大記攦粉糕點專門店

Open Now

Now Closed

唔係fd介紹都唔知咩叫攦粉，真係孤陋寡聞呢度既攦粉幾得意，係一個木桶仔上，有麻辣酸辣清湯揀我地揀左酸辣，都幾酸架喎！攦粉都幾大碗下，有少少菜，我覺得啲豆角同黑木耳都幾好食我地叫左一個炸魚片頭攦粉，一個豬扒攦粉魚片頭同豬扒係分開上既，片頭炸得唔錯，熱辣辣幾好味，而且幾彈牙又有魚味，有驚喜豬扒就一般啦

平常經過旺角，都會來這裡吃吃糕點。這店沒有太多香港人知道，來旅行的只知道什麼留山，什麼熊曲奇，卻不知道這家已經四十年的麵店。對，它是賣叫做「攦粉」的一種跟麵線相似的麵，類似「中山」出的的瀨粉，由店主的上一代從中山帶到香港，每天一大清早就在工場開始製作當天用的材料，確保供應新鮮的粉和糕點。而攦粉的名字由來，是很久以前，粵劇名伶新馬司曾及梁醒波等因爲登台而途經中山，巧合地嘗到中山店的瀨粉，見其做法有趣，而且美味爽口，於是贈其一個「攦」字。經過多年經營，第三代店主都想出更多的產品，先後有人手製作的糕點，種類多，味道好，口感爽口，真材實料，每到過年，更會推出限定的年糕。

平日晚市到，店內大約有24個座位，座位與座位之間唔逼。餐廳出名用木桶盛載攦粉，有gimmick。叫左五花腩肉配墨魚丸攦粉($43)，蒜蓉豬扒攦粉($38)。攦粉滑，同米線既粗度差唔多，但會煙韌d既感覺。望落個木桶好細，但其實食食下，麵量多，所以好飽肚。每碗都有大量雜菜，仲有肉絲，湯底唔油膩，所以飲下無妨。配搭既主食蒜蓉豬扒煎香得邊邊位脆脆地，蒜蓉味唔太重。豬扒有大掌咁大塊，尼個價錢抵食。五花腩肉有起碼5塊，肉嫩，冇煮到變硬，d肉唔會zip牙縫。墨魚丸大大粒，雙併幾款配料都只係加$8。整體，抵食既粉麵，同平時食雲吞魚蛋粉麵既價錢差唔多，但用木桶盛載食物夠特別，而且份量足，抵。

啱啱睇完星期日嘅CCTVB「香港原味道」見到個紫薯忌廉糕好吸引咁. 但只有big big shop 先有得賣. 咁啱經過SOGO有檔位，仲可以散買$33/個，有8折 $26個. 其實都唔平. 滿懷希望拎返屋企食，一打開望落去，個樣咁實既... 食左一啖外層表面仲衰過大菜糕，好實正，入面紫薯可接受但唔多，個皮太厚，呢件糕點最多俾佢$10.之後上openrice睇，原來大記都唔係專做糕點唔怪得唔好食啦，佢有sale我買埋椰汁奶皇，同生果糕， 好彩只係買左一件

▶️▶️▶️炸墨魚卷雙拼孖寶攦粉（$45）+桂花茶（$10跟餐）如果唔係有朋友住附近，真係唔知有間咁嘅鋪頭😂😂😂因爲第一次食，所以特登去check下乜野叫做攦粉，原來係類似用米漿整嘅瀨粉嚟食落去幾彈牙，要用少少牙力先咬得斷😂，配埋個沙嗲湯食就唔會太清淡，但份量唔多，女仔都可以食晒成個餐🤣🤣，而炸墨魚卷同孖寶（魚片頭同魚腐）都係啱啱炸起，點埋個泰式辣醬香口得嚟又好醒胃👍🏻 而個桂花茶無咩特別，不過出面好少有得飲所以如果鍾意桂花嘅可以試下

喺附近實習，喺朋友介紹下，去咗食呢一間餐廳。餐廳入面見到有好多老闆同明星嘅合照，令我都有少少信心。😝餐廳除咗賣攦粉，仲有賣甜品，例如芝麻糕，但$20得一小盒我就冇買到lu!我就叫咗個鮮炸墨魚卷攦粉，其實都係第一次接觸攦粉🤣因為聽朋友講原味有啲普通，要加辣醬先有啲刺激味道，所以我叫咗沙嗲湯底！佢一嚟到嘅時候係用木桶裝住嘅，賣相好古色古香，沙嗲湯底上面仲會有啲沙嗲醬，但係唔辣嘅，亦都唔會好濃味，我覺得啱啱好😙粉質好彈牙，外貌似烏冬，但係食落一啲都唔似，彈牙彈牙！！哈哈，所以都有啲難夾，好滑身。餸菜係鮮炸墨魚卷，超推薦，不熱氣，又好好味，好香，好正！😙

今個端午，朋友極力推薦大記蘆兜糭。原本只打算買一兩只嚐嚐，但見到琳瑯滿目的各款古早味糉子，忍不住買齊了咸丶甜各款口味。當中最吸睛的是巨無霸蘆兜糉，足足有澳洲龍蝦🦞一樣長度，我買來送給外母大人，氹得她老人家笑開眉。至於價錢方面，可以用好抵食來形容，送禮又夠體面，荷包又唔傷✌️大家一定心急想知邊款糭最掂，都係嗰句：各糭入各口，我個人最愛綠豆糉，實而不華，但綠豆份量超多，肉咸香，蛋黃漏油，坊間名店絕對無這水準。 西米豆沙甜糉丶麻辣肉糭是我刁咀女兒摯愛。兒子第一次吃蘇木糭丶鹼水豆沙糉，竟然吃到停不了咀。賢妻說蘆兜糉是她兒時回憶，現在已經好少機會吃到，她簡直吃不釋咀。總括來說，大記的糉：價廉味美，值得追捧，極力推薦給大家。

餐牌咁寫，諗住蝦春卷再加魚腐，點知靚姐話可以再揀多樣，就揀埋片頭木桶上，keep到湯同粉嘅溫度，係好心思諗過，不過其實並非特別好食。先講啲餸，片頭䋢實密度高，冇腥味；蝦春卷有兩條，中間剪開，外皮脆，蝦味唔算出；魚腐炸到外層好酥。但其實熱辣辣新鮮炸再點酸辣醬，好難會唔好食，唔係特別高嘅技巧，食到最尾仲見到碟底勁多油。啲粉更平凡，手工製作，粗幼不一，但並冇煙韌彈牙，只係比一般瀨粉粗身啲爽啲。清湯底真係好清，近乎滾水。配菜方面，紫菜尚算正常，其他包括四季豆、蔥、芹菜、芫茜、木耳絲甚至肉絲都可以完全冇味，唔知浸左喺湯幾耐咁就$45，寧願食普通魚蛋粉。冇咩特別，不過不失，試過就算。

中午未諗到食咩，同行中有人便帶我來試試。這裡的攦粉，都是用木桶盛載，得特別。鮮炸順德魚腐攦粉4件魚腐用細碟跟攦粉分開盛起，因為剛炸起，沒有被湯底浸淋，熱辣辣、很香口，非常好味。攦粉用米槳做，好滑。

【蘿蔔糕】被蔡瀾喻為「香港最好食的蘿蔔糕」，諗住叫一件試下。 點知原來佢話一件唔煎，三件先會煎。我問，咁唔煎係凍嘅？佢話係。 但問題係三件食唔晒架嘛，所以我答佢，好啦，咁要一件唔煎啦。 佢跟住同我講，凍嘅唔好食架喎，你要兩件啦，兩件都同你煎啦。 咁就兩件啦 ， 咁件蘿蔔糕又真係好食嘅，下次黎都會再點 。【邊頭肉攦粉】之前見過有人推介邊頭肉，所以就點呢個啦。而咩叫攦粉呢？其實就係瀨粉嘅原稱！用米漿做出黎的攦粉米味十足，口感幼滑。湯底用豬骨熬成，豬骨湯底都加有蔬菜，更加清甜。邊頭肉即係「面豬登肉」，口感軟腍，肉味濃。 一大碗攦粉先 $38，好抵食 ， 絕對會再 encore 。下午茶時段仲有飲品跟。超值。

今日黎到太子既大記攦粉糕品呢間野係同事推介之前食過一次 覺得幾好味 價錢又唔貴間唔中就會來呢度食lunch買左外賣番公司食 order了醬爆丸攦粉 麻辣小辣盛惠$33蚊 外賣需另加$1蚊等左幾分鐘就有得拎經過十分鐘既路程番到公司終於有得食味道同堂食冇乜差別可能因為攦粉冇咁易變林？醬爆丸外皮係墨魚丸 內裡包住肉醬肉汁豐富 正碗麵本身會包含少少配菜同肉碎粉條滑溜 彈牙至於麻辣湯就不過不失 純粹加左少少香油Btw 如果第一次去食的人 建議唔好叫咁辣因為佢地店既辣度係比出面稍為高

係太子地鐵站附近, 見到呢間小店, D粉麵用木桶盛載, 幾得意, 就一於入去試下.木桶細細個, 但粉GE份量不算少. 攦粉比較粗, 比米線粗, 非常滑身.湯底好清, 好熱好熱, 小心燙口. 價錢係最吸引, 實在抵食.只是配菜(雜菜絲)不合我口味... 老婆愛炸物, 佢叫左呢個. 蝦卷新鮮炸起, 熱辣辣, 要放一陣間先食到. 外面GE腐皮好脆, 蝦膠又夠味又彈牙, 必叫之選. 佢仲叫左芝麻露, 加10蚊, 佢話好好飲.小朋友揀左呢個, 四寶丸, 佢食晒成碗... 期間提佢小心食D丸類, 先咬一半才入口.我揀左呢款, 肥牛有水準, 份量多. 我都係一樣食晒成碗, 飲晒D湯, 見到碗底.

正所謂行過路過都唔好錯過，小編正正就是抱著這個心態來吃這碗面的！小編在門口站了一下下，到底什麼是攦粉，一個一個竹筒裝著，挺特別的，於是就進來吃一下👄！👆扎肉攦粉這裡的攦粉大概$38-$45就有大大碗，包你做晚餐午餐都無問題！D麵有d似狗仔粉，但係QQ地，湯底清甜，喝起來不會覺得五味雜陳，吃完以後更不會有口感的感覺！這就代表餐廳並沒有用太多的味精或者根本沒有用，最後你可以揀麻辣湯、清湯、沙爹湯同酸辣湯，麻辣係最推薦的👍

今日行過諗住買底蘿蔔糕試下，返到屋企忍唔住即煎，食咗半底都幾食，未煎埋嗰半底食，點知食第二舊就懶嘢，有條好長既頭髮，仲要食咗入口先發覺🤦🏻‍♂️🤦🏻‍♂️🤦🏻‍♂️

攦粉是中山名物之一，由純米漿壓擠成麵條，亦是我們常吃的瀨粉的前身。大記出品的攦粉看似平平無奇，卻是樸實無華，以小木桶盛載。湯底清甜今次選了邊頭肉及炒什錦作配料，邊頭肉軟腍入味，份量也不少，出色👍🏻攦粉口感非常Q彈😍爽滑彈牙，大有驚喜！好吃！這絕對稱得上是平淡中的美味！此外，店鋪門前擺放著各式自製傳統糕點，如白糖糕、黃糖糕、砵仔糕、茶果、芝麻卷等等，總有一款能勾起你的童年回憶。每次經過也會買幾款糕點回家作茶點吃，今次試試黑芝麻糯米糍，外皮軟糯煙韌，帶陣陣椰香，內餡黑芝麻蓉香濃軟滑，不過甜，沒讓人失望😊會繼續支持！