Cul-De-Sac (Closed)

跟難纏的對手開會，十一時許直落開到三時，結果也是~未解決！心情悶納，胃口也不佳，只想找處地方靜靜的坐下，行了上蘭桂坊的這裡。三時許，是意想不到的多人，坐落還是洋女佔大多數，莫非鬼妹唔使搵食的？店內的環境可以用「污煙瘴氣」來形容，油煙味加上亦多在吸煙，吃完西裝也一陣味的。同鬼佬要了個牧羊人漢堡Shepherd Burger，加一支Coke Light，就坐埋餐廳的最埋邊，求其拿本雜誌在扮睇書，等吃。Shepherd Burger要了medium rare，真的是鮮嫩有肉汁，自己再加大量的乾香草及胡椒，美味。漢堡內亦有生洋蔥、蕃茄、生菜等，加上包是烘熱的，整體來說都一點不差；伴上薯條一大堆，都炸得新鮮熱辣，又夠脆口，醮點白醋及黃芥辣。不過吃完個份量不少的漢堡，薯條也真的吃不完，剩下了一堆。最後來杯特濃咖啡，在暗紅的燈光下坐一陣，聽著我輩的一些舊英文歌如Against All Odds、California Dreaming等等，感覺不錯。店員幾隨和，服務都算滿意。埋單八十蚊有找，漢堡包不常吃，時不時一餐，都幾好。

1.第一樣要講就係，個外籍男侍應生很好，很有禮貌，中環少有，而且係外國人添，少見少見。2.薯條好味，好大條好3.但個burger, 有進步空間4.睇落好細，其實好大份，一個set lunch 都可以食到你飽飽。

其實係正宗American size，只不過對於一個個子不高既中國女性而言，未免負荷大o左D。要o左個Beef burger set，跟salad 同Diet coke。佢o地serve 既係garden salad with vinegarette（暗笑：一係因為係my favorite，而係因為如果同個salad 同樣size 既French Fries 放o係同一個位置，後果...）。食完個salad，飲哂支Diet coke（係，係細樽裝Coke Light），個burger 都未到。雖然即整o者，但都要計o下個timing 囉。Beef burger 熱辣辣出場好食唔在講，肉汁+牛油（唔係butter，係舊漢堡扒既油）四濺，好正。不過，其實有番咁上下大份既set，點解俾枝200 幾毫升既Coke Light 我既？又話American size？

20050731 2pmlate lunch, 同男朋友2個人. Cul-De-Sac 係apple 早前o既推介, 男友嗜食漢堡, 近近地, 就o黎試下.一人一個lunch set ($55/68)-* cheese steack hot sub - sub 者, submarine 是也. 自動自覺cut in half, 抵讚. 包夠鬆軟, 牛肉與青椒同炒, 清新唔覺漏. 混埋o的溶晒o既芝士~wow~ yumm~yumm~* beef burger - 包唔新鮮, 又乾又實. 肉餅太碎唔香唔夠juicy, 係有好多"汁"滴出o黎......不過係水, 就唔係肉汁. 同埋o的mustard 落得太多. 可能星期日無咩人o黎, 差o左o的o掛. 差唔多價錢o黎計的話, personally 都係覺得Triple O's 好o的.* fries - 就係普通fries, 一般啦. 比較油.* coke light x 1 - 呢度o的可樂全部係支裝.* coke x 1total $123. 無加一. 注意呢度只收cash. 笑面係比個sub., 其他只係ok.食完行下pageone

雖然地方迫少少，但係都會不斷咁來。我次次來都會叫wellington漢堡包，大大份，而且漢堡扒好有肉味。佢地既薯條係粗同大條嗰種，由於即叫即整，所以好脆。不過我通常都食唔完個飽，太大份啦!午餐$55包薯條同汽水，好抵。如果你鐘意食漢堡包就要試吓呢間。

想食似番一碟"食物", 而不是味精加色素的素食, 最好選擇是一眾西餐廳. 於是即使是一個15分鐘的一人消夜, 都唔可以去翠華, 冇乜選擇. 以後我會識來呢度.12點半, 蘭桂坊四周都係人. 呢度可以望街, 唔焗促, 有支裝coke-light, 有veggie burger (另有veggie pizza, salad, sandwiches...任君選). 更有full bar service, 飲野揀呢度都幾好, 可以用來等人, hea一陣.Veggie burger $55, 足足有6吋直徑, 內有一片煎薯餅, 加上青瓜, 洋蔥, 蕃茄, 生菜, 好飽! Coke-light就係Coke-light, $15/支, 唔平, 亦唔算貴.本來我等果個人係Onion ring, cheese fries & beef burger fans, 可惜佢要我等得太耐, 我走先, 佢冇份食!

如果滿分有一百分,呢度一定有二百分雖然價錢有點貴,但相對所提供的服務、環境及食物質素,卻是物有所值shopkeeper eric 極nice,服務態度好到冇得頂我地睇唔明menu,佢就有問必答個burger 好多汁,食到周圍係,beaf 煮得0岩0岩好另外個POUTINE(French Canadian Classic Fries Gravy and Cheese)唔係度度食架,簡直冇想過會咁SPECIAL.唔好以為佢會焗到0的薯條淋晒,不但外脆,芝士香得黎又冇遮晒薯仔味.....形容唔到啦,去試下啦雖然有0的細,但個MOOD 好好,music so nice ,0岩晒吹水以上頂級享受只限下午茶時段,其他PERIOD 好多人架!!!三人共SPEND 123 (SHARE)

Cul-De-Sac解作一條小巷，呢度店名所指的應該是榮華里，不過可能在呢一頭泡得太耐，呢度橫睇掂睇都無小巷風情。都知有呢間舖好耐，不過一路都無幫襯過。星期六傍晚同個同事傾下佢感情問題，在佢帶路下，來了這裡食野。呢度供應三文治、熱狗等，當然亦少不了熱狗的好拍檔~啤酒啦！眼見好多人都係拿住支啤酒在傾計，食野的就不多。我要了芝士牛扒Hot Sub，份量都不少，食完都夠飽。牛扒講明係紐西蘭grade A西冷，不過就唔係好覺肥肉果陣香騷味，美中不足；配菜有青椒、洋蔥、芝士等，都幾多料。價錢68蚊，幾貴，但都算OK；同事的Virginia是煙火腿三文治，份量唔少，配菜亦有蕃茄、生菜、洋蔥等，配以蛋黃醬佢話都幾好味。價錢42蚊，比我的Hot Sub平D。最正就係可以一路食鬼佬三文治一路飲啤酒。另全店煲煙，聞不得煙味的要望真至好幫襯。