Video
8-min walk from Exit B, Tai Wo MTR Station
continue reading
Telephone
34800701
Opening Hours
Today
12:00 - 21:00
Mon - Sun
12:00 - 21:00
Public Holiday
12:00 - 21:00
Public Holiday Eve
12:00 - 21:00
Above information is for reference only. Please check details with the restaurant.
Offers
星期日晚飯時間黎，附返食店間間排晒隊，呢間鬼影都冇隻，原來唔敢入去，但又好想食泰野，照入去搏一搏。叫咗個芝士和牛菠蘿炒飯、同埋大蝦卡邦尼，兩個餸食落去明顯用料新鮮，牛肉粒都係好黎，係唔係和牛我就唔識食，但係好食嘅。大蝦卡邦尼果D蝦都夠大隻爽口，唔係俾啲凍死咗幾十年嘅蝦俾你食，意粉仲混左邪惡嘅鹹蛋添。仲要有個睇落幾精緻嘅，蝦沙律做前菜，又有個體能好似南瓜湯蛋糕飲落就有咖喱味嘅湯。百零蚊個餐，有齊前菜飲品湯，飲品有青檸梳打、龍眼冰之類嘅特飲，仲有甜品添。
continue reading
上網睇到呢間，又見太和又好似比較少泰國嘢食，啲朋友試完又話唔差。就特登試吓食。我就平日嚟食嘅。就試咗個白咖喱再加杯泰式奶茶。佢個白咖喱，我覺得偏印度香料重啲會辣少少。不過佢都幾好食，攞咗嚟試過點蝦片超級一流😂。本身諗住點個巴東肉試吓（佢好似最推介係呢個）但係驚食唔晒就冇叫。佢個泰式奶茶我覺得茶底重啲啲，呢啲我就冇乜所謂。佢其他小食都吸引，但係可惜我自己一個，同朋友嚟食，應該都幾抵。價錢嚟講小店係呢個價（本人食咗$100）。一個人食就唔會太化算，當試吓新嘢。因為佢個飯係唔包嘢飲，要另外叫。如果同成班朋友嚟食個價錢都OK。貪在呢度係喺條小巷旁邊，唔會太嘈。同朋友過嚟聚會應該都幾開心。坐落都闊落嘅同埋啲凳有軟墊（加分👍👍）可能我平日嚟就唔係太多人。環境就10分乾淨。員工態度都好好，我走嘅時候同我講咗兩次多謝😂。整體都感覺良好，當支持下本地小店。大埔人可以都去試下，間野係太和邨對面馬路個間牛肉刷刷鍋隔離（差啲睇唔到😂）。
continue reading
嚟到大埔，見到有間新開嘅泰式小店，炎炎夏日最啱食泰國菜式。先來一個串燒做小食，揀咗雞同埋羊各三串，食物準備嘅時間較耐。幸好，串燒上菜嘅時候係熱辣辣，保持到肉汁。配上醬汁都非常惹味。主菜點咗一個泰式脆皮豬手，其實脆皮豬手同出邊其他國家嘅脆豬手冇乜太大分別，只係個醬汁比較酸甜開胃。配上一啲醃咗嘅酸瓜，唔算太多泰國特色。但脆皮豬手嘅皮就非常香脆，價錢都尚算合理。餐廳嘅餐牌唔算太過複雜，但都有不同嘅飯同埋麵類選擇。當一點左個菠蘿炒飯，相對其他菜式就比較失色。味道唔算突出，但份量算多。餐廳全新營運，試業期間人手略為不足，等候時間較長。但小店都值得支持，大家有時間嘅話都可以過嚟一試。
continue reading
大埔新開嘅泰國菜，新開試業。無論情侶或一大班朋友都適合去食。先講環境由於係試業同無咩人，所以老細用咗一張枱去放佢地一啲雜物同文件，不過就無傷大雅。餐廳播放泰文歌配合返佢係泰國菜主題，加上柔和嘅燈光，其實都幾舒服。佢地亦有一張大枱可以比起碼十個人去坐，仲提供坐墊，所以坐得舒適。因為我地係一大班人去又唔知點揀，於是係由廚師拍板。以下係部份菜式，因為有啲唔記得相機食先，所以就唔提及。先嚟嘅係木瓜同青芒果沙律，酸甜辣適中，如果中意偏酸嘅可以揀青芒果，想清新嘅就揀木瓜。之後就係泰式生蝦同生蠔，生蠔本身就唔係好關泰國事不過勝在配上佢地自家製嘅泰式醬，清新酸爽得嚟又唔會蓋過生蠔嘅甜味。泰式生蝦都係配上佢地嘅泰式醬，中意辣啲嘅可以食埋上面嘅指天椒，不過我自己就覺得會過辣。生菜包，正路嘢，微辣。炒泰式蝦，佢好似係用冬蔭公嘅味道去炒。由於蝦本有走油比較香口，加上冬蔭公嘅酸爽辣，真係想連殼都食埋😂炒泰式蟹，望見個醬好厚以為好濃味，其實就係甜甜酸酸配合芫荽香氣，無蓋過蟹本身嘅味，反而襯到蟹肉清甜嘅味道。泰式串燒，同平時啲樣有唔同，嚿肉好大嚿，我自己最中意牛，因為juicy又有牛香而且我本身中意食牛。菠蘿炒飯，望落以為好濕，其實還好。食落去粒粒分明，炒飯香氣十足而且帶有菠蘿輕微嘅酸甜味。佢地仲加咗啲提子乾，酸酸地令我地班友差不多飽都仲係想食😂整體嚟講，真係值得一試嘅餐廳。喺宜家呢個時勢仲見到咁有心去經營嘅，真心值得支持一下。
continue reading
近期喺太和翠怡花園有太多店舖關門，選擇性越來越少，前兩天收工走過這條小巷，發現有間泰菜新開張，立即進內到店舖試試，坐低後店員立即介紹飲番杯生啤，整個立即舒暢晒！之後先發覺店內原來有部黑膠播放機，隨着音樂播放，雖然放工後十分疲累，喺呢一個環境下，俾人感覺特別放鬆！之後店員再推介幾個小菜，泰式爐魚、德國豬手，生蝦，串燒等都值得推介！每個菜式都唔差、埋單又平！係呢一區嘅泰菜，呢家我覺得都算唔錯，大家不妨試一試🍺
continue reading