德國餐廳 (博文街) (Closed)

金黃色德國咸豬手 肉嫩皮脆 大角咀必試 入味即叫即制【Das Bier】‼️‼️ 已經吾係第一次食，行過大角咀原來都新開咗一間，佢地嘅咸豬手，真係食完又想再食，除咗咸豬手，其他菜式都一樣咁出色😆環境好乾淨，又可以慢慢坐，真係傾計小聚好地方嚟架～德國咸豬手配薯仔沙律豬手真係超級超級大，所以一定要share😂一個人真係好難食得曬，賣相比好高分，因為望落已經好吸引好想食，鋪排得好整齊，仲好細心咁幫你切埋起埋肉添！雖然全部都係肉，但一啲都吾油膩吾滯，皮好脆好香口，肉質鮮嫩多汁，咬落仲好有口感。吾講吾知，原來豬手係經過風乾後再焗，所以係經過多重功夫，肉味好濃，醃得好適中吾會太咸，加少少薯仔沙律食仲正！推薦必試菜式！墨西哥粟米片呢個係我去德國餐廳必點，好脆口，係一個食吾停口嘅小食，由於即叫即製，所以會有少少熱，份量又係勁多，好濃郁嘅粟米味，夠乾身有口感！燒春雞雞嘅表皮係金黃色架😍仲帶少少脆！一般燒春雞可能會有啲乾，但呢個又吾會，雞肉好嫩滑，咬落有少少彈牙，仲帶有少少甜味，正～香蔥芝士焗薯條都係份量取勝，好抵食！每條薯條都佈滿咗芝士，係好邪惡，但會一試愛上，芝士迷真係不能錯過，脆卜卜，用嚟送酒更佳！

原來大角咀都有呢間德國餐廳。見到呢間野就會自然行入去，因為佢個豬手真係整得好出色。入到餐廳，見到餐廳雖然細，但裝修得好靓，好休閒德國啤酒風格高重。好有放鬆既格調。叫左個德國鹹豬手黎食。豬手已經切晒，去骨。擺盤靓。切完唔需要自己再切。好方便又貼心。成碟都係肉，同整得好香又好脆既豬皮。豬手雖然好脆身，但豬肉有水份既質感突然保存。食到好有水份既豬肉。整得特別好。豬肉有香既香料味，葉得好足料。原來豬手係風乾之後再攞黎焗。唔怪得豬肉可以咁有水份。整得好出色。除左豬肉，豬皮都係另一買點。放耐左既豬皮都依然咁脆。黏滑既脂肪同脆皮一齊食真係無敵。酸菜都好正宗，仲有兩個醬料可以點。一個係蜜糖芥末。另一個係比較辣既芥末。兩個醬汁配豬手都有自己獨特既味道。食完好滿足。再叫埋個法式蒜蓉包。成五塊大大既蒜蓉包。每一塊都落重料。咬一啖有濃郁既蒜蓉味，口感又鬆脆又熱。真係好好味。蒜蓉包就咁食都唔會厭，因為上邊既配料整得出色。所以好快又食完。今餐食得超飽同滿足。下次再黎！

好耐冇食過德國豬手，咁啱行過見到呢間環境幾靚就入去試試🤣 其實佢都幾多choice望落樣樣都幾吸引，揀左好耐先決定到食咩🤣先講個豬手啦，冇諗到佢會切好晒上碟，之前食過係要自己切得好辛苦，加分位呀好貼心！個皮勁脆一咬落去卜卜聲好正！啲肉本身驚佢會好肥或者好多筋但係都冇呢個情況，唔錯比想像中好食。佢配左兩個醬，一個wasabi另一個應該係蜜糖芥末(如果冇估錯），自己覺得後都好食啲，wasabi嗰款有啲太辣同埋加上自己本身唔好wasabi🙈 另外叫左個海鮮飯，幾足料同好香。加埋檸檬酸酸地吊下味幾正。不過個飯本身略嫌乾左小小。叫左杯啤酒同kiwi juice，啲fresh juice有幾款都賣晒 美中不足，幾款生果都冇晒。不過佢都幾多啤酒揀，少飲酒嘅好似我咁可以叫店員推介下！p.s. 隔離枱個青口好似唔錯，望落幾吸引，下次可以試試佢，不過季節限定唔知下次去仲有冇呢

今日同fd行開大角咀就黎左呢到食德國菜。當然叫左德國最出名嘅啤酒，店員推介同店名一樣嘅das bier。呢個啤酒幾易入口，係比較清淡一啲嘅味，驚酒味嘅可以試下飲呢個。跟住就叫左德國都好出名嘅豬手。呢個係德國咸豬手配酸菜同薯仔沙律。本身對豬手冇咩期望，因為喺德國食過覺得一般，喺朋友要求下點左，點知係好食嘅。豬手雖然大舊，但唔會好乾身，個皮都整得好脆。上菜嘅時候仲要已經切好左一舊舊，每舊都好細，好方便吉黎食。而且仲配左兩個sauce。一個係芥末一個係蜜糖芥末。個人較鍾意蜜糖芥末，唔會好辣又有甜味。跟住仲叫左個西班牙海鮮飯，海鮮配料都好充足，飯就不過不失，不過呢到冷氣吹得有啲大，要快啲食啲野，唔係會好快凍晒。

約左朋友去奧海城睇戲，點解要去奧海城，因為有大大張沙發訓係度睇戲。睇戲前就要醫下肚先，大角咀博文街多餐廳，酒吧、西餐為主，今日揀間德國菜，試完無失望。簡簡㽞單，感覺好有歐洲感覺。墨西哥粟米片，先來個前菜，粟米片香脆可口，口感比較肯，更有咬口，粟米味亦好濃。西班牙火腿配凱撒沙律，菜新鮮咁甜，一咬聽到爽脆的菜聲，再加上麵包和火腿的濃香。德國鹹豬手，來到德國餐廳，當然要來個鹹豬手，鹹豬手上碟已經切好，方便食用，皮極度脆，肉質稔滑，保留小小肉汁。燒春鷄，食完豬手，再來個燒春鷄，皮脆肉滑，鷄肉不會太老，只是怕太熱氣了😅炸魚薯角作為最後結尾，簡單些，清淡些。

搵到個好地方好岩放工之前同朋友或者同事飲杯酒食d野吹下水餐廳係奧運站一出行5分鐘左右啤酒選擇好多，唎到只係其中一頁，總有一種會岩飲今次揀左Ｅｒｄｉｎｇｅｒ　Ｗｅｉｓｓｂｉｅｒ（＄７２）Ｅｒｄｉｎｇｅｒ　Ｗｅｉｓｓｂｉｅｒ係白啤黎既，白啤會帶有一ｄ花香或者果香味，岩唒ｄ唔鐘意苦既人飲飲得啤酒點都要ｄ野食下先得既，睇下有咩食先又想食豬手，又想食腸，咁就兩樣都叫唒啦德國香腸拼盆（＄１６２）德國香腸拼盆有４種腸，全部都好多汁，送酒一流，好味！德國鹹豬手配酸菜及薯仔沙律（＄２１８）最期待既德國鹹豬手！唔係到到做得好食，一係就皮唔脆，一係就ｄ肉搞到極老唎到既德國鹹豬手好得！皮脆、肉嫩唔油、亦唔會好鹹果然係招牌菜連配菜薯仔沙律都好味，沙律汁係蜜糖芥末味，食落好清新

今日即興相約好友飲酒傾吓計，朋友就揀左大角咀德國餐廳，而店員安排我地坐係窗口位置，餐廳装修得好歐美風，坐位舒適。餐廳有不同套餐撰擇，而我地今次撰擇左散叫餐牌上的食物，來到食德國野當然要飲番杯正宗德國啤酒。就叫左大角咀限定既Fisher’Helles ,酒味清新好識合女仕品嚐。主菜唔少得德國鹹豬手配酸菜，薯仔沙律。單睇賣相，已相當夠份量和震撼，比想像中多肉，餐廳厨師非常細心地將切成小塊方便食，豬手都炸得皮脆肉質細嫩夠juice再配上酸菜，令人回味無窮，加上芥辣醬同蜜糖芥末醬另一風味。香蔥焗芝士薯條，份量大大盤係作為佐酒小食係好好撰擇。

溫書溫到個人都傻，甘岩家姐係附近做完treatment就叫我過黎食餐好既差下電😂其實呢度有個好抵食既set，但得2個女血，怕太多肉就冇叫。368幾蚊有哂豬手，德國腸，nachos，野飲同甜品，下次再黎多d人先食🤣首先叫左份炸豬手，都要等一陣先上枱。個皮超級無敵脆，但唔會有燶既味，仲痴左小小脂肪，勁正。肉幾嫩，亦唔會硬，算易咬同冇過咸既問題。加上呢度係已經切好先上，真係食得好方便。主食仲叫左個香草醬煙三文魚意粉，份量好大！意粉亦彈牙，香草醬既味好出，同有d olive oil既味，煮得唔會太油，汁亦唔會太多剛剛好。三文魚小小咸，一定要配意粉食。另外小食要左個香蔥芝士薄餅，香蔥味就唔太食到，但芝士味幾夠，熱辣辣食仲會拉絲😂不過overall黎講會偏淡味，所以我就會配豬手一齊食，or掂佢個檸檬味既醬。食德國野當然要配啤酒，所以就叫左我最愛既rosee，夠易入口😂

今晚同妹妹嚟到大角咀食dinner=) 大角咀自轉型後, 都多左好多特色餐廳~ 今日呢間就係Das Bier (德國餐廳). 食得德國餐廳, 當然要叫個德國咸豬手啦! 可以叫Set, 仲會有德國腸拼盤, 一個nacho & 2杯beer!! 都係$368!!.不過我都唔想食咁多, 就散叫啦. 德國咸豬手好大份的, 仲切好哂比你, 唔洗煩. 豬手的皮好脆口, 食落仲chop chop聲! 點下佢GEH醬食落就另一番味道, 會冇咁咸同甜甜地!! 而肉就淋的, 幾正喔. .叫左一個onion cheese pizza( $88). 熱熱食好拉絲的, 最得意係佢跟的醬, 有D lemon味的, 食落勁夾!.仲叫多左一個chef’s pasta($128), 係用左香草油炒的, 再加上番茄仔同煙三文魚, 食落好香濃的香草味 & 不太油, 仲幾refresh!! .最後一杯rosee($68), 好爽

放假最好就係搵朋友吃喝玩樂，好友係大角嘴工作，於是接佢放工後，行落好多野食嘅博文街，見尼間德國餐廳搬左去對面鋪，有個大玻璃望住街景更開掦，一於入去食餐好順便啤一啤輕鬆一下德國餐廳必點菜式一定是德國豬手，德國腸，德國啤酒，因為只有兩個女仔，所以我們就揀咗德國豬手，其實set都好抵，不過友人想食不同種類菜式一睇豬手嘅賣相已經相當吸引，外皮炸得爽脆，咬落卜卜聲，大大嚿肉，加埋伴碟嘅酸菜一起吃，份外惹味呢度嘅啤酒有好幾款只係指定店舖才有，於是好友要左一杯Erdinger Fischer’s Hellen, 入口清淡，最啱女仔飲，本來想叫杯Das Bier Large, 不過剛剛售罄，店員推介Erdinger Dunkel, 雖然係黑啤，不過德國的黑啤不大苦澀味，一於試試，很喜歡呢種香醇的麥味，不澀易入口飲啤酒就梗係要有佐酒小食，叫左個香蔥芝士焗薯條，估唔到份量大大盤另外點左個西班牙風乾火腿配凱撒沙律，清新一下囗味，沙律菜新鮮，西班牙風乾火腿咸香味濃，份量頗大

放左工想同同事傾下計唔想出去尖沙咀銅鑼灣呢啲人多地方住奧運既朋友提議我地試下大角咀啲小店響地鐵站匯豐中心方向出口一出沿路都有唔少餐廳當中最吸引我既係一間西班牙同德國餐廳見人少少去左前啲既德國餐廳試下套餐非常抵食咁既價錢兩個人share 有主菜有小食 仲可以飲啤酒同同事叫個set慢慢傾野岩哂餐牌仲有其他野食 價錢亦屬正常價位滿心期待德國脆豬手估唔到幾有驚喜 脆皮去肥再切條食落似厚厚既薯片咁舊肉一啲都唔乾 仲幾濕潤咬開肉質幾爽 而且鹹香味十足豬手點埋honey mustard係超夾而個芥末薯仔沙律亦好fresh 出面未食過我好鐘意食意大利飯黎到德國餐廳都唔放過飯粒分明有咬口 芝士松露味香粒肉丸亦好juicy 不過溫度可以再熱啲食德國野必食德國腸拼盆可以試均多款口味 有芝士 有雞肉 有微辣既每條腸都好好味 我最鐘意芝士呢條咬開勁爆汁 好juicy 順帶一提 拼盆仲配埋薯角同酸菜 好豐富我地又豬手又腸拼盆又飯 食到好飽！兩個人叫就會有啲多 建議可以3個人share!

大角咀出名多好食既餐廳，呢間野既附近多飲野地方，所以呢到出現間飲德國啤酒餐廳🤭😂想講呢到既餐廳環境雖小但好有風格好有味道既小餐廳四周裝修都好乾淨而且都多影相位可以得閒同朋友再黎影下相同埋服務員態度也很好！餐點其實吾多，但由於我地未食晚飯，所以除左啤酒我地都叫左野食！雖然今日吾係Happy Friday 但都飲左杯先Das bier （$72）我覺得好好飲，好想去德國瘋狂飲啤酒！我們主角-咸豬手配薯仔沙津（$218）首先，我以為份量好少吾多，但原來份量係超多，4個人都未必吃得完😂豬手皮非常脆～果豬手肉都吾會話好咸，我覺得岩岩好～佢旁邊仲有醬點，兩個醬同豬手都好搭！薯仔沙津作為配菜我覺得很理智，因為食食下比較油膩的食物，食下薯仔沙津可以解下膩麻～🤭呢碟做下酒菜也非常不錯，比較推薦多人吃時點！墨西哥香蔥芝士薄餅（$88）我地加左Parma ham (+25)嘩～呢個真係千奇吾好睇佢平平無奇真的太好食了～～～香蔥同芝士好夾！所以我一口氣吃了2-3塊😂😂😂果醬更加係畫龍點睛！如果我有機會再黎呢到同朋友飲下酒，一定翻叫呢個！正！燒春雞（$158）呢個份量又係多既我相信係岩岩整起因為剛上台就算擺左陣

大角咀總有不同隱世美食，這次朋友介紹一間德國小餐廳享用晚餐。藍色店面搶眼，門口非常合適打卡。雖然店面不算大，但裝橫很有歐美小餐館感覺，德國地圖很醒目地在牆上。這間主打德國豬手，所以立即點了德國鹹豬手配酸菜及薯仔沙律，我們4位女孩還點了德國香腸併盤、香蔥芝士薄餅(加Parma ham)、法式燒春雞、香草醬煙肉三文魚意粉，本身想點多一個飯，我朋友叫停我，因為朋友說這樣已經很足夠了！當然也少不了叫一杯Das Bier Lager （支持本店）還有朋友一杯lemon Tea。首先，看餐牌照片以為份量都是小巧，一上台份量很多，而且皮是炸過所以口感是脆口，他有兩個醬，一個是芥茉醬，另一個像千島醬，這個芥茉醬很正宗，吃過就知道了，但我都喜歡原汁原味吃，喜歡沾醬的朋友不要錯過芥茉醬，這道菜很配啤酒！這道菜還有不少的配料可吃！香蔥芝士薄餅(加Parma ham)也是非常推薦，也是配酒良物！😆 很香口！加了ham更好味！還有醬，這醬要點一下，更有另一番味道！還有德國香腸併盤，香腸juicy！有兩款腸選擇，兩個醬點，也有薯仔酸菜作配料！唯一點的意粉是我喜歡的香草醬味道，再加上經典的三文魚配合，非常喜歡的配搭

今日同朋友聚餐，選擇左Das Bier呢間德國餐廳試下。咁黎到德國餐廳就一定要點德國肉腸同豬手黎食啦😋😋佢腸既份量唔算多，但味道都相當不錯，而且有薯角同酸菜做伴菜，多d唔同口感。而豬手方面，幾細心既一個位係上枱時豬手已經切好，唔需要人客再切，抵讚👍🏻而豬手味道都好夠，皮亦非常脆👍🏻👍🏻唯獨美中不足係前菜既巴馬火腿就太咸啦，如果配蜜瓜就好了，但配酸瓜就怪怪地。不過總括而言，都係一間幾好既小店，值得支持😉

今日 Happy Friday, 放工即刻約朋友食飯！朋友係奧運站附近嘅銀行返工，好熟悉呢一區，一於由佢決定食咩啦！朋友話奧運站呢邊有一間好出名嘅德國餐廳「Das Bier」，話豬手同香腸都做得好正宗，一於試下。可能呢區多豪宅，又有跨國大銀行嘅辦公大樓進駐，當晚都有不少鬼佬幫襯。德國咸豬手配酸菜及薯仔沙律賣相非常精緻，豬手係即整嘅，外皮烤得十分香脆，配搭啤酒一流，非常有口感。細微至酸菜都係德國口味，最得我歡心！德國超級香腸拼盆好大碟！超級有驚喜！有各式各樣的香腸，勁juicy! 醬汁都有兩款：茄醬&芥末，十分滋味！Erdinger Fischer's Helles500ml 的啤酒，美食當前，有啲唔夠喉🤣朋友唔飲酒，餐廳一樣有汽水可樂供應餐廳係開放式設計，有啲向街道嘅座位，好有外國風味！豐盛的晚餐，有驚喜，朋友無介紹錯，絕對會再來哦！