大門食堂 (德福廣場) (Closed)

食物方面:叫咗豚肉炒野菜定食豚肉得數塊薄片個菜硬到咬唔到 小小苦味個調味 似乾炒牛河 淨係得麻油味面豉湯偏淡店員服務方面:要人行入去問先派位！態度一般！ 5分鐘內出到菜 曾聽到店員提及曱甴二字環境倘算乾淨

🍙等待時間：中午12點幾到，一行三人直入，有多位。🍔室內環境：柔和燈光，木色為主調，具日系風格🍰服務質素：尚算勤快！🔺用餐簡評：今日行到九龍灣，就決定試下呢間日本拉麵店，而我本人就叫左洋蔥炒牛肉定食，等左十分鐘就有得食。碟上放左滿滿既菜絲，牛肉既比例有點少喎。整體個汁配埋牛肉炒係好香同好味，洋蔥亦吸曬汁，好食。但真心唔夠食，所以我被逼叫多個炸雞$32，算係新鮮即炸！但味道一般。🔹總括來講：無咩特別.

呢間係因為黃我先入黎食，左右隔離好多藍，真係難食到喊，叫咗佢個招牌黑蒜麵點知原來係撈麵，因為我已經資訊是不嚴重的人都蒜頭同埋沙律醬，點知食一啖喊到阿媽都唔認得仲要好油，問佢點解唔湯嗰度佢哋話呢個係撈麵，要撈黎食，天呀，食左一啖知賴嘢，點食得落，真係中伏，覺得好中伏然後即刻冇再食，我個朋友嗰個仲大鑊，又喊又辣又難食，佢加完水都仲好喊，真係喊到好似鹽唔駛錢一樣！！我另一個朋友食雞飯就ok, 味道正常，佢都有食曬既

我同朋友本身覺得呢間幾好食就入去揀咗鬼門拉麵，點知中伏🤭越食越鹹，辣味程度ok。加咗湯都係好鹹，本人超失望，實在太鹹啦！個胃都頂唔順咁鹹嘅嘢😢冇下次啦，拜拜👋

今日嚟咗德福廣場行街，行到咁上下有啲肚餓，就搵下有咩好食啦。見到呢間大門拉麵咁多人排隊，價錢OK就決定食呢間。我哋叫咗個大門拉麵、滑蛋豬扒飯同埋一個炸魷魚圈。個大門拉麵冇乜特別，味道都OK但係就得1塊叉燒，少咗啲囉呢個炸豬扒嚟到嘅時候已經林晒，仲要啲滑蛋都唔係滑蛋，係已經熟曬嘅蛋碎，執汁又勁少，大部份嘅飯都冇汁嘅呢個魷魚圈一睇個色都知得過咗龍，最慘係食落好似食緊膠咁，完全品覺得食緊魷魚圈，千祈唔好叫。

以前因為工作關係同同事都試過這間，不過我係唔太好拉麵因為通常都漏都暈，但轉咗地區番工就無再食，今日剛好行完九龍灣，朋友話食大門啦又抵食又諗唔到食咩，因為今日嘅行程太多個地區，已經好攰，腦袋完全諗唔到嘢，我知佢出名沾麵但我食過真係唔鐘意，尤其最後教你要飲果個湯，貴為湯精嘅我咩湯都會飲(或者係浸麵果碗所謂嘅湯我都唔會放過，點都飲番D)但呢個係好咸同好油，所以我今次都係食灣風油麵，其他友人都係食大門沾麵，佢地對我呢個好好奇，點解食佢，事緣佢係有D麻麻地又有肉碎+蛋，第一啖都係幾好味，佢地都覺得唔錯，但食多幾口好咸，我係咁落沙律都係咁咸，佢有教落醋，但我係度諗無理由不斷加D味另到佢唔咸架，我覺得佢地太重手，我後來自已加手先食得落，其實要濃味唔係得個咸字咖嘛，攪到我食得唔夠暢快，因為一路食一路避閧D咸醬油，但今日個拉麵湯加個鰹魚湯終於試咗口，味道唔咸又有鰹魚汁味，都好唔錯，不過我下次唻都係會揀我叫果款，但下次再咁咸我唔會自己加水了，我都要比佢地知下

2019年12月21日。晴。九龍灣。台灣有套戲叫藍色大門，個名有啲時代錯配感而容袓兒亦都有首歌叫黃色大門，明顯歌手錯配咗呢間大門先至係真正嘅《黃色大門》～好彩呢日好晏先食lunch，所以唔使排隊坐低見到枱面有張期間限定menu不假思索就嗌期間限定嘅鰻魚飯定食喇～鰻魚飯定食有個麵豉湯同個豆腐小食～麵豉湯正正常常，當然可以再濃啲喇～嚿豆腐雖然普通，但係清清地又覺得幾好喎！鰻魚都算大塊，質地軟滑，醬汁味道香濃鰻魚飯嘅飯量非常多，就算好好好肚餓都食唔晒玉子燒腍滑濕潤，唔會乾噌噌咁，仲有蛋汁！蛋味十足～

兩人午市均點了大門叉燒拉麵🍜一杯熱蜜桃茶及凍檸檬利賓納🍹拉麵湯底👍🏻因為用匙更把拉麵連湯一起吃，到最後湯不夠🤦🏻‍♀️唔知可唔可以加湯嘅呢？蛋是溏心的，好吃😋叉燒只有一片（太少了）下次再試其他款拉麵，辛辣味湯麵、沾麵、台灣風油麵都好像好好吃🤤蜜桃茶味道濃郁，幾好！另一杯凍檸檬利賓納味道都幾夾，唔會太甜👍🏻

終於試到大門了！！！.今次試左大門既鯖魚定食，重有南蠻炸雞!!!!!.🐟💬：.南蠻炸雞唔知係咪即炸，但感覺都似係!!卜卜脆!!夠味!!!好食!!!!.鯖魚定食，都等左十幾分鐘先黎，不過條魚好滑~~~~油脂重~~好食~>v<.即使店員要埋數，都唔會趕客人走，只係要求客人先埋單.員工們的態度好好!!!!.🐟FISH'S REMINDER🐟💡阿魚提醒💡.食物可能要等耐少少，但值得的!!!會再回來幫襯!!!.🐟📝：8/10.🍽🐟📝📌大門食堂📍 29972818📞電話: 九龍灣偉業街33號德福廣場二期4樓412舖⏳營業時間：星期一至日11:00 - 22:00

放工同朋友去德福行街, 見餐廳唔使等位就入咗去食個early dinner食物選擇好多, 拉麵、沾麵、定食、鐵板應有盡有。價錢平均約$55-80, 好優惠, 而且免加一! 同朋友一行三人每人叫一個主食。我嘅日式炸雞定食($60)份量幾多, 大約有8件, 但連埋雞皮炸我就麻麻地, 雞肉亦炸得比較乾。朋友叫嘅漢堡扒鐵板質素亦一般, 但叉燒炒飯幾好食。餐廳做緊Promotion, 只要follow Facebook或ig就有一杯免費飲品

之前食大門總覺得偏鹹咁耐冇食 都支持下la新登場 黑蒜油拉麵湯底依舊偏鹹 而冶味麵偏粗 有咬口 我覺得可以再稔一些伴隨湯麵的叉燒肥美 瘦肉不多同埋得一塊太少上菜時很香濃的黑蒜味 叉燒沾麵湯底固然比湯麵濃 沾麵後味道也尚可

一個人食Lunch 唔知食咩好..見呢間唔洗等就入左去一碗拉麵都係$52 黎講…都算幾平…平時食開都80-90蚊Order 左大門拉麵 + 味蛋煎餃子叉燒得一塊同比較瘦..岩曬我鍾意食瘦叉$52黎講..就無咩要求

可能已經食過大概十次既一間餐廳。餐廳主打拉麵同沾麵，但反而呢兩次都有試左佢唔同既飯。吉列豬扒飯-佢既吉列豬扒炸得好脆，但係個豬扒本身比較乾，無咩juicy 既感覺。親子丼- 啲洋蔥好甜好食，但係個雞肉係無味好有雪味。而整體個飯都無咩味係唔好果既牛肉丼-呢個反而幾好味，係個飯油啲，但佢既洋蔥又係好甜同牛肉個燒汗調得幾好。因為牛肉都唔會唔淋，所以都幾底餓。大門拉麵-拉麵既叉燒得一塊都比較瘦，如果鐘意食叉燒，應該係滿足唔至您，麵質係比較硬身，湯底就唔係好濃烈又唔係好有味，所以以拉麵黎講就唔係好食既。

星期日用餐，要等候好正常！但時間過份的長，由落單到等到碗拉麵上枱，足足30分鐘有多！同行者叫左個親子丼同一份炸雞都已經食晒！問職員碗拉麵？只係回答整緊...碗麵終於黎到，好失望呀😞點解水準差左咁多！唔係話好識去食拉麵，但基本連會掛湯嘅麵都冇左，湯底又稀左，冇以前咁濃味！唔知係咪大多人話個湯底太咸！總之就好失望😞重要等咁耐！下次都係想諗清楚先睇下重食唔食依間分店！重申，店內食客唔太多，重要 大部份食客係正在用餐，唔明白點解等一碗拉麵要咁耐😱😱😱

今日放工同班同事食lunch，大家都不約而同話去大門食～份量足夠，味道難忘，賣相吸引，而且價錢合理！到左餐廳要拎左飛先，其實都冇乜客人等緊，但可能要執枱，所以就要人拎飛～豚肉炒雜菜定食因為之前成日食大門油麵，今次就叫左個豚肉炒雜菜定食，想健康啲食啲菜～個份量真係有咁上下，只係菜特別多，豚肉就少左小小，同埋油都幾多。定食有埋豆腐麵豉湯，真係好滿足呀。岩哂中意味道清淡的你黑蒜油油麵油麵真係重點推介，點食都唔會厭。如果唔中意咁多油，可以嗌少油架，但就冇走油囉～油麵上面有半熟蛋同筍，半熟蛋真係好好食，撈埋啲麵真係享受～講得推介點止咁少？其實我地可以叫店員俾蒜蓉同蛋黃醬撈油麵架，枱旁仲有辣椒油，醋，豉油，麻油，拉麵粉。。。自己口味自己落～ 今次新出既黑蒜油香味好濃，但係就有少少辣，爽呀炸雞定食呢個炸雞定食味道平平穩穩，冇太大驚喜，好嘅係可以點下蛋黃醬食～ 旁邊都有啲椰菜絲可以食，但係個人唔係特別推介要去食～ 最後埋單每人都係$50到$60左右， Lunch來講日本野唔算貴～諗唔到食咩又想平平哋嘅就可以去大門