龍華軒咖啡室 (Closed)

Heehee終於比我book到枱啦！有四種口味😋香草、蜜糖、蒜香、椒鹽第一round要食哂4隻味之後可以按口味再揀份量好岩#雞翼控 不過飲品另叫我叫左mint chocolate ☕️短期內我吾想再食雞翼😫$80+1 任食 岩中意食雞翼岩哂一大班朋友黎食 但枱吾多要預早book啊！

店舖好懷舊 幾特別 雞翼都算中規中矩，唔係特別好食 ，普通貨仔， 但啲飲品 如果有凍檸茶 或 汽水會夾啲 同解渴啲 ， 因食雞翼比夠濃味。 叫左兩杯 朱古力 一杯薄荷 一杯特濃 但都係淡如水 無乜朱古力味 重要唔平 成四十幾蚊一杯，好失望！ 試過一次算了。

雞翼放題要Book枱，等咗兩個星期，3點上到去話2-6點嘅放題一定2點到，唔比我入😑Book枱嗰陣又話幾點到都得😓明明自己比咗其他人入搞到冇晒位就話係客嘅問題，反問我6點到係咪要比我入，一堆九唔搭八嘅回覆。明顯係自己做錯，將個責任推落客人身上，仲話自己好忙唔得閒理我，叫我走喎😀咁樣講嘢同處事嘅老闆都係第一次見🤬另外，之前有食過，上雞翼速度極慢，唔比早啲叫定，等多過食，掛名放題🤦🏻‍♀️

去到食80雞翼放題 總共三個女仔 個老世一開始已經黑曬面 我地就冇乜為意 然後食完第一輪 就叫佢整 整左勁耐 根本就係即叫即製 唔係話即叫即製唔好 只係你又限時 又要整咁耐 登波鐘？其實間野因爲佢黑口黑面已經好靜 咁食飯順便傾計好正常姐？又唔係大聲？佢勁大聲叫我地收聲 食完即走 第二啲朋友話呢間我都冇推薦過佢地去 老闆你黑口黑面咪趕客囉真心唔會再去食 又唔抵 又鹹 加上依家大把雞翼嘅舖頭 無謂仲要去你度食受氣啦 莫名其妙？完全搞唔明服務業黑口黑面做乜？

以為兩個鐘食雞翼放題，一個正常男人都應該食到30-40隻啦，點知上菜速度極慢⋯第一輪有4種口味，每碟8隻共32隻雞翼。咁得32隻，當然好快食曬啦。然後第二輪只係比叫兩種口味，我果刻即刻心諗，供應少左，每輪16隻，快D食，就快D上啦。點知，佢一整就整左20分鐘，無整定D雞翼比人添。佢慢慢煮，想叫多D，又叫我地食埋先⋯因為佢地即叫先煮，唔比一到食一到叫定下一輪，搞到2個鐘裡大部分時間係等！我地四個人只係食左80隻，$4一隻雞翼⋯ 叻仔！仲要唔飽，要返屋企自己煮面食⋯ 真係好離譜，你唔好叫自己做放題，叫即叫即整啦！

$88 雞翼放題任你叫一坐低第一 round 唔使點四款口味（蒜香 香草 蜜糖 椒鹽 ）的炸雞翼都會X4 隻上。雞翼size唔係骨精強，有肉地的。其實四款都係先炸然後撈上唔同味粉，我們最鍾意蜜糖。相信好多人聽到雞翼放題都會到癲咗想試返次！我們最後每人食咗16隻，多到打後兩個月我無再食過雞翼…

餐廳地址稍微有d難搵！原來系一條巷入面嘅樓，所以都搵左好一段時間。我地book2點食，系雞翼放題的第一個時段。唔知道系唔系因為第一個時段，就算唔系好多客，都等左40分鐘左右，先上到雞翼老闆一黎，就話，你地唔洗講，我知道你地要咩口味，哈哈，跟住上曬佢地嘅4個口味！的確，我地會每一個味道都會order黎試下先~ 跟住再refill中意嘅味道雞翼嘅分量，我估系根據人頭比嘅，我同我fd2個人，一碟雞翼就5隻。我見隔離臺好似有5-6個人，一碟雞翼好似一座山咁！雞翼口味有4種，最好味嘅應該系蜜糖雞翼>孜然雞翼>蒜蓉/香草雞翼。雞翼炸得幾好，非常脆and香口，不過D味道呢，就應該系炸好之後淋上去。例如，香草雞翼，系炸好的雞翼上面放D香草。所以蒜蓉同香草雞翼食落去比較淡口就系咁解。因為佢地本身唔系用lee D 醃料醃好，所以真係比較淡口整體然而，雞翼味道一般，但是口感非常好！又脆，又香口~所以我地2個女仔，一人食左20隻，就膩了。其實我地2個仲可以繼續食，不過系食黎食去都系果D味，有d寡，就冇繼續refill了~BTW，order佢地D茶類（78蚊一壺），聽到老闆話咁貴，系因為可以re

一直都好想食雞翼放題，都諗左兩年先約星期六朋友一齊去試吓。上網見普通一個女仔都食到20幾隻，以我咁大胃口來講起碼都食到25隻以上掛😂😂。大廈門口喺後巷，雖然感覺污糟，不過呢個商業大廈係好多食肆都嚟過幾次。餐廳裝修好有藝術感，而周圍都癡住老闆嘅玉照貼紙😆，掛住幾個結他，睇到啲poster相信老闆係搞音樂嘅。令我覺得驚訝嘅係佢一直喺度炸雞翼都唔會有浸廚房油煙味，抽氣系統做得幾好。餐廳除咗我同朋友外，都有四五台客人差唔多滿座，見每人都會叫一杯飲品，飲品$40起有+1，等左差唔多20分鐘就開始上雞翼，雖然佢係四款雞翼，但其實只係全部炸雞翼再加啲蜜糖/椒鹽/蒜粒/香草四款調味料落去，真係急不及待，即刻就食咗好多隻，當食到第二round時，雞翼開始比較燶，估計係炸好多次後油都已經渾濁啦，見其他客人起碼都食兩三round。而我條脷就開始損😅，飲完杯朱古力都免非常口渴，我只能食到20隻就收手，埋單每人百四左右，其實是一試無妨。另外臨走時有個女仔上嚟，問除咗雞翼放題愛仲有冇其他食物，店員攞咗另一Menu出嚟，仲有意粉之類正常cafe食物可選擇，下次我想幫襯佢其他食品多啲。

睇中佢個雞翼放題，夜晚預約咗8~10pm準備嚟瘋狂食！★★★★雞翼放題 $88想食雞翼放題一定要book位，夜晚係爆場！成間野得１個員工，等齊所有人埋位，佢就開始自己一腳踢啦第一轉唔洗叫，等咗幾個字終於每枱上４款先，每款８隻蜜糖雞翼﹑椒鹽雞翼﹑香蒜雞翼﹑香草雞翼。４款都好好食！咁少點難到我地呢，速戰速決，頭半個鐘一個人搞定28隻冇水俾你飲所以另外叫咗2杯野飲正常Cafe價啦$40 upCoffee Lowa 龍華軒整體評分★★★★地理環境★★位置有d偏僻難搵，我地睇住GPS兜咗超耐先發現......原來入口係中間的d暗窄小巷入面......店入面幾有特色，放置好多吉他﹑相機等擺設，不過間舖好細，空間太少，野又放太多，感覺就好擠逼服務★★★係唔會點招呼你，因為得1個人不斷整雞翼，出嚟接到野飲order又入返去食物★★★★雞翼正！不過就係瘋狂淨係雞翼冇其他野食有D寡價格★★★★★抵食！支持下香港小店啦

星期五諗唔到食咩好，女朋友話諗起我之前雞翼放題想試，咁就打電話去訂位。可能係仲未過晒新年，今日都唔算太多人。上到去，先嗌金盞花菊花茶，好香好好飲。然後每款雞翼嗌半份(4隻)，耐心等候片刻就有得食。煎雞翼一定要趁熱食。四款雞翼其實都唔錯嘅。本身最期待嘅蜜糖雞翼又無想象中咁好食，不過不失。女朋友鍾意蒜味，但蒜香雞翼又未至於想突然翻嗌。我覺得椒鹽雞翼好惹味，好夾熱辣辣嘅煎雞翼。女朋友就鍾意香草雞翼多啲。嗌咗兩次四款雞翼各半份，之後再嗌香草+椒鹽雞翼各4隻。仲有花茶好抵飲，加水兩次都仲有味。食咗咁多都係$249, 真係好抵。

（話說食呢個放題既時候已經係9月，而家可能已經冇左）男朋友好鐘意食雞翼，之前係FB見到介紹，決定帶佢去呢間試下雞翼放題。😆—雖然一早已經book好左位，但因為人多，而且有時段分，結果都要等至少半個鐘先有得食。😣果到總共有4款口味比你揀，蒜香、蜜糖、香草同椒鹽。一黎就會每款口味比一份你（一份8隻，半份4隻），如果你想食少啲，可以要求要半份。一開始覺得一人食10幾隻唔係好多姐，點知.......🤐—蒜香：4款裡面，藍妹最鐘意呢款，最香，滿滿既乾蒜灑係面，正！🤤蜜糖：藍妹最唔鐘意呢款，因為用既蜜糖並唔係燒野食果種，反而係冬蜜，多左種蜜澀味。😖香草：香味有既，屬中庸之作。椒鹽：好有避風溏既風味，雖然最惹味，但亦係最咸既口味。😱—結果藍妹只係食左11隻就收左皮，其餘都係男朋友包辦，兩個人食到反肚咁走。🤣如果係雞翼迷，真係要試下，絕對可以過足癮！😍

點解雞翼係食極都唔厭呢所以有雞翼放題又點可以唔試我好有心上去之前打算book點知餐廳答我上去睇下有無囉善意既係隨意點入口有點難搵上到去有兩層我自己獨佔一層上到來意外地舒適看似殘舊但比想像中乾淨因為多窗所以日光充足影相一定靚一心打算食雞翼點知杯oreo朱古力仲驚喜朱味濃加左層cream好似滑左雖然肥雞翼有四款口味包括蜜糖味、蒜香味、香草味及鹽香味(既係淮鹽)我自己最鍾意淮鹽味同蜜糖蜜糖就最經典bbq蜜糖雞翼又點會有失手丫淮鹽味就比較適合重口味朋友香口一點蒜香味感覺只係皮灑左d蒜肉無蒜香味香草味更加啦係普通煎雞翼味我食左廿幾隻已經開始覺得寡同埋食左大量雞皮其實好飽叫唔叫回本呢我覺得ok畢竟mc donald食4隻都廿幾蚊啦仲想點

4味炸雞翼蜜糖味～真係好蜜糖， 好香， 但原來唔係將啲蜜糖先葉左再焗， 而係炸完先淋， 又好似爭咗少少入味香草味～個人應為香草味係最好食嘅，因為香草並唔需要葉只係需要審上面，已經好好食蒜蓉味～最唔入味嘅一隻味就係蒜蓉味！好hea 只係將啲蒜蓉審喺面就算數椒鹽味～都唔錯但係就唔入味，加上唔夠鹹4隻味都係先炸後淋醬，其實入面嘅味係一樣如果唔係好鍾意食雞翼嘅人其實真係幾唔抵，但同兩個朋友一齊去佢哋帶咗兩round 就抵返晒啦加埋嘢飲每人大約$160！可以傾足三四個鐘都算唔錯啦

用google map搵路搵左好耐，終於搵到去條巷仔再搭𨋢上去，但係好似好殘殘舊舊咁， 不過見反正book咗枱就上去試下， 入到去 見到間餐廳細細間 ，裝修就走藝術風 ，打開menu見到啲價錢出奇地平 ，七十幾蚊已經有碟意粉 ，叫左一個小食拼盤，一個卡邦尼意粉同埋一個三文魚意粉， 仲叫咗一杯oreo朱古力， 個小食拼盤大碟到嚇死人 ，啲雞翼仲非常好食， 從來冇諗過雪藏雞翼可以整得咁好食， 卡邦尼意粉，都好好食 ，唯一係啲煙三文魚偏鹹咗少少， 杯oreo朱古力更加係足料好味， 一路飲都有好多oreo碎，好好飲又唔會太甜，所有野好明顯係用心煮出嚟先有咁好食， 絕對會考慮再幫襯

之前食過另一間嘅雞翼放題，整得不太好，今次啲朋友話要食呢間同我慶生咁就試下啦，因為之前有食過佢其他嘢都ok嘅一去到老細話要等15分鐘，原來未嗌佢已經炸梗，一上就上左四種味，有香草、蜜糖、蒜香同鹽香雞翼4隻味都好食，但我地最愛蜜糖味，叫多左兩次，其實係咁食雞翼都會好滯，所以另外嗌左啲梳打同綠茶。