媽咪隨意屋 (Closed)

其實深水埗長沙灣一帶都好多好嘢食，今日行開長沙灣，特登去幸福商場試吓呢間餐廳。呢間餐廳比較自助形式，入到去搵位坐，叫嘢食要出去俾咗錢先，之後店員會將嘢食送到去你枱面，嘢食方面價錢比較大眾化，同埋款式比較多係近東南亞嘅美食。我叫咗個媽咪滷豬仔比飯，已經起晒骨，啖啖肉好好味，配埋個泰式酸甜汁，好夜魅，加埋隻半熟蛋，啲蛋汁流落啲飯度好香，另外會有啲菜係側邊，食落去唔會咁肥膩。另外加咗份薯條同雞翼，啲薯條同雞翼新鮮炸起好香脆可口，不得不提嘅就係佢哋另外會有好多種唔同嘅味道選擇，就好似shakeshake粉，自由配搭。到最後真係好想講下個男店員，個男店員真係好細心，有時佢會同啲客人傾偈，有啲客人坐喺位嘅時候，佢會特登痞低啲就返客人嘅高度同佢傾偈，另外佢都會特登走過來同客人介紹吓個菜式，你下真係俾

平時都好少黎長沙灣食嘢，咁啱行開呢度，有間舖頭幾得意，都幾多人，同埋啲嘢食好似好吸引，所以就入咗去試吓。呢度嘅模式係先落order，再搵位，有個後生仔係收銀嚟嘅，唔知佢係咪老闆，勁好禮貌，可能因為得佢一個人，所以忙到踢晒腳，但係佢煮好啲嘢食同嘢飲都會親自拎埋位俾你，真係好貼心。叫咗個香葉炒肉碎飯，好惹味，先講份量，啲飯其實兩個人share食都夠，肉碎可以揀辣又或者唔辣，鹹味剛剛好，再配埋菜同蕃茄，完全唔覺得自己食咗好多肉，肉碎撈飯真係好好食。之後陪左份小食，薯條新鮮炸起，香脆內院，雞翼外皮好脆好香口，以呢個價錢來講真係唔錯。飲品叫咗杯藍色多瑙河，配埋檸檬攪勻一齊飲，唔會太甜好好味。

清明節冇山拜，兒童節胃弟又大個咗，不過都照出去循例慶祝吓啦，去長沙灣咁街坊嘅地方應該冇咁多人啦，快閃食個飯先通常個街坊生意都會有印花儲吓顏色同味道都好泰式呀跟餐加$11就有特飲一口豆腐確實好脆口，仲要幾香椒鹽味仲有唔同嘅調味試吓呢個天氣飲熱檸水就最啱大胃之母唔使$50，就有個高質炒肉飯個蛋仲有流流地心湯粉可以揀湯底，冬陰公湯去吓濕都幾好，難得佢地熬到幾入味幾地道另外大胃就揀豬骨湯，味道豐富又唔鹹口，飲落舒服，應該冇加味精麵底絕冇渣流灘，實淨又入味，配料又豐富，$43真係好化算老細服務態度又殷勤，其實做長沙灣嘅街坊都幾幸福吖

晚上七點多走在長沙灣的街頭，碰上了這家泰式食店，也許是疫情的關係，店內並沒有很多客人堂食，但外賣的也有幾人在等，決定就試一下這家。看餐牌時(相信是老闆娘吧)，用一對友善的眼睛和聲音向我們介紹不同的食品，順著介紹，我們就試了一湯粉一飯和一些串燒。總結，食物美味，價錢公道，招待友善。無得輸。。。直得推薦！！

今日是我第二次去幫襯這間泰國小店，我仍是點了鮮蝦冬陰功船麵，這碗冬陰功味道真的十分正宗，食材新鮮，湯底濃郁，完全沒有味精，很有去了泰國的感覺， $48這個價錢完全合理，在外面這個價錢一定吃不到這個超水準的冬陰功，再配以特飲青檸碟豆花梳打，真是絕配！ 朋友點了香辣炒肉碎飯，也是相當出色，飯可選大，中，小辣，我們點了小辣，味道相當不錯，也是十分正宗，份量很多，我們還點了凍奶茶，奶茶很香滑，P.S老闆娘十分親切，很用心招呼每一位客人，令人食得很舒服，而且環境乾淨，座位闊落

最近在長沙灣附近覓食，無意間見到呢間媽咪隨意屋泰國菜。睇咗個menu覺得價錢合理，食物選擇都幾多，所以決定試一試先。呢間泰國菜就係元州商場落地玻璃門內，位置比較容易搵到，可能過咗一點放飯時間所以下晝開始比較靜。貴店位置寬闊，過咗一點之後冇咩人，比較靜。套餐抵食，都係$60以內包嘢飲，算是平價泰國菜吧？下午茶餐好抵食呀。學生餐再有85折優惠我嗌左一個Set，有奶茶、肉碎煎蛋飯然後再加錢叫了一份牛油燒粟米，等咗冇幾耐食物已經好快送到。蛋煎得剛好唔會太過熟，而肉碎內加了九層塔，所以更香更加惹味。燒粟米好香牛油味。由於即叫即整，所以都要等10分鐘至15分鐘先有得食奶茶夠滑，味道ok，但唔似係泰式奶茶。

餐廳主打泰式輕餐，有泰式粉麵飯、串燒、炸物、泰式特飲等既選擇。餐廳選址開揚，裝潢簡潔，設有大約十張枱凳，帶有絲絲溫馨既感覺。叫左豬牛一家親($48)，主食加$10有小食，亦可以加配飲品。一家親有豬肉片、豬肉丸、肥牛片、牛丸。肉片非常大片，而且丸物係手打而成，爽滑彈牙，值得一試。仲有d蘿蔔、炸豬皮點綴，令成豌麵配料十足。泰式船湯底超濃郁清甜，用左好多種泰式香料同豬骨熬製，而且主張無添加味精，令到吸湯既河粉味道升華，香口十足。主食加$10可以加配一份串燒/半份炸物，今次點左椒鹽一口豆腐(原價$25)，上面灑上大量蔥花同炸蒜，質感外脆內軟，而味道有少少似臭豆腐。炸蒜香口，食完成個口都係蒜味。主食亦都可以加配飲品，蜜桃梳打(原價$22)只係需要加$11，賣相一流，甜度適中，飲完感覺清新怡人。總括黎講，餐廳食物價錢適中，食物質素高，有主食亦有小食提供，外賣亦都好方便。

經過元州商場見到依間媽咪隨意屋，本身以為係食住家飯，點知原來係泰式餐廳，見到餐牌幾吸引，又有唔少人等外賣，依是黎到依到食番餐。餐廳位於商場嘅open area，陽光充沛，非常舒適~首先點咗主食 泰式牛肉金邊粉 配冬陰公湯($43)，最令我驚喜嘅係個湯底，香味濃厚，酸酸甜甜，係用咗香芽同其他香料熬制而成，仲有蕃茄同菇類，非常開胃，飲哂成碗都得！配料有肥牛同埋牛丸，而金邊粉亦都十分爽滑，成碗麵只係需要$40可以話非常抵。串燒司華力腸(套餐+$10)，竟然係一整條，非常猛料，焦脆嘅外皮包住軟實嘅肉，配上泰式辣醬之後惹味十足。菠蘿蝶豆花(套餐+$11)，蝶豆花營養價值豐富，因為係藍色所以製作出黎嘅飲品都有種魔幻嘅感覺，依杯蝶豆花一層藍色一層黃色，打卡一流，仲可以飲得健康！

老闆服務態度好到吾識形容。三十幾蚊可以食個超足料既下午茶，船面，而湯底、材料亦都吾少野，無得輸。我亦都點左個冬陰公泡飯食，吾算好辣，亦有蝦味都不過係$52蚊。串燒一流，肉質嫩滑，串燒不過係15蚊，熱辣辣，醬汁吾會太多。再配埋一杯特飲，真係解渴得黎又好飲。老闆成日都會轉吾同既特飲，今次係蝶豆花青檸菠蘿，非常好飲。老闆亦都話會不斷試下吾同款式既食物，都令我非常期待，果然如其店名，媽咪隨意屋😂😂下次一定會再食，有驚喜！

長沙灣深水埗區不嬲都有好多又平又好味嘅美食，今日幫人補完習就係附近同朋友去咗依間係元洲商場嘅媽咪隨意屋👍🏻位置好方便，係C2出口行幾分鐘就揾到個商場，住附近嘅街坊應該唔陌生😆先講講店鋪，雖然唔算好大，但空間感係絕對足夠嘅！有高枱同矮嘅枱，仲有靠窗對住街嘅位置👍🏻一般去收銀點餐，叫number攞食物，但店員態度都頗友善，會主動將食物攞到去你嘅位😊依家餐廳仲會俾儲分卡，去咗5次送串燒，去夠10次送船粉！👍🏻我叫咗一個套餐（泰式牛肉船粉加荔枝梳打特飲），再點咗一份泰式牛肉丸配沙嗲醬。朋友就點咗泰式蝦球涼拌粉。牛肉船粉都幾大份同多配料，有肥牛片、牛丸、白蘿蔔、生菜、芽菜同邪惡既炸豬皮。河粉比較淋身同飽肚，湯底係偏重口味嘅，但加翻啲菜同河粉一齊食就唔錯！我個人對燒物比較滿意，建議大定趁熱食！牛肉丸燒完就咁食都好夠味，配埋沙嗲醬就另一番風味！

一場嚟到元州邨就見到有一間新開的餐廳。咁啱個五臟廟要 醫下佢。餐牌多幾多選擇下， 油麻辣肥牛煲 又有豬肉煲傳銷都有好多選擇我就叫咗個豬肉丸金邊粉 加多個雞肉串燒沙嗲醬金邊粉爽口彈牙又唔係太笠， 湯底清心可口 完全冇味精成分肌肉型非常之 爽口彈牙金邊粉好幼嫩 仲有菠菜 田園氣味優質可口的沙嗲雞肉串燒 香噴噴好好味即叫即沖冰鎮奶茶 又係完美的一餐一杯涼糖心的凍奶茶即叫即燒的 串燒地方闊落清潔 準時消毒餐牌有好多選擇 又有下午茶餐

難得天氣晴朗就出街食下嘢，好耐冇去元洲商場，睇到這邊有新店鋪，環境乾淨又有天然陽光，就坐入去了。感覺上有點似food court，座位不多，間隔也寬闊，可以享受一下私人空間。抗疫期間還提供了消毒用品，可以安心享受食物。遲左起床有d餓，雖然有抵食嘅下午茶不過都係叫左個午飯全餐。青咖喱豬頸肉飯+藍色多瑙河特飲，還有泰式香腸(後上)豬頸肉雖然烤得有點乾，但表面香脆，肉質爽脆彈牙，醃得也入味卻不會太鹹，蘸到青咖喱味道很豐富。沒有預期會有嘅煎蛋，蛋黃還是流心的筆者認為嘅碟頭飯最美味食法，就係每款餸同汁都撈埋同一啖，夾唔夾就睇呢啖。而呢一啖青咖喱豬頸肉再加蛋黃嘅飯味道就好調和，咖喱嘅辣味有蛋黃降低，蛋黃染到咖喱又有唔同嘅味道。小食嘅泰式香脆，咬落去口感味道都好豐富，有濃郁蒜蓉味嘅肉汁。份量都唔少，好粗下。泰式食物味道豐富，又辣辣地，配埋凍飲就最好。呢款特飲顏色好鮮艷，筆者自細就對呢類色彩繽紛嘅飲品情有獨鐘，出色嘅係佢唔係成pat有色糖漿，甜度較少又好清新，解食完嘢嘅渴一流。例牌嘅完食照片，珍惜食物不要浪費。少有嘅泰式食物店鋪可以有咁舒適自在的環境，而食物又好有家的感覺，尤其是那隻荷包蛋，的確呼應

星期六，放假就周圍揾野食啦又😂元州街真係好正 成條街都係餐廳！如果住樓上就好啦！一跳落樓就有好多野食！一路行，一路揀⋯揀左呢間媽咪隨意屋～主要係食泰式食物既！小店黎既～一入去餐廳，覺得好光猛，因為係商場出入口，周圍都係玻璃窗，都幾舒服！欣賞完餐廳個殼，梗係要點野食啦！我地去到係下午茶時間！我叫左個鮮蝦球船粉配司華力腸加杯荔枝梳打！一見到碗就覺得好好食😂貌相十分吸引！紅當當，不過心諗會唔會好鬼辣😂食落好彩吾多辣，偏酸多啲！好醒胃！司華力腸吾需要多講啦😂😂男朋友就叫左青咖喱豬頸肉飯配雞軟骨加藍色多瑙河我都偷食左個咖喱，好好味咼～勁好送飯！豬頸肉又烤得岩岩好，好惹味！個雞軟骨，本身仲想話個樣吾係甘好睇，點知我係狂夾黎食😂😂😂每個餐都係50左右，都幾抵食👍🏼

自上次係元洲邨試過附近間麵皇之後，經過商場有間open area 既泰國小店。終於有時間同我大人一齊去試下呢間小店。呢間係商場入面Open area既餐廳，係採用快廳店形式。當日唔太多人，坐得闊落。要預先去收銀點餐買飛，之後搵位坐好，野食會有工作人員送餐，呢個係相當方便我叫左青咖哩豬頸肉飯，炸雞軟骨，野飲就係藍色多瑙河。而大人叫左冬蔭公鮮蝦球船粉，燒司華力腸，野飲就荔枝梳打特飲。豬頸肉份量好多，青咖哩小小辣，送飯一流。炸雞軟骨望落唔油，食落去好脆，唔太咸，會食唔停。😂冬蔭公湯香茅南薑味好香，好重，味道偏酸辣，醒胃蝦球份量唔小，爽口無雪味，好大隻。麵底係河粉，唔淋，好食藍色多瑙河其實係雜果梳打，值得一試👍🏼總結：平民價錢，值得一試😀

今日放Lunch同同事去咗試呢間泰式小店 - 媽咪隨意屋。唔好睇佢舖頭細細，裝修好企理好靚。門口仲有落地大玻璃，返工放Lunch嚟relax下真係一個好選擇。我同幾個同事分別叫咗冬蔭公泡飯同豬牛一家親。特別推介嘅係冬蔭公泡飯，因為配料好豐富: 有蝦、雜菇、秋葵同椰菜。蝦大隻不特只，仲爽口彈牙。冬蔭公湯底酸香但唔會太辣，好適合香港人口味。蔬菜索哂湯底食落好野味同開胃。除咗主食，我地仲追加咗牛肉丸串燒、豬肉丸串燒、蒜香雞翼(半份)同椒鹽一口豆腐(半份)。餐廳仲安排咗醬料同調味粉俾我地配搭串燒同炸物，令人好懷念BBQ嘅感覺呢！跟餐價亦只係10蚊，抵食又過癮！餐廳仲有推介佢地嘅下午茶餐，價格都好親民，大約30蚊就有交易。下次外賣叫下午茶一定揀佢呢！