Cocina 3 Tapas Restaurant & Bar (Closed)

🍴Lemon Squash HK$58、Strongbow Gold Apple HK$68、粟米片 HK$40前排去完另一間偏向酒吧格局嘅分店Chapter 3，今晚就來到以西班牙菜作招徠嘅Cocina 3，餐牌款式差唔多，特別在多左西班牙菜式。指定動作，一坐低就送上粟米片，上次配酸忌廉，今次就配奇妙醬，仲撈左d鮮茄，幾醒胃，又係食唔停，食左幾兜。Happy Hour去到八點，可惜遲左一個字坐低，無緣。🍴烤和牛舌配番茄莎莎 HK$128和牛舌算腍，略嫌表面燒得唔夠香，油香比普通牛舌更豐富，番茄莎莎夠新鮮，夾埋一齊食唔會膩。🍴龍蝦汁大蝦海鮮闊條麵 HK$148闊條麵份量幾多，唔會太腍，龍蝦汁幾香，不過鹹左少少，大蝦大大隻，燒得好香，肉質爽甜，蝦頭好鬼香濃。🍴蘑菇火腿自家手打薄餅（12吋） HK$148即叫即整，新鮮出爐，餅底唔會太厚，外層香脆，咬落煙韌，水牛芝士好足料，香甜蘑菇加上鹹香巴馬火腿，既簡單又好食。📍Cocina 3 Tapas Restaurant & Bar大角咀海泓道1號奧海城三期地下G22號舖

朋友在大角咀附近上班，這晚相約在奧海城共聚，我們就挑選了比較特別的西班牙菜嚐嚐😋👉🏻食物 : 4/5▪️德國蜜糖燒豬手掙扎了一會才點這道菜，因為看到網上有很多好評，但燒豬手並非西班牙菜，擔心未必好吃🙈。最後事實證明我們的擔憂是多餘。每次吃燒豬手最怕皮硬肉乾，幸好這裡的豬手令人相當滿意🥰外皮香脆、肉質嫩滑、咸度適中！而且極大隻，吃完超滿足😎▪️烤和牛舌配蕃茄莎莎牛舌非常厚又大件，不過部分位置略嫌烤得過火有點乾。面層夾雜蕃茄及洋蔥粒，入口清新解膩。▪️鵝肝蟹肉燕麥餅配黑魚子醬各項配料都不錯，鵝肝煎得外脆內軟，加上外層有少許焦糖帶香甜味😋蟹肉一絲絲十分足料，而且帶蟹肉鮮味。但兩款食材放在一起則不算太搭。最吸引我的是可以無限添加Nachos🥰一吃就停不了口！

今晚同朋友去了奧海城食飯，餐廳主要以西班牙菜及西餐為主，主菜的價錢由百元起。另外還有happy hour。坐低後先送上墨西哥脆片，盛惠$40。天多尼雞肉自家手打薄餅薄餅新鮮熱辣，餅底鬆脆，而且表面超多芝士，每塊pizza都有拉絲效果。松露野菌忌廉闊條麵闊條麵的忌廉汁濃郁，而且放了很多芝士，十分creamy，松露香味亦很突出。德國紐倫堡腸拼盤有三款香腸，焗至表面帶焦，香腸味道較咸，適中送啤酒，三者當中白色的應該是雞肉腸，比較腍，另外兩款則較爽口。西班牙燉蛋表面香脆的焦糖，燉蛋略焗過火，不夠滑，但味道唔會太甜。

今晚約了朋友晚膳，佢提議去佢屋企附近個間酒吧餐廳，話環境好，食物不錯，坐得舒服。既然佢話請客，我便卻之不恭。因為我要揸車，沒有叫酒精飲品。我們叫了兩個湯。龍蝦海鮮忌廉湯香濃美味，湯底鮮甜，內有八爪魚粒，洋葱，翠肉瓜等，好飲好食。今晚的厨師精選餐湯是番茄湯，番茄味濃少甜不酸，香草令湯更美味。板燒西班牙黑豚肉一見到就想食。大大塊肉燒得剛好，有肉汁，肉質佳入口鮮甜，是優質蛋白質來源。肉不點燒汁都好味。黃金芝士炸薯條入口溶化，好食到停唔到口。松露野菌忌廉寬條麵做得不錯。寬條麵軟硬適中有蛋味，松露醬香，野菌鲜味，忌廉濃滑。正!大家談談笑笑，吃得滿意，渡過愉快的一晚。下次週末再來飲下嘢食餐飯吹下水。

今晚去左Cocina 3 Tapas Restaurant & Bar試試佢既西班牙菜兩個人叫左兩碟main courses同一道甜品西班牙經典燒雞（全隻）配咗個凱撒沙律燒雞嘅雞皮燒到金黃色切開雞肉之後好多肉汁，好Juicy連雞胸嘅位食落都好滑，一啲都唔鞋沙律菜仲幾新鮮添配埋酸酸甜甜既沙律醬好開胃西班牙慢煮和牛面肉配咗少少薯條同蔬菜和牛面肉肉質軟林，肉味十足肉身仲會有少少骨膠原，食落好漿口，好滿足最後仲叫咗個雜莓pancakeCream食落易入口，雜莓好香份量好多，兩個人都食唔哂整體來講嘢食質素唔錯餐廳空間感十足坐落都幾舒服

之前嚟呢度食過一次，覺得佢哋性價比高，所以今日再嚟回味一番。個餐牌好似有少少變動，睇落多咗好多唔同嘅食品選擇，俾我發現一個馬德里傳統牛肚，估唔到西班牙都有我哋香港人鍾意食嘅牛肚，烹調方式用大量香料醃製，一上枱已經聞到一陣陣香料酥香味，牛肚炆得好淋，味道濃厚但唔會好鹹，其實呢個餸白飯真係唔錯，食我哋冇嗌白飯。龍蝦海鮮忌廉湯，估唔到佢哋嘅份量10分大，我哋兩個人share，每人都有一整碗嘅湯，湯料十分多，魷魚及蝦等，龍蝦味濃及鮮甜，加咗忌廉令到個湯更加順滑。炸和牛舌配蕃茄莎莎，牛脷一向係我最鍾意嘅小食之一，和牛脷更淋及牛味更濃，加上蕃茄鋪面減少肥膩感。蘑菇火腿手打自家薄餅，基本上係一個濃厚芝士批，水準唔錯。加埋一杯啤酒，一路食一路吹水，寫意。

今日朋友介紹呢間餐廳畀我去試， 其實我同佢喺度飲咗一round先至叫正餐🍻西班牙小食拼盤小食拼盤有煎蘑菇 、西班牙香腸、芝士波和薯球， 我個人最鍾意就係佢個西班牙香腸，因為個西班牙香腸加咗少少蜜糖去煎，鹹鹹地又甜甜地配合嘢飲一流。芝士波食到拉絲，真係不俗。西班牙雞肉辣肉腸燴飯個人覺得都幾有水準， 其實本來想叫 西班牙海鮮飯但因為好似好大碟，於是叫咗辣肉腸燴飯。因為本人頗鍾意食西班牙香腸， 成個飯用料豐富而且味道調得啱啱好，都算大份夠哂兩個人食，正👍柏爾馬火腿哈密瓜西班牙餐廳點都要嗌過 Parma Ham， 個哈蜜瓜圓轆轆好得意又甜， 見到佢插住支試管，其實嗰支有少少佢哋餐廳秘製嘅 汁酸酸地甜甜地，蜜瓜甜甜地 火腿鹹鹹地，一道菜有幾種不同味道，真係好有層次感。好欣賞呢碟菜，幾精緻又好味💕如果大家想食西班牙菜，可以嚟呢一間試下😊😊

奧海城商場最近搞咗個星球大戰打卡區，成個area好靚，仲有啲會發光嘅星體，所以都去咗影相打卡，順便喺附近食埋飯就去咗Cocina 3 tapas 。#慢煮西班牙伊利比亞黑豚腩肉 $228西班牙伊利比亞黑豚好食就衆所皆知，今次仲要係黑豚中嘅最好味嘅部位腩肉，睇到豬皮和油花和肉之間的層層叠，真係心心眼😍食嘅時候深深地感受到脆卜卜的豬皮再來肉香四溢的味覺的衝擊，然後是軟滑的油花四濺口腔震撼效果，每一啖都帶來三重幸福，三重享受，超好味！伴碟的薯條也炸得外脆內軟，薯味十足👍#牛油果蝦肉自家手打薄餅 12吋 $148推介Pizza控這個薄餅！首先性價比高，百幾蚊12吋真係超大個，肯定夠飽！而且材料十足，目測已經有好大堆頭牛油果和蝦肉，食起來發現餅底鬆軟可口，邊邊位夠脆身，中間芝士仲要成尺厚😍每一啖都拉起長長嘅芝士絲，入口香軟好滋味，配合埋酸酸甜甜嘅茄醬，絕對係滿分推介👍👍

餐廳主打西班牙菜，露天位幾有FEEL，幾個人飲下酒都好舒適，唔會好多人行嚟行去，一家大細又岩，幾個知己傾計食野都好合適。一坐低就有提供開胃小食墨西哥脆片配上sourcream食，食到停唔到口，伴酒一流是日餐湯 - 南瓜湯南瓜湯香甜溫和，口感綿密濃郁，實在非常順口好飲，仲有滿滿的飽足感龍蝦汁大蝦海鮮闊條麵濃郁的龍蝦汁味道 ，配上大大隻蝦加埋海鮮，平時食大多都係仿蟹柳，呢度的海鮮係青口硯肉同魷魚，闊條麵口感彈牙之餘仲條條麵都有龍蝦汁，味道好惹味美國頂嫩級肉眼扒份量可供2人共享，我地叫咗五成，一嚟到已經勁香，扒很厚，肉質鮮嫩多汁，牛味很重，配菜係焗薯一整個，超級抵食整體餐廳環境舒服，份量大，性價比高。

很久沒吃西班牙了！ 友人只愛吃西餐帶了小妹去一間西班牙菜👍🏼 地點位於奧海城三期 即港鐘奧運站D3出口商場內環境開揚，地方寬敞。 以紅黑色配搭很時尚。設有酒吧檯，背後可到戶外用餐😎Nuts HKD 40 薯片除了第一碗收費外 其後都任食～ 薯片沾上帶有小許辣沙津醬 我兩吃得津津入味 更點了四遍 送酒一流！ 西班牙海鮮炒飯 HKD 288 色香味俱全！ 用上青口、大蝦、辣用腸配炒飯，顏色鮮艷無比 但味道不感到濃烈。 肉質鮮甜美味～ 很久沒吃那麼多飯了 😎牛油果蝦肉自家手打簿餅 HHKD 148 厚底簿餅，附上一棵棵牛油果及蝦肉使口感豐富有咬口Paulaner (Pint) 夠冰凍！ 苦味不重 很容易入口

奧海城外有唔少的酒吧餐廳，上次已同一班朋友喺呢間餐廳度飲酒傾計，覺得氣氛唔錯！今次再嚟當然要寫埋餐廳嘅西班牙菜。因為今次冇上次咁多人，所以叫咗一盒西班牙海鮮炒飯同海鮮pizza，一坐低店員已經為我哋遞上墨西哥脆片作小食！墨西哥脆片鹹香帶少少辣，點上餐廳自製嘅忌廉醬簡直令我哋食唔停口。西班牙海鮮炒飯：海鮮炒飯材料非常豐富，包括有魷魚，海蝦，帶子，蜆肉等等！首先飯底唔會太濕亦唔會太乾，飯粒口感軟硬適中加上海鮮高湯，洋蔥及青椒等材料令食慾大增，海鮮飯口感有層次，加上豐富有的海鮮所以幾乎每啖都能食到海鮮嘅鮮甜味！值得推薦。海鮮pizza： Pizza尺寸是12吋，價錢合理抵食！Pizza 餅底不會太厚口感脆口，但也不會感覺太薄。Pizza嘅芝士非常豐富，可以拉絲！配上不同的海鮮口感豐富。最後我哋叫咗兩杯mocktail !兩杯都是水果味，清新帶甜很容易入口，很適合女孩子和打卡！最難得是cocktail甜度居然可以選擇，不喜歡太甜的女孩子記得叫少甜哦。

今晚唸著浪漫D同男朋友撐台腳，來到奧海城呢間Cocina 3 tapas 食晚餐，呢度環境真係浪漫一流，無論燈光同裝潢，都是很有氣氛的，食野又得，飲野也可以。我們點了牛油果蝦肉自家手打餅，是12 寸大的，真的挺大塊，而且厚芝士，特別喜歡上面新鮮的牛油果，蝦肉也是很爽口喔。再點了小吃鵝肝蟹肉燕麥餅配黑魚籽醬，這個賣相不錯，仲有些蘋果汁打成的泡泡很特別，真係無辦法忍受到鵝肝同黑魚籽醬的魅力，鵝肝超香，味道一流，加上黑魚籽醬，同埋打磨過的蟹肉燕麥，口感十分特別，值得嘗試。再來芒果蟹肉沙拉，上層的鮮芒果鋪在蟹肉蓉上面，撈在一起吃也是不錯的配搭。最後來個雜莓pancake做甜點，多層的pancake加上草莓和香蕉鋪面，甜滋滋好好吃，也為這晚的浪漫晚餐劃上圓滿的句點。

我都幾鍾意食西班牙🇪🇸菜，尤其係tapas。 喺奧海城就有間，座位寬敞，格調優雅，仲有戶外位嘅西班牙餐廳。 芒果蟹肉沙律（$118）切粒芒果微酸有口感，伴住軟滑嘅蟹肉沙律，反而更醒胃。鵝肝蟹肉燕麥餅配黑魚子醬（$148）鵝肝煎得外脆內軟，油脂香滑，配上蟹肉及黑魚子醬，加添了鮮味。同燕麥餅一齊食可減膩。安格斯牛肉他他配香脆鍋巴（$158）安格斯牛肉切粒，肉質嫩滑，鍋巴非常香脆，上面仲有肉干絲，相當香口。炭燒美國頂級肉眼扒配酸忌廉焗原隻美薯（$288）肉眼扒煎得剛好5成，外層少少脆，中層見到粉紅色，肉質好嫩滑，牛肉味香濃。整體質素都幾好，份量比預期的大好多，可以同朋友share 試多幾款菜式！

🇭🇰Cocina 3 Tapas Restaurant & Bar·呢間餐廳我係奧海城搵野食既時候已經見過好多次架啦 個次終於試左😂😂佢個樣似係港式既西班牙餐廳咁 但係出乎意料D野食都做得唔錯 可以一戰 比較搞笑戲佢就算夜晚食飯都會比一兜doritos你 所以如果大家唔想要記住要講 因為都收$40架🤭·德國蜜糖燒豬手$248我地本身係想食紙包魚架 但係見到隔離檯食呢個我受唔住誘惑🙊佢係真係即燒比你 所以都要等一陣 但係佢係真係熱辣辣 一路切 一路出煙😈同埋佢比我想像中大隻超多 好似4人份咁 食到我地超飽 佢都真係燒得唔錯 入面仲係好juicy 唔會太un 而且佢個外皮係真係好似燒肉咁脆😏不過我自己唔係太中意佢個醬 佢個醬係好重啤酒味 而且稀稀地咁 我自己中意蜜糖芥茉醬多D🙊🙊·黑松露菌醬炒野菌$88因為就咁嗌豬手好似比較單調 我地就嗌左呢個 佢係大份到好似一個mains咁 食極都有🤣🤣佢個菇口感都炒得幾好 而且真係好濃黑松露味 唔錯唔錯😌·📍大角咀海泓道1號奧海城三期地下G22號舖

以為落Bar淨係可以去太子同尖沙咀？其實係奧海城都有架，仲要有埋露天嘅位添！餐廳主打西班牙菜，當晚食飯都見多一家大小嚟嚟食。西班牙海鮮炒飯食西班牙菜點可以唔嗌呢個呢！一上枱嘅時候，發現個炒飯都幾大兜！不過呢個好似就係西班牙炒飯嘅特色之一。炒飯有青口同埋蝦係面，仲有啲沙律菜作為點綴添。食落都幾鮮味，絕對唔會有腥味。炒飯入面都有其他海鮮，好似魷魚、蝦等等。我哋仲問左侍應攞Tabasco ，加埋落去簡直係更上一層樓。德國燒豬手豬手嘅份量超級多！個size絕對係重量級，配菜揀左香草薯仔粒，都唔錯！影完相之後，侍應會幫手切埋個豬手，呢個服務比一百分。豬手外皮好香脆，配埋個醬汁，正呀。