Davinci Cook (Closed)

為慶祝母親節特登提議去食良心舖頭，但係唔知係咪久未做爆棚晚市，忙到啲侍應同廚房一塌糊塗。良心亦請放在態度同食物上。母親節係有特別餐牌，姐係貴啲之餘有啲平時嘅食物唔會供應。其實再之前我係去過仲覺得唔錯㗎，當時食嘢態度同時間都好正常所以我大力推薦，但冇諗到忙起上嚟冇一樣做得好。屋企人非常憤怒。因為book咗唔洗等位，安排坐近門口，剛好上面有冷氣機滴水，女侍應見到㗎，但完全冇理，啱啱坐入去時都唔算多人，都唔趁機抹下。坐坐下冇啦啦叫我地轉檯，咁我地都OK配合。環境好細，有啲逼，被轉去近廁所位置，一陣味道不斷飄過，胃口都冇咗一半。家人去完廁時都有關門因為我地係第一受害者都唔會唔關啦下話？但係侍應竟然暗示我地去完廁所冇關門，雖然態度冇唔好，但內容（除非有人唔關門）就有骨。又冇見到我地去完冇關門，就咁「提點」我地，大佬我地坐隔離最想關門係我地囉！順帶一提，餐廳內有蚊。餐具有啲污糟，請自行清潔。好忙呀佢地落單都要等。食物質素都OK，相對嚟講青口較為失望，唔鮮甜又細舊。薯條脆而冇味，真係得中間有黑松露個位有啲味，好快凍，其他薯條只好掂茄汁。羊扒相對好食嘅，唔會hi，不過我地要求唔係10成，出嚟就全熟兼少

從未試過食野要嗌交，出野慢問佢野食點解會咁耐斷話就有，之後盡話是只有我這張櫈等，有其它人都等緊並不是只有你要等，之後態度勁差，如果唔介意等個幾鐘只係食個意粉，大家可以去試下

母親節分享坑口村可算係將軍澳區既清泉,因為係大集團的餐廳之下,坑口村係集合排大檔, 日本菜,西餐廳之村。真係好中意去坑口村食飯而當中既Davinci Cook既係黃店又係女中豪傑之店餐廳全女班主理,2位女性主廚店面又有3-4位女侍應。由於母親節前夕幫襯, 上菜時間比較長 畢竟知道佢地人唔多白酒青口 1KG4個人食，份量足夠。 白酒味濃,，汁多到配蒜蓉包食。青口SIZE適中， 肉質彈牙。蒜蓉包有點失望既蒜蓉包，期望食有脆口既外皮，卻沒有。而蒜蓉醬唔夠，味不夠。所以真係要注意一下。恐龍骨FULL豬排骨超級超級大份，夠6-8人食。一切開可以有16件左右既骨。而豬排骨燒得骨肉分離。豬肋骨要醃得入味, 是有點過咸。但真係熱辣辣，香噴噴，juicy又惹味。另外配上扭扭薯條，薯條炸得好脆口，食唔停口TIM~細Pizza (達文西 薄批)超欣賞薄批, 真係脆口，而PIZZA 上面既料包括pepperoni, ham, pork sausage, pineapple, onion, green pepper, feta cheese 。撈晒一齊 熱辣辣 好惹味 大虎蝦配龍蝦汁意大利飯好別於其他意大利飯，

係坑口邨覓食，這間舖頭比較深處價錢不算太貴，而且好受歡迎舖頭滿坐的，心想一定要等好耐誰不知，原來它與另一間舖頭合作所以我們好快地有得坐只係上菜比較慢見到隔離枱離開後，服務生會用消毒噴劑清潔我地對舖頭更有信心分別叫左兩個餐牛扒和羊架因為本人唔食牛不能比評價羊架薯菜，配菜多汁鮮甜，羊架也很香口和多汁，值得推介配菜係茄子，翠玉瓜，青瓜等和細薯仔最識合我這些食量小的朋友如果食晒大的朋友，要配飯 或意粉比較好

由於疫情問題, 唔想去太多人的餐廳, 醒起一段時間沒有來坑口村達文西餐廳, 今次特登過來用餐食左蜜味豬手, 一如以往品質不錯, 食左PIZZA都唔錯唯一缺點是職員都沒有戴口罩, 不論樓面或廚房職員都沒有戴口罩在這個情況下, 衛生應該比味道重要吧,如果表面的衛生工夫都不做足, 廚房內冇人睇到既就...... 

朋友介紹話好食, 所以想試七點落單, 話要等個半鐘, 唔緊要八點半問, 話啱啱出左一車, 未開始做, 要等多半個鐘九點問, 已經想取消, 打去話已經整緊九點半問, 已經好餓想出去食, 打去話出緊貨十點啦, 仲未食到其實知道新年會忙好明白, 但如果係負荷唔到, 可唔可以坦白D至少要等兩個鐘以上? 白白等左三粒鐘, 唔打去問完全唔知情況, 第一次食就咁真係好失望希望因間嚟既野食唔係凍架啦... 但冇下次啦

周末郊遊過後，與友人來到坑口附近尋找用餐地方。我們決定走出商場外的地方，來到了坑口村附近，有不少小炒店。傍晚時間來到不算熱鬧。沒想到在眾多中菜館中，竟找到一間西餐店！🔸 白酒煮青口 1/2kg $128就算4個人食，份量一樣足夠。白酒味濃，夠多汁。青口新鮮，肉質嫩口彈牙。🔸 菠菜煙肉釀燒烤菇 2pc $98小食黎計，有少少貴。不過大啡菇有成隻手掌心咁大，上面舖滿左菠菜、煙肉、芝士，十分足料，好香。切開中間仲保留到水份，夠juicy。🔸 香烤蜜味豬手 $218原隻豬手份量，起哂骨，食起上黎更加方便。豬手皮脆肉香，配上芥茉醬好好食。仲有好多薯角伴碟，正！推介！🔸 香蒜蜆肉炒扁意大利麵 $128意粉唔辣，反而炒得好香好惹味！蒜味加上蜆肉，好maych！扁意大利麵偏硬身，食落更有口感。🔸 蘋果批 $78甜品份量夠2-3人share，甜度適中，唔錯。蘋果肉配上酸忌廉，一酸一甜中和返。

尋晚朋友嚟我屋企玩，諗住叫外賣返屋企食，其實之前都已經食過幾次，一直都保持到水準今次叫咗個辣味烤雞pizza，波特菇寬麵同黑松露芝士薯條個薯條真心如果係當場食一定更好食，返到屋企凍咗少少但係味道依然唔錯，松露醬夠香寬麵個人就覺得多多少少汁口感會更好，但係朋友喜歡乾身所以係激讚個pizza味道一流，辣味帶少少甜味完全提升咗食慾，個批底夠脆邊，我叫咗薄批，令到食落唔會覺得漏，本人覺得食pizza一定要食薄批，如果唔係不如去食麵包啦←純粹個人意見其實之前已經食過幾款pizza，味道都唔錯，其他意粉同小食亦有試過幾款，未有中伏，而且水準很不錯，之後會繼續幫襯

有狗，一向都唔介意坐室外，但係炎熱嘅夏天每一間有室外嘅餐廳都一定具備風扇或者風機等設備，但係這間餐廳只有一把風扇和一部完全冇冷風出的風機，成餐飯個幾鐘好似坐係個焗爐入邊食咁，眼見室內冷氣超大。問個女仔拎個冰底，可能佢見我個剛剛到嘅朋友有罐汽水喺度，就喺裏面拎個冰底出嚟但係加咗水，好似係驚我哋攞個冰底嚟飲汽水咁，只不過係佢提供嘅凍水已經變咗做暖水，只係想d水變返凍啲啫！另外叫咗個意粉，開頭係叫龍蝦汁嗰個即係相中粉紅圈嗰個，點知佢嚟咗個櫻花蝦意粉，跟住個超冇禮貌嘅肥姨姨問我地介唔介意食呢一個，但睇睇個餐牌原來係雙重芝士，因為小朋友真係食唔到咁濃嘅芝士味，咁同佢講唔得我哋要叫返本身嗰個，跟住佢同我講入去整過個新嘅俾我，等左好耐終於拎左個龍蝦汁意粉出嚟，但係個又無禮貌既肥姨姨同我地講「因為你有小朋友，我幫你個意粉走咗黑椒同埋走咗芝士」嗰一刻真係好嬲，你走任何野之前有冇諗過問下我意見先幫我走，之後終於都明白點解會幫我走芝士，因為佢係將本身嗰個櫻花蝦意粉轉做個龍蝦汁意粉，因為意粉裏面有大量櫻花蝦⋯這間餐廳真係無信用無質素可言！唔會再黎食，又貴又無質、無誠意、無禮貌！

唔係第一次黎坑口村，但第一次黎呢間。佢既位置偏小小。都要揾一陣先揾到。午餐包一個沙律/湯，主菜，同埋餐飲。大部分都係$88，最貴$981230 坐低得三圍枱有客，所以基本上好靜。坐都好舒服。兩個人叫兩個餐，一個叫沙律，一個叫湯。沙律好驚喜成半個百香果俾你。有柚子味、芝麻。清淡新鮮。配湯既麵包有香草，用上橄欖油！湯應裻乆係薯仔加椰菜花！其餘唔係太食得出。朋友叫左魚柳，係普通貨式。我叫左呢個喇沙海鮮意大利飯。以海鮮飯黎講凈係得蝦。配上鵪鶉蛋幾特別。 豆卜好入味。喇沙味都幾驚喜。餐茶奶茶咖啡無咩特別。唔洗加一呢度加返小小分！

如果以一間在坑口村的小店 價錢亦不算便宜 叫外賣 質素參差 珍寶脆香雞翼 烤雞胸凱撒沙律 雞翼表面做得很好 但內裡的肉有一陣怪味 而烤雞胸凱撒沙律 所謂的烤雞胸和水煮無分別 廚師解釋只放焗爐 剛熟就完成 所以顏色和水煮無分別 淡而無味 一心打算以這個價錢 質素應該不會差太遠 失望 而廚師在對話當中 態度越來越差 不會再惠顧這間餐廳

今天和朋友來吃午餐，來到已經過了午飯時間，但仍然有頗多客人，想必然是好味嘅餐廳，我點了海鮮意粉，午市套餐包湯或沙律，之後還有一杯飲品奉送。我是咖啡精，一飲便知是否好嘢，這裏的咖啡正要讚下

和老公婚後慶祝他的第一個生日，特意選了這間在家附近的小店，想特别一些又可以支持小店。看到網上可以訂位，便在備註上寫了希望在甜品碟上寫上生日字句，相信這是很多餐廳的很普通的要求吧！到了當天中午都沒收到餐廳的來電確認訂位，我便主動打了去餐廳，便和女店員再確認多一次我希望在甜品碟上寫上生日字句，並在網上已備註，而女店員都跟我確認沒問題。訂了6時，我們準時到了餐廳。當天餐廳只有我們一台客，大概因為地點關係吧，看見餐廳主要都是做外賣為主。我們點了一個薯寶作前菜，西冷牛扒和薄餅薯寶看到名字很特別所以便點來試試，誰不知只是炸薯餅的小球，很明顯是現成買回來炸的，所以沒有什麼特別，味道也十分普通西冷牛扒點了五成熟，賣相很好，但肉質很鞋，也沒有肉味摩洛哥羊肉薄餅，羊肉很羶，薄餅的包底很硬，唯獨是芝士較多，但羊肉跟薄餅不是很夾吃飽當然是生日飯必做的點甜品！點了一個心太軟配雪糕。但店員上甜品時沒有應我的要求寫上生日快樂，我已經即時跟只能店員說為什麼沒有寫上生日快樂，但男店員只是回覆說：現在補寫上雪糕便會溶。然後返下甜品便走了。此時我十分不高興，心太軟亦是全熟，和吃朱古力蛋糕沒分別，可以用難食來形容，加上心情真

坑口村有不少餐廳，幾乎都試過了，這次和朋友去的是Davinci Cook，除了傳統西餐義大利菜，也有不少特色披薩供選擇。裝修方面，落地玻璃讓整間店舖被一覽無遺，但個人感覺從裡面望出去景觀一般，想更有情調可以選擇戶外座位。細看過餐牌，食物選擇繁多，雖然晚市有套餐，但我們還是選擇了單點小食和主菜巴馬芝士烤雞胸 $148烤雞伴碟可以選薯角/沙律，雞肉入口不柴，醬料只是普通肉醬和芝士，所以味道方面未見突出。炸薯角 $48薯角份量頗多，剛炸好的薯角十分燙口，外脆內軟。醬燒牛肉蘑菇披薩 $148這裡的披薩款式多到寫滿兩版餐牌，選擇困難症的朋友要小心了。披薩可以選擇普通批或者薄脆批，感覺普通批厚度剛剛好，如果拿不定主意，可以直接選擇普通批。所謂「醬燒」其實是BBQ醬，批邊烤得脆身，餡料豐富，水準不錯。話雖如此，但披薩底有點難切開，實在不得不扣點分！香蒜大蝦扁義大利麵扁意粉軟硬適中，醬汁比較清爽，蝦肉彈牙，配上大量青紅椒和蒜粒，口感不錯。意粉還加入了少量辣油提味，十分惹味！平心而論，Davinci Cook 水準不錯，價錢合理，值得一試！

今日岀左去上堂 番到屋企都成七點 男朋友就book左8點同我試下之前經過坑口村睇落唔錯既西餐廳 Davinci CookDinner Menu有別於一般既西餐廳 呢度既今日既餐湯係蔬菜湯 飲落好香滑 口感似係忌廉湯 但又多左種清新既感覺 好好味 跟上既餐包就好脆恐龍骨半份 ($198)店員一放上枱 我地都好驚訝 因為份量比我地想像中多好多 有兩大塊既豬肋排 仲配上一桶薯圈木枱盤上傳黎陣陣既BBQ炭燒香味 我忍唔住即刻切開黎試下 無諗到d肉非常容易甩骨 食落外酥內嫩 肉質軟腍 又夠入味 相信小店一定花左唔少既心機用長時間慢煮呢一大舊既恐龍骨達文西至尊Pizza ($118)呢度既pizza就係我地今次黎既目的 Menu上有好多選擇 真係花多眼亂 最終我地點左呢個推介既至尊pizza 個批底係做得唔錯 又薄又脆 係我中意既type車打芝士焗松露薯條 ($68)芝士既份量實在太少了 只有表面個幾條薯條沾有芝士 雖然熱辣辣又夠脆 但係始終有d失望 而且無預計到個恐龍骨有跟埋薯圈 一次過好似食左好多煎炸野咁飲品或者甜品只可以揀一樣 當晚既甜品係木糠布甸 雖然好想食 但係因為太飽既關係只係揀左飲品