越．男

Open Now

Now Closed

經過灣仔嘅橫街 見到呢個餐廳名 就知係食越南嘢㗎啦🫢 友人話平日lunch hour呢間小店好多人幫襯㗎 呢日係weekend嘅夜晚 都有唔少人支持 不過見唔駛等位就入咗去食😍會安生牛肉湯河每次食越南嘢都必食嘅菜式 牛肉半生熟 食落又有牛味 又好嫩滑🙊 河粉嘅份量都唔少 湯底唔算好鹹 飲落口幾清甜 係難得一見湯底唔會好鹹嘅牛河🐮香茅豬頸肉飯豬頸肉好香口 仲有少少酸辣汁喺上面 飯同樣都有少少酸辣做調味🐷 唔駛落豉油都好夠味喇 側邊有生洋蔥 醃蘿蔔絲 同青瓜做配菜 幾開胃🥕香蒜牛油雞翼呢個小食一上檯已經好香牛油味 食落好熱辣辣 又香口😝 真係外脆內院好Juicy㗎鮮蝦扎肉米紙卷呢個感覺好refreshing😚 味道唔會好重 喺外皮已經見到成條鮮蝦肉 每邊一隻蝦真係唔錯🤪飲品檸檬特飲同橙汁都酸酸甜甜 幾開胃🍋 我就鍾意檸檬特飲多啲 比較有特色呢間越南小店仲有個好靚嘅壁畫打卡位 畫咗好多越南嘅特色 真係好有越南風味呀🫢 一路食一路欣賞真係好賞心悅目呀

細細間鋪頭坐落於灣仔人氣地段，lunch時段去到超多人幫襯，但出餐速度相對黎講會慢少少🤌🏻唔想等嘅建議避開高峰期～$70 Set包主食+飲品$80 Set 包主食+小食+飲品難得去到港島，小編就嗌咗個$80set🙈主食👉🏻香茅豬扒撈檬，檬粉爽口彈牙，唔會好易斷，口感唔錯～本身以為係煎豬扒，估唔到係炸嘅🙊豬扒偏薄少少，好在唔會太油膩，炸粉都唔算厚🥸小食👉🏻木瓜絲沙律，木瓜絲新鮮爽脆，酸酸甜甜幾開胃🥰飲品👉🏻越式煉奶咖啡，奶味重且入口香滑☕

成日行街經過利東街附近都覺得好似冇咩野食又貴最近發現左呢間性價比高既越「男」野😍佢哋既裝修都好似真係去左越南咁🇻🇳佢哋一個set先$80 有主菜+小食+飲品 勁抵！-🥢越式雞絲法包法包好脆口好香🥰 入面包住好多雞絲，醃紅白蘿蔔絲，青瓜，芫荽，沙律醬等好多料！食落酸酸地好開胃！🥢海南雞撈檬海南雞冇骨啖啖肉😍 又唔會好肥，份量啱啱好。粉有似米粉，好彈牙！另外仲有好多配菜包括扎肉，生菜，青瓜，蘿蔔等。枱面有好多款唔同醬料可以自由選擇。🥢香蒜牛油雞翼雞翼上枱已經聞到香味！牛油同蒜永遠係最佳配搭😋放左一陣先食都仍然超脆又熱辣辣😚🥢檸檬特飲酸酸甜甜，仲有條香茅做裝飾，好開胃又解膩😋😋-

月色正濃，肚正餓。人在利東街浮遊，見到紅紅燈籠高高掛，係神比我既啟示，食碗越南粉，嘆個法包都唔錯。位置毗鄰利東街，行行下就會見到有間裝修好有越南風味既小店環境小店設有吧台及木椅位，鳥籠燈、紅色燈籠點綴綠色主牆，好有東南亞風味。食物晚巿套餐$80，包主食及飲品主菜可以揀越南河粉/越式法包/撈檬粉/飯。唔洗另外加$，套餐包埋特飲檸檬特飲/橙汁/西柚汁/椰青水/汽水/香茅青檸水/越式煉奶咖啡；啤酒就要再加$20。🥪脆燒腩法包即烘法包外脆內軟~ 卜卜脆豬腩燒到脆卜卜啊會油，咸香滋味。內餡除左脆腩仲有札肉、青瓜﹑蘿蔔絲﹑芫茜﹑洋蔥。醃左既蔬菜酸尾尾，好清新，配埋餐廳自家製火雞肝醬，鮮甜而不膩。🥣札肉湯河湯河唔似一般越南餐廳咁濃味同味精，清湯加上九層塔令到個湯底更有層次，飲左湯都唔會覺得口乾🐤香蒜牛油雞翼皮脆肉嫩，大大隻，濃香蒜粒同牛油洗禮下好惹味🥢木瓜絲沙律食完雞翼想清清個口腔，食個salad refresh下就岩哂酸甜爽脆木瓜絲，配埋脆花生，東南亞風味出哂黎🍵熱香茅青檸水一上台就覺得好香，酸甜又開胃，仲可以揀少甜，健康之選🧉椰青水消脂解渴，比平時飲開既椰青水無咁甜，都好健康食飽飽，天黑黑，回歸

最近發現灣仔有一間超級有特色的越南餐廳，越男，未試過的朋友真係要試試。首先最喜歡這裡的裝潢，以綠色為主，周圍都係越南風格的擺設同打卡位，感覺置身於越南一樣，真係有種好神奇的歸屬感。一個人的晚餐，唸著簡單而隆重，點了晚餐combo set , 有主菜，小食同飲品，$80 搞掂。主食點了出名的會安生牛肉湯河，小食就香蒜牛油機翼，另外想試多份小食就點埋鮮蝦扎肉米紙卷，飲品方面就點了越式煉奶咖啡。生牛肉河粉同米紙卷都正常好食，特別一提係呢個香蒜牛油雞翼，真係好食到不得了，香蒜同牛油味融為一體，外皮香脆超香牛油蒜香味，必食之選。

📍#越男 #ComBanhMi #MFJ灣仔 #MFJ越南菜人均消費: HKD80好想食越南野，食晏時間見 @combanhmi 有位就中咗入去😂餐廳都有啲氣氛，不過要自己去櫃枱落單，但佢哋會送上枱🆗 會安生牛肉湯河 $80午餐有湯河+小食+飲品，正常價錢湯係深啡色，好似法式洋蔥湯咁樣，望落好清，得少少味但又食唔出咩味😂😂生牛肉一上枱已經熟晒，望落成塊豬肉咁，而且一啲味都無！幸好有啲九層塔，又加咗青檸同辣椒好返啲，個粉正常！但份量少得可憐，食完好似無食過咁⭐️ 越式春卷 好似春卷唔太差，上枱熱辣辣，佢餡唔太多，個皮係網狀，好脆口鬆化$80價錢中等，味道中等，性價比中等😂#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #vietnamesecuisine #vietnamesefood #pho #noodles #相機食先 #灣仔美食 #越南菜

係灣仔睇show之前就梗係要醫肚去咁貓眼睇排長龍就轉食其他，見到依間唔錯就試吓佢$80有一碗麵加嘢食好似幾抵就試吓。但叫完見到單點係$60，早知唔飲嘢仲要杯嘢食好細杯🥹我就試咗海南雞撈檬 加埋 米紙卷同木瓜沙律。撈檬個份量都唔細，而且配料都好足。味道唔錯幾好食，海南雞幾滑米紙卷就一般，同撈檬個配搭差唔多😂😂木瓜沙律好夠味，好好食。配埋清清地既撈檬一流因為我叫咗餐就叫咗檸檬特飲，佢有配埋香茅係面。不過飲落似道地柑桔茶🤷🏻‍♂️杯嘢要廿蚊就有啲貴，但可能係灣仔區算平店鋪環境比較細，要去咗cashier俾錢叫咗嘢食先。枱面既配料全部都有蓋，衛生環境好好👍🏻

處於喜帖街附近既越南小店。越男，經過去試下價錢合理，小食超水準，不過肉就一般要進步下~ 門面係湖水綠色，好乾淨，坐得幾舒服有飯有包有pho 有幾張4人枱同bar枱，order要入cashier叫，店員再送來叫咗個牛pho ~ 湯底都好濃，但牛肉質地有d偏硬咗少少另外叫咗個燒脆豬腩肉pho ，但係成個肉偏硬同乾身，但個粉就好食，希望處理主食肉類會進步下~仲叫咗越南咖啡一試，偏苦小小，好有特色另外有2個小食… 套餐跟2個春卷同叫咗2個牛油雞翼，尤其係個炸牛油雞翼好脆口，非常多肉汁，好推薦！

.囍帖街隔離嘅一間隱世越式餐廳🇻🇳原來已經開咗6年，聽聞個老闆超鍾意食越南法包🥖當年特登飛咗去蜆港會安新城做參考指南，餐廳入面所有嘅裝飾都係由越南會安運送嚟香港🏮仲帶埋當地最好食嘅海南雞同發包食譜返嚟👏🏻.地點唔難搵，同bake house 係同一條街！！🤣🤣餐廳成個格局一目了然，坐位方面夠闊落👍🏼牆壁上仲有長洲嘅手繪壁畫，啱晒各位打卡用‼️.▪️越式春卷 $40 • 9/10真心有驚嘉💯 春卷皮用米粉做，所以食落特別香口🤤炸得好香脆之餘，亦唔會過份油膩👍🏼.✊🏼套餐COMBO SET $80 - 主食+小食+飲品✨Day Menu before 6pm.▪️主食：香茅豬頸肉撈檬 • 8/10豬頸肉超級香口！！肥瘦適中，份量都頗多～我同朋友都幾鍾意檬粉嘅質感，有啲似粗米粉，食落好彈牙👍🏼撈檬必加酸甜魚露碌冧汁🫙再將扎肉、蘿蔔絲、生菜絲、青瓜絲撈勻一齊食，味道酸酸甜甜，好清爽、開胃、解膩～.🫔跟餐小食：鮮蝦扎肉米紙卷 • 8/10皮夠哂薄，餡料亦都好足😋基本都係扎肉、蘿蔔絲、生菜絲、青瓜絲、米粉，仲有隻蝦🍤感覺好清新，加埋魚露好開胃🤭.▪️主食：海南雞湯河 • 8/10湯河一嚟到就已經聞到好香

灣仔一向都多好野食，係利東街附近特別多正宗既東南亞菜食✨ 今次介紹一間正宗得黎又高CP值既越南菜，只此一間分店，連廚師都係越南人，夠哂地道😍餐廳裝修幾有心思，掛左唔少越式燈籠，牆身壁畫充滿會安特色，不禁諗返起以前去過會安旅遊，真係似層相識幾有feel🇻🇳 店舖唔算好大間，勝在乾淨企理，仲有Open kitchen見到廚師準備菜式，好有親切小店feel。點餐方面就好似快餐店咁，採用自助形式，先比錢後送餐。♢ 🥩會安生牛肉湯河+小食+飲品 $80冬天最岩黎一碗熱辣辣既Phở！牛骨湯頭清澈，帶有濃郁牛骨味，同時充滿九層塔芳香。生牛肉被湯輕輕灼熟，保持嫩滑口感，簡直無得彈！河粉口感都幾特別，滑溜得黎又有煙韌口感，同坊間食開既河粉唔同。♢ 🐓海南雞湯河+小食+飲品 $80一上菜就聞到香噴噴既雞湯味，雞味非常濃郁！海南雞已經起哂骨，肉質好嫩滑，份量都唔算少，男仔食都好夠飽肚~♢ 🐖脆燒腩法包 $70法包焗得外脆內軟，唔洗用力咬得咁辛苦~ 脆豬腩燒到脆卜卜，塊皮夠爽脆，充滿油脂香味。餡料仲有青瓜﹑蘿蔔絲﹑芫茜﹑洋蔥，口感豐富，整體感覺好refreshing！最正係個醬，原來係餐廳自家製火雞肝醬，鹹鹹

【越．男】上次去利東街影完相夠鐘食晚飯係附近行咗個圈發現咗呢間勁有越南風味嘅 @com_banh_mi見價錢又唔係好貴就入咗去試下🇻🇳.🍴會安生牛肉湯河 (套餐) - 💰80最怕有時d越南餐廳叫生牛肉湯河上菜時d牛肉會熟曬老曬，但呢間d生牛肉上菜時仲係半生熟，肉質偏嫩，有4️⃣大塊左右，唔會好厚又唔會太薄；牛肉湯都好香濃，河粉都算大碗又彈牙👍🏻鐘意既仲可以自己加小米辣、青檸同香蒜粒，係係香港食到幾好味既一碗Phở🍜🍴香茅豬頸肉撈檬 (套餐) - 💰80豬頸肉有6️⃣大塊，超厚肉，肉質口感無誇張到真係煮得超軟熟，唔會痴牙🐷檬粉超級彈牙，仲有好多扎肉絲、青瓜絲、生菜絲同蘿蔔絲🥕每次食撈檬都必落甜酸醬同魚露，全部夾埋簡直絕配🌟🍴香蒜牛油雞翼 (追加小食) + 💰20食過最香蒜頭同牛油香既炸雞翼🐔雖然好多油好邪惡，但炸到外脆內軟，超好食！就算擺耐咗凍咗都唔依然係好脆好多肉，簡直係惹味又香口🤩🍴鮮蝦扎肉米紙卷 (追加小食) + 💰30食越南野必叫小食🌱米紙薄薄地唔會包到好厚，煙煙韌韌，餡料似檬粉，大蝦彈牙，好清新既感覺🦐🧋檸檬特飲 (套餐)檸檬酸酸甜甜又開胃，食食下覺得好肥膩又可以中和一下，好fresh

灣仔地道越式小店 • 推介卜卜脆燒腩法包🇻🇳 —🥖脆燒腩法包 $90法包烘得香脆 唔係咬到上顎痛嗰種😆脆燒腩層次分明 類似中式嘅燒腩仔🐷 油香十足🤤同傳統嘅越式法包一樣 配料有肝醬 酸蘿蔔 扎肉 芫荽🌱 如果再加啲辣就更加正🔥.🥗木瓜沙律 $20套餐加$20就可以要一份小食✌🏻沙律材料好豐富☺️ 有青木瓜 青瓜🥒 紅蘿蔔🥕椰菜絲同粉絲 醬汁酸酸辣辣好開胃😋—評分📈味道 7.5/10性價比 7.5/10—🏠越．男📍灣仔大王東街28號地舖

越南菜最鍾意食就係Phở😚去開灣仔行街見到呢間好多人食見到食物吸引而且價錢又幾合理🤩決定入去試吓睇吓好冇食😎🐔 海南雞湯河粉套餐 $80套餐係包埋飯品$80✨越南嘅Phở係用大米製成濃郁湯底配上生芽菜同香葉Phở口感嫩滑有咬口海南雞肉質鮮嫩結實🐮 會安生牛肉河粉套餐 $80牛肉湯味濃郁惹味重牛骨味睇得出用咗好多時間熬製牛肉肉質偏嫩可口配上口感豐富嘅Phở🤩令人食指大動😋✨🫔 越式春卷 +$20套餐加$20有四件都幾抵食外脆內軟嘅酥炸春捲內餡有各種配料如蘿蔔絲肉絲木耳豐富口感味道酸甜開胃😋

囍帖街旁邊大王東街隱世越南蜆港會安風味小店牆身仲有手繪越男壁畫老闆專登由越南運來紅色燈籠做店舖裝飾門口有電單車經過真係有啲越南feel食物可以叫餐 灣仔區囍帖街附近價錢算好抵食會安生牛肉河越式春卷西柚汁越式去骨海南雞飯鮮蝦扎肉米紙卷熱香茅檸水老闆搵左當地最好味嘅海南雞食譜返黎海南雞肉質鮮嫩每一隻海南雞都係會特別浸雞加上特別醬料 完全唔同泰式食法十分特別 值得一試

🧡越·男🧡呢間越南餐廳位於灣仔大王東街算係一條比較清靜嘅內街夜晚一枱頭望就見霓虹燈招牌💈裝潢行越式嘅Vintage風入面有平時嘅坐枱或者高枱高櫈兩位廚師都係正宗越南人偷聽到佢哋同老闆娘用越南話講嘢食物方面叫咗六點有優惠嘅set有一個主菜一個小食同埋一杯飲品1·越式香茅豬扒湯河2·蒜香牛油雞翼3·檸檬特飲香茅豬扒湯河嘅份量唔算多豬扒亦都比較細碟 唔係好食到香茅味🥹湯入面都有好多唔同嘅香料但味道偏小鹹 好彩夠熱辣辣河粉都好夠滑有咬口反而蒜香牛油雞翼好食😋粒粒蒜頭仔加香濃牛油味🧈炸得剛剛好 又惹味又香口肉啱啱好離骨唔鞋 而且仲係大大隻！檸檬特飲🍋酸酸甜甜幾好飲配搭湯河小食可以中和返解膩上面仲有2小枝香茅做裝飾總結呢度坐得舒服唔趕客以灣仔新開發地段嚟講晚餐set $80算係咁下次想試埋佢地嘅招牌越式法包😉😙