Video
3-min walk from Exit C, Sha Tin Wai MTR Station
continue reading
Telephone
36202633
Opening Hours
Today
06:30 - 22:00
Mon - Sun
06:30 - 22:00
Above information is for reference only. Please check details with the restaurant.
話說我今早想買一打素餃，佢話得返3隻，未包得切，我話照要，佢啤一啤我，我話3隻素餃，其餘9隻我要沙葛豬肉餃（心諗唔係唔得啩，係你自己唔夠素餃）跟住我見到有芫荽餃子（以為入面淨得芫荽）我話有芫荽我要芫荽啦（因為食素嗰位朋友都可以食）跟住我先見到芫荽餃子入邊原來有豬肉，跟住我話咁我唔要喇，要返沙葛豬肉餃，期間已經不斷講唔好意思，佢即刻好呼喝咁大聲話我：「咪同你講咗所有餃都有豬肉囉。」跟住我話咁我聽唔到嘛，啲態度可唔可以唔好咁差？😡😡唔怪得佢哋啲生意越嚟越差，以前都見到好多人排隊買，而家都係得零星幾台
continue reading
呢間野越黎越差，以前買碗醉雞米線啲雞都啖啖肉，近呢兩次買既多數都係骨多，可能外賣既關於啦。呢樣都算啦，之前堂食加10蚊有青瓜海蜇一碟，今日諗起食過都ok就叫屋企人買碗米線加個青瓜海蜇，用個大大個盒裝個唔知加埋有無一條青瓜分量既青瓜，海蜇呢都有4條既。最大問題係38蚊+1蚊個盒，成40蚊買碟咁小份量既青瓜海蜇真係第一次見，唔講以為青瓜好貴，又無乜味既，感覺係似無呢樣小食見有人買想賺果幾十蚊那那聲整咁。😮💨😮💨😮💨真係好失望，咁樣做街坊生意。
continue reading
生餃包裝盒請不要再用釘書機封口！！拆開包裝極不方便，亦有機會整傷手指，另外想提一提，如果老人家幫襯，視力唔夠好，煮埋粒釘入去，誤吞卡住喉嚨就出事啦，請考慮包裝改用橡筋不過都讚一讚，餃子足料，味道ok，價錢公道👍
continue reading
上星期五（10月13日）去咗沙田博康邨做嘢，午飯時間，隨著人流，嚟咗沙角邨商場，兜兜轉轉，左揀右揀之下，嚟到呢間起街市旁邊，舖仔細細（目測最大容納人數少於卅人），唔多起眼但選擇多多嘅舖頭，叫咗個藥膳醉雞米粉，加碟炸魚皮，轉配熱菠蘿青檸蜜，合共$68。藥膳米粉，湯有當歸味，可能太多紅棗緣故，味道偏甜，唔係我喜愛嘅藥膳味，醉雞無酒味（正常嚟計係要有花雕酒味），而且肉質唔滑，絕對係敗筆之作，實在太懷念已摺埋起聯和墟嗰間陳黃記嘅藥膳魚頭同花雕醉雞啦！炸魚皮夠脆，但我嫌太碎，可以大塊啲就仲好。菠蘿青檸蜜，蜜味過濃，蓋過菠蘿同青檸嘅味道，一試無妨，再試就咪搞。總括而言，呢餐味道不過爾爾，而價錢略貴。
continue reading
呢間位於街市嘅小店之前都試過堂食，個藥膳雞都好好食！不過今次係想介紹佢哋嘅餃子☺️有好多唔同嘅款可以比你mix & match，愈買得多愈抵食，店員話如果放冰格仲可以放兩個月～我自己比較偏好芹菜嘅香味，所以買咗呢個芹菜豬肉餃(生餃~$3/隻)🥟☺️皮算幾薄，不過有輕微爆皮狀況，媽咪話係喺盒時痴住所以爛咗，試過有店員會幫我哋撲啲粉上去，效果會好少少～餃子嘅餡真係好飽滿！啲芹菜有少少爽口，好香，仲加咗木耳，令到成個餃子唔會好漏～我仲可以食哂一打添😋如果唔鍾意芹菜嘅都可以試吓其他味啊！
continue reading
You may be interested in