四季文昌 (Closed)

椰子雞是內地近年興起的飲食風潮，只要在內地開飯網以關鍵字搜尋，便能找出不少以此作招徠的菜館，店名都是「XX文昌」、「文昌XX」、「海南XX」的，這跟近年內地人注重食療養生不無關係。海南椰子給人的形象是溫潤清淡之物，椰子雞鍋要比傳統火鍋來得清新淡雅，對於偏好廣東火鍋的我來說絕對是個新嚐試。這海南名物在本地食界還是初起步階段，同樣是以「海南」、「四季」作為店名的，是過江龍或是地頭蟲也未可知。選了當中較具人氣的「四季文昌」，「文昌」說明了椰子雞鍋屬海南菜的意涵，而「四季」正是港人吃火鍋的習慣，若把燥熱的湯底換上性平的椰子水，確是能做到火鍋四季合宜的養生效果。分明是家中式火鍋店，卻有着濃濃的書卷氣息，牆上舊書架配上微暗的燈光，感覺更像一家復古咖啡店。寬廣的店面加上特高樓底通風極佳，吃着霧氣騰騰火鍋也不感悶熱侷促。既是走年輕路線的火鍋店，便不能墨守成規。除了主打的椰子雞鍋外，餐牌亦不乏海南特色菜。本是為文昌椰子雞而來，卻發現另一抵食之選－海鮮拼盤，在老公強烈要求下便點上一客。麵包蟹海鮮拼盤 ($598)有原隻麵包蟹和十二隻生蠔，另配翡翠螺、青口、凍蝦和白酒一枝，這陣容是太誇張了吧！麵包蟹相當新鮮

having lunch at this tst restaurant All friends told me It is totally worthy there A girl order this chicken meat and rice setA hot corn and cream soup A bit salty OkOnly 48$another girl ordered a seafood pasta Looking good She finally finished the whole thing I have ordered the cheapest one 38$ a whole pumpkin Chicken breast inside the pumpkin Really good Delicious Healthy Even the rice has been cooked My favourite way Iove it And the costs lots of fun with the fine Western furniture And decora

其實椰子雞早在7年前"潤園四季"已在國內深圳盛行,時至今日都依然好多人排隊去食,本小姐亦都食過好多次,而且仲多佐好多XX四季既店,香港呢家文昌四季,裝修格調同邊爐既煲都大致相同,但多元化好多有串燒,貴價海解拼盤.今次就來比對下同深圳既有咩唔同.今次試食既就係尖沙咀店,去到門口已經有人等位,由於我地係臨時即興去食來唔切BOOK位,好在時運高有人BOOK佐台而取消,我地就頂上.店內裝修感覺好文青Feel.菠蘿梳打 $32 賣相夠靚,幾好飲椰青 $38 ,香港既椰青多數泰國貨,國內用既係海南貨,所以香港既一定好飲好多.原味椰子雞一只 $238 .雞大只好整齊甘睇到係一只,上面仲搭佐幾舊椰肉,椰青湯底好清甜,相對國內既雞不足一只,有時仲只得一只雞翼,湯底都係溝佐水既.至於雞可能太大只了,有點肥而且肉質不太爽口.好在有雞味.普寧炸豆腐 $38.本小姐好中意食呢個小吃,可惜佢做得太干,好似炸豆干甘.無外脆內滑既口感.手打蝦丸 $68 無咩特別,唔難食炸響鈴 $25 完全唔鬆化,真心講,佢既炸野的確做得唔好南安油鴨油臘腸煲仔飯 $88 (細煲)好足料,雖然係細煲份量足夠3-4人食有多.唔會有肥淋淋既

冬至不凍新年凍，萬望如此，假期間難得一遇數天較為涼快，食肉獸又再打邊爐去。套餐有一碟刺身，切得極為單薄，無甚魚味可言。不過主角始終是椰子雞煲，湯底本身味道可以說是太清了吧，椰香很微，反而雞卻是頗肥，就如同一煲用肥雞煲的白開水般；可能因此要趁上一些刺激的沙薑、柑桔的和辣椒以增加對比吧。火鍋料有日本直送野菜、墨魚滑、豚肉及牛肉，當把食材放入無甚味道的湯裡焯，就跟白烚的沒多大分別；食物的鮮味是有的，但要有味的話一定要加點豉油。唯一好處是打邊爐後沒有那麼上火。

文昌即海南在四季文昌食晏是抵吃極的一個地點一個最化算午餐今天送薯仔蘿蔔紅湯多料味道也好南瓜釀滿雞肉黑椒味煎雞扒件豐富好食最意外白飯也好頂呱呱38元的南瓜雞扒飯小南瓜全個寶貴經濟一餐

聖誕節同屋企人黎左呢間慶祝因為椰子雞鍋出名 所以原先只係打算打邊撈 但咁啱撞正佢做海鮮盤推廣 我地人又多 所以就叫左個4-6人份量既黎試下個海鮮盤一黎到個個都忍唔住嘩嘩聲 因為實在好大盤😂😂😂好似去左食自助餐咁全部海鮮都新鮮 個長腳蟹好多肉👍🏻但其實食曬上面d海鮮已經好飽 所以椰子雞只係叫左半份 個湯底超級好味...有海蔘有椰子肉 加上雞味 個湯底直情可以當湯飲👍🏻（好味到飲曬要加湯）雖然佢建議雞肉煮7分鐘就好食 但我地煮左成15分鐘先食d肉都無變un 最後我地清曬個鍋😂呢個椰汁係跟海鮮盤一齊既 飲落好清甜 好鍾意上面印左左圖案 好特別好少見

窩夫在舊公司上班的最後一天，約了三位好友到四季文昌補祝窩夫的生日。遲到的窩夫一坐下來便被設計精美的餐牌吸引著。一行四人點了一客四人份竹笙椰子雞套餐($688)。四季文昌的裝潢很有特色。打頭陣是主角竹笙椰子雞，四季文昌嚴選飼養期150至180日的海南文昌雞，肉質鮮嫩，雞味特別濃。店員先幫我們將海南珍珠馬蹄和泡椒白玉菇放進椰子水裡，椰子水大火煮沸後便可加入文昌雞。想吃嫩滑的雞肉，要好好控制時間，可用桌上的沙漏幫忙計時，用慢火煮七分鐘即可享用，椰子雞鍋實在太美味，叫人一試難忘。等待的七分鐘裡，可按個人喜好在秘製豉油裡加入適量沙薑、辣椒和海南野生青柑桔，調較自己喜歡的醬汁。還要爭取時間吃三文魚拼北寄貝刺身。嚐過美味的文昌雞後，開始品嚐其他火鍋配料。藍貝青口。紐西蘭牛仔粒。爽口豬膶。大家對這個真材實料的手工蝦滑讚不絕口。廚娘手工豆腐的口感特別，吸盡鮮甜的椰子雞湯，進食時要小心熱湯燙口。野菌籃賣相不錯。除了椰子雞鍋，四季文昌的一級臘味芋頭煲仔飯水準也很高，要趁熱吃，飯焦脆卜卜，大家都吃得津津有味。甜品方面，本來想試原個椰皇啫喱和椰皇布甸，可惜兩款都已經售罄，結果點了溶岩南瓜($68)，南瓜裡放了紫

今日同好朋友食生日飯選左黎食呢個椰子雞煲我地一行9人..叫左一個2人餐... 一個6人餐..而餐既價錢唔貴6人餐都係千多元2人餐都係四百左右因為呢到只係食椰子雞煲,, 別無他選所以一坐低待應就會自動拎定個椰子水湯底比我地再等我到慢慢選擇要邊款雞我地叫左個有海蔘既雞等到椰子水湯底滾起, 待應就會將D雞放入湯中無可否認.. 一打開個蓋.. 個湯底的確好香但椰子水唔係好甜.. 好似水咁而雞肉煲多一陣就開始'鞋'真係麻麻地另外, 加椰子水每次38蚊... 我地叫左一渣2個煲SHARE如果唔加椰子水.. 就只係加水...連湯都無... 咁即是愈食愈無味?但跟餐小食及魚生... 就不過不失最值得一讚..呢到既嚮鈴炸得又香又脆的確唔差而其他配料亦不過不失無太大驚喜煲仔飯.... 味道麻麻9個人食.. 埋單3200, 自己就覺得食品價錢唔係貴..但飲品睇餐牌就好靚好似好好飲..但飲落好普通, 而價錢亦唔平老實食過幾次椰子雞煲, 呢一次係我咁多次中最唔好食既一次呢到好難有得會再有下次

唔係一間值得再去及介紹朋友嘅餐廳，首先，waiter, waitress完全唔專業，問非所答，只識sell人食貴嘢，我點六人餐，個waitress話唔夠食，阿姐我地六個人，如知6人餐唔夠6人食就唔好叫係6人餐，當然我地除叫6人餐外再叫其他嘢。跟住到佢所謂湯底，加一次要38蚊，其實只係史雲生清雞湯。只有一樣係可取就係第一次嘅椰子湯幾好飲。建議飲完頭啖湯後，唔好加38蚊要所謂雞湯，加清水好過！

呢一晚收夜, 同事相約食宵夜, 佢地話呢間野D生蠔好抵食, 所以一於跟隊試試。我地叫左個餐再加其他食物。冰鎮秋葵- 由於我唔食秋葵, 只好睇住佢地食得好似好滋味咁=-=炭燒豬頸肉- 呢個好食!!好香口, 所以我地仲加左單TIM~竹笙椰子雞- 份量唔多, 食落都幾嫩滑野菌籃- 有D菜有D菇咁喇, 正正常常~馬來牛肉、雞串- 唔差, 惹味生蠔- 10蚊隻既生蠔食落口OK架喎!!我地加左兩次定三次單雲花肥牛- 麻麻地, 唔係太好食刺身幾好, 幾新鮮好肥既三文魚腩臘味芋頭煲仔飯- 味道唔錯, 我覺得略略咸左少少~總結~呢度既食物不錯, 價錢算係中等~P.S 飲品......建議大家叫返罐裝或者支裝既野飲, 因為我地叫左幾杯特飲都覺得唔掂

之前已經去過四季文昌，對佢既椰子雞湯底邊爐同龍蝦煲仔飯念念不忘，一直心思思想再黎多次，而家新開左尖沙咀店，更加就腳，天氣又開始轉涼，無理由唔黎啦！ 相比起旺角店，尖沙咀店比較細，但一樣咁stylish，全部都係大梳化，新淨又舒服，最啱約埋大班朋友黎食。 法國蟹海鮮拼盤 ($598)打開餐牌，竟然發現有海鮮盤，可以揀阿拉斯加蟹 (半隻$1,088，一隻$1,888)、波士頓龍蝦 ($598) 或法國蟹 ($598)，最鍾意食蟹膏，我既不二選擇一定係法國麵包蟹！ 呢個餐認真抵食！有法國蟹1隻、生蠔12隻(!!!)、蝦6隻，翡翠螺6隻、青口6隻，配白酒一支，分量足4至6人食，每人除開先百零蚊。 生蠔有12隻，其中兩隻仲係巨無霸，有成隻手掌咁大！生蠔非常新鮮，海水味重，爽口唔腥，水準之作！ 麵包蟹唔駛講都係多膏，啖啖鮮味，肉質亦鮮甜！呢排咁多有毒大閘蟹，鍾意食蟹膏既朋友，轉食來路膏蟹更加安全放心。 鮮蝦好鮮甜，而且爽口彈牙，阿妹食到「蝦駁蝦」唔停得口！ 單食海鮮盤已經好滿足，但講到底，我係為左椰子雞鍋黎架嘛，又點可以錯過？ 侍應先送上醬汁配料，同出面既餐廳好唔同，呢度只係提供沙薑、辣椒、

🗓25 Nov朋友飯聚 懶懶地朋友揀乜去乜 連click 入去睇下食評都冇 一心好似傳統打邊爐 點知大不同 真❤️有驚喜 我本身最怕打邊爐超嘈 傾偈要大嗌甘 打完又成身味 尼到完全冇尼兩件事 樓底高 D嘈聲同煙味都散得好好主sell既湯底 －椰子🐔 （其實得一款😂）味好淡 清清地甘 以打邊爐尼講 款式偏少 真係好like 打邊爐 應該滿足唔到你不過 個場重有其他野食 比如生壕 價＄好抵 ＄28 質素ok 重有＄10隻法國蠔 細D咸D 不過＄10算係甘比較失望係個煲仔蟹飯 D飯超濕 隻蟹唔知係本身唔靚定點 真❤️難食😞

秋風起，又是品嘗海鮮的最佳時機！大大隻嘅麵包蟹、鮮甜嘅龍蝦、爽口嘅翡翠螺、肥美嘅生蠔，只是想想已令人食指大動。其實除了吃海鮮外，秋天也是打邊爐的最好季節。早排閱讀報章，得知以椰子雞鍋作招徠的《四季文昌》，近日推出咗三款海鮮拼盤，客人可以先食海鮮，再慢慢品嘗清香的椰子雞鍋，睇落都幾吸引，剛巧友人相約到尖沙咀一聚，所以就提議來這裡試試。餐廳位於金巴利道金巴利中心 1 樓，是家樓上舖，到埗後，沿著樓梯拾級而上，店內面積頗大，約有三千多呎，樓底很高，空間感甚強。先細看四周，設計以木色系為主，雅致舒服，配合近門口的巨型木書架、店內的鎢絲吊燈泡、雲石餐桌、漆皮座椅、牆身上的刻字和裝飾，還有大電視播著的 K-Pop，裝潢既時尚又富格調，很明顯是走年輕人路線。入座後先向店員拿了餐牌，餐廳新推出的海鮮拼盤，一共有 3 款，包括阿拉斯加蟹海鮮拼盤 (原隻$1888、半隻$1088)、波士頓龍蝦海鮮拼盤 ($598) 及麵包蟹海鮮拼盤 ($598)。至於椰子雞鍋，就分別有原味、竹笙、姬松茸和海蔘四款口味，另外當然還有不少火鍋配料、文昌小食、煲仔飯、海南主食、串燒、甜品等可供選擇。既然一心為吃海鮮而來，所以決