媽咪隨意屋 (Closed)

最近長沙灣多咗好多食肆，身為長沙灣嘅住客點可以唔試晒？今日就嚟到媽咪隨意屋試吓泰式風味！一嚟到待應已經問 有冇嘢幫到你好好態度🥰嗌完嘢食就要自己搵位坐有高有低 坐得舒服👍🏼叫咗冬蔭公湯嘅牛肉河粉河粉唔會太淋或者痴埋一舊酸酸辣辣咁 好開胃～牛肉份量好足一碗有至少超過五舊比起好多牛肉河粉嘅餐廳岀名同時牛肉都唔韌未去到入口即融但一定係比較淋串燒方面就叫咗豬頸肉燒得好香口 同沙嗲汁perfect match!嘢食係蜜桃特飲偏酸 開胃得嚟怕酸嘅人要慎選！$60蚊可以食到咁飽肚真係好抵希望佢地長做長有 咁我就可以成日嚟食啦！

近排成日home office, 做野做到有少少餓，就去咗屋企附近覓食。依間小店開咗一段時間，但都未幫襯過，今次就嚟食下。有套餐同下午茶餐，價錢唔太貴泰式粉麵飯，總有一款啱食。自己叫咗泰式牛肉船粉，因為喺香港食到船粉嘅機會唔多。揀咗泰式船湯，個湯底幾入味但唔會太咸，而且勝在唔肥膩。以為得幾片肉但有肉丸同牛肉，肉味濃郁。入面加咗幾多香葉，食落更有南亞風味，而且有特色嘅配料小食方面都幾多choice加$10要咗半份椒鹽一口豆腐，上菜時熱辣辣，係新鮮炸好，外面香口鬆脆，點埋特製嘅酸辣汁好好食。美味嘅晚餐以一杯香濃奶茶作結。

餐廳係快餐店形式，睇好食乜就去買飛。菜式以泰式為主，包括船河、冬蔭功、青咖哩等等，亦有其他串燒同炸物。串燒即叫即燒，炸物都係即叫即炸。店員沖緊我杯青檸梳打，仲係用泰國首屈一指嘅勝獅牌梳打水，夠晒地道。自助調味區任君選擇，除左船麵辣粉，仲有專為串燒而設嘅孜然、番茄、海苔、香辣、芝士味粉。今日食自己，揀番個望街位，夠光猛，又可以望下眾生相。餐廳話船麵湯底用左多種天然泰國香料同埋大量豬骨熬煮而成，絕無味精。先試下啖湯，香甜，雖然唔及泰國當地食到嘅超級濃厚，但以快餐店質素黎講係絕對係物超所值。金邊粉份量超多，蘿蔔非常入味，最正嘅就係鮮蝦，幾大隻，鮮甜爽口，正過雪藏蝦多多聲。即炸豆腐外脆內嫩，配埋蔥花香噴噴，酸汁除左可以點豆腐，我仲用黎點蝦，勁好味。青檸梳打最怕糖漿死甜，好彩呢杯味道幾自然，仲有新鮮青檸片添，清爽。

今日去到長沙灣位於元州商場地下的媽咪隨意屋Cooking Mami。媽咪隨意屋位置不算多但店面簡潔座位宽闊，而且位於商場的大落地玻璃，絕對不會感到壓迫感。餐廳主打泰式食品，同時係小食方面亦都有串燒或炸物提供。今次係媽咪隨意屋試左三樣食物：黑椒肥牛肉飯、椒鹽一口豆腐，而飲品就揀左青檸梳打。餐廳在用料方面青檸梳打係用左著名泰國Chang牌梳打水，唔係用一般雪碧七喜或者其他梳打水代替，可以比到你泰式青檸梳打既感覺。餐廳有好多唔同類型既泰式食物，我今次就揀左一個唔係太過泰式既主食：黑椒肥牛肉飯，顧名思義就係肥牛肉飯配上黑椒汁。呢個飯看似簡單，不過食落就唔係咁簡單，肥牛比平時係街市見到既更加厚，食落好有口感，而黑椒汁辣得黎香，唔會因為太辣而蓋過整個飯既感覺，恰到好處，係一個好選擇。小食我揀左椒鹽一口豆腐，份量很足，而每一口既豆腐係厚切片裝，就好似厚薯片咁食落脆口，配入埋椒鹽、炸蒜同埋泰式醬汁真係好夾。而價錢方面亦非常經濟，飯麵都係講緊40幾至50蚊，真係好適合平時行完深水步既大型電腦商場之後去醫肚。

途經長沙灣，同朋友見有啲肚餓，就去咗呢間媽咪隨意屋食咗個下午茶。我叫咗一個冬陰功豬牛金邊粉，個湯底好夠味，而且啲料都好足，而且都只係40幾蚊一碗，絕對係性價比高，而且我覺得個冬陰功嘅湯底唔會太酸亦都唔會太辣，我自己就幾鍾意呢種冬陰公嘅味道。至於我朋友就叫咗一個泰式肥牛船粉，呢種船粉據聞係得佢哋先至有，食落就有啲似金邊粉嘅味道，但口感其實係相比金邊粉係比較粗，同樣地，佢啲料都係比較足，唔會得一兩塊肥牛敷衍你，而且亦都有其他調味料，亦都夠晒味。另外佢仲有啲小食，例如串燒，咁我就叫咗一份串燒豬頸肉同埋炸雞軟骨，豬頸肉燒到吹博博，加埋啲沙嗲汁，水準都OK。炸雞軟骨就有好多調味料選擇，例如有麻辣，紫菜等等，食客可以因應自己嘅口味調教。

今日去咗長沙環食黑椒肥牛肉飯，估唔到呢個簡簡單單嘅黑椒肥牛肉飯，都幾好味啊。呢個飯最好食嘅地方就係因為佢嗰啲汁，啲汁甜甜地用嚟撈飯，好正啊。啲肥牛肉都因為嗰啲汁好食咗。杯蜜桃茶由於係泰式嘅關係，有少少偏甜，下次我要叫小甜先得啊。我最欣賞呢度嘅黑椒肥牛肉飯啊，下次會再嚟食。如果淨係叫個黑椒肥牛肉飯配飲品大約50元左右坐嘅位置呢度係比較開掦嘅，間餐廳好多玻璃嘅。個串燒雞翼有沙爹醬，啲沙爹醬有花生嘅味道

呢間泰式餐廳，Lunch set同tea set嘅價錢非常親民，午餐只需要四十幾五十蚊，而下午茶就廿幾三十蚊有交易，學生仲有八五折添。青咖喱豬頸肉撈面，豬頸肉嘅份量比較少，只有數片，但估唔到會有一隻荷包蛋。呢個青咖喱都有少少辣，平時只會用嚟送飯，第一次食青咖喱撈麵。青咖喱嘅味道好似唔係好夾公仔麵，下次都係配飯比較好。藍色多瑙河特飲，有漸變色嘅效果，用嚟影相打卡一流。光顧任何主食加$10就可以陪一份全消或者半份炸物。

喺長沙灣新開左一間泰式餐廳，佢嘅裝修同埋報置好似車仔麵檔嘅形式，廚房係open kitchen，好多嘢食都係整定，係以快餐形式經營，落完單唔夠5分鐘就有得食，非常之適合繁忙嘅上班一族。鮮蝦球船粉，配料就有生菜蘿蔔同炸豬皮。味道不過不失，始終係快餐，所以味道都唔可以有太高嘅要求。但河粉嘅份量非常多，女仔來講一碗都食唔晒。小食叫咗個一口炸豆腐，好香脆，加埋啲炸蒜一齊食味道就更加豐富。嘢飲就叫咗杯粉紅西柚特飲，顏色好靚，味道甜甜酸酸，都唔錯。

在香港，泰式餐廳有很多，但船麵卻不是每間泰式餐廳必備的菜式。很難得在長沙灣也有船麵可以食。這裡是先點餐付款，後等候食物。雖然店舖小小，但可以選擇的小食也不少。當中也有些套餐。這次選擇了冬蔭公泡飯和泰式豬肉船麵。值得一讚，上菜速度平均，因為點了不同的食物，都是差不多時間內送到。船麵的湯底顏色非常足夠，只看不食都知道應該是足料和味道香濃。果然，先呷一啖湯，非常濃郁的湯底。沒有失望，也不隨意。豬肉沒有特別，但豬肉丸卻不錯。入口彈牙，亦有豬肉的香氣。值得一試。作為配襯的蘿白煮得非常入味、香甜和腍身，套用食神的一句，沒有渣。在泰國食飯必點的冬蔭功，難得被製作成泡飯，當然要試試這間餐廳的功力。加上自己也喜香冬薩功的甜、酸、辣。在湯底來說，甜和酸也恰到好處，但辣味可以再強勁一點。也許在泰國嚐過當地的冬蔭功，可以再辣一點就更好。但亦有一點非常貼心。就是冬蔭功最煩人的香茅拿走了，讓我可以大大啖享受湯和泡飯，不用一邊食，一邊吐香茅。平常在香港點的冬蔭功，十隻有九隻的蝦也是雪藏和霉了。可是，以這個價錢，這裡的蝦是一個大大的驚喜。這裡的蝦有一種新鮮蝦的感覺，非常彈牙和新鮮，不霉。連同行友人都不搶了我兩隻蝦來食

見到長沙灣新開了船麵泰式餐廳就來試試串燒/小食/湯麵/飯類 應有盡有價錢頗親民餐廳位置不多，但採光足夠，坐得幾舒服香葉炒肉碎飯 $48選擇了辣的肉碎，果然非常惹味肉碎混合肥瘦均勻的，油香豐富適合下飯，輕易就KO一碗白飯還有煎蛋，滿滿蛋白質青檸特飲濃郁既青檸味，還有新鮮青檸在杯中感覺清新開胃，配辣肉碎飯一流，清爽解膩雞中翼串燒有沙爹醬/泰式酸辣醬我選了酸辣醬，比較特別，自家特調的特色雞翼醃得入味，同醬汁很架

送完貨到長沙灣都已經傍晚6點多,諗起舊同事介紹過位於元州商場新開嘅泰式粉麵店鋪吾錯。由長沙灣港鐵站行過去只需4分鐘,好方便,決定去試試。由落單、水吧到收拾餐具等鋪面工作,都係由两位年輕小伙子負責,佢哋都好有禮貌,面露笑容。餐廳採用自助形式,點餐後等叫單號取餐。見到套餐都相當吸引,價錢合理,就點左個$48泰式牛肉船粉套餐,套餐奉送熱飲或汽水,加$6轉了泰式青檸特飲。另外,以優惠價$10配了豬肉串。豬肉串燒得微焦,肉質香口軟腍。點埋泰式酸甜醬,更好味。泰式牛肉船粉大大碗,配料有芽菜、椰菜、牛丸、炸豬皮等,金邊粉幼細又爽口,濃濃嘅湯底好香。想味道再提升,可以跟個人口味加入船麵辣粉、中式孜然粉、惹味香辣粉等。食飽美味嘅牛肉船粉後,飲埋杯清新口味嘅香檸特飲,非常滿足。其他小食、串燒同冬日推介都好想試,揾日約埋舊同事再來食過先。

-#小肥長沙灣遊小肥Friday在長沙灣😆🐷🙇🏻‍♂️雖然要返夜既星期五唔方Happy得去邊🥺🙉但依然無阻為食既小肥四圍覓食滿足返自己😂😋早前有朋友介紹過既新開張媽咪隨意屋👩🏻一開始聽似係食家常便飯小菜既小餐館🙈但原來係自家製作充滿濃郁既泰香味美食🇹🇭👩🏻亦甚有驚喜的😆🇹🇭小肥叫左至愛既泰式牛肉船粉😋🍜將泰國傳統麵食再配合自家泰式煮法😆煮出具特色既牛肉船湯麵☺️🍜店鋪亦細心的讓食客有兩款湯底選擇😆但小肥唔太頂到辣所以同冬陰公無緣了🥺🙉揀左食泰國野最愛既河粉麵底既小肥🍜😋河粉烹調時間合宜令麵質更爽口🤤有多款配料既配合亦相當豐富🤤大廚將生牛肉直接用滾熱船湯灼至7成熟🤤🐮👨🏻‍🍳牛肉肉質鮮美滑嫩之餘😋經慢煮入味濃郁既蘿蔔亦夠哂鮮甜Juicy☺️再配合秘制泰式船湯更帶出麵底配料鮮味🍜🤩除左麵食亦有唔同串燒炸物供應😆經醃製既雞肉串肉質滑嫩燒得夠哂香口之餘🐔🤤肉質滑嫩配合濃香沙嗲更為惹味🤤小肥泰國菜之推薦🇹🇭😋🙇🏻‍♂️👍🏻

一家位於元州商場地下G01號店鋪雖然細細,但內裡沿邊摆放着高檯、凳而中間改用成對比的矮檯、凳,簡簡單單感覺整齊舒服。餐牌清晰,門外、牆壁上及點餐時抬起頭都方便可見。真材實料而未經煮熟的炸物及串燒顯示在食物櫃裡給顧客参考,不錯呀！收銀機前放置糖果,非常窩心！自助調味料區擺放著多種調味粉,隨意調出自己喜歡的口味。(303)豬牛一家親($48)~泰式船湯轉套餐餐飲~泰式菠蘿特飲(110)泰式香腸自家製泰式船湯底採用大量泰國天然香料及豬骨熬製,再加上蔥花、芫茜和九層塔獨特香料,令細細的金邊粉吸收濃湯,入口滑溜而煙韌。一碗美味的泰式船粉,除了湯底和粉條外,配料亦不能馬虎。牛肉豬肉腍嫩,牛丸彈牙,椰菜、芽菜爽甜,還有炸豬皮,相當豐富。另外以優惠價要了$10泰式香腸及$11泰式菠蘿特飲。香腸大大條,燒得香口。菠蘿特飲清新酸甜。價錢合理,食物質素高,值得一試。

去開深水埗買電腦遊戲, 順便去咗長沙灣搵食, 見到呢間舖頭望落好乾淨。開放式廚房擺咗啲串燒喺度，吸引咗我，望一望餐牌，原來佢係主打泰式菜。佢嘅下午茶餐好抵食！船麵加青檸梳打都係38蚊。如果唔飲嘢，三十二蚊已經有一個好好味嘅船河。 個湯底好正！用左大量泰式香料同豬骨淆製！啲湯冇味精，食完唔頸渴。 餸菜有香菇, 豬肉丸, 蝦米, 一啲都唔打虎。另外， 叫有海鮮冬陰功河粉。 海鮮有大量非常大量又大粒嘅蝦， 冬陰功湯迎合香港人口味唔會太辣，河粉 好薄身。 唔跟餐叫呢個河粉要52蚊到。總括嚟講呢間鋪頭嘅湯底好正,，冇味精好高質。 價錢合理，性價比高。腳破頭亦都打理得井井有條好乾淨一啲都唔拿渣。收銀哥哥亦都靚仔有禮。係呢頭少有嘅sell service加食物質素嘅舖頭。我會再去試佢嘅其他食物😁😁😁

星期六又係四出搵好野食既日子訓到中午 食個美好既早午餐 滿足下先行過見到呢間新餐廳 地點開揚舒服野食望落又吸引 一於入去試下入到去搵左位 可以拎menu慢慢研究下先點餐店員好有心 服務好好又有禮貌 會介紹下野食船麵係推介之一 介有泰式特飲係用泰國直送材料 而且有套餐價 幾抵食泰式豬肉船麵 配藍色多瑙河泰式牛肉船麵 配 粉紅西柚兩杯飲品顏色好夢幻藍色多瑙河原來係雜果味會甜啲 但啲冰融融下 就啱啱好粉紅西柚唔會太酸 好清新既味道 朋友超鍾意❤️唔好睇少碗船麵 都幾大碗 豬肉片又夠多材料好豐富 入面有豬肉片 豬肉丸 炸豬皮 芽菜面頭啲炸蒜同蔥花 同湯底好夾湯底夠濃味 金邊粉好索湯同埋唔會碎濕濕豬肉片唔會韌 肉丸係札實既呢個係冬陰公湯底唔會太辣太酸材料都好豐富 有牛肉片 牛丸 秋葵 芽菜 車厘茄 本菇 牛肉片肥瘦適中有肉味 材料整體好夾叫左小食 炸雞軟骨 椒鹽一口豆腐呢個又係超好味超驚喜鬆脆外皮嫩滑內裡 加埋個醬汁 少少酸 感覺上清新 係好香口小食表皮炸得乾身 唔會太漏炸雞軟骨 又係個味教得好好 唔會話得個咸字有種bbq味感覺總括黎講 呢一餐真係好豐富好滿足店員哥哥無介紹錯 又服務好估唔到呢個商