稻成 (屯門市廣場1期)

Open Now

Now Closed

我係第二枱拎飛，前面拎張A01，我拎張A02，兩個相隔都無幾秒。然後陸陸續續見住啲人拎B01，B02咁樣。之後走左枱二人枱（卡位），佢叫左A01入去。然後再走左兩枱卡位（原本一張坐二人，一張住兩大一細。點知佢再叫飛個陣叫曬啲B枱入去，我去問個待應點樣分2人枱同4人枱，佢話跟拎飛時間😅 我同A01差幾秒拎飛，B枱全部都遲過我拎，敷衍客人都搵個好啲既藉口呀，不知所謂，求其敷衍客人，大家去食飯小心佢亂咁叫飛，無啦啦等多成粒鐘😅

三個人叫咗三個客加燉湯：招牌酸菜魚： 酸菜不太足夠魚的份量也不少好送飯黑醋汁松板肉： 冇諗過松阪豬肉炒得咁好味，一件一口食唔停口川味小炒牛肉： 牛肉好味，反而配菜尖椒都炒得好好味每人埋單100多啲，食到鋪住個肚走，喜歡

屯市食嘢好多選擇不過8點後就唔係咁多餐廳再接客去到稻成 好彩仲比入座見到酸菜魚係招牌菜不過唔算太餓怕食唔晒見有片皮鴨可以叫半隻就決定食佢坐底會有兜炸黃豆，好香口因為好鍾意食呢啲脆卜卜野所以都忍唔到口係咁夾🤣片皮鴨每片都好香脆又唔會勁肥勁油肉嘅部份都好嫩滑餅皮唔會過份厚😛小籠包皮薄多汁調味唔會過濃😋😋香蕉豆沙煎餅多餡到爆晒出嚟！香蕉同豆沙比例做得好好外皮好脆😚店員服務態度好友善座位舒服，超級推薦！👍🏻👍🏻

如果係香港食酸菜魚 我一定首選稻成坐得舒服 味道又唔差已經同朋友食過好多次每次食完都好想再食1️⃣招牌酸菜鮮鱸魚必叫嘅酸菜魚鱸魚份量十足！厚肉無骨唔會太辣 非常適合香港人嘅口味裡面有啲配菜同薯粉吸收晒酸菜魚嘅鮮味撈汁可以食多幾碗嘅白飯 2️⃣紫淮山素小炒健康之選食完重口味嘅酸菜魚當然要食啲蔬菜 中和一下紫淮山幾特別 炒得好有鑊氣3️⃣小籠包中規中矩皮薄湯汁多總結留港消費都有好多選擇想食好食酸菜魚 一定要試試呢間

經過見佢裝修企理，客疏，諗住靜靜局同屋企人食餐飯。 早一日電話訂位已經感受到嗰份燥烈，講多句要求可以嘅話俾張corner 枱，未講完立刻落閘，轉頭cut埋線… 今時今日…真係唔敢..亦唔需要幫襯。

整體用餐環境舒適，食物味道唔錯，特別要讚那個紫淮山素小炒，我們還點了老上海燻比目魚，上桌時跟餐牌賣相有出入，食落囗都ok 啦。因為係同媽媽慶生，老人家喜歡中菜，平時去開傳統酒樓，於是試下這家中菜。唯美中不足的是它們要收取$1 0 0 切餅費算貴，所以冇切生日蛋糕。

屋企人生日，見佢地都係鐘意食中菜，近佢地所以揀左去屯市食。呢間開左咁耐都未試過😂，喺openrice book到枱都方便～環境都ok，staff幾nice～但去到俾左卡位我地坐，幾個大人坐逼左啲…最尾俾我地換張圓枱就好好多😌🔅招牌酸菜鱸魚(辣) ($258)鱸魚唔夠滑，好多金菇😂，唔會好辣好麻🔅稻成片皮鴨(半隻) ($268)片皮鴨連埋個櫃上幾靚😂，仲有埋濕紙巾，隻鴨片完有肉有皮唔錯～🔅黃金蝦球配南瓜露筍 ($158)蝦球🦐唔係好多粒，不過幾多鹹蛋黃，南瓜同露筍都炸得幾香🔅稻成小籠包(4件) ($52)正常無咩特別，不過不失🔅川揚鮮肉煎鍋貼(4件) ($52)鍋貼🥟皮偏厚，唔太多汁，普通🔅老上海牛肉餅(4件) ($58)好爆汁好juicy，牛味幾濃🥙🔅砂鍋華亭餛飩雞(半隻) ($248)🍲幾濃味，不過媽咪話鹹😂～雲吞都ok🔅瑤柱蛋白炒飯 ($118)炒飯雖然用砂鍋上不過都唔係好保到溫，一般🫣🔅老上海燻比目魚 ($88)有少少骨，酸酸地幾脆💬整體都無咩特別，性價比唔高，野食拎出黎都唔係熱辣辣🤨，下次應該食返翡翠拉麵小籠包算😂

午市自由配搭套餐$8️⃣8️⃣另加一午市時段免收茶芥🥢酒槽醉雞（細）🐔酒味香醇，細份有4件冇骨雞，啖啖肉，不過醉雞肉肉質有D鞋🥢稻成紅燒牛肉麵🐮4舊牛腩，都算大嚿，炆得幾腍，但睇menu幅相係牛𦟌😐照騙🍜湯頭清甜幾好味環境相當唔錯，地方很大，但係午市都係得三、四枱客，相當冷清，我唯有繼續本地消費，撐起經濟😆💰是日消費$9️⃣7️⃣已加一#食在屯門 #屯門巿廣場 #tuenmunfood #hkfood #lunch #牛肉麵 #beefnoodles #醉雞 #drunkchicken #香港美食 #相機食先 #hkfoodie #heleninocean

屯門哩間稻成我都食過好多次！今次同已往一樣食物水準都係好好！但服務員就有所唔同！不得不讚～～香港好在有妳👍🏻盈盈！她服務態度非常好又熱誠親切又專業！希望香港多啲地方能請到D咁好質素嘅員工！

經過見到話用恆生信用卡埋單就送小籠包，就走入去試下，個小籠包一籠四隻，皮薄多汁，幾好食，另外叫左孜然手抓骨同片皮鴨半隻，手抓骨略為唔夠孜然味，不過都炸得幾酥脆既，味道冇乜驚喜；片皮鴨等左差唔多半個鐘，店員話即叫即整所以慢啲，上到黎伴隨有青瓜，京蔥絲，甜醬，十塊餅皮，味道不過不失，不過呢度半隻片皮鴨$268姐係將近成三舊水，都偏貴。整體黎講食物味道唔差，價錢稍貴，呢個價位黎講食物質素未夠驚喜；環境方面都OK，坐得舒服，店員有積極跟進食客需求。

很滿意的一頓丰富晚餐太想食酸菜魚和片皮鴨看了食評揀了這家店一試要四人套餐才同時有此兩款主食唯有點二人餐另加半只片皮鴨份量是多了點但因美味也幾乎無剩食只是本來會送的小籠包就放棄不要了食物質素和味道 份量都好滿意服務質素更是有點意外員工態度很好特別點贊👍 為我地落單的女侍應恰到好處的禮貌和真誠的服務態度 令我多望了她名牌幾次😁也對此店留下一個好印象另一少年服務生也是很好的整體都令我和先生食得開心滿意我也期待下次再光顧

之前食過咁多間酸菜魚，都係覺得稻成酸菜魚煮得最好食，今日帶咗屋企人一齊去食，必點既當然有招牌酸菜鮮爐魚，之後點多個點心二人餐，叫咗蝦餃，小籠包，超愛紫准山素小炒，牛肉炒飯同金絲南瓜餅。超推介嘅係招牌酸菜魚加咗紫薯粉之後☺️☺️真係覺得係全港最好食嘅酸菜魚，魚滑配料足，如果開喺我附近隔離，應該會成日去食。蝦餃皮薄餡靚大大粒，一啖食落口好滿足😌而小籠包同牛肉炒飯都係正常發揮水平，都唔差。對於鍾意食素菜嘅我，個紫准山素小素真係好岩我胃口😉👍🏻最驚喜，係個金絲南瓜餅，大愛🫶🏻一食就會想繼續encore食多轉😋😋

原本係開開心心慶祝生日飯，食到酸菜魚嗰part已經唔OK，酸菜魚係用鹹酸菜，而並非大陸食開嗰隻酸菜味。奇奇怪怪。之後上咗高力豆沙，好彩我媽咪咬咗一啖俾我睇吓個內餡，我先見到好似唔同顏色。再望真啲，原來係發咗霉。老人家眼力唔好，食咗都唔知點算！black list

因為朋友想食片皮鴨，看到門口大大張poster，當堂流口水衝入店🤤🤤🤤店鋪經理帶入座，因為店內多數2人位或適合一家大細既大枱，所以我同朋友購物完好多袋二人位無位放，我未出聲提出，經理看到即時拉多張凳比我同朋友擺袋，非常體貼及後仲詢問左我地鐘意食乜，細心介紹店中招牌美食，而且餐牌上套餐可以自由配搭的，非常方便我地可以挑選自己喜歡的餐點。最有名是片皮鴨、小籠包同酸菜魚。我同朋友都唔食酸辣，所以今次就無叫酸菜魚啦～第一道菜冬菇腐皮卷凍食，反而無平時炸個d甘熱氣，好好食既素食🤗第二道菜小籠包熱辣辣出籠，蒸得岩岩好，皮又唔爛又唔厚身，一咬開，湯汁清甜怡人🤤果然係招牌！第三道楊洲炒飯飯夠乾身，蝦無雪味，而且超夠料，蝦又多叉燒粒又多，仲食得出叉燒好蜜汁好甜😝第四道，乳鴿，非常脆口多肉，非常香，好少食乳鴿咁多肉咬，正😄影到有小小手震😋太心急想食根住係重頭戲，北京填鴨片皮鴨，裝個盒都好可受，有埋濕紙巾同手套比食客，鴨方面就皮脆肉嫩，略嫌皮多過肉，不過鐘意食脆皮既可能更喜歡，我就食肉獸，私心想肉多少少🤏🤤醬同青瓜同京蔥都商備，皮都做得好好，夠薄夠煙靭，包住一口咬真係好有滿足感🤤最後一道甜品-楊枝金露特登每

見到裝修後的稻城比以前靚，以前稻城的食物還可以，於是滿懷希望咁去吃晚飯。結果，令我非常失望。叫了一客松子魚。槳粉非常厚。吃上口，只感覺滿口都只有槳粉，完全吃不到有魚肉。只有在魚頭及魚尾找到0有些微魚肉，才提醒我這是“一客魚”。為什麼這是“一客魚”而不是“一客松子魚”，因為我翻轉全碟，也找不到一粒松子。只有懷疑冒充松子的蔥粒，菜粒。另外，醉雞及嫩雞煨麵也比以前退步。而價錢，當然比以前貴。當食物好，一切都不是問題。而現在，這就是一個令我不再光顧的合理藉口。