會所1號 維港皇宴

Open Now

Now Closed

美國回港一直無機會好好休息，食完春茗唔夠一星期又到商會晚宴，我淨係想早點歸去訓覺呢！紅酒、威士忌、紅酒又威士忌，我會好快爆啊！我想食野，我要食野呢！竟抽到靚號碼發一發發，滿心期待！但得奬幸運兒早已內定，實在太黑暗，平常心面對算了吧！有餐豐富晚餐已十分感恩。清蒸深海龍躉⭐️⭐️⭐️罕見地蒸魚豉油分開上，免得浸到魚肉變霉變咸，以保持鮮嫩多汁！師傅夠細心，成敗往往在乎細節，有料！雖然師傅有熱誠亦夠細心，但因食材所限實在深表遺憾！開好魚就立即起動，當然先搶臉珠登，繼而魚肚、魚身及魚鰭，全身都係寶非常好！沾上清新蒸魚豉油啖啖肉。蠔汁炆花菇鮑片扒生菜⭐️⭐️⭐️⭐️鮑片吸盡蠔汁煨得入味，滑嘟嘟彈中有嚥韌，用爽甜生菜捲住食就更加繽紛！巨型冬菇厚厚滑滑，咬落爆汁菇味香濃。當紅炸子雞⭐️⭐️⭐️真的熱熱不是微暖，感受得到熱力澎湃！薄脆雞皮乾爽不油膩，落味不過份不太咸，放心大啖大啖地享用。臘味糯米飯⭐️⭐️有草腥蔥花不喜歡，濕濕油油不夠香口不喜歡。乾燒伊麵⭐️⭐️有草青芽菜不喜歡，發脹味淡伊麵不喜歡。松露醬炒蜜糖豆海蝦球⭐️⭐️⭐️⭐️彩椒炒北寄貝⭐️⭐️⭐️⭐️拼埋一碟出場有創意，幾十年來首次遇上雙拼。松露醬炒蜜糖豆海蝦球⭐️⭐️⭐️⭐️珍寶蝦味鮮爽脆蝦

會所1號 維港皇宴,  是連鎖式的酒樓.   吃晚飯, 聚餐, 宴會理想地方.   位於尖東帝國中心1樓,   酒樓入口, 裝修清新優雅,今晚酒樓剛有婚宴, 時間尚早, 賓客未到, 我也乘機參觀場地, 因表妹年底結婚,  正搜集資料.宴會廳面積大,  場地 四四方方冇阻擋,  有大玻璃窗,  好吸引.外觀景可望維多利亞海港, 海景優美, 眼界盡開.宴客禮堂美觀, 華麗.  好有氣派,大圓臺, 每台有婚宴花球, 好漂亮,    座位寬闊.參觀完, 侍應招呼好好,  帶我們去晚飯廳,   這裡除了大圓檯, 也有四人方桌.  地方雅緻, 吃晚飯談天好適合.部長介紹晚市食品, 有燒味, 海鮮, 燉湯, 特色小菜..........金不換胡椒焗海中蝦,濃湯花膠大碗翅, 西施海皇泡飯,也有套餐多款.我們叫了  义燒鱔鱔燒得油脂迫出, 有油光, 燒得香而不乾, 魚皮燒得脆, 切得夠厚身, 义燒醬汁調得香濃.  真正美味. 鱔質地軟滑無骨,   肉質鬆軟, 义燒醬油夠入味,  十分好食.生炆枝竹斑腩煲,  經典的港菜,  熱騰騰用瓦鍋盛載.  香氣四溢, 有石斑魚, 火腩及枝竹.  斑腩裹粉炸至金黃,

星期五食晚餐，因為有現金券，所以去試一次。剛進餐廳，枱面沒有餐牌，向職員取了餐牌打算點餐前，職員才提供套餐餐牌，職員大多服務熟客，對新客不瞅不睬。點餐過程中，餐牌上的食物亦不是所有全部有供應。1. 脆皮吊燒雞雞品道合理，肉質偏柴，皮不是很脆2. 澳洲龍蝦伊麵龍蝦香味足夠，伊麵口感偏軟，但不會軟爛，不錯。3. 菠蘿咕嚕肉咕嚕肉味道正常，肉質好彈性，可惜外皮不脆，肉粒較小。4. 野菌紅燒豆腐豆腐滑，整體而言不差，但沒有驚艷的地方。5. 蟲草花燉雞湯本來點了另一個湯，湯碗飯前已擺好，到飯後仍未上湯，餐廳員工告知已經賣光，請我們轉其他湯。我們問員工可點的湯品及其價錢，員工卻只能大概回答能提供的湯品，又指湯品並沒有價錢，深感錯愕。後來有另一位職員，為我們解答，最後換了蟲草花雞湯。總的來說，會員和熟客來用餐，會得到不錯的體驗。可惜對於新客而言，服務態度對比食物質素，不值得再試。

好耐無食高端新粵菜，同f又約去食。見有新菜式，要去試下。位置唔算難搵，尖東果邊。2個人叫3款菜式，1個湯🥣都好夠食🍽️好飽。叉燒鱔白鱔的外皮煎得金黃酥脆，配上蜜糖燒汁惹味可口，外形好象叉燒，很特別。濃湯花膠大碗翅每碗採用二兩魚翅，原隻花膠，真材實料，湯底亦非常濃郁。金不換胡椒焗海中蝦上菜的時候瓦煲也冒着煙，胡椒香味撲鼻，採用的大蝦比較大隻。黑松露焗海鮮炆飯黑松露醬的香味滲透在米飯入面，裏面的蝦仁爽口彈牙，令人回味無窮。

clubone 維港皇宴係尖沙咀熱門婚宴場地，入面真係好靚㗎，可以180度飽覽迷人的維港兩岸景觀！估唔到點心都好抵食，性價比好高，如果遇着冇人搞婚禮，仲可以入去宴會廳飲早茶，平民嘅價錢高級嘅享受！🔘🔘🔘🔘🔘🔘🔘🔘🔘🔘🔘🔘🔘🔘 🔻蝦籽炆柚皮$68☑️這道蝦籽炆柚皮配料豐富,柚皮燜得腍,蝦籽帶來了海鮮的鮮味,口感層次豐富！有驚喜🔻豉汁蒸鳳爪（中）$35.8豉汁蒸鳳爪Q彈有勁。醬汁入味！🔻黑金流沙包（大）$42.80☑️黑金流沙包賣相Q軟,內餡濃郁香甜,一搣開就爆汁！🔻雙魚籽燒賣皇（頂）$61.00☑️我最愛的點心，足餡多，鮮嫩多汁，咬落Q彈，仲有黑色魚籽，燒賣控真係難以拒絕🔻梅頭叉燒腸粉（特）$47.80梅頭叉燒香甜可口,搭配滑嫩的腸粉,絕對係是廣東特色早茶的經典組合！🔻宮廷桂花糕$35.8宮廷桂花糕清香幽雅，糕點Q軟細緻，甜品控不能錯過！🔻合桃叉燒穌（特）☑️$47.8超有誠意！合桃叉燒穌香氣濃郁，酥皮好酥脆，叉燒嘅份量恰到好處，幾有驚喜🔻蜂巢炸芋角（中）☑️$35.9蜂巢炸芋角外酥內軟,香味撲鼻,入邊嘅芋頭夠多，簡直比食肉更加香🔻紅燒乳鴿$58.8紅燒乳鴿肉質嫩滑,醬汁入味！

My friend and I went to a restaurant called "ClubONE The Victoria" （會所1號維港皇宴）located in 1/F, Empire Centre, 68 Mody Road, Tsim Sha Tsui尖沙咀麼地道68號帝國中心1樓..Honey-Glazed Barbecued Eel叉燒鱔HKD$128..the skin is grilled to super crispy crunchy.the eel is juicy and gelatinous .super yum.high recommended ..Roasted Crispy Chicken脆皮吊燒雞/半隻 half$128..with golden crispy skin.the chicken is soft,tender and moist.served with worcestershire sauce and Huai salt..Stir fried veal with scallion 美極雙蔥牛仔肉HKD$148..the gree

尖東區嘅食肆有好多選擇，最吸引嘅地方就係有無敵海景今晚去咗帝國中心一樓Club One維港皇宴，座擁無敵大海景，而且個場地好適合擺婚宴，因為入口處已經set好咗好多影相打卡位，同埋都好新潮摩登，一啲都唔老土我哋大約傍晚6:30入座，天色仲好光，睇到好靚嘅維港景色，跟住一路食飯就慢慢天黑，順便可以睇埋夜景，咁樣送飯簡直一流我哋叫嘅都係餐牌推介嘅食物，包括有叉燒鱔，果然係呢度嘅名物，上枱仲暖暖地，鱔肉燒到乾身又脆口，塊皮簡直脆卜卜，調味完全用叉燒嘅做法，充滿麥芽糖嘅甜味，作為開胃前菜非常滿意金不換胡椒焗海中蝦，上枱一打開蓋，聞到非常濃烈嘅胡椒香，用嘅胡椒份量非常多，蝦亦非常大隻，焗到充滿胡椒味，蝦肉又彈牙。可能就係胡椒嘅份量多，比想像中辣咗少少西施海皇泡飯，泡飯用料足，有蝦仁鮮帶子大頭菜同菜粒，個湯係用魚骨熬製，非常鮮味，然後再加上炸脆嘅飯粒有兩重口感，好食又飽肚今晚D餸非常滿意，可惜今次兩個人，下次多約幾個朋友可以多試其他

有國內親友來港辦婚宴，佢睇中咗尖沙咀一間有海景嘅高級酒樓，今晚叫咗我一齊去睇吓個場地，順便試吓食物如何。會所1號 維港皇宴飽覽維港兩岸景觀，場地設有兩個宴會廳及數個小型貴賓廳，坐擁維港迷人景色，裝潢極具氣派，而且交通鄰近地鐵站非常方便,適合各類型大小宴會。叉燒鱔:燒鱔肉質彈牙，鱔皮香脆可口，配叉燒醬香甜惹味。燒雞半隻：雞皮蟬薄而酥脆，肉質鮮嫩，雞味濃郁而且皮下脂肪較少。薑蔥粉絲蝦煲：用砂鍋盛載熱辣辣上枱，一打開蓋即時香氣撲鼻，滋滋聲好夠鑊氣，大蝦好新鮮，而且已開邊方便食用，蝦肉彈牙又鮮甜，粉絲吸盡大蝦醬汁精華，爽口又惹味！

今天來到尖東「會所1號」Club One 旗下的「維港皇宴」午膳。酒樓在2樓，同層有多個宴會廳，裝修得富麗堂皇，美侖美奐，維港美景一覽無遺，最適合做婚宴場地。餐牌上除了精美點心外，還有多款特色小菜可供選擇。“叉燒鱔”，酒樓推介菜式，賣相精緻，鱔片燒得香脆，配上叉燒醬，是叉燒與鱔片的混合體。入口既有叉燒的甜，又有鱔魚的香，非常有特色。“石鍋蒜片牛仔柳”，原鍋上，熱焫焫，香噴噴。牛仔柳腍軟可口，牛肉味濃，加上爆香蒜片，非常入味。“鹵水牛展”，牛展爽口彈牙，鹵水入味而不太鹹，味道剛好。“皇煎堆仔”，用鑊仔上枱，芝麻外皮特別香脆，裏面是香滑奶皇，真正外脆內軟，一啖咬下去，雙重口感。“蠔皇叉燒包”，叉燒肥瘦適中，味道也不錯。“潮州蒸粉果”，爽滑外皮，包住花生、肉粒等餡料，脆爽可口。一邊享用美食，一邊欣賞維港美景，真是愜意。

會所1號 維港皇宴 - 尖沙咀今日去咗尖東海旁附近既會所1號維港皇宴飲茶 呢度做開婚宴 環境非常靚 仲有面向維港嘅靚景鮑汁鳳爪 夠淋夠入味 充滿骨膠原酸甜炸雲吞 香脆炸皮 配埋雲吞餡蝦肉大粒彈牙叉燒鱔 叉燒就食得多 叉燒鱔就真係第一次食 甜甜哋既外皮帶點焦脆 鱔肉爽口彈牙星洲炒銀針粉 好耐都冇食過銀針粉 見佢只係68蚊就叫嚟試下 都有幾多料 有蝦 叉燒 芹菜 韭黃 蛋絲 芽菜 味道都唔錯蠔皇叉燒包 新鮮蒸起嘅叉燒包 包皮鬆軟 叉燒餡甜甜地好味香滑薑汁糕 薑汁糕淡淡薑汁味 帶點煙韌口感埋單唔算好貴 以有呢個靚景同環境嘅酒樓嚟講都算唔錯

落足10日雨，今日起身終於見有小小陰天，即刻搭車出去飲茶再行行街先。專登搭車到尖東，飲完茶可以沿住海旁散步，再次到附近商場行逛。酒樓雖然樓底不算太高，但座位闊落，空間感比其他區大，感覺比較舒服。梅頭叉燒腸粉腸粉皮薄滑溜，米香味突出，配上梅頭叉燒軟嫩香濃，沾上甜豉油已經非常滿足。筍尖蝦餃皇蝦餃皇份量十足，每隻都有2-3隻大蝦，筍𢇁爽脆清甜，味道鮮美。百花釀魚肚已經很少地方可以吃到，魚肚釀上蝦膠一齊蒸，蝦肉鮮味完全滲透入魚肚內，口感軟綿，吸收了大量湯汁，味道更加鮮美，而蝦膠爽彈可口，加上魚籽更能帶出鮮味。鮮蝦彩蔬餃彩蔬餃內裏包住不同的蔬菜，入口有不同味道與口感，還有鮮蝦等鮮甜食材，隻隻飽滿又爆饀。蘿蔔絲酥餅顏色金黃，香氣十足，咬一口 ，軟軟的，絲絲縷縷的蘿蔔絲分明可見，一卷卷的紋理，口感會更酥脆。脆皮燒腩仔燒腩仔外皮鬆脆，食落脆卜卜，肉肥瘦相間，香嫩有嚼勁，味道剛剛好，不過鹹。豉汁鳳爪每次到酒樓飲茶，豉汁蒸鳳爪是必叫的點心，醬汁香濃惹味，鳳爪軟嫩可口。輕輕一咬已經骨肉分離。

今日同成班同事食lunch，尖東其實有好多酒樓，左揀右揀揀咗呢間價格比較高少少嘅ClubONE The Victoria，反正有大食大，梗係要揀間好㗎啦！加上ClubONE會員有7折，所以計返都係同普通酒樓差唔多🤭呢度環境真係一流，對住成個尖東維港，坐窗口好好feel～ 如果真係想坐窗口位，可以試吓早啲book，試吓向服務員指定坐窗口位😉豉汁鳳爪 ⭐️⭐️⭐️⭐️⭐️第一次見用不鏽鋼碗仔上，食落好入味，而且炆到好淋，味道好好，忍唔住襯同事唔為意，偷偷食多一隻🤣蒜香黃金春卷 ⭐️⭐️⭐️⭐️炸得好脆好香口，蒜香味好足夠，同事讚口不絕，不過我個人比較鍾意春卷入面多啲蔬菜～咸水角 ⭐️⭐️我係咸水角超級粉絲，每次飲茶一定要食，呢道嘅咸水角算係咁多點心入面比較失色，可以唔食慳返啲quota😀合桃叉燒酥 ⭐️⭐️⭐️⭐️⭐️好特別嘅造型，第一次見圓形嘅叉燒酥，食落好香，叉燒唔會好多肥肉，推薦一試👍🏻煎釀虎皮尖椒 ⭐️⭐️⭐️⭐️⭐️呢樣係我勁想encore嘅，佢係巨無霸尖椒，味道唔會太辣，鯪魚肉新鮮，配搭豉油好好味😍脆皮燒腩仔 ⭐️⭐️⭐️⭐️⭐️個皮勁脆呀，腩肉唔會好鹹，一上枱就個個都快手夾，好快清晒成碟，誠意推介🫶🏻蝦餃皇 ⭐️⭐️⭐️⭐️嚟飲茶點可

［📍尖沙咀｜ClubOne The Victoria］呢間酒樓環境無得頂 日頭有海景睇 夜晚有維港海景睇而且酒樓位置近尖東地鐵站 地理位置非常方便點心款式亦非常多 一啲傳統既 新式既點心都齊備私心推介佢地既豉油王銀芽炒麵 賣相好夠色水亦都非常有穫氣 而且食落唔會過份地油 麵質都很爽口下次去食大家可以試試～

這趟飲茶之旅真係正喇！茄湯鮮竹卷真係驚喜連連，茄湯味道清新得黎又唔覺得膩口。鮮竹卷肉鬆味美，同傳統風味勁匹配！😋 對得住個「大」字程度！金不換胡椒炉海中蝦叫人食得叫好又叫座，海中蝦嘅鮮美味道夾埋胡椒嘅辛香，真係夠哂味口啊！合桃叉燒穌嘅酥皮同餡料比例啱啱好，一啖咬落，香而不膩，值得一試！豉椒牛肉炒河，牛肉又嫩又香，咬落去彷彿爆發出原汁原味。👌 酸甜炸雲吞真係擒得我心，脆皮配上甜酸醬，一路食到掂！山竹生肉球彈牙，肉香十足，每一啖都滿足過上一啖。今次食得開心，親切嘅服務同無敵海景都加分唔少！實要再來捧場！🍤🥢🍲

今日同老細喺尖沙咀做完嘢就同佢嚟到呢間會所1號 維港皇宴度食午餐啦餐廳地方好大裝修都夠晒新淨 兩個人安排咗坐張四人枱非常夠舒服 叉燒鱔 非常特別嘅一道菜式，用咗叉燒嘅做法同埋醬汁用落新鮮白鱔度 外皮香脆 肉質彈牙火候控制得啱啱好 加咗蜜汁去燒甜甜地夠晒鮮甜 肉質彈牙一啲腥同泥味都冇 好食黑椒燒鵝 皮脆肉嫩係基本要求 脂肪唔多 同時有鵝肉嘅香氣 再加埋淡淡嘅黑椒味非常惹味 而且一啲都唔油膩花膠灌湯餃石鍋蒜片牛仔柳 原鍋石鍋上枱 風味十足牛仔柳生熟到剛剛好 唔會好韌而且牛肉味濃郁 用嚟送飯一流