Video
6-min walk from Exit A, Ngau Tau Kok MTR Station
continue reading
Telephone
67002756 (Whatsapp)
Opening Hours
Mon - Sun
10:00 - 17:00
Above information is for reference only. Please check details with the restaurant.
Lunch time周圍去搵食已經成為左我返工唯一嘅樂趣😇平時成日都去愛琴坊食飯,不過地下嗰層實在太多人,所以我都鍾意上3樓,少人d又坐得舒服d!呢間Coffee Lover,啱晒我呢d咖啡愛好者！🌿似火探戈 $59其實佢係烤雞來的,因為即叫即焗,所以等候時間都比較長,但係絕對值得等待的！雞肉加左蜜糖 & 迷迭香一齊烤焗,除左香氣十足之外,亦嫩滑多汁,食落去好juicy!旁邊仲有薯仔及青豆伴碟,有時lunch唔想食咁多野,呢個份量對女仔來講就岩岩好喇！🌿即磨咖啡飲品係午餐包埋嘅,咖啡偏向係苦味,如果怕苦嘅話建議可以加奶&糖！整體黎講CP值不錯,絕對可以再encore👍🏻
continue reading
大約兩個月冇光顧呢間cafe,諗住比多次機會佢，之前飲過八、九次，可能剛剛開張只有第一次好飲，印象中第一次係老闆娘冲嘅，之後再來都係新手冲，職員拉唔到花之餘，杯latte好似cappucino咁非常厚泡，因為價錢實在太便宜，所以之後都再來，當時熱latte大約$26今日再光顧一杯熱latte竟然索價$45一杯，職員話一月份加咗價，好！我就比多次機會，外面咖啡店一杯熱latte都係大約$38-$48水位,呢啲價位通常杯咖啡都唔太差和有濃濃咖啡香講返呢度杯latte,拉花不太靚，不過我對拉花冇咩要求，杯latte的確係好飲過以前，不過冇乜咖啡香，相比起外面咖啡店，呢度咁嘅環境真係價位過高，$35會合理啲，以上純粹個人意見，不喜勿插，by the way,以前同一時段上來總有幾個客，今日坐咗超過半個鐘暫時只有我一個客，可能疫情影響
continue reading
呢間餐廳喺鴻圖中心入邊，午市去到都唔算好多人，唔使等位。位置都坐得舒服，店員態度友善，第一印象都幾唔錯嘅。鐵板焗香草雞扒配薯菜 🐔 🥔 🥬 ($55)佢嘅香草雞扒係新鮮焗起，一上枱已經聞到好香嘅香草味，切開佢嘅肉汁流晒出嚟，食落雞皮焦香，雞肉就嫩滑多汁，真係好惹味！🤩至於配菜都算新鮮，但份量真係比較少，如果可以加少少薯仔或者豌豆就更好啦！🥺Black Coffee ☕️ (餐飲）呢杯咖啡飲落唔會好苦，咖啡味香，亦都冇酸味，算係易入口，好飲！🤓。呢度嘅嘢食都唔錯，係份量比較少，如果大食嘅朋友可能就會唔夠飽喇！😆😆
continue reading
❤️今日公司又有份文件要來觀塘區交收，咁做完哂嘢，當然又到咗食嘢嘅時候，子公司D同事話有間新開嘅Cafe食物同地方都唔錯，而且地方又坐得舒適，一向喜歡喝咖啡的我，反正天氣咁熱，熱到人都攰哂，一於就去食吓嘢嘆吓咖啡☕️生😀—————————-🧡🏝🏖入到去果然又真係好舒適🥳相信呢到個老闆一定好鍾意陳百強，而且更喜愛他的哥曲，所有飲品都以陳百強的歌名為飲品的命名，包括冷熱咖啡☕️🧋及冷熱特飲🍹🥤 ⋯⋯係咪真係好有feel又有heart❤️呢？————————-💛坐係到食嘢、飲嘢、真係好舒服😌每杯飲品都設有一個音樂盒，一路聽住音樂盒鈴聲，一邊飲咖啡☕️、一邊在暇思，那種靈靜又舒適的感覺、環境，就令人陶醉了🌈⛅️☄️☀️⛅️💫🌸💐又令這個無厘頭的我大發詩意😂—————————💚喜歡喝咖啡☕️的我就是「偏偏喜歡你☕」，曾經只喜歡喝檸檬🍋茶的我，喝過一口咖啡，就「突破」了自己的心，「脈博奔流」地擁向自己喜愛的咖啡☕️⋯⋯為何喝一口就愛上了，「不要問究竟」點解？清新濃香的咖啡像「蓮猗」般飄香，即使「幾分鐘的約會」也要喝一口咖啡☕️……每天早上「我愛白雲」在窗外觀看，不其然就在心裏的天上「畫出彩虹🌈」，一邊喝著心怡的咖啡☕️，曾經「錯愛」了其他飲品，在這美好的時光下喝咖啡☕️⋯⋯人：「一生何求」什麼？💜今天來到這裏「Coffee Lover Cafe」喝著一杯Mocha⋯⋯默然回味，原來喝咖啡就像「初戀」的感覺一樣，自從在「相思河畔」見了你，喝咖啡就像「等」著這種感覺！人生「今宵多珍重」，不要「凝望」著曾經「眼淚為你流」的「再見Puppy love」。不如找一個「深愛著你」的「有了你」頓覺輕鬆寫意！………..你們不要「思想走了光」的亂想，我說的是咖啡☕️😂———————————-🥳無厘頭的我。用陳百強的歌名寫了一段的歌詞名稱，其實這些都是咖啡☕️的名稱，坐在這裡、一邊聽著音樂盒鈴聲，一邊享受著食物，有heart 又有feel。全因「只因有你」…….「Coffee Lover Cafe」🥳——————————-🌈飲品餐牌👍👍👍👍👍🟤冷熱咖啡：❤️偏偏喜歡你black coffee：🧡突破Espersso：💛脈博奔流Risterro：💚不要問究竟Dappio：🤎蓮猗Hand Drip Coffee：💙幾分鐘的約會Syphon：💜我愛白雲Cappuccino：❤️畫出彩虹Latte：🧡一生何求Americans：💛錯愛Dirty：💚初戀Mocha：🤎相思河畔Macchiato：💙等Vietnamese coffee：💜今宵多珍重Irish Coffee：❤️眼淚為你流Ice Drip Coffee：🧡再見Puppy Love -Ice Mocha：💛凝望Ice Coffee💚深愛著你Ice Cappuccino🤎有了你Ice Latte💙思想走了光Affogato——————————————🟠仲有其他冷熱特飲：❤️戀愛預告Ice Chocolate：🧡粉紅色的一生Pink Iady：💛昨夜夢見你Ice milk tea：💚只因有你Only you：🤎冰封的心Fruit smoothies：💙太陽花Ice lemon tea：💜長伴千世紀Ice green tea：❤️喝采Fruit tea：🧡永恆的愛Green tea latte：💛感情到老Milk tea：💚留住夕陽Lemon tea：—————————-🟤湯：粟米竹笙雞蓉羹：用竹笙做粟米🌽雞蓉羹，足料的竹笙，每一啖都是竹笙、養生之道，加入蛋花，配合了幾款食物，這碗粟米竹笙雞蓉羹實在生色不少⋯⋯好味道😋😋—————————-🟠鐵板套餐：香草什菜焗雞扒：焗了的香草滲入了在雞扒內，雞扒夠香，配上番茄🍅、蔬菜🥬、就是營養，雞扒軟熟熱辣辣，皮脆肉嫩，在這優美環境下………享受飯後嘆一杯咖啡——————————-「熱愛咖啡☕️的你You Need？」「❤️I Need」開心🥳⋯⋯簡單———————————
continue reading
Coffee lover cafe（觀塘）今日落雨，同同事係觀塘近近地搵間樓上cafe午餐，有依家最hit既雲朵，舒服嘅空間，輕食健康主義。鐵板套餐香草雜菜焗雞扒配咖啡$55雞扒是新鮮嘅，唔係急凍，醃製後焗20分鐘，健康美味，雞肉滑嫩，用鐵板上保持溫度，配蕃茄仔及青豆。鮮茄雞件及蛋螺絲粉配錫蘭紅茶$39用完隻蕃茄磨碎去整嘅螺絲粉，酸酸甜甜很開胃，原隻雞蛋切片。竹笙粟米羹送咖啡及多士$33蛋花、竹笙、粟米造成嘅湯，不含有任何味精，健康指數較高。Dirty奶味較重，咖啡味濃郁，唔會苦澀。整體而言環境唔錯，空間感十足，裝修設計以植物及雲朵為主題，到下午嘅時候仲會有蛋糕出爐，咖啡嘅名全部都係用歌曲而命名，同朋友仔過嚟閑座談心都唔錯，有唔少影相打卡位。
continue reading