Cozy Cafe

Open Now

Now Closed

今晚兩個人去咗葵涌搵嘢食之前經過一次啱啱關門食唔到今晚終於可以早啲嚟食啦鋪頭以乾花做主題，打卡影相都幾靚～～叫左2個dinner set 餐湯係番茄湯，個湯好濃郁，飲到好多蕃茄另外跟餐有一份雜菜沙律，生菜🥬用左黑醋汁，味道酸酸非常開胃！主菜點左紐西蘭肉眼牛扒配薯條，來到見到牛扒份量好大。本身怕唔夠加咗個蒜香意粉，但係個意粉好鹹甜品加錢叫左件new York cheesecake , 餅底好香，芝士味十足，好食

今日約咗好耐冇見嘅中學同學食飯，本身想去另外一間西餐廳嘅，但係嗰度八點要交枱，所以我就提議嚟呢度，之前食個lunch覺得不錯，不如都試埋個晚餐睇吓質素如何先我哋叫咗三個set，分別係牛扒羊扒同埋豬扒，另外加咗一個芝士薯條同埋兩個蒜香意粉。每一個set都包左餐湯沙律同埋一個小甜品。首先上咗沙律同餐湯，沙律菜新鮮爽甜，份量都幾多架，餐湯就係蕃茄湯，食得出唔係罐頭湯嘅質素，有驚喜喎芝士薯條就正正常常啦，份量都幾大呀，另外伴碟嘅係普通芝士醬。之後主菜各種扒都陸續上枱，因為我之前食過，都知道個份量係幾大嘅，同行朋友見到咁大分之後都覺得好抵食呀，你唔好睇小佢個蒜香意粉，雖然簡單但係做得十分好味最後嘅甜品係朱古力布丁，份量細細個啱啱好！

剛開業光顧了一次，至今已快三年多了！是夜J先生不想去太遠吃晚餐，便選了 - Cozy Cafe 餐廳的一角簡單的餐單但需注意⚠️等待食物及飲品的時間頗長……套餐：包括前菜(雜菜沙律及餐湯)，甜品沙律菜配上酸酸的沙律醋，而且小盤是冰凍的；吃後令人有開胃的感覺不過不失的番茄湯，但賣相一般！份量偏少令人覺得碗相對太大了深喝色的伯爵茶；入口味道竟然偏淡淡的…改特飲 + $9 改凍飲 + $3J先生話：味道一般！配菜之薯條及沙律菜份量很少（有點像別人吃剩的）；反而肉眼扒份量超大，可惜沒有肉味！濃郁芝士味配上豬扒肉腍；份量偏大，竟然看不到底層的飯濃香朱古力味，軟滑布丁；甜度剛好份量少顯得小樽大餐廳沒有服務費！Cozy Cafe 總結：還可一試！

今次透過朋友介紹，想搵間cafe傾心事，於是黎到葵涌既Cozy Cafe渡過一個悠閒下午☕地點有少許難搵，我地都花左d時間先搵到佢地位置。一入到去，整體裝修以木系色調為主，配搭乾花牆飾，都散發出文青既感覺😍內在不算大，可以坐下十餘人。 燈光溫暖，令人不自覺花了一整個下午。我地一開始只打算搵地方談心，所以只點了兩杯飲品。第一杯是Ginger Bread Latte($38)☕，有少少少少薑味嘅感覺，但整體配合起來都幾好味。值得一提他們用上龬管飲筒，支持環保為地球出一分力。第二杯點了 Hazelnut Latte ($38)☕，賣相好靚，仲有花花曲奇配搭， 帶有小可愛嘅感覺🌼整體黎講，Cozy Cafe適合三五知己談天說地講下心事既地方。Cafe有格調，飲品令人滿意，係一個可以令人休息避世放下煩惱既地方。

同事介紹我地過黎試下呢間工廠區既小店唔知佢叫西餐廳定cafe好我覺得佢算係香港好常見既港式cafe因為lunch time好算多lunch set選擇味道就一般，但勝在價錢算抵地點就真係距離地鐵站好遠應該都係同區做野既人會過黎食野今日試左個日式鯖魚意粉Hmmmm...其實我寧願佢無醬汁鰻魚醬同鯖魚好唔夾，連埋意粉食其實會變到好咸，所以最後我都係只係食魚同意粉，無掂d醬佢跟餐既熱綠茶好細杯見到同事叫左牛扒，走意粉走飯諗住佢叫俾多d伴菜，點知都係同我地既伴菜分量差不到都有有少少失望希望下次試其他野會好d喇因為佢坐位有室內，室外真係幾方便，同埋佈置得唔錯，相信都係有心既小店

都嚟過幾次每次嚟都覺好舒服。豬扒煎蛋配洋蔥汁朋友喜歡，豬扒大大塊 好入味，食得出用咗心機去做，這裡出咗名咖啡好好飲，朋友說是自家烘焙咖啡豆，感覺他們對咖啡好認真。價錢仲好平民。店舖好簡單木為主睇得出店主好有心思，想帶俾香港人一個平行時空避吓世。Cafe位於葵涌和宜合遁打磚坪街小區的小巷中，有隱世feel好喜歡現在咁衝擊的心情，價格屬於低價位嘅cafe 依家香港人壓力好大，想搵個平行時空去休息下，一個良心 cafe—Cozy 我就最like 佢地個芝士焗🐷扒飯是荃灣葵青區最好食的，必食

意式三文魚燴飯🍛 $78包沙律、餐湯、甜品賣相幾吸引 亦都好香三文魚味🐟飯嘅份量好足 但配料上 除左啲三文魚碎 都唔太覺有其他野🧐燴飯夠曬濕潤 但食落太咸食一兩啖就要飲啖野或者食返幾條薯條中和😂紐西蘭肉眼扒(五成熟)🥩 $128包沙律、餐湯、甜品個人覺得牛扒煎得幾好😋喺出面好多時叫五成 都會比差唔多七成😂呢到就唔會喇 而且鎖到啲肉汁塊扒仲大大塊添😆伴碟嘅薯片都好脆好正👍🏻下面會再講沙律🥗沙律細細份落左黑醋 酸酸地好開胃蕃茄湯🍅同樣係細細碗酸酸地 飲到蕃茄蓉😋作為前菜嘅沙律同餐湯都細細份個人覺得幾貼心😂有時据扒 其實飲完大大碗湯同食完餐包都已經有飽足感 好易食唔曬啲野食😢但呢到細份又開胃 完全可以比我KO曬啲正餐❤️朱古力布甸🍮佢唔係嗰啲好甜嘅牛奶朱古力做嘅布甸反而係用黑古力整😍好微嘅苦味 正中中意食黑古力嘅小編嘅心💘芝士薯條🍟 $22芝士醬分開擺 唔會直接淋上去所以唔會有整到薯條腍曬或者個醬太咸淋曬返唔轉頭嘅問題😗佢個薯條超級香脆 而且好乾身 唔會油淋淋食得好過癮🤣青檸梳打 跟餐+$12蜜桃梳打 跟餐+$12兩杯梳打就唔特別多講 因為冇太特別嘅地方🤔但係呢到環境非常文青 都好舒服🥰岩曬同

趁中秋假期，Book了附近酒店玩一晚。晚上嚟到呢間Cafe 食晚餐。4年前係附近番工已經知到有呢間Cafe 但次次去到都超多人排隊，一直都無緣一試，直到4年後今日終於可以一試。餐廳以木製枱櫈為主，好有文青Feel，啱哂打卡一族。Cafe嘅晚餐選擇唔多，我地揀咗韓式炭燒豬扒，澳洲草飼羊肩扒，芝士薯條，同芒果梳打。先嚟蕃茄湯同黑醋沙律，2樣都酸酸may may超開胃。草飼羊肩扒，內質好菻，啲油脂好香，好好食，跟餐個薯條都炸得好香脆。碳燒豬扒，賣相唔錯，但口感同味道就一般，肉質比較鞋口。芝士薯條，炸得超香脆，但趁熱食先好食，擺耐咗啲芝士醬會整𣺉啲薯條，影響口感。芒果梳打，不過不失啦，但值得一提係佢轉用不銹鋼飲管，夠環保最後仲有甜品，朱古力布丁，超濃朱古力味，好正終於食到呢間Cafe，果然名不虛傳，唔怪得當年咁多人排隊等Lunch。

cafe係開放式設計，透明度幾高仲以木質為主，有乾花配合，幾文青feel套餐有西湯&沙律，有少少貴，份量唔算多，不過質素都OK小食拼盤啲雞翼幾香口其他小食就有啲鹹得滯雜菌燴飯芝士包裹每粒飯粒食多幾羹就有啲膩不過係幾好食嘅叫咗一壺玫瑰花茶鍾意飲花茶嘅我，覺得呢壺花茶值得推介飲落花茶味幾濃幾香重點可去除食物嘅鹹味

依家香港人壓力好大，想搵個平行時空去休息下，Tiff哥介紹你地一個良心cafe—Cozy Cafe位於葵涌小區的小巷中，有隱世feel的chill感，價格屬於低價位嘅cafe 平民地方平民價錢。但係裝潢一d都唔媽乎，以木系日味休閒感，睇得出店主好有心思，想帶俾香港人一個平行時空避避世。假日時間去仲有Lunch Menu，都幾驚喜。西班牙豬扒煎蛋配洋蔥汁 HKD$46豬扒大大塊 又夠入味 呀John中意到爆😂😂一杯Latte絕對試得出咖啡師 做到如此有層次的tulip咖啡師一定係老手🤡 奶泡厚薄啱啱好 味道易入口夠滑中意LatteArt嘅coffeeholic朋友唔可以錯過仲有一杯驚喜飲品—柚仔跌落奶🍊太得意啦😂得意到要order黎試試大大層幼滑奶泡 加上柚子的味道的咖啡原來係咁襯 咁好飲 咁新奇有趣❤️❤️❤️❤️

舊區之中竟然有一家文青風食店，Cozy Cafe店如其名，入屋即有舒適寫意的感覺 名為Cafe，供應的卻不只是小巧咖啡廳食物，想吃個飽肚午餐也毫無問題 別看店家並非位處繁華旺區就保證隨時吃到心頭好，其實晚到些少便已有部分餐點售罄 地方小，座位方面卻又不用擔心，既有低座又有吧枱位，一坐下就有不願離開的舒適感覺 飯款已賣完就只好吃意粉，在三四款之間猶豫不決，最後選定意式燴牛尾意粉　$48 牛尾表現不俗，唯份量不多，小件易嚼，沒有太多連帶脂肪，帶點膠質彈性 意粉條條分明，不至黏爛，並且未會油滋滋，酸甜醬底稀度恰好，拌意粉既開胃又夠味 再訪，嚐到熱辣辣的茄汁芝士豬扒焗飯　$48，芝香十足，而豬扒雖然薄身但非常入味 芝士經烤焗後金黃誘人，茄醬酸中帶甜，味道自然又不膩口，如果醬量多一點就更好了

裝修好文青 feel, 木類配搭好舒服店員服務態度都好 nice~ lunch time 叫左個牛排西冷，微辣汁的。因為呢排戒飯戒麵，所以我就叫走飯走麵，菜畀多少少我，所以相片變相無飯麵haha配熱綠茶，我見佢地都好多款咖啡，不過我果刻唔太想飲，想飲清 d ..好快就有得食啦，一上碟果陣真係嘩嘩聲。個西冷既 size 係勁大微辣真係微辣的，岩岩好而西冷整得岩岩好，入面仲有 d 粉紅色，好易咬爛 d 肉，雖然都算多筋，但整體尚可熱綠茶係紙杯裝，得半杯，有 d 驚訝，因為肉咁大塊，但飲品就得半杯有 d 怪？ 但係下次會再來的，$50 都唔洗絕對高性價比！

餐廳位置都幾隱世，係內街入面要睇地圖先搵到，去到職員話冇哂野食，得返飲品同沙律，連Cake都賣哂，好可惜今日食吾到。店內環境好舒適，俾人一種好Relax😌既感覺。♥️Mocha拉花幾靚😍，聞到好香咖啡味，朱古力同咖啡份量好平均，吾會好甜，飲落咖啡味吾算濃。要讚賞下👏🏻店主吾怕麻煩為環保出一分力，用環保飲管。♥️水蜜桃果肉茶 Peach Fruit Tea好香水蜜桃味，陣味好清新，不過味道就淡左啲。⭐️問過職員3:00前會有Lunch Set，3:00後有Cake供應。

晏畫來到葵涌Cozy Cafe，位置唔近地鐵站，在大窩口站搭循環線巴士31號會較方便。星期六一點多來到，發現餐廳幾乎都滿座。餐廳可以在店外開大傘，俾客人坐在戶外，方便吸煙或喜歡戶外景色客人。餐廳需要先去收銀機位置點餐俾錢，然後坐在位子上等待送餐😗。一入到餐廳聞到煎豬扒味好香，於是都忍唔住點了套餐B西班牙豬扒煎蛋配洋蔥汁意粉$46和Hazelnut lattle跟餐只需要+$17，食物即點即煮，所以客人需要耐心等待。西班牙豬扒煎蛋配洋蔥汁意粉:件豬扒真係好大件，大過我隻手呀，豬扒煎得香脆肉嫰而且煎蛋仲係流心架，真係好有驚喜小店~Hazelnut lattle拉埋心心，好靚呀😍~飲落香濃，立即好醒神🤩~價錢真係幾貼地，食物大件又抵食😋，難怪吸引咁多附近居民來幫襯，高朋滿座，二點時有幾款熱門食物已賣晒，所以要食美食真係要早少少黎呀😎﹗

今日黎到葵涌食lunch嘩，午餐個豬扒同牛扒都好大塊 成塊面甘大飽飽，夜晚可以慳返唔洗食啦🤣紐西蘭西冷牛扒飯配黑椒汁 $46茄汁芝士焗猪排飯。 $48綜合意見後就覺得呢個西班牙豬煎蛋配洋蔥汁飯 最❤️❤️流心蛋雜菜沙律。$45每個餐都配送一杯綠茶👆午餐餐牌內部環境優雅 店外都有用餐區 但我無影到呀