煮你隻蜆 (Moved) New Location

見ig咁多人推介就今日去試下，未食過，店員嗌左原味爆蒜，問我加唔加粉絲，我見有王子麵，未聽中，就問可唔可以加王子麵，店員話無問題，等左約15分鐘，一食，咸到想講粗口，啲蜆還可以，都大隻，但有幾隻有沙，但個湯同啲麵真係咸到爆，兩個字，難食，可能我真係唔識欣賞，同唔習慣食咁咸，同埋分量真係小得可憐，50幾蚊，好唔抵食，一啲都唔飽肚，就算想掃街，葵廣有更多其他選擇，是次真係中伙，個人嚟講，無下次。。。。。

小店嘅舖位真係好細而且係幾間舖夾住咗所以都好隱蔽下😗建議大家望住舖頭號碼揾🙌🏻食嘢可以行開少少食因為個度真係幾迫😂🔸蒜蓉牛油蛤仔麵+金菇 $55+$4蜆大大隻仲要有好多隻,大約應該10幾隻🤩蜆係新鮮蜆仲要係冇沙,得一隻食到沙😳真心好驚喜!!!而王子麵係重點吸哂所以精華🫶🏻第一啖食到牛油味🧈然之後啖啖都係好重嘅蒜味,蒜控表示十分滿足🧄如果加多$4多蒜應該更正💦而今次另外加咗金菇都係超夾吸哂蒜味💫

比社交媒體網站 POST吸引左 去葵廣掃街之前一早bookmark定呢間一定要去試鋪面太細有d難搵 係葵廣最底果層兜左大半個圈先搵到雖然係堂食 見到明明有枱但冇比位我地係鋪頭食而係叫我地拎住熱辣辣既紙兜上一樓搵位食 係人來人往既葵廣入面穿插 有d危險🥲叫左原味爆蒜湯蜆 $44  再加$4金菇首先湯蜆味道正常 有蒜味但爆蒜呢🧐唔覺有有9粒蜆 蜆肉嫩滑 都算大粒冇沙 粉絲同金菇份量就有d少 要加錢先有金菇仲要得咁少唔太抵掃街樣樣都試下既話  overall呢個份量係岩岩好 仲有位再食下一樣野但如果係諗住淨係食呢樣做lunch/dinner既話就要諗諗啦 好大可能會唔夠飽 

今日去到葵芳探朋友，探完朋友之後呢就搵嘢食啦，去咗葵涌廣場，重拾掃街嘅味道 ，上網睇下有咩新舖頭開咗，就彈咗呢間出嚟，仲講到話葵涌必食㖭，有冇咁誇張呀，於是乎就跟住個名同埋個門牌去搵呢間舖頭，搵極都搵唔到，行咗幾個圈終於搵到啦，原來佢唔係一間餐廳，佢只係一間外賣店，而且門面仲要好細間，咁辛苦搵到一於試下佢 ，佢有幾款蜆湯嘅，例如香茜、蕃茄、白酒等等唔同味道，強調係台灣夜市嘅口味，我揀咗一個爆蒜蜆湯 ，加咗粉絲同埋金菇，都幾大碗，幾飽肚，不過蒜茸就冇想像中咁多，蒜味唔係好夠，但係個湯飲落都幾清甜，以掃街嚟角度講都算 OK 嘅。

呢間花甲粉個位置都比較難搵，係條窄巷入面，花甲粉有唔同既款式可以嗌，今次我專登揀左呢款有台灣王子麵既，好正～  1⃣️蒜香牛油蛤仔麵（$55） 見到既時候第一下係覺得份量有啲少🙈以$55黎講會expect多啲。不過講到味道係真係唔錯既。蒜味同牛油香完全滲透曬係碗王子麵同埋啲金菇入面🤤另外啲蜆隻隻都大粒多汁，食落清甜一啲沙都冇👍

毛毛蟲又去葵廣搵食，老公蟲想試依間”煮你隻蜆”﹐就一起去試下啦！❶ 店面店在葵廣最下一層的小巷中，唔識路可能要搵搵。店貼滿mirror 同collar的poster同相。好適合fans來睇下。❷蒜味煮蜆+粉絲$53第一次食，試下餐牌上放在第一的蒜味煮蜆，留單時店員問需否加粉絲，所以加埋粉絲(+$8), 店員會問是否在這裡食還是拎走。❸蒜味煮蜆+粉絲$53因為我係拎走，打開先發現拎走會分開粉絲和蜆和湯。先試下D蜆，數了一下大約有10隻不小的蜆，蜆幾鮮甜。湯和蜆有小許蒜味，但毛毛蟲會想要再濃D。粉絲要放返入D湯弄返散佢，加落湯幾好味。份量比較小，就算加埋粉絲都唔多，當成小食會適合d。🐛推薦指數美味🌕🌕🌕🌑🌑抵食🌕🌕🌕🌑🌑環境🌕🌕🌕🌕🌑回頭🌕🌕🌕🌑🌑店舖資料🗺葵芳葵富路7號葵涌廣場地下A73-1號舖⌚星期一至日 1300-2100#hkfood #hkgoodies #yummy #foodiehk #foodblogger #eat#毛毛蟲美食 #香港食評 #葵芳美食 #香港美食指南 #食好西 #食好西系列

煮你隻蜆💛蒜香牛油蛤仔麵 $55加配甜不辣 +$22人均消費: $38.5 (2人) -蒜香牛油蛤仔麵🧄🧈🍜啲蜆大約有8隻成個雖然好蒜蓉 好香牛油味🧄🧈但係好鹹🥺入邊除咗有蜆 仲有金菇 不過有樣嘢唔方便搣完嗰啲蜆嗰啲殼唔知擺去邊🤷🏽‍♀️因為佢個兜都比較細個佢嘅麵係用咗台灣嘅王子麵🤴🏽麵質唔會話太有彈性 咬口但係又唔會話淋啤啤佢係偏淋身嘅麵係介乎有啲似合味道至公仔麵之間嘅麵質啲麵有啲扁 但又唔係好扁其實佢嗰個碗都幾細所以$55嚟講 都算貴CP值唔高 未必想再試🥺(不過其實我都有啲想試🍅湯 配粉絲)·甜不辣🐟要等耐啲 因為即炸🔥份量都唔少嘅🤤有啲煙韌 偏薄身佢煙靭到應該可能係落多啲糯米粉個粉狀顏色冇咁白 會有啲透調味方面係椒鹽 好重椒鹽味🧂有啲鹹🥺·以上評價 同🐱一齊寫所以帶返頭盔先👷🏽 -22/9/2022 ate佢個位置有啲kick佢嗰個佈置真係有啲似台灣夜市嘅攤檔😚雖然檔口比較細不過擺咗好多collar mirror error嘅應援😝-好味程度：🌕🌕🌕🌑🌑抵食程度：🌕🌕🌑🌑🌑環境靚靚：🌕🌕🌕🌕🌑服務態度：🌕🌕🌕🌑🌑會回頭率：🌕🌕🌑🌑🌑·#od葵芳覓食之旅 #od食掃街 #od食台灣

$44蚊9粒蜆    🥶員工都幾冷漠 蜆味道可接受 但食完非常口乾 份量小得驚人加8蚊菜都係得小小 $52蚊 葵廣實在太多比佢好食同飽肚既選擇女仔食都完全唔飽肚🥲🥲🥲🥲🥲

叫咗蒜味蜆+粉絲（要加$8，小貴）味道肉質正常，但少少沙帶微微蒜味，唔係爆蒜蜆份量好少，得7-8隻一拎個時仲以為我叫既係粉絲加蜆肉🫠少到咁同上網睇相完全唔同🤔食物一般員工服務態度一般 回頭率 0/5

葵芳隱蔽台式夜市煮蜆 呢間個人試完勁鐘意 有驚喜 但位置真係勁隱蔽 係唯一麵食後面 平時去開二三樓搵食既我表示 完全唔知佢嘅存在 場內大量應援佈置 今次見到佢地有得食蜆拎應援物 都幾多人支持 keep住有唔小客人 今日記錄下（餐牌睇圖）.⭐️蒜香牛油蛤仔麵$55😋出品勁惹味 個汁勁重牛油蒜蓉香 醬汁收得比較緊😋所以蜆同王子麵 都沾上濃濃醬汁😋除此之外因為用左牛油 王子麵勁滑但正因為重口味 蜆甜味就唔太覺.⭐️香濃芫荽湯蜆$44👌🏻芫荽都幾重手 芫荽味明顯 湯底清甜聽店員講 每碗大概8-10隻蜆視乎當日蜆來貨既大小😋呢個蜆甜味明顯好多👍🏻感受到佢哋嚟貨新鮮.⭐️爆汁雞腿卷 跟餐$20呢個都好特別 咬開真係做到爆汁😋外層有雞皮包住 入面雞髀肉好Juicy .#hkfunfoodrecord窮遊香港#hkfunfoodrecord_葵芳#hkfunfoodrecord黃店.#煮你隻蜆 (葵芳) @cook_your_clam 地址：葵芳葵富路7號葵涌廣場地下A73-1號舖.⭐️評分：味道：4.5/5 蒜香牛油屈機環境：2/5 主做外賣 只有一個小小高枱位置服務：3/5 抵食：3.5/5.‼️想睇更多

蜆肉一啲都唔新鮮好梅$52超級少，少都唔係問題係好難食鹽水味 乜都無真心好hea 一行到埋去，就有啲大聲咁講「有咩幫到你！」真係好少寫食評，嬲都要寫食評千祈唔好幫襯佢

老闆用心研發嘅冬瓜香菇湯蜆好好味呀～個湯好鮮甜，食得出用咗靚香菇整，香菇嘅口感好嫩滑，好有香菇味，非常清甜。一問之下先知道呢個冬瓜湯老闆係完全冇落味精，之所以咁清甜全因為佢自己研發用咗五個冬瓜去煲呢個湯，香菇係自己親手揀選嘅，每日朝早都會去街市選購，用料全部都係即日買即日煮，有剩嘅食材佢係唔會留過夜，所以個湯底先至會咁清甜，啲蜆肉先至可以keep住咁新鮮咁嫩滑。咁又係，如果落味精嘅話就唔使用五個冬瓜都會好味啦！夏天食又消暑又解喝，加埋彈牙爽脆嘅金菇，簡直係完美嘅配搭！原來好多keep fit嘅人都會嚟呢度買返屋企做晚餐午餐，因為蜆肉係低卡嘅！最後我想講嘅係，我幫襯咗呢間店好幾次啲水準都好高！每次食之前都會數下每次都有10隻蜆，全部都好大隻好肥美，而且試過其他口味啲蜆肉都係好鮮甜好夾啲湯底！食得出老闆真係好用心花咗好多心思同熱誠去主理呢間食店，所以我每次嚟葵涌廣場都一定會嚟幫襯！第一次見覺得老闆個樣好似有啲惡，如果佢唔講嘢都幾cool下。但慢慢同佢傾吓計發現原來佢個人真係好Nice！老闆勁鍾意Mirror！我鍾意嘅係Error, 但16子無分你我，當然都可以傾得好投契啦！望多啲人發現呢間

之前喺IG睇到推介，本身又鍾意食蜆所以走去試吓，一係唔食，一食真係食過返尋味！就係咁我幫襯左差不多大半年有多，每次都係份量十足！不多不少10隻大大隻嘅蜆！基本上起碼有五隻左右係肥美到差唔多出界嘅卜卜蜆肉！其餘嗰啲size都唔係好細隻。而且每次啲蜆肉都食到佢嘅鮮味，冇一次失準。食得出老闆係幾咁用心去料理。尤其是「蒜香牛油蛤仔麵」。聽老闆講佢係引用台中夜市嘅蛤仔麵原味道，我從來冇食過咁好味嘅王子麵，出面食唔返真係唔知點算！再加上爽脆嘅金菇，成件事真係好完美！另外，老闆好Nice好友善，其實從佢嘅食物質素已經食得出佢份人嘅用心同真誠。希望多啲幫襯呢間良心小店！

朋友鍾意食蜆，呢間專門食蜆就來試試！叫左個白酒牛油蜆（$44）店內果時有兩個人食緊野，已經無地方食。食物好熱，用手托住食好唔方便。呢個價錢蜆唔多，唔係特別大隻或好味，配料都好少。再加其他配料又要再加錢，呢個價唔抵

叫左原味爆蒜，加左$8加粉絲，味道正正常常無咩特別，蜆唔係特別新鮮⋯性價比唔高。加上店員態度麻麻，明明舖頭有張枱可以俾人堂食，但都唔俾我地用，最後要全程企係度拎住個熱辣辣的膠兜食。希望可改善一下！