四季文昌 (Closed)

一年四季，春夏秋冬都可以打邊爐，食火鍋係我既喜愛之一，不分平與貴火鍋都會去品嚐，咁先可以食到各式各樣食材。邦女郎好鍾意自拍，行行下街突然間話條樓梯幾靚去咗影相。我睇真啲，四季文昌，好似啲文人雅士食飯嘅地方咁樣樣價錢唔貴決定試吓。有時候會發覺平火鍋未必唔好食只係食材問題，貴嘅都係食D新鮮材料先至會咁貴，當然有時人多就會食D火鍋配料逐碟計，貪佢食落價錢差不多都係貴小小，是日又俾我遇到優質火鍋店。鍋底係 原味海南椰子文昌雞鍋(半隻) $128。呢個價錢真係抵到唔識形容，初時望落去好普通，但當你飲兩啖湯底嘅時候就發覺真係非同凡響。細問店員先知道 原來用咗兩個椰青＋一個椰皇怪不得口感甜美又滋潤。輪到極尚和牛拼盤 $398。佐賀A5 和牛牛肩，澳洲 M9 和牛牛肩，安格斯牛頸脊雪花平均分佈各處，放落湯輕輕燙一燙，變色就可以享用，入口食到牛肉味濃郁香甜多汁，肉質鮮嫩，真係食完一片又一片食到嘴舐舐 仲點咗一啲都唔普通口味的七彩芝士流心丸 $108，七彩繽紛，顏色已經先聲奪人味道更加係好特別，生果味真係未試過令我覺得最驚喜嘅係士多啤梨味、班蘭味、芒果味、仲有紫薯。除咗顏色靚之外，當然口感彈牙味道佳，必點

其實我個人幾鐘意食椰子雞，可惜好少機會同朋友食。今晚終於可以滿足下，未食先開心一番。🐔原味海南椰子文昌雞鍋(半隻)用上兩個椰青、一個椰皇做嘅湯底，超級清甜！令鐘意飲湯既我飲左兩碗半先開餐。文昌雞係飼養150至180日的雞，肉質嫩滑有彈牙，椰子湯底更可提鮮，令平時鐘意食牛多D既我，更愛食雞。椰子肉超級滑，一個人食哂甘濟。👍🏻另外鼓油加上沙薑、金桔、辣椒，呢個配搭真係清新又好味。🥢紫菜響鈴新鮮炸起，好似食緊小老板炸紫菜甘。🥢鬼馬蝦滑油炸鬼上鋪滿蝦滑、蟹籽，入口爽脆。🥢極尚和牛拼盤和牛拼盤有5款：佐賀A5和牛牛肩、澳洲M9和牛牛肩、安格斯牛頸脊、加拿大牛舌粒、安格斯牛粒。兩個人食可以試哂5款牛真的不錯，基本上都牛味濃郁、肉質嫩滑。牛粒就要烚比較長時間，較結實，入口仍保留肉汁。🥢日本直送溫室豆苗親手剪感覺更新鮮，豆苗鮮嫩，一點草青味都無，真係超好味。🥢荔芋臘味煲仔飯(細)一打開，超級香！配料十足，又唔會太咸，荔芋超綿。今餐真係飽到好似食左放題甘，不過有機會我都仲會想食多次，哈。

天氣開始轉熱，但又想去打邊爐， 麻辣火鍋又嫌太熱氣上火，朋友就介紹呢間《四季文昌》食海南椰子雞鍋。 海南位於亞熱帶同熱帶地區， 盛產椰子樹，椰子有助解渴去暑， 最啱就係炎炎夏日去品嚐。餐廳嘅裝修甚具書卷味，沿住樓梯行兩旁有好多嘅書櫃， 餐廳裝修夠曬新淨，仲有卡位坐， 邊食邊傾計就最方便。打邊爐最緊要個湯底， 就叫咗個【原味海南椰子文昌雞鍋半隻】$128。初時見到湯底以為冇乜特別，只有小小嘅奶白色。 誰知湯底用上咗椰皇同椰青， 味道清甜不特止，仲有好高嘅食療價值， 忍唔住呷一口， 簡直係甜在心頭， 非常之清潤。【秘製醬汁】 調味碟有新鮮沙薑粒，辣椒粒，海南野生青柑桔。 可以隨個人嘅口味，將沙薑粒同辣椒混入醬油， 再按自己喜歡嘅酸度加入柑桔汁。柑桔汁酸酸味味夠曬醒胃， 而我覺得鮮沙薑同鮮雞亦係絕配呢~【海南文昌雞】文昌雞出名肉質鮮嫩， 雞味濃郁。 將雞件倒入鍋裏面， 慢火煮七分鐘便大功告成， 餐廳還細心地準備咗沙漏俾我哋計時 ， 時間一到，大家都急不及待食到最嫩滑嘅雞件呢。由於椰子湯底夠晒清甜，用黎煮雞就最能帶出雞嘅鮮味，帶點椰香。 大家千祈唔好錯過椰青肉，質感嫩滑，又有營養。【極上和牛拼

望到咁靚嘅椰子雞，你肯定估到我又黎左「四季文昌」啦😁今次去嘅係尖沙咀分店，雖然冇太子店咁大，仍然相當寬敞舒適🛋.文昌雞(又名蔡氏雞)，係廣東八大優良雞種之一🐔外型特徵為頭小、頸小、腳小、頸短、腳短。雖然比一般雞隻細小，但肉質鮮嫩，雞味濃郁。四季文昌更嚴選飼養期介乎於150至180日之間嘅文昌雞，質素更是上乘！🐽🐽呢度嘅招牌鍋係「原味海南椰子文昌雞鍋」，將雞肉放入椰子水煮7️⃣分鐘（店內提供沙漏⏳計時），就可以品嚐鮮味嘅椰子雞湯底啦！打完邊爐之後，果啖湯更加係鮮甜美味，我不停添飲左兩三碗呀🙈🙈嚐了三款極高質的火鍋配料🤗 不但用料新鮮，而且賣相精美，配搭創新，好🉐👍🏻黑松露鮮蝦福袋 $88紫菜響鈴 $48七彩芝士流心丸 $108 極尚和牛拼盤 $398🐂佐賀A5和牛牛肩澳洲M9和牛牛肩安格斯牛頸脊加拿大牛舌粒安格斯牛粒 臘味芋頭煲仔飯(細) $78 咁大煲都話係二人份量，也太抵食了吧！飲品2杯熱情果梳打 $32四季文昌椰青 $42 

如果曾經為過椰子雞煲🐔或者和牛🐂寫食評放上網誌平台分享有幾好食,咁四季文昌既椰子雞煲滾和牛一定帶出驚喜!朋友係牛魔王,而我比較喜歡🐔,所以呢到完全可以滿足到我地🙆🏻點完菜,侍應就傳上湯底用既文昌🐔同椰子片椰子片睇落好硬,點知原來烚10-15分鐘已經食到👀雞有半隻,用上文昌🐔肉多骨少,岩晒我d懶人🙉由細到大當人人打邊爐都唔可以無肥牛,我比較另類,墨魚丸係我最愛💕呢到d「墨現」七彩顏色咁 其實係佢地新出混入左唔同水果味,青色係斑蘭,粉紅色係士多啤梨,紫色係紫薯,黃色係芒果,好唔好食就見人見智喇!但我最愛係墨汁「墨現」超q彈到不行！嘩仲會爆「芝」😂福袋係咁多樣我最鍾意,都係最驚喜!大大個福袋裝住彈口蝦肉,雞肉,仲有濃香黑松露味,即使滾完d黑松露味都無滾走🤡神奇既係豆腐皮索晒椰子雞湯既精華味!和牛拼盤有5款,當中有牛舌(正方粒),有黎自澳洲同日本,睇落好新鮮,記得唔好滾咁耐呀!多口又想講一句,如果滾到最尾湯底最甜既時候先落牛,d牛真係甜到一個點!如果平日唔好甜,認真 可能你會甜到要飲水🤡呢種清甜,不可言喻!生活始終要平衡下先令生態食物鏈可以運作暢順,所以懶健康咁叫左豆苗,第一次見咁樣上😂好奇寶

今日係尖沙咀上堂，放工就約老公係附近食飯喇。途經金馬倫中心見到有四季文昌火鍋店，勾起上年和朋友係旺角分店打邊爐嘅回憶，猶記得好清甜嘅椰子湯底及香噴噴嘅臘味煲仔飯，一於今晚帶老公試下。我地七點半到餐廳，店內裝修擺設好有格調而且樓底好高座位闊落，還有兩個大螢幕播放流行曲MV，我地一邊聽歌一邊打邊爐好舒適寫意。我地揀咗鎮店之寶海南椰子文昌雞+老公最愛的極上和牛拼盤+幾款比較特的火鍋配料。椰子湯底之所以咁清甜椰味咁濃，原來用上兩個椰青+一個椰皇，配上鎮店之寶文昌雞真係一絶，文昌雞原來係飼養150至180日的雞，雞隻唔會太大或太細，也不會過肥，肉質嫩滑有彈牙，椰子湯底可令提鮮，雞肉的甜味更突出。職員會先把雞件放進鍋𥚃，用沙漏計時，約7分鐘就可以品嚐喇。除左沾鼓油外還可加沙薑及青檸，味道酸酸地好醒胃。極上和牛拼盤和牛拼盤有: 佐賀A5和牛牛肩~澳洲M9和牛牛肩~安格斯牛頸脊~加拿大牛舌粒~安格斯牛粒~非常豐富! 佐賀A5和牛牛肩脂肪並不是雪白色而是粉紅色，網紋脂肪分佈均勻烚10秒剛好，牛肉入口牛味濃郁，油香味重，肉質軟綿，我最愛這款。澳洲M9和牛牛肩脂肪較多，肉質嫩滑。安格斯牛頸脊脂肪分佈肥瘦有致

去大陸出差成日都會食火鍋，我最鍾意食係麻辣火鍋同椰子雞鍋。喺香港未食過椰子雞鍋，朋友就帶我嚟四季文昌試吓，喺正尖沙咀，地點好方便。雖然唔係地舖，但樓梯夠大，又有啲木架連擺設，門口都好易搵啫！坐位都係梳化位，好舒服。大家都叫左個椰青飲，夠晒冰凍清甜。唔駛諗，叫左個原味海南椰子文昌雞鍋，連半隻文昌雞只係$128，價錢都好合理。湯底係椰青水，仲有一片片椰青肉。店員放左碟雞肉落去，話等個沙漏倒數完就可以開鍋食。雞肉好嫩滑，又彈牙，我哋快快食，怕煮得耐會令到啲雞肉過老。調味料有辣椒、桔仔、沙薑，不得不提個沙薑，係新鮮沙薑蓉，帶少少薑汁，真係超好食，唔辣味又香，同啲文昌雞好夾。平時我都唔會食沙薑，但朋友大力推介，即管試一口，真係好食到停唔到口，好得！叫左臘味芋頭煲仔飯打個底，2-4位用$78，好大一鍋，都裝到十碗八碗飯，唔係誇張，細鍋都咁大鍋，好抵食。飯面全部都係臘味粒同芋頭粒，面頭仲有好多芫茜，好香。最好焗多陣先食，咁會有多啲飯焦，香口啲。極尚和牛拼盤，一碟有齊五款牛。最好食我覺得係佐賀A5和牛牛肩，油脂非常豐富，淥熟左都可以睇到肉與肉之間夾滿晒牛油，入口嫩滑同時又有咬口。第二係加拿大牛舌粒，爽

今晚我哋就去四季文昌食椰子雞煲！四季文昌就喺金巴利道上面，佳記隔離上一層，非常易搵！呢度地方好大，座位闊落舒適；裝修頗為有格調，感覺同大陸椰子雞店幾似，乾淨程度更勝香港本地雞煲店！牆上裝飾字句抵死啜核，我幾鐘意呢句“別跟我談感情，談感情傷錢”。來到呢度梗係點返份原味海南椰子文昌雞先。阿姐先落椰子水，水滾就幫我地落雞，然後用沙漏計時，沙盡之時就食得，大約7分鐘！先呷一口椰子雞湯，相當清甜！雞肉放湯滾完都仲係好嫩，點埋個用新鮮沙薑金桔而製嘅醬油，幾鮮味！平時就食得濃味雞煲多，呢種椰子雞清清哋嘅食法岩哂我！我哋消滅完啲雞之後就嚟食牛喇，極上和牛拼盤有齊日本同澳洲和牛，又有加拿大牛舌同安格斯牛柳，一次過食勻5款香濃牛味又嫰嘅靚牛！另外點左幾款配料，設計幾有創意。呢度仲有唔少椰子特飲，今次叫左個菠蘿椰子特飲同埋椰青！個椰青細細個清清少少甜，係椰青殼上燙上食店logo，插埋紙牌，賣相即時提升！最後嚟多個臘味芋頭煲仔飯，細份夠4人用，好多臘味，最正係有埋飯焦！好滿足呀！飽到食唔落甜品，其實我仲好想試埋佢個椰子雪糕！

先點花膠椰子雞，湯底淡味冰鮮雞完全無醃無味豉油只有青檸生薑辣椒，配合湯底好似水咁既味加上無味既雞，就好似把昨晚食剩既拜神雞用滾水翻熱加豉油一樣味道，象拔蚌唔爽，用黎做推介刺身簡直係自打嘴巴第一次見有鋪頭將雞軟骨用粉漿炸到乒乓波大細，好難食肥牛不過不失唯獨是珊瑚蚌夠爽口彈牙，但店員連貴妃蚌同桂花蚌都講錯加水打邊爐之後所有野變得淡而無味四季魔法梳打如同佛地魔被打敗後一樣的哈利波特一樣，啖而無味加埋店員無禮貌既服務令我即刻文昌上身寫食評

秋冬天氣好乾燥呀，好想吃啲滋潤又熱辣辣野補一補。於是朋友好神秘甘話今晚呢餐可以滿足我兩個願望。來到四季文昌食「一鍋二食」，首先送上三文魚刺身同沙薑豬手食住等，侍應好熟手將半隻新鮮文昌雞連同椰汁一齊放入鍋度慢火煮7分鐘。一開蓋，椰香即飄入鼻，雞係中國八大名雞—文昌雞，雞味濃，肉質幼嫩，點上秘制豉油加金桔以及沙薑，吊出雞鮮，而且開胃，湯底鮮甜中帶有淡淡椰汁味，忍唔住飲左一大碗，好滋補養生。食完雞，我地揀左昆布鰹魚湯，點左山形牛，安格斯牛小排同牛肩肉。首先試左安格斯，牛味相對比較濃，肉香撲鼻，肉質都幾細嫩，算高水準。牛肩肉屬於比較酥，而且脂肪比例較多同唔太平均，但肉質都冇渣嫩滑。最後山形牛，實在太無得頂，呈霜降狀態既油脂完美分佈，牛味比較淡，入口即溶，口中滲出油香，肉質有嚼勁而又鬆軟，口感複雜。食完牛當然唔可以放過個湯底，打邊爐叫丸是常識吧，手打丸都幾有嚼頭同彈牙。雜菇同雜菜以及烏冬吸收左雞牛精華，異常甜美，而且飽肚。

平時唔太中意打邊爐的我，今日終於屈服了！朋友是吃得之人，而且無牛不歡，所以點了一個套餐之後，還多點了牛肉。*冬日套餐 ($438)-原味椰子文昌雞 (半隻)看到半隻文昌雞之後，店員隨即幫我們加入到椰子湯底滾梗的時候，已經有椰香飄出中；雞肉吸了椰香，而且肉質有口感和滑。-聖誕三文魚刺身跟餐的三文魚不過不失，煲未滾起的時候可以填下肚。-海南沙薑脆豬手還有另一個熟食的小食沙薑脆豬手。豬皮好爽口，沙薑味適中。-安格斯牛小排 (小)這個是跟餐的安格斯牛小排 ，份量其實都不少。牛味都算濃，但質感不算太淋；比起食肥牛多一份驚喜；但因為有和牛，比較之下，和牛好食好多倍！-海南手工丸手工丸彈牙，有兩款，牛丸和墨魚丸。-健康野菜籃想說，食這個湯底真的真的要點菜食，而且要煮耐一點；菜吸收了湯汁，又淋又入味；野菜籃的款式都不少。-養生菇菌籃沒有點菜，都一定要點菇！！！菇比起菜更加吸味。-日本稻庭烏冬稻庭烏冬煙UN，因為太飽，只吃了幾條。*昆布鏗魚湯配黑毛和牛牛肩肉 (+$188)因為跟餐可以加配多一個湯底吃，而且再有多份牛；$188來說真頗抵食，平時淨點一個好一點的牛都差不多價；昆布鏗魚湯混合了椰子湯之後，一

單看四季文昌這個名字已經有幾份書卷味，店內裝潢亦非常符合，古董書架、文青風格。我最欣賞就是他的主打，原味海南椰子文昌雞鍋，以新鮮椰青水作湯頭，再加上新鮮雞，這麼簡單，已經無得輸！原味海南椰子文昌雞鍋湯頭清澈，透明如水，味道卻是非常鮮美，潤到不得了！雞亦有質素，細細件冇厚脂肪、唔係打針雞， 肉質有彈性，吃得我們津津有味，每人分到五六碗湯水，全清不浪費！因為走海南風格，火鍋調味料與別不同，沒有麻油鼓油，只有砂薑、桔仔及紅辣椒，因為椰子雞鍋味道清甜，應該更加欣賞原味，海南人喜歡加入極酸的桔仔於湯頭，香酸醒神，確有海南特色。冬日套餐分量相當豐富，$438套餐 包括原味椰子文昌雞半隻、三文魚刺身、海南沙薑脆豬手、安格斯牛小排、海南手工丸、健康野菜籃、養生菇菌籃及日本稻庭烏冬。因為假期有特別套餐優惠，今日加＄188，便可以加多個鍋，三款選擇：雪濃牛骨湯配牛肉拼盤、昆布鰹魚湯配黑毛和牛肩胛肉、蕃茄麵包蟹湯配是日海鮮拼盤，我們選了前者。換過火鍋湯頭絕對是個好主意，除了貪心多試一款之外，牛骨湯與和牛更加夾。話說過來，各款和牛質素絕非最頂級，但尚算香嫩肥美，吃得開心。最後的烏冬不要錯過，質感滑溜，與雪濃湯

云云火鍋當中，以椰子雞鍋最為滋潤，在秋冬乾燥的季節就最適合不過。天然又清甜的椰青水加入雞湯和椰青肉作湯底，清甜又不膩；加上用了出名皮薄，脂肪少的海南文昌雞，我忍不住連喝兩大碗。今天來到，原來餐廳除了椰子雞鍋外，還有 Shabu-Shabu 系列，分別有日式「昆布鰹魚湯」和韓式「雪濃牛骨湯」。昆布鏗魚湯配黑毛和牛肩胛肉 （+$188）雪濃牛骨湯配牛肉拼盤 （+$188）另外餐廳亦有一個冬日套餐，分別是2-3人餐$438； 6-8人餐$1288冬日套餐 （2-3人餐 $438）套餐包括：原味椰子文昌雞（半隻）三文魚刺身海南沙薑脆豬手安格斯牛小排（小）海南手工丸健康野菜籃養生菇菌籃日本稻庭烏冬原味椰子文昌雞（半隻）👍👍👍👍👍湯底用了椰青水、雞湯、椰王肉，味道天然又清甜。湯底煲滾後，放入雞件並蓋上煲蓋，用特設7分鐘的沙漏計時，就可以吃到鮮嫩的雞件和滋潤的椰子雞湯。點埋秘製海南柑桔調味汁，令雞肉味道更加提升。特設7分鐘的沙漏計時三文魚刺身👍👍👍👍套餐還包括日式三文魚刺身，三文魚新鮮肥美。海南沙薑脆豬手👍👍👍👍這個是涼食豬手，用了沙薑粉調味，豬手口感爽彈，一點肥膩感覺都沒有。安格斯小牛排👍👍👍👍薄