大叻越南牛肉粉餐廳 (機利文新街)

Open Now

Now Closed

呢間舖啲服務十分差，入到去想叫外賣竟然見到個侍應老遠企咗喺度都唔走過嚟，要叫佢埋嚟先施施然行過嚟，走過來又黑口黑面一啲禮貌都冇。我唯有勞氣回覆佢用什麼付款，莫非你大把生意？等咗大約五分鐘之後佢就咁放低個外賣喺張枱度一句多謝都冇。呢啲舖唔怪得知門可羅雀，價錢又貴得驚人地方又窄，枱面黐立立。食物十分難食，杯凍奶茶甜到不得了而且十分多冰兼夾完全冇茶味。雞有陣臊味而且食落口質感好差。啲菜非常油膩又鹹，炸蝦一啲都唔脆。總之我唔會再幫襯

諗住12:00打定電話叫兩個外賣12:30落到樓見到得一個原來佢漏咗一個單 已經同佢講要即時補等咗20分鐘其他後過我嘅都拎晒再問職員 佢勁串咀話你雙併呀嘛我有時間慢慢等就唔使打電話落order啦自己做錯野都唔懂處理 真係無下次難怪香港飲食業死得就死係有原因

食過外賣同堂食，服務態度黑面，食物一般，喺門市等外賣又等勁耐。昨日打去叫外賣，個聽電話低低地男話會送外賣，落晒單，我一路講地址佢聽，佢又一路講佢地址，9唔搭8！ 換左個人嚟聽，個女人態度惡劣，仲話唔送外賣，要去Keeta，訂，我喺外賣平台訂就唔駛打嚟啦！我話你個同事啱啱又話送？ 落晒單又唔送？ 😠佢完全唔認錯，仲cut我線！打返去唔通！ 🤬勁差！😠😠😠以後唔駛旨意我會食！ 新開都超差態度，等執笠啦！😡

幾個月前午餐買外賣，門口個扎馬尾收銀亞姐，黑口黑面無禮貌，本來打算以後唔幫襯，但今日見門口無嘜人等外賣，就俾多次機會佢，呢個扎馬尾收銀亞姐依舊係未洗面咁款，食品幾好食都無用啦，門口尊貴既亞姐都夠趕客，唔知以為我買外賣得罪佢。