經典古早味蛋糕

Open Now

Now Closed

好耐無黎深水埗啦，今日約左朋友去深水埗食野，食飽飽無野做周圍行，經過呢間古早味蛋糕店。店內環境唔錯，吸引我去望下啲蛋糕，呢間店嘅古早味蛋糕口味都幾多種，有朱古力，肉鬆，芝士……見到廚櫃有5-6款。見到門口貼左古早味蛋糕有優惠，感覺都幾抵食。由於我未試過呢間嘅蛋糕，有折扣嘅話當然要試下，原味古早味蛋糕一個$30，其他口味都有小折扣、好似幾抵，不過原味賣晒，於是入去問職員仲有無啦，好彩仲有一盒、比錢前職員會比我望下蛋糕先封盒，服務到位。原來都幾大件喎，好抵食。蛋糕質地好軟屬，而且唔算好甜，岩哂我唔食咁甜，蛋香味都合格嘅，呢個價錢可以喎，一定會再回䐟

非常好食古早味蛋糕，咁啱企喺櫥窗前面睇緊，就啱啱新鮮出爐，出哂煙熱辣辣，即刻買件芝士嚟試吓，食落非常鬆軟好有蛋香味，中間夾心有芝士，芝士味好濃味，鍾意食芝士既就唔好錯過！

一直也有買開這間小店的古早味蛋糕， 佢蛋糕質素非常好，性價比高。尤其朱古力味蛋糕非常抵食，完整一條只售$45。 雖然價錢平但，但絕對不會馬虎，仲好過好多其他古早味蛋糕店。佢非常足料， 除咗蛋糕朱古力味濃， 蛋糕面頭舖滿朱古力粒，中間朱古力醬仲要爆餡🍫， 真係大件夾抵食，非常超值。 老闆娘話小店依家經營困難，請大家多多支持 呢間良心蛋糕店 🎂🍰

原味特價超值古早味蛋糕系香港都好多年，我都未食過，一系多人排隊，一系幾貴，系哩年好似便宜D,都好想試下。今日去阿明買完，經過哩間，鋪面黃色吸引左我，上openrice 睇下，估吾到居然100%系好，咁吾試都對吾住自己啦。佢有大概8種味道，例如朱古力，大部分系70/35蚊，但原味今日系$35，最抵亦系我要試得。個盒鮮黃色，送禮都OK咖，好穩陣，打開都吾容易。個蛋糕好軟熟，幾香，但比較甜d，都值得再買其他味道食咖

以前成日經過見到好多人排隊，今次經過嘅時候見到冇乜人排隊所以就走咗入去叫蛋糕食啦！我自己最鍾意食嘅都係呢度嘅原味蛋糕，望住佢即叫即整嘅蛋糕真係好吸引，而且真係遠遠就已經聞到蛋糕嘅香味！熱辣辣嘅時候擺入口真係好正，口感好軟綿綿，而且呢度嘅蛋香味真係十足！鍾意食鬆軟蛋糕嘅一定要試吓

間店門口寫全條流心芝士味$65，半條$40。上面仲大大隻字寫「每盒減$10」。入到去要半條芝士，個男店員含糊地問我要唔要多半條/另一隻味可以減$15。我話唔洗，點知佢攞件已經係人地舖頭「半條」size嘅蛋糕再切一半，仲要「唔係中間切」，跟著快快手俾咗細件啲嘅我，仲話買半條冇得減$10，收咗$40。俾完錢覺得唔對路，覺得冇減$10，又俾唔等同一半size嘅我，感覺俾人呃咗！返去問佢，佢話買一盒等於買一條，買半條唔係買一盒冇得減$10。問題係，出面張紙話每盒減$10，冇寫一條定半條。如果我買你所謂嘅「半條」冇得減，你又點解問我買唔買多一半減多啲減$15？切嘅時候又唔係中間切？！同佢對質嘅時間，有位長者又係唔明點計。最後佢話退錢俾我。我覺得要老實做生意，唔好用文字取巧呃人！大家小心呢間舖！之後去隔離轉角另一間舖買，人哋$40係賣緊佢俾嘅double size! 同佢提起頭先遭遇，間店都認同唔可以唔老實銷售！以上絕冇虛言，否則天打雷劈！

如果唔係屋企人為食，見到個樣真係冇想試嘅意欲，因為又唔覺得有乜嘢特別， 試過一次之後已經回頭再買兩次 最好嘅係可以一次過選兩款口味☺👍👍口味唔算多，但係我試咗幾款都覺得好食， 尤其係脆皮咖啡味 同流心朱古力。脆皮咖啡+流心朱古力 - 呢兩個都滿分， 前者面層微脆，咖啡味適中， 唔飲咖啡嘅我都好鍾意呢個咖啡味。而朱古力香濃但唔會太甜， 同埋係真流心， 放入焗爐焗五分鐘已經好似新鮮出爐咁。流心芝士 - 呢個係我第一次試嘅口味，亦都令我對古早蛋糕完全改觀， 流心芝士原來配古早蛋糕係一個幾夾嘅組合👌海苔肉鬆 - 味道唔錯，但係同以上三款比，我都係鍾意甜味👌綠茶 - 若果食厭咗以上幾款呢個都可以試下👌黑糖 - 其實唔係特別鍾意黑糖，不過有合桃配襯下又唔錯

一向有周圍試古早味蛋糕，可惜有唔少鋪頭都要成條先賣，唔太啱我地呢啲屋企人少少、又關注血糖嘅人士⋯⋯今日行深水埗，見到呢間可以買半條，so good!黑糖合桃、咖啡味都想試，頭痕緊，原來有黑糖合桃咖啡口味，即刻買半條試吓！雪凍左夜晚當宵夜。呢間D蛋糕比其他鋪頭嘅高身，切落去好挺身，但食時都唔會硬，口感綿密。咖啡味好濃，面頭合桃增加口感⋯⋯黑糖部分係夾蛋糕中間嘅兩小條cream，少少「漏」但令蛋糕更香更滑。整體嚟講算高水準！賣蛋糕嘅姨姨好nice。半條$40，如果買2種口味只係加$25！多人開心share會抵好多！下次經過會試其他口味。

懷孕晚期了 其實這幾天已經滿腦子係古早味蛋糕的畫面非常掛住咸蛋黃芝士蛋糕 晚上7點幾，真的好想食！！無奈實在抽不到時間去買靈機一觸， 用了gogovan 的代買服務買了半件朱古力，半件肉鬆一件經典鹹蛋黃流心拉絲芝士折後共$116 Gogovan service $110 無計真係太想食好想多謝2個店員，和我通左幾次電話知我好想食， 又要幫我聯絡車手車手取左貨後仲專程打多一次電話話我知真係好肯幫忙，又親切，完全無唔耐煩收到蛋糕後，真係食得好開心每啖都係人情味，雖然我家樓下都有一間古早味但係經典是我食過最好味的特別推介鹹蛋黃芝士超正

呢間好耐之前經常幫襯呢間 但係一搬左就唔順路 所以都有好幾個月冇買過 然後屋企附近又有呢d蛋糕賣 以前買排隊條龍都幾誇張 假期仲誇張 所以以前我都係 OpenRice落單然後去自取 但係今日去黃金買野 順路望下 居然冇人排隊 莫非換左人唔好食 入去望下都係個d姐姐 佢地話冇換過 不過係深水埗最近有疫情 所以小左人 咁嘅時勢香港地搵區冇疫情都難 吹左幾句 跟住買半件原味 半件芝士 點知原來生意難做到佢地做埋大四即係四種不同口味切片拼一盒 呢d啱晒我樣樣想食d但又唔多人食嘅人 重點係返到屋企一食 真係好食過屋企樓下個間 樓下嗰間仲要台灣古早味 唔通係我唔識欣賞？經典嘅原味 真係鬆軟 宜且總係漲卜卜流心芝士 未食到流心位都有芝士香味一間咁出色蛋糕店 居然都不敵疫情 希望佢地撐住

佢好好啊，可以半個咁樣買，所以一次過試唔同嘅口味，本身糾結緊究竟是流心芝士定係經典芝士好，但係最終兩個都試咗。我聽人講經典芝士，係有鹹蛋黃喺入面，所以就好想試頭先就試咗啦，經典芝士就冇流心芝士咁鬆軟，同埋濕潤，但係都好香芝士，同埋鹹蛋黃味，我屋企人好鍾意❤️我鍾意流心芝士，超級鬆軟，超級濕潤，好似日本輕芝士蛋糕咁，唔使叮熱，都有留心芝士，真係超好味呢一間價錢仲要唔貴，又可以半舊咁樣買，用OpenRice外賣自取仲有優惠PS，唔係廣告，全部自費，真心推介我自己試過太子好出名嗰間山田XX, 但係真心冇呢個咁好味而且呢一間服務態度比嗰間好我仲試咗佢嘅綠茶味🍵，佢都係好似日本輕芝士蛋糕咁，好鬆軟，買半盒有咁大舊，真心值得本身心諗佢唔係好出名，費事試呢一間，但係好彩試咗，冇諗過咁好味會再回購呢一間

今日天氣🧣凍凍地, 前排已經食左幾次暖笠笠糖水, 今日想轉下口味, 決定搵間未試過既古早味蛋糕幫襯下。貪佢可以拎返屋企叮熱黎食。經典古早味蛋糕既蛋糕口味選擇不多也比較是基本款, 不過都有我好鍾意既鹹蛋黃口味, 但就無齋鹹蛋黃呢個選擇, 一定要跟埋芝士一齊叫。食過咁多次古早味蛋糕都未試過芝士味, 今次不妨買黎試下(我本身好鍾意食芝士, 無買過只係因為芝士蛋糕成日食到, 所以見到有新奇口味就會優先選擇)。鹹蛋黃芝士古早蛋糕 - 鹹蛋黃同芝士夾左係蛋糕中間嗰層。我覺得咁樣幾好, 可以揀食一啖重口味D, 又食一啖古早蛋糕既原味蛋香。呢間店家既做法係將芝士同鹹蛋黃融合埋一齊, 唔係食到一粒粒鹹蛋黃嗰種(食過一間係入口一粒粒既, 好似中秋月餅入面個鹹蛋黃咁, 好好味, 有機會再介紹)。而蛋糕既口感就好似食緊日式芝士蛋糕咁, 鬆軟幼滑。發覺自己好鍾意食加入左鹹味元素既甜品, 例如:海鹽, 芝士, 鹹蛋黃。鹹鹹甜甜的味道帶來味覺上既衝激, 令層次更豐富, 亦有入口甜而不膩既效果。經典古早味蛋糕用料新鮮實在, 餡料同蛋糕味道也配合得好好。                           

妹妹的朋友請吃古早味蛋糕，送來了兩款口味，分別是流心芝士及咖啡軟心。這是我第4間試的古早蛋糕店，只有流心芝士味有在其他店試過，可以做一個對比！！就先試試流心芝士味，蛋糕面層灑上了一些芝士粉，這可與原味的作些區別吧？對味道方面的影響則不大。切開蛋糕後，見到蛋糕焗得好靚，質感鬆軟綿密，濕潤度恰好！隔天將蛋糕帶到外出時吃，不能將蛋糕叮熱，芝士仍處於流心狀態！！芝士的量看似不多，但對比上次試的另一家店，這家的芝士夾層算厚身了～～～流心芝士又好香！好味！！咖啡軟心，切開一片後，不太見到軟心夾層，再將蛋糕掰開一半，才發現咖啡軟心夾層比起流心芝士更厚！！！整體的咖啡味香濃而不甜，即使那厚厚的咖啡軟心醬也不會過甜，蛋糕的質感亦夠綿密！！蛋糕的面層賣相看似乾身，但實際上完全不會，好吃啊！！兩款口味都值得一試呢～～

自從兩年前喺台灣食過之後，一直對古早味蛋糕念念不忘，今年喺香港越開越多成行成市！ 我唔知道邊間先比較好食，加上屋企附近冇開到，今日難得出到嚟深水埗，不過呢一度係古早味蛋糕嘅集中地❤️😱 就咁喺Google搵，發現有三間古早味蛋糕店，當然要搵最高分嗰間試一試啦☺️嚟到呢一間我哋發現不停有街坊排隊，不停有街坊喺門口望來望去。我諗我哋揀啱店舖。 正值芝士流心蛋糕做緊優惠，我哋一於試一試☺️ 我見舖頭入邊有客人係買半分半分，係話你俾一個價錢呢就可以試到兩隻味😆幾好喎！下次一於試吓先！晒一啲心大心細嘅女人同埋發現佢有好多新口味喎，見到有款雲石蛋糕，仲有綠茶味蛋糕好吸引，決定下次嚟試吓先🥺

有時驚啲蛋糕太乾，好容易食到喉嚨唔舒服！ 呢度嘅古早味蛋糕好似比出邊嘅更加濕潤，最重要佢係好足料，嗰日我哋叫咗一個流心芝士蛋糕🍰 嗰日因為做緊特價原本$75，特價係$60，佢仲送咗張$10優惠券俾我哋下次再嚟買，不過因為我哋擔心下次唔知幾時會再嚟過深水埗，太浪費，我哋即時送咗比下一位客人，佢就可以即時使用啦😊店員都好好，冇阻止我哋，仲解釋比個婆婆知可以即時使用。返到嚟屋企個蛋糕仲係暖的，唔需要額外加熱👍🏻 而且中間嗰層流心芝士好濃郁👍🏻蛋糕面仲會有一層芝士碎 ！食落真係好滋味，亦都好「芝」味。