我覺得如果加辣味會更正肉醬意粉 酸度同意粉軟硬度剛好 水準之內 合格加$20一件既原味cheese cake 野食真係好大碟 價錢亦唔貴 以後黎"美食沙漠"唔駛淨係食茶記喇

想試新嘢 朋友介紹又平又抵食 所以心郁郁想試一試見到menu 原來週末無最平果啲set 🙈不過好在見到兩個都試得過又平平地Cj burger $58影出嚟好似有啲細碟 但實情好大碟 我最後係三份一個漢堡都食唔晒 薯條厚切啖啖肉 上碟熱辣辣又香口 漢堡超厚肉 好足料 唔記得咩名 鮮茄湯牛肉配牛角包跟飯或意粉 $48個汁幾惹味 牛角包又係夠熱 都唔錯 都係果句 好飽環境係幾舒服 鋪頭大又唔多人 落地玻璃幾開揚 佈置都花咗啲心思 馬鞍山想搵下新嘢食呢到都可以一試 聽講平日再抵食啲

今日去咗馬鞍山泳池隔離嗰間餐廳食嘢，首先講一講先個環境先， 間餐廳係正正對著泳池，你係可以望到泳池入面嘅！作為男士嘅我哋當然係大快人心啦！有得食嘢又有得嘢！ 不過可惜嘅係今日揀錯咗時間，因為星期二嘅下午泳池係關門的唯有擇日再嚟啦咁講返個正餐先，嗌咗份牛扒，相當足料，除咗呢樣我仲嗌咗個side dish芝士肉醬薯條, 不錯不錯!唔好以為食西餐好似好貴其實一個side dishes有野飲加埋個正餐成為都只不過係120蚊左右,非常抵食

CJ CAFE位於馬鞍山公眾游泳池旁邊, 就在出入口的左邊, 好顯眼.樓底高, 落地大玻璃可以望住游泳池, 店內約20張檯, 空間夠曬大.CJ CAFE做西餐, 由於食LUNCH, 只點了輕食醫肚.蜆肉蕃茄意粉 - 蕃茄醬唔夠濃, 份量中規中矩, 蜆肉也算無沙, 意粉也是普通貨仔. 整體仲差過自己煮.BURGER - 上檯賣相十分靚, 大大個BURGER仲有粗薯條.粗薯條全部都係"冧"的, 無一條係脆既.BURGER係普通嘉X麵包. 入面塊肉係免治肉, 好鬆散, 係好厚, 不過入面未熟曬. 仲有過份的香草味.BURGER內的菜亦不太新鮮.賣相呃曬人.