心粥館 (Closed)

星期六，收工遲左，由食午餐變下午茶餐牌，以下午茶黎講都算貴，諗住試下無防天氣太熱了，叫左凍飯加2蚊，豬軟骨酸酸甜甜幾好味，唯烏冬同菜太少，肉汗都好多，下次都係轉飯會好D。

今日一試心粥館早餐，又唔錯喎。餐蛋治餐肉夠厚，唔似其他餐廳薄切，蛋係即炒，夠熱。重點係價錢算係平，餐蛋治加野飲都係$23。美中不足係餐廳人手不足,成間餐廳基本上收銀，執枱，送餐得一至兩個人，有時等得比較耐。

心粥館有好多款下午茶，其中粥品25蚊一碗。呢碗皮蛋瘦肉粥皮蛋切塊瘦肉拆絲，粥品都算綿滑，佢話冇落味精都應該係，因為食落味道比較淡。想清清地一餐佢啲粥可以考慮吓。

黎到心粥館，當然要食粥。今日落心粥館食早餐。早餐選擇有中式同西式，價錢比一般快餐貴兩三蚊。都ok啦！可以接受。叫左魚片粥 ($26)，粥底算綿，仲有新鮮魚片，加入左大量薑絲令魚無咁腥，魚片都切得好薄，有魚味，清清地。心粥館的粥底，不會好像落左好多味精感，真係唔錯，無胃口去食就至啱。仲有好多不同的粥品，下次可以一試。之後追加左個炒麵唔多夠味，炒麵有少少淋，不過本身期望不太大。欣賞的地方係佢有好多菜，好健康。鍾意炒得乾身少少的。不過係好多料！

本人好鍾意食粥，心粥館開左一段時間，一直無去試，果日剛好得閒，就去試下，叫左個招牌粥，點知真係中伏。。。。叫左個招牌粥，過左幾分鐘，粥就送到。呢個招牌粥，配料有扇貝，東菇，瘦肉， 豬肉丸，海蝦球，蠔乾，豬潤，等等。。粥算份量還可以接受，兩個人食都ok...呢個粥真係令我畢身難忘，這樣質素也拿來當招牌，不知說什麼好。 吃了一口粥， 很甜， 可見味精下了很多 ,印像最深刻的是東菇有一股酸臭味， 那種味很難形容， 第一次吃到這麼難吃的東菇， 豬潤沒處理好，血腥味極重， 無潤不歡的我都無法接受，跟潭仔不相伯仲。 海蝦球沒有味，只有扇貝有點味道。 其他配料也只屬一般，沒有驚喜。只有驚嚇， 酸臭東菇+血腥潤 ..........同旁的一個年輕人， 看他的粥只吃了一點，就去埋單，眼看本人這煲粥， 有種說不出的感概， 快快趣趣吃完2顆豬肉丸就離場。 離開時沒有一點的倦戀，心想，沒有下次，88

將中新開...先叫撈烏冬,份量雖小但肉醋味不錯不油膩，配兩粒細細雲吞，細粒小小但蝦肉爽口，唯獨湯底味精重左D. 豬較骨飯亦可囗，豬肉林且入味，但小汁唔夠撈飯...$30—40份餐連熱飲算不錯，foodcourt都未必食到，推介熱冬瓜茶，清甜