翡翠潮州小廚 (Closed)

午餐時段，不算多人，可靜靜地享用午餐。set lunch 可選一款潮州小食和一個主菜食。小食方面，點了潮州菜館必食的鹵水鵝。這小碟令人驚喜。先是，話小食都不細碟（看相片）都有幾件鵝片的，而且是厚切。味道方面，肉質鮮嫩，有鵝肉的甘香，個人意認為不沾醋更好味。吃著鵝片，主食蠔仔粥就端到桌子上來。蠔仔粥的蠔仔足夠，蠔仔算大粒有肉有汁，粥底還有芹菜、方魚等帶出鮮味，美味。一份午餐78元，午市沒有加一，吃到這個質素的午餐，不錯吧。

黃埔翡翠潮式小廚今日食個一人午餐$78 四季豆拼上湯米粉 對於一個減肥嘅人講呢個份量係啱啱好， 但味道方面就太鹹啦。 我見好多老人家都喺度食飯， 真係好擔心佢哋身體食咁鹹， 對身體唔好。 米粉嘅份量太少啦！我諗嗰度得兩啖就食完。究竟$78我食咗啲咩？ 我問職員午餐有咩介紹，唔怪得個職員問我選咩主食，我選米粉。佢就同我講選欖菜肉碎四季豆，倒落去就食得，原來倒落去嘅意思係倒落啲湯度等佢冇咁鹹。最後啲肉真係好鬼咸， 我聽個職員講倒嗰啲湯落去，溝淡返。要讚下佢啲茶夠香，又坐得舒服。咁樣諗$78又俾得幾值

18號同屋企人慶祝生日🎂，晚餐試吓食呢間餐廳。餐廳環境舒適，坐位闊落，當日叫咗8個菜式嚟試下，最推介有炸蠔餅、松子魚、潮州蠔仔粥同鹹蛋黃金蝦，呢幾道菜式相當有驚喜❤️。炸蠔餅呢個炸蠔餅值得一試，嚟到熱辣辣外脆內軟，好食到停唔到加上啲蠔好肥美又大粒，食落一啲都唔腥，呢一碟蠔餅有驚喜👍松子魚松子魚係用咗桂花魚嚟炸，炸得啱啱好唔會過咗火，食落酸酸甜甜好開胃，加上外皮外脆內軟真心好正，一定要試試😍方魚蠔仔粥方魚蠔仔粥可以一試，味道方面啱啱好唔會過鹹，蠔仔好大粒又肥美份量又多，真心推介🤤鹹蛋黃金蝦鹹蛋黃金蝦好好食，蝦好大粒又彈牙，啱啱炸起好好食，隻蝦佈滿晒鹹蛋超正，重口味人試可以一試😋

今日同男朋友黎到黃埔，週末幾乎間間餐廳都人頭湧湧好熱鬧，依間餐廳入座率都好高，我哋好彩坐左最後一兩張枱，不用等位。☺️ 店內環境舒適，店員服務亦好好，好快已經送上茶同小前菜 ～（雖然埋單先知要收錢🤪）我哋叫左三樣食物同兩杯特飲，店員主動介紹特飲兩杯有優惠價，一於試下。菠蘿乳酸幾解渴開胃，仲有菠蘿粒粒，可惜飲到尾有少少藥水味。另一西柚四季春多多，係水果同茶既配合，味道似係出面台式飲品會有既味道，我幾中意，不過如圖所見，成杯野都好多冰，要飲既話記得要珍惜住飲😂😂第一道菜係鵝片，中間夾左啲鵝件（？有皮有骨既），底層係豆腐。本身份量同賣相都不錯，可惜一入口柴到😫 好失望呀大佬好乾呀見餐牌有不少鹵水選擇，仲以為係招牌，結果兩個都無乜意欲去夾，因為太難咬了。川椒雞就好好多，至少熱辣辣上枱。食落都覺得係嫩溫有適當肉汁，味道香而不辣，如果有碗飯就好了😂 旁邊既炸葉（？）千萬不要錯過，好好食的😋最後係最最期待既方魚蠔仔粥，$55份量兩個人share啱啱好～ 鮮香唔腥又多料👍🏻 好快食至見底了。晚餐二人份埋單約四百蚊，性價比不過不失。

本身同屋企人一齊食餐生日飯 就搵左間就腳既食飯 點知坐低之後睇個Menu 有三分之一嘅嘢都係暫停供應 潮州野最基本食海鮮既野都無 如果餐廳無供應既話 正常應該係餐廳出面既餐牌標示翻 入到去茶都飲埋又無可能就咁走左去😅好啦 唯有嗌返餐牌上面有嘅嘢 點知嗌幾樣又無幾樣 凍馬友又話賣哂 櫻花蝦炒飯又話無櫻花 咁Waiter話可以轉鮮蝦 我地都唯有接受左 點知碟嘢嚟到之後同茶餐廳炒飯冇分別 鮮蝦其實係蝦仁仔 仲要得個幾粒 連個龍鬚雜菜煲 個Menu張相有好多魷魚酥 黎到一條都食唔到 咁其實係唔係違反左商品條例？都未計滷水招牌菜好淡🥲今餐真係食得超失望 不可一不可再

又係食潮州嘢啊 鹵水金錢腸 鵝腎 鵝片 炸蝦球 鹽燒馬友 排骨蘿蔔但呢間餐廳有啲失望 明明叫咗鹽燒馬友 點知嚟到係炸嘅炸蝦球都好普通 最好味係個滷水 豬腸好正 推介👍被安排坐咗喺角落位 成日都被忽略 叫左俾錢等咗10分鐘張單都冇黎😅最後要自己出去counter俾錢 建議要坐喺侍應會見到你嘅位置

黃埔有很多不同中西美食，之前同朋友去到翡翠潮州小廚，這裡2人套餐$298都很抵食。首先鹵水兩小碟，鵝件，金錢腸，五花腩，墨魚任選兩款。我地選了鵝件及五花腩，鹵水味香，不太咸但很入味，非常好味味。胡椒咸菜豬肚湯，味道剛好，不太咸，豬肚很鬆軟。碧綠龍鳳球，雞柳及蝦仁都很新鮮，而且非常冶味。金銀蛋菜苗，新鮮的娃娃菜，沉在上湯中，很好。方魚蠔仔粥，用料很充足，蠔仔很鮮甜，大大粒，方魚湯底非常香甜。甜品是鴛鴦水晶包，豆沙或蓮蓉都不太甜。

提起潮洲打冷好多時都要一班人食，平時2個人食飯就好少機會食咁啱見到有潮洲lunch set又好多人食，就一於試下 #小胖遊鴨紅磡🐠 #小胖遊黃埔🐠 —————————————————🔹潮式精選一人餐 $78滷水(小碟) + 主食 另收茶介 $10▪️滷水鵝件雖然係小碟，但係分量比想像中多鵝肉入味，肉質唔會太鞋口，唔錯▪️滷水墨魚🦑墨魚片反而有啲普通，易咬唔韌但係冇咩味，點辣椒油食就好啲🌶️墊底豆腐吸哂鹵水汁好味😋▪️芋頭鹹肉粒鮮蝦五穀炒飯🍚炒飯即整，熱到岀晒煙，都好多料，每啖都有芋頭、鹹肉、蛋等材料，飯都炒得粒粒分明，不過蝦仁就少啲同細粒，幾好食但太大碟食唔晒(有少少滯🤰🏻) ▪️復古戲棚粥實際上似係湯飯，又係好多料，有鵝肉、魚片、肉碎、青瓜、菇等，難得係青瓜味 🥒唔會蓋過其他材料，幾有鹹鮮風味又比較唔肥膩▪️加配灼芥蘭 $15芥蘭幾爽甜，加埋類似美極嘅喼汁幾好—————————————————🧜🏻口水度：🌕🌕🌕🌗🌑🌑🤑CP值💰：🌕🌕🌕🌖🌑🧚🏻打卡值：🌕🌕🌕🌑🌑🥰舒適度：🌕🌕🌕🌕🌑👅再食指數：🌕🌕🌕🌗🌑.♟Overall♟一個字「抵」，如果想過下口癮食下潮洲野絕對可以一試🙂

冬至跟家人晚餐，在OpenRice 訂坐，很方便。到達餐廳時不是太多人，地方寬敞及衛生。看到餐牌，食物種類多，每款也吸引，令我選擇困難症再次病發。前菜的花生令人食不停口，忍不住要點多一碟😅點了鹵水鵝片，最初家人反對點這菜，因為覺得太普通，但品嘗後便讚不絕口，鵝片入味，最重要是皮下脂肪不多，肉質嫩滑。另點了咸肉春菜，不是太多地方能試到這菜，咸肉味到剛好，不會太咸，而且不會太硬及「鞋」口。啫啫白鱔煲很惹味，可以多食兩碗飯😆胡椒豬肚湯賣相較淺色，以為味道較淡，但喝後覺得胡椒味濃，有暖胃感覺，適合冬天飲用。糖醋麵乾濕度適中，配上糖及醋令人開胃。最後來客一口反沙芋，很少有機會試到，家人愛吃芋頭，必食之選，配上腰果香脆鬆化，食時小心燙口，而且等候時間較耐，略嫌外層的糖較厚。整體食物質素在水平以上，職員有禮，值得再光顧。

食物有時不太穩定星期六日有少量點心供應今次叫左===蒸韮菜餃===糯米燒賣===傳統鹵水鵝掌鵝片但近乎有啲凍同埋好多肥同有啲碎骨===沙茶牛肉河粉牛肉幾腍===椒醬肉幾喜歡啲菜脯粒

紅磡做完野突然好想食潮洲打冷上網搵左搵見到呢間門面幾靚仔價錢又唔算貴叫定外賣自取番屋企食鹵水鵝片（例牌）$138份量幾多仲幾靚仔唔會好肥鵝肉鹵得夠味·唔會死咸夠腍嫩滑下面有豆腐舖底豆腐吸哂鹵水汁但略嫌鹵水汁有點肥膩潮州方魚蠔仔粥（$54）拆開個袋見到店家另備一小盒胡椒粉覺得幾有心思一人份份量都好大碗蠔仔飽滿而且量都唔少飯粒分明唔會爛哂仲有好多冬菇我連肉碎都覺得好好食個湯好鮮甜重點飲完唔口渴川辣雞球（$82）雞球有輕輕炸過外脆內嫩醬汁夠濃但完全唔辣亦無川味旁邊有炸海帶做伴碟海帶炸到好脆但一齊食有點油膩整體黎講CP值得3個小菜但2個人食都夠飽下次試下堂食先☺️。

壽司郎係咪唔可能walk in 食到🤣🥲最後好灰地是但入一間唔洗排隊既·勁抵食2人套餐（$298）但整體麻麻😶‍🌫️🥢滷水兩小碟.選了鵝件加豬腸.最入味係墊低既豆腐🤪🥣胡椒鹹菜豬肚湯. 勁熱辣辣.胡淑好濃好辣😂不太喜歡🐔碧綠龍鳳球.咸到放棄左🥬金銀蛋浸菜苗.最穩陣最好味😂🍲方魚蠔仔粥. 蠔仔算多.味道恰到好處.不過2人份量有啲少😂🥢鴛鴦水晶包.外皮厚到，加上中間餡料爆開左外觀零分😶‍🌫️全部俾哂大食仔食🤩·📍翡翠潮州小廚黃埔天地享膳坊（第4期）地下G3A及3B號鋪

今夜打冷,人齊腳周末食好D!食潮州菜,一個人真係食唔到好多款式,今次搵到人陪我食菜式如下 滷水鵝肉配大腸 生煎蠔餅 豬紅 鹽焗雞 糖醋麵食打冷一定食打冷啦滷大腸夠肥又彈牙 鵝肉片起骨啖啖肉夠鮮嫩又入味生煎蠔餅,用鴨蛋開漿食起黎特別香口蠔肉鮮味 成件餅脆如薯片咁好食豬紅就係朋友鐘意食,純粹試下,無特別喜好但味道食左2件都幾粉同夠入味鹽焗鮮雞 鮮雞原隻包鹽焗香 保留到好多肉汁食落特別有雞味 個皮仍然好有油脂好嫩口好滑最後當作甜品既糖醋麵 雙面已煎至金黃色 加糖加醋食 脆脆麵既口感加上醋香酸甜味道好豐富!評分8/10平均消費$300翡翠潮州小廚紅磡黃埔天地享膳坊(第4期)地下G3A及3B號舖

有時出個d套餐幾抵食，之前出個d午市CEO行政套餐，一個個人餐可以由5-6種菜式揀兩種，主食都有得揀，細細碟，好好。炒蛋、排骨、全部都係水準。佢d潮洲粥幾好食，麵都唔差。最想食佢既綠豆爽，唔係道道都有得食。

放工突然想食潮州嘢，就揀咗佢。食物無論味道同份量都幾好，坐得又幾舒服，就寫寫佢啦。叫咗個套餐，有海鮮蠔仔粥同至尊滷水鵝拼盤。另外仲叫咗兩杯餐飲，分別係百香果黑糖冰茶同埋紫薯豆漿冰茶。講咗我杯嘢飲先，原來百香果同黑糖都幾夾，入先會係一陣百香果嘅香味，但個after taste 係有淡淡既黑糖味。$26一杯同你出邊飲珍珠奶茶差唔多，但依杯比較有特色。拼盤都幾震撼，因為真係包羅萬有，有鵝片，鵝肝，鵝腎，鵝腸同豆腐。味道仲要唔錯，雖然滷水味唔會特別重，但用了新鮮。鵝肝入口好潤滑，唔會過熟。鵝腎有咬口，唔會韌口。兩個人食的話，會食得好滿足。至於個海鮮蠔仔粥，平時蠔仔會係主角，但其他海鮮有啲喧賓奪主嘅感覺，唔係貶意，只係其他海鮮比蠔仔更出色。有蝦有魷魚有帆立貝。特別係個蝦，蝦腸已挑，蝦肉非常彈，幻想唔到個蝦肉擺咗落去煲粥，都仲有咁嘅咬口，所以我覺得應該係分開處理。但分開又好，唔分開又好，味道唔錯就得啦。總結：價錢雖然唔係唔算平民化，但食物飲品來講，係有質素嘅，再食多幾次都冇問題。