咖啡事多

Open Now

Now Closed

上星期才首次光顧這店，覺得很好，咖啡製作認真，地方坐得舒適；所以，今天再與Honey重來。今天坐在中國式茶藝木枱，看到店裡的掛畫……有趣！很有書卷氣！也看到店內的咖啡豆儲存室。在Openrice食評中看到一杯叫｢ 薑汁蜜糖鮮奶咖啡｣，賣相佳，食評也好；加上今天極寒冷，只有9度；所以，我和Honey都各叫一杯試試。果然好飲！厚厚的奶泡，creamy，有薑汁味；蜜糖香濃！未攪均前，還可看到每層的內容……真材實料！寒冬飲，真暖胃。如此優雅的咖啡室，竟然有岀前一丁…… 煮得稔度剛好；無骨黑椒豬手，咬咬肉！店員(可能是老闆)有禮，咖啡和食物製作認真，地方雅緻……怎會不重來？

初入嚟第一眼嘅印象其實唔錯：文青格局；專業、有要求嘅架生放晒喺 bench top 到；仲有叫人感動嘅 roaster 房，裏面儲存唔同嘅 green beans, 當然仲有異形咁壯觀嘅 roaster setup；落 order 時仲問埋我 coffee 同唔同食物一齊上。可惜…話咗食物同 coffee 一齊上後，食物竟然馬上先上；到返熱嘅 muffin 開始唔熱時，兩杯 Blue Mountain 嘅第一杯先到。至於第二杯（我嗰杯）就喺再 10 分鐘後先出現，嗰陣個 muffin 已經要再返叮，老婆已經飲完第一杯嚕。點樣食物咖啡一齊呀？呢度好 mean, 連所謂免費 wifi 都要交出 FB 打卡先有，仲喺只得一粒鐘，咁算喇我唔會同你乞個 wifi 嘅。Blueberry muffin, blueberry cheese cake, apricot tart 水平一般 OK. Blue Mountain 冇乜驚喜，嗰個 double wall flask 其實扮嘢多過保到溫（因為個口太大了）。啲老細好似 involved 喺好多比賽呀可？咁你繼續玩硬件吧。冇 heart 嘅 ca

官涌街位處佐敦鬧市邊陲，街上有一些舊店舖和車行，要不是平常Honey駕車經過，我倆也不會知道這裏有一間雅緻的咖啡店。我倆一直都想試了，今天和Honey有要事相談，想找一個安靜而坐得舒服的地方飲咖啡，一想就想到這間。不設門戶，非常開揚。以純木桌椅為主的設計風格，感覺舒服。古色古香的木傢俱，有中國式茗茶的藝術感。炒蛋多士即炒滑蛋熱辣辣 Creamy豆腐芝士蛋糕非常Soft非常滑不太甜點點酸酸的突岀芝士香好好味Honey喜歡的Flat White我喜歡的Mocha兩杯都好飲店內不少擺設 / 器具都印上店名很細緻整間店地方不大非常乾淨我坐的位置看到廚房的地上一滴水都沒有……可見店主很愛惜店鋪也從detail位例如擺設 / 用具 / 掛飾 / 吊燈………都見盡心思我喝了一杯咖啡還｢嚐｣了一種態度：尊重 專注

難得星期六可以同老公出去二人世界，當然係要去一個可以兩個人靜靜地嘅地方啦~其實當年 Colour Brown 重喺西貢時我已經係常客，單純好鍾意佢為客人營造出黎嘅慢活空間、老闆對咖啡嘅堅持、重有佢為大眾推廣咖啡文化嘅熱情。下午去到，人比較多，我地揀左 Bar 位坐。今日我地都 order Latte。好快 Barista 就親自為我地送上兩杯咖啡，雖然我地點嘅係一樣，但係 Barista 好細心咁為我地拉左兩款唔同嘅 Latte art。第一啖先感受到一股濃郁嘅奶香味，香滑綿密嘅奶泡慢慢喺嘴中融化，咖啡豐厚嘅口感，一啖吞下後咖啡香味依然殘留喺口腔嘅回甘感，感覺一個星期所有嘅勞感都完全被治癒~ 總結：忙完一個星期，可以搵到一個地方，靜靜地咁享受一杯好咖啡，Colour Brown 絕對係不二推介。

我時時都覺得起香港好難飲到好飲既coffee. Starxxxks, Pacific Coffxx, 我都會飲下因爲就腳多分店，但為既吾係個味，係提神姐。家住tst區，其實要搵間coffee好飲既coffee shop/餐廳，其實我都未搵到。好多時食飯都會送杯coffee俾您，就算去到ifc,elements既西餐廳，專登叫杯coffee飲，都無邊間令我印象記得係好飲既。當您去到歐洲，先發現，簡單如油站既latte都好好飲。好滑既奶，同無苦濃味。其實我吾識coffee野，但最怕飲到又苦又濃，飲完又熱氣既coffee.直到早上星期行過呢間野果條街。一心想坐下，點知佢果杯coffee真係令人好意外。真係好有心機沖，您睇圖既拉花。又吾貴。我吾係想hard sell佢，不過小店生意吾易做，佢仲禁有心機做coffee.我見佢自家roast coffee bean,shop最入show左好多coffee bean,不過無影到。 總之我個人黎講真係好鐘意佢既latte,下次會試下佢其他特別coffee.

同朋友係附近做完運動想搵個地方傾下計，於是上open rice 神睇睇附近有無咖啡店點知近近地就搵到呢間，其實柯士甸站內行都有好多小店係好有特色同較為寧靜店舖入面好多好精緻既擺設，單獨黎睇好似唔多配搭，但整體黎又令人覺得好舒服，雖然望落去主色為沉色，但份外配親咖啡店。店內有部水滴咖啡機，雖然本人對咖啡的確認識不大，但望落去好靚好有美感，見住啲咖啡慢慢一滴滴令整個人身心都安靜下來。咖啡店除了有不同種類咖啡外，仲有不含咖啡的飲品，例如朱古力同花茶仲有蛋糕同鬆餅選擇!!如果你一個人，買杯野飲買件蛋糕嗅住陣陣咖啡味的確是種享受呢!仲有店最入有間咖啡教室咁，沒有太了解過。但開佐燈望入去整齊擺放的咖啡的確令人著迷總括而言我都會再去，係鬧市中的確係難得安静的地方。

因位置關係, 初開業時, 常來幫襯, 但搬了後, 不太方便, 已經兩年無來, 今天探朋友, 未夠鐘, 再到訪.午飯時間, 想搵個好位坐一坐, 我估... Starbucks 都未必搵到, 幸好...這店不做午餐, 專做咖啡, 收貴一點沒問題, 最緊要貨真價實.一杯最普通的意式咖啡, 比想像中平, 只是$26, 咖啡味道絕對一等一級數, 唯一不合個人口味, 是微微帶酸, 有人喜歡這種咖啡出來的酸味, 尤其是某些高級貨, 酸味更重些少, 只付廿六元, 坐了一小時, 我都有些少不好意思... 哈哈...

食晏時間，諗住去飲杯咖啡，巧合經過佐敦有間咖啡店，便走入去試下鋪頭繁華中帶點靜，剛開門人流不多，裝潢簡單，除了星巴克另一好選擇。和朋友分別order了flat white 同果汁，價錢适中喜歡飲咖啡既人一定會喜歡到這地方飲咖啡，聊聊天，享受這寧靜空間！

星期六既下午係附近返工時，上openrice search下有咩食，就見到呢間網上menu show出前一丁既配料好有誠意就諗住去試下。餐廳好易搵，係開放式既coffee shop。4點幾入面都坐滿晒，唯有坐近門口但唔多車經過，所以尚可接受。入到黎一睇menu先發現佢既配料完全改晒，唯有退而求其次揀左煙肉炒蛋，之後就去前台order並付款。上台時麻油分開上。配料煙肉炒蛋比麵既份量多，煙肉係乾身所以食落有口感，炒蛋都好滑，整體感覺良好。出前一丁麵加一款配料 $36

是日小弟因遲起兼公務纏身以至早餐欠奉, 所以決定來個早午餐 (Early Lunch…不是Brunch啦), 成11點3無理由仲食早餐啫?咖啡…我需要咖啡上腦兼入血! 所以立即以最快速度搜尋附近咖啡店最好嘅係居然有意粉, 而且評價唔差即刻衝入去…OK,明白的, 係我太早幫襯…所以你們都似未熱身, 或者係未起身…又或者我唔係靚女…點左巴西Santos, OK嘅, 尤其係用具, 個杯同個壺都真係得, 咖啡亦係用心出品意粉只有扁意粉 (Linguine), 點了白汁煙三文魚(下圖右上)同香辣吞拿魚(下圖左下), 意粉是有水準嘅 (嗱, 以香港黎講), 唔會同茶記一樣淋都死, 白汁煙三文魚無技巧所以我亦無要求, 不過個香辣吞拿魚就太鹹亦都太辣, 最好笑係我點完就Sold out…究竟我碟野係唔係尋晚用剩既料?總結係想飲咖啡又係佐敦嘅你應該一試, 介意被黑面嘅就晏啲先好去

佐敦一向都有幾多特色小店，今日經過一間幾有格調嘅Cafe，就同朋友一齊入咗去試下。 😋間cafe 都幾有格調，用咗好多木傢私，鋪入面仲有部咖啡烘焙機tim 😯忌廉煙三文魚扁意粉 （$78）- 煙三文魚砌到成朵花咁，都幾別緻。煙三文魚肉都幾厚身，又唔會太咸，份量都幾多片。 扁意粉充滿香濃嘅忌廉味，唔會煮得太「稔」，加上一片片厚切蘑菇，食落都幾有口感。👍🏻忌廉冬陰青口扁意粉 （$78）- 友人叫咗呢隻扁意粉，佢話青口都幾多，唔會好辣，但係唯一不足嘅係意粉就太油😢。炒蛋多士（$42）- 炒蛋都幾滑，但係份量都比較少，多士都無搽牛油，幾乾。如果叫套餐，餐飲就可以平十蚊。 我地叫咗涷朱古力、涷美式咖啡、同埋兩款單品咖啡，印尼 蘇門答臘、哥倫比亞咖啡涷朱古力同涷美式咖啡都普普通通，正正常常。 兩款單品咖啡入口雖苦，但係飲完一啖成個口腔都充滿濃濃咖啡味，回甘嘅感覺都幾特別，可以一試。 加上，咖啡杯同壺都幾精緻，賣相唔錯！👍🏻 雖然，間cafe 味道唔錯，但係服務態度就要改善下啦，不過可能呢隻都係小店嘅特色黎掛😅

咖啡店的作用，是用來耗時間的。自從KUC Space結業後，從不指望會在佐敦，找到寧靜的咖啡空間。還以為只有Starbucks、Mc Cafe兩個選擇之際，在隱祕的街角盡處，遇上了這家咖啡事多。走進店內，才發現是個美麗的誤會，這其實是家Coffee Store，專賣咖啡豆及咖啡用具的。真正的Coffee Shop在另一街道上，店名同是喚作「咖啡事多」。一家簡約、低調的咖啡店，讓來客的焦點不自覺落在咖啡吧桌之上。看着年輕咖啡師沖泡咖啡，耗時間的目的也就達到了。以蜂蜜薑汁泡沫咖啡($44)，驅走冬日的寒意。蜂蜜、薑汁、咖啡的不同密度建構出層次，咖啡師不忘叮囑要拌勻才能融和一體。面層奶泡香潤，啡香柔和，餘味不強。薑汁淡淡溫溫的不算霸道，蜂蜜的甜香最為突出。想起在上海田子坊喝到的一杯，同是有種恬靜怡人的感覺。咖啡事多出品不算驚天動地，但會是不錯的品啡空間。

最近colour brown 邀請了新蒲崗delight大師出手。煮。意。粉。其實去過delight的朋友都知道有多好吃，所以知道了這裡有機會吃到，當然立即來試！今天吃的是白汁三文魚，其實坦白說，什麼配料對我來說已經不重要了，因為我最欣賞的是麵身彈牙的質感，條條分明，而且掛汁平均，其他食材？　配角而已！另外，即場試下魔法朱古力蛋糕，一層鬆軟，一層creamy，夾著入口。。。。不知不覺就覺得。。。很幸福了啦！

認識colour brown呢個名係喺觀塘一田嘅counter，店員曾經俾過咭片我話佐敦有coffee shop官涌街呢度人流好少，亦比較少食店，相信嚟呢度都係識搵特登過嚟。店面就如店名，全啡色店內樓底好高，播著悠閒的音樂而且有迴音，妨如避世好地方。在觀塘見過有賣的單品豆，呢度有手沖可以叫，不過今日同朋友都想飲有奶嘅咖啡。我地坐旁邊的二人枱，望向最後有個小房間，就是炒豆的地方了！喺香港小小的空間難得見這種店內炒豆的咖啡店。桌上有wifi提示，如果搵個地方要用電腦的話，呢度係個hea的好選擇等緊咖啡師沖調，咖啡店內不時有新的藝術作品展出我點咗cappuccino 可見有一層奶泡，打得棉密，有拉花圖案咖啡味是大眾容易接受的nutty, chocolate flavor，加上帶微甜的奶味是很穩陣的配搭，也合祖迪的口味朋友要Latte，相信味道亦一樣。香港咖啡店很多，但質素好與壞價錢大多數亦差不多，若以性價比來説，這𥚃的環境和咖啡質素是高性價比，來到佐敦當然要幫襯下！

Lunch見到一間幾骨子既coffe shop, 雖然睇門面已經feel到唔平，但都試下啦。$78 午餐有兩種篇意粉揀，我揀左番茄豬肉腸篇意粉。份量還好，同區其他餐廳更細份。酸左少少，配料有mushroom n onion, 豬肉腸都唔錯，不過不失，但要成78蚊，冇包野飲，抵唔抵食就見人見志。$23 既然係coffee shop，因為我飲開齋啡，我就叫左杯anericano試下，幾香，苦得黎唔澀，算係咁。環境好舒服，裝修十分偽文青，但冷氣大左啲，未打完食評杯咖啡已經凍晒。可能我係用食lunch既心態，貴左啲，所以整體評分ok