薈軒 (Closed)

Went for a group dinner for a fixed price with beers. Worst Chinese food I’ve had since going on group tours to China in the 1980’s. Squid was like deep-fried rubber. Sweet and sour tasted like they used leftover pork, vegetables were tasteless and overcooked, and the noodle dish didn’t have enough meat and vegetables on it for everyone on the table to have a piece. And the beers were among the worst since I tried ‘Reeb’ in China. They served ‘Party’ beer from the ‘Beijing Yanjing Brewery’. Appa

📍薈軒📍灣仔合和中心7樓#灣仔飲茶 #飲茶 #點心——1. 薈軒蝦餃皇（頂$41）2. 陳皮鮮竹牛肉球（中$26）3. 海皇煎薄撐（大$31）4. 蔥花蝦米煎腸粉（大$31）正正常常，不過不失～～環境衛生不錯，適合和朋友一直聊天！！！午市不太便宜，但環境舒適！讚！早市和下午茶優惠後可來吃！！！！——人均消費：92HKD（午市）｜好味指數：🍔🍔🍔🍔🫓環境舒適：🍔🍔🍔🍔🫓考慮再吃：🍔🍔🍔🍔🫓

午時點心，第二次灣仔飲茶，食物味道還可以，不過不失，肉質新鮮，餐款都多樣化蝦餅軟身不太硬，味道可粥底還可以，魚不夠香蝦腸厚身不太滑普通燒賣，一般啦豬肚比較差，太有豬氣味炸豆腐好食，好滑啊暖暖雙皮奶，好有奶味和薑味菜不太軟身，有嚼口

以為可以早早地，係週一九時多去吃個早茶，同老公去食幾件點心，可惜後悔不堪，食物質素其差，服務就一開始就沒有期望，強差人意，算數！但係接受唔到佢哋嘅食物質素要求咁低，蒸嘅腸粉及蝦餃，甩皮又難食，而清湯牛腩河就求其搵間粉麵舖都好食過佢。位置係合和中心七樓，話晒都係灣仔商業大廈，以為都有少少水準，誰不知係連屋村酒樓都不如，义燒包唔知係咪用大陸麵粉，仲係劣質嗰隻，又糊口又黐牙，差差差！點心無樣掂！總之，不會再去喇！極度失望！

見樓下幾位網友都話服務態度唔係咁好，但我今次感覺ok呀，特別係門口既女部長，好殷勤，可能隔離枱有個被稱之為「老細」既人物（唔知係呢間酒樓既老細定隔離公司老細）特別要講我係跨區飲茶，山長水遠，落咗車都要行十幾分鐘，係特別走去飲茶！咁有誠意，係因為之前飲過（約兩三年前），當時既燒賣同蝦餃係有5粒，中間有粒細細粒，賣相吸引，亦感覺特別。但今次去，係無咗，只係好普通既4粒，同其他酒樓無分別！整體而言，中等價錢有中等水準，不過不失，但再無咗要我跨區飲茶既吸引力！

疫情期間真係少左好多出街食飯，最近室內限聚令取消，終於有時間同亞媽去下飲茶！灣仔茶樓唔算太多，薈軒以前經常去！好彩仲喺合和7樓！入去之前都會探熱，然後就座，酒樓就完全冇膠板隔住，不過地方大，枱與枱之間都好大距離所以還可以接受！優惠同以前一樣，11點30前離坐係有8折埋單唔走係唔計嘅 ，當然我冇咁早食得完，11點先坐底叫得黎都11:20食物先慢慢上，不過早餐都有另外一張特價餐牌叫”醒晨早茶！  精選嘅大中小特點都係特價！抵食！🍜龍鬚豉油皇炒麵  $68 🦐招牌鮮蝦餃（頂點） $27🥯叉燒包 （小點） $12.8 炸鮮蝦腐皮卷 （ 大點）$18.8食物好味～份量多！上菜需時，即叫即蒸，炒麵勁碟超值！蝦餃媽咪至愛！粒粒都有幾隻大蝦！抵食指數 👍👍👍👍👍      

我和太太早上原本到7/F家居商場購物 ，但未開門，所以去薈軒嘆茶。我們等左10分鐘都無人問我們飲什麼茶，我們舉了數次手，但在附近經過的待應都當看不見。但我覺得傳菜(傳送點心)的姐姐就很有禮貌，最後，當我們示意結帳，他們不需5分鐘便過黎。

話想有日夜晚上去食飯，叫咗個上湯浸翡翠苗，一個佛跳牆！點知一上到枱係啲上湯浸白菜仔，跟住就叫個黑色衫嘅長髮女人過嚟問清楚！唔問猶自可，佢一過到嚟就話呢碟咪係翡翠苗囉，翡翠苗嘅意思就係廚房有咩就要比咩喎！我即刻啞左跟住再上埋個佛跳牆我當堂嚇一跳，根本就係普通例湯，又叫佢過嚟問吓啦，佢嘅答案就話，佛跳牆咪咁嘅樣！這個扎頭髮黑衫女人態度極之惡劣！轉身入廚房出黎，陰陰咀望住我地笑！之後點既菜都吾洗要！埋單走人！

星期五到薈茶，坐低開完茶。等了十幾分鐘，叫咗四個阿姐，都攞唔到點心紙。。。因為食午飯趕時間，一張單連甜品落埋，於1320落單。五分鐘，第一味上的菜是甜品。。。算，我對於食嘢先後次序都無乜所謂，而且自己一張單過落單，唔怪得佢。之後等左成廿分鐘先上另三樣點心，已1345，俾我哋五分鐘食晒。之後一路等到1355，最後兩樣都未到，即劇揾個部長來催。話一樣整緊，另一樣漏左單，問我仲要唔要。我哋諗住再等多一陣，要埋啦。等多十分鐘，來左一樣，另一樣未到。食完已1410，再催。到1420，仲未到，叫個部長來，check單。佢第一句就會話漏單。我話張電腦單1320落左單，中間催左三次，依家先話漏？！之後佢話因為廚房個蒸爐壞左，所以漏單，仲話我點解唔早啲催。。。我寸佢話已催了三次，落左單共七十分鐘，你依家先俾個咁嘅借口我？佢就發老皮，一句話問我咁你依家要唔要？唔要可以埋單走。。。完。真係好勞氣，又唔係平，啲態度仲要咁。

如題。點心食物都大大碟，味道質素算幾好價錢係灣仔嚟講算公道。但服務態度真係好差，尤其係遞點心嘅姐姐。鮮蝦腐皮卷好香脆、蝦餃大大粒，又冇蒸過龍，都值呢個價錢，算比較平民。

中午同同事去食晏，點左一輪點心後，其中一樣冇曬，有一短曲髮黑衫來講，我地同時間已應「好」，咁個黑衫去左隔離整枱，整左陣轉身來講「冇xx，聽到未？」我地「好，應左妳啦」黑衫好西面咁轉身同另一黑衫，細聲講陰陰笑望一望我地中間再點一輪點心，到前後已坐左有半個鐘，催第一輪兩點心，其一跟第二輪點心到左，再前後等左9個字左右，再催第一輪點心，第一個侍應「黎緊啦」，再等10分鐘，問黑衫，轉頭佢答「黎緊」，再一陣，問另外侍應，若唔黎就取消，回來說「冇單，要唔要加單？」我地話唔駛，埋單啦埋單那位位髮侍應到左，講幾錢，咁當然我地對單啦，一拎就話塊夾層有錢，咁我就只拎左單望，但佢冇停過口一路講「裡面有錢xxxxx，無限loop」，中間仲一手扯返張單利申：當時我地冇癲佢，不過唔會再去，因已唔係第一次

一向這家茶市爆滿，晚市人比較少剛好今晚沒有酒席，今次一家人來食晚市幾樣特別值得推薦椒鹽炸豆腐，非常美味炸雞配上話梅醬，香口但不肥膩咕嚕肉食唔哂打包，第二日用焗爐焗完食都仍維持到口感家人喜歡食海鮮，蒸的時間剛剛好

週末早上，都很喜歡同家人來薈軒飲茶，貪佢抵食，好食，嗌到成枱精緻的點心都是200令蚊。早茶要11點45分埋單先計做早茶。所以要果斷，否則當正價計就好貴！點心紙上的點心會定期更換，成日來食都唔會太悶。我們都中意食一啲唔太傳統的點心，加埋幾樣係鐵膽一定要嗌。我最中意食呢度的粥，無輪咩粥都好吃。首先夠大碗，煲得好綿，夠火喉，餸又多，個皮蛋瘦肉粥真係滿口都係料！粥又有味道！食完一碗勁滿足！另一至愛係雪山叉燒餐包。熱辣辣出爐，個皮好香脆，入面雖然好似裝滿空氣，勝在夠LIGHT，加埋甜甜的叉燒包餡料，無得彈～就算連平平無奇的腐乳通菜都好正，我覺得個腐乳汁應該係加左料，無平時的腐乳咁咸，同通菜好夾～還有香麻綠茶餅，個樣雖然唔太靚，但好好吃，唔會太甜，口感QQ的，仲有大量芝麻，香到爆～仲有燒味，真係種種燒味都做得好。特別燒肉，好有誠意，係脆皮的！肥瘦適中仲好JUICY!點心太多，不能盡錄。早點起身過來飲下茶實在不錯！另外，食滿200元先可以碌卡。而免費泊車一定要電子消費，食滿200就送一小時﹑300就送2小時. 所以我地次次都焗住食夠200元。

友人於合和中心上課，相約位於七樓的薈軒一路飮茶一路傾工作項目。因是中午吃飯時間，所以是早一天留個優先輪候枱號。接待姐姐安排個比較靜的位置，開茶時待應説花生小吃要不要都規定要收費。先叫來三個點心：羅漢齋粉包，粉皮做得白滑，饀料豐富有雜菌及蔬菜，自己加入適合豉油，比腸粉還好吃。鮮蝦腐皮卷，點上醋吃可以去一些油膩亦可增潻味道，咬一口蝦爽且夠份量，而外面的腐皮炸得脆口，好吃。雪山叉燒包，包焗得脹脹的，但包身太薄不夠厚，沒有吃包的口感，且有少許黏笠，汁多而叉燒太少了，要扣分。本來是先叫三個點心，之後再點其他的，但是忙於討論最後趕時間也沒有再吃其他東西了。兩位埋單$139，吃得不多。

#薈軒 (灣仔)灣仔皇后大道東183號合和中心7樓701號舖-----😝 早起的鳥兒有早茶飲-皮蛋瘦肉粥配鮮竹卷（$36.8）- 呢款早茶孖寶非常抵食 平均一個點心 20蚊都唔使 皮蛋瘦肉粥煲得有d唔夠綿滑 味道亦調得唔夠到位 有少少太濃味 而個濃味係黎自鹽ge味道 而唔係皮蛋同瘦肉 整體一般 鮮竹卷倒是好出色 腐皮非常多層 內陷有肉有菜 清清地又有肉調下味 唔會太寡 浸鮮竹卷ge湯亦無太油膩 整體感覺健康又美味-金粟鮮蝦餅（18.8）- 蝦餅質感扎實 蝦肉爽口又彈牙 其實好好食 可惜太油膩左d 建議如果可以配買甜辣醬會更惹味更正 ～-----👶🏻B仔整體評價：7.5/10個👍🏻👶🏻B仔抵食程度：8/10個👍🏻👶🏻B仔環境評分：7.5/10個👍🏻👶🏻B仔味道評分：7.5/10個👍🏻👶🏻B仔回頭機會：7.5/10個👍🏻----