大苑子 (圍方)

Open Now

Now Closed

呢間來自台灣、主打新鮮水果茶嘅茶飲店喺圍方開咗分店！menu勁多選擇揀咗勁耐先揀到兩杯試下～🤣AVOCADO PUDDING FRESH MILK酪梨布丁鮮奶牛油果好濃郁，冇叫少甜都唔會特別甜，甜度啱啱好，加埋布甸口感好豐富，呢杯幾好飲！TAIWAN TARO FRESH MILK呢杯我叫咗走甜，芋泥本身冇咩甜味，所以有啲淡，建議可以叫少甜會好飲啲！大苑子 (圍方) (大圍)📍大圍車公廟路18號圍方2樓221A號舖

原來呢間來自台灣🇹🇼、主打新鮮水果茶嘅茶飲店喺圍方開咗分店！喺商場行街經過見到就買咗兩杯嚟飲～ 我就直接睇咗「TOP 10」餐牌, 既然係茶飲店推介嘅人氣茶飲, 就要試一試啦！🥤愛文芒果沙冰鍾意芒果口味嘅唔好錯過🥭！底下有好多芒果果粒, 芒果味好香甜, 裏面仲加入愛玉, 口感相當豐富！🥤旺來翡翠茶底可以揀綠茶、紅茶、台灣青茶, 而我就揀咗綠茶🍵, 店員話綠茶比青茶嘅茶味更加突出！結合菠蘿🍍、綠茶🍵, 啖啖酸甜清新嘅菠蘿味, 茶底清香, 整體非常清爽！

之前係藍田同荃灣都見過大苑子，一直未有機會買嚟試下今日嚟圍方行街，又見到有大苑子，好啦一於試下原來大苑子係主打台灣水果茶嘅，用嘅係天然果汁唔係濃縮果汁，當然都有少量有茶嘅茶飲其實選擇都真係好多，第一次試，我直接睇TOP10裡面揀試咗NO.1個芭樂甜橙$46 50%糖 少冰甘甜嘅芭樂同柳橙呢個組合唔錯，出嚟感覺好清甜另一杯就買咗繽紛水果茶$42 50%糖 少冰呢款係會用5種水果+百香果汁+金桔汁，而水果果粒就隨季節變換我今次主要食到芒果果肉，呢杯50%糖我覺得偏酸少少，如果大家飲得甜可以再多少少糖亦可以隨自己喜好加配料珍珠、芋圓、仙草凍呢D都有鐘意飲果汁系列嘅呢間係唔錯嘅選擇

喺圍方行街突然發現呢間「大苑子」！🍹個名完全唔似賣台式飲品嘅舖頭名，初頭仲以為係食小菜嘅館子～不過望到餐牌即刻俾佢啲水果茶吸引住，即刻試咗人氣Top 5嘅繽紛水果茶！揀咗3分甜真係冇失手，爆汁百香果mix埋橙片、檸檬同菠蘿，茶底甘香得嚟仲有咬到果肉，fresh到似喺熱帶島嶼飲緊嘢🌴最抵係買兩杯即場打8折！學生哥仲可以憑證再減$7蚊，呢個價錢飲到足料鮮果茶真係抵飲又高質👏🏻 鋪頭仲特登整咗個打卡牆，燈光靚到唔使執相都出到📸 仲發現佢哋有泰文餐牌，果然係照顧到唔同街坊呢～係打卡位置飲嘢嗰陣先發現，冷氣夠凍之餘枱面仲keep得好乾淨，呢啲細位真係夠晒貼心❤️ 下次約班friend掃街一定要encore！

.台灣過江龍茶飲店去the wai 行街行到攰攰地買返兩杯飲揀咗繽紛水果茶同埋蜂蜜檸檬蘆薈。.//🍹繽紛水果茶//飲料好豐富，用唔同新鮮水果製造 e.g. 百香果、橙、蘋果，入口味道味道酸酸甜甜好清爽，而飲到最尾仲有新鮮水果食，好有咬口🥰.//🍸蜂蜜檸檬蘆薈//無額外加糖。以蜂蜜天然調味，滋潤夠健康，蘆薈口感滑滑der，每一啖都好有層次喔😍.大苑子 (圍方) (大圍)大圍車公廟路18號圍方2樓221A號舖

有時天氣又熱又乾，令口喉有很難適應🥲。 行經大圍， 見到有比較健康的水果茶可以選擇， 當然要買番一杯， 解一解渴先😛（5⭐️最高）甜橙火龍果（5⭐️）利用紅肉火龍果， 擁有豐富膳食纖維，有抗便秘效果🤤，而且豐富維他命C，其抗氧化功能夠減少產生自由基👍🏻，保護細胞免受自由基的損傷，延緩衰老。而橙亦都富含維他命C， 增強免疫力🤩。 葡萄冰茶（5⭐️）巨峰葡萄， 清爽而不會過量甜👍🏻， 好適合天氣乾燥的日子飲🥰；而利用錫蘭紅茶，入口清爽而有解膩的利用😍。

😆今日同老公去拜完車公行返嚟圍方行街 拜完好口渴 想搵廢水飲😆見到圍方有間水果茶🙈第一次飲呢間好彩唔算好多人排隊 出飲品又快Top 10推介嘅飲品都喺水果茶底為主 我哋就各自揀咗一款🔆蜂蜜檸檬蘆薈蜂蜜檸檬清甜解渴再加蘆薈粒 唔會好甜🔆繽紛水果茶有各式水果片喺杯茶入面 有大量熱情果、橙、蘋果、 金桔等 水果茶嘅口感豐富下次都好想試吓其他芝士奶蓋同埋芋頭📍 大苑子 (圍方) (大圍)大圍車公廟路18號圍方2樓221A號舖

今日喺圍方睇戲行街，見到大苑子做緊優惠，任何兩杯Top 10精選飲品有八折，同朋友要咗一人一杯😍我哋要坐一杯繽紛水果茶，由五種新鮮水果配搭而成，店員介紹完全冇用任何茶底，用上台灣百香果汁、台灣柑桔汁混合而成，水果味豐富，酸酸甜甜，飲起上嚟仲有粒粒蘆薈、百香果籽，10分有咬口。另一杯，我哋叫咗黃金珍珠鮮奶紅茶，用上錫蘭紅茶做茶底，茶味香濃，亦都可以揀青茶，用上新鮮鮮奶，唔會用奶粉溝出嚟。珍珠係黃金色嘅，口感煙煙韌韌。見到仲有秋冬系列、水果咖啡系列都好吸引，下次可以再嚟買返杯。

自從維圍方開咗之後真係多咗好多餐廳尤其是系手搖，女朋友好鍾意飲手搖，嗰日等佢收工就見到呢一間大苑子，佢新推出產品係酪梨布丁鮮奶 $42，牛油果+布丁+牛奶呢個組合簡直係女仔至愛，立即就買黎試下。牛油果嘅濃郁同布甸嘅香甜，加上鮮奶嘅口感順滑，整體味道非常豐富，我冇刻意叫少甜，正常甜度之下都唔會太甜，入口係天然的果香甜味，好符合而家的人覺得好飲即係“唔會太甜”。加入鮮奶之後令味道更細膩滑順，仲有帶有淡淡的乳香，呢杯真係幾好飲。我自己就叫左杯繽紛水果茶 $42，有5種水果+台灣百香果汁+台灣金桔汁。繽紛水果茶結合左唔同水果的組合，帶來多層次的果香，甜味自然，唔係d香精的甜味，飲得出好天然新鮮成分。。用左台灣百香果汁同金柑汁做base, 酸甜感非常突出，而且仲好清新，入口爽口溫潤，如果夏天飲更爽。

文青喫茶店大吉樹加小貓咪 好cute cute入到去花多眼亂, 超多種配搭幸而店家有Top10之選啱曬我這個心多多之人可以收窄範圍Top7 之選黃金珍珠奶茶可以揀紅茶錫蘭紅茶底或者綠茶茉莉綠茶底我揀咗錫蘭紅茶加上金黃色粒粒珍珠煙煙靭靭好有口感Top5 之選繽紛水果茶外間一般水果茶只用茶底但這裏的水果茶加了百香果果汁和柑桔汁讓整杯果茶層次更豐富我糖份點了微甜 讓酸味更出 配上清香茶底100%合拍裏面果肉超豐富有蘋果，鮮橙，百香果，芒果和鳳梨因為芒果切得細細粒的所以淡淡都飲到果肉還有食到百香果核拍拍聲哈哈下次要試暖笠笠的芋泥鮮奶

檸檬的酸味加上愛玉的滑嫩 口感清爽 甜中帶酸 係健康嘅飲品選擇 幾鍾意佢嘅愛玉微微地甜 而且份量都好充足-翡翠檸檬飲落帶有碎冰感 加入咗綠茶 飲落有微微嘅茶香 加入蘆薈更有口感 整體爽口又清涼 -學生仲有限時折扣優惠 都幾抵飲 仲有唔同嘅水果沙冰選擇

好開心大苑子開到黎大圍了！真係間唔中都會有鋪癮想每日一杯手搖飲品圍方而家有多一個新飲品選擇身為芋泥控嘅我又點會放過！人氣飲品top8既芋見芋泥超多加上煙煙韌韌既芋圓，每啖都好有咬口每啖都好多芋泥好幸福😆💖-另外朋友仲買咗杯Top6既愛文芒果沙冰又係超足料，酸酸甜甜芒果味清香就算係咁凍既天氣都忍唔住要飲，夏天既話應該更加會經常飲-最鍾意就係大苑子又有茶飲又有唔同果汁底既飲品，同埋有好多種類既配料可以加

最近行圍方見到新開咗間台式茶飲店款式都係由新鮮生果製成選擇困難症一定要喺Top 10之中選擇兩杯仲有八折優惠✨芭樂甜橙呢款新品上市嘅口味甘甜芭樂+原片香甜柳橙兩種水果 拼搭出清新鮮甜味係必飲嘅Top 1✨愛文芒果沙冰芒果在茶飲同甜品界都係無法抵擋嘅口味加入新鮮愛文芒果肉 同 愛玉沙冰打得幼細綿密．唔會有冰粒芒果本身夠香甜．選擇微糖嘅甜度就啱啱好每日仲有一款口味做緊優惠 $30/杯一星期7日都可以品嚐不同口味啦學生優惠每杯再減$5-7

今日大圍上完講座,食晚飯前往圍方逛街,見到新開的茶飲店,叫大丸子,於是便入內看看,見到有黃金珍珠鮮奶茶,海報賣相很吸引很特列,於是便買了一杯飲,黃金珍珠鮮奶茶有分大和細兩款,我選了細杯裝,茶可以選紅茶和綠茶兩款,我選了紅茶,糖我揀了半糖,冰我揀了少冰,另外飲品我加了芋圓,等了約五分鐘,飲品可以領取,黃金珍珠鮮奶茶飲落奶味香滑,味道香濃,甜度適中,芋圓食落軟糯,口感一流,整杯黃金珍珠鮮奶茶飲落香滑,價錢合理,口感滿足

其實我成日都會經過呢間飲品店，不過一次都未試過，因為本身自己比較鍾意飲珍珠奶茶。嗰日路過又見到佢做緊每個星期指定飲品嘅優惠，每杯$30 ，又有少少頸渴，所以嗌咗一杯翡翠青茶試吓。（可惜冇得走冰）問咗店員，翡翠係菠蘿咁解。點知飲落勁有驚喜！佢個味道好似我細細個鍾意飲嘅維他菠蘿橙汁！（呢個好多年前已經停咗產啦）超好飲呀！😍😍😍下次如果再遇到佢有優惠，我都會再買嚟飲！😙😙其實有時除咗珍珠奶茶，都可以試吓啲鮮榨果汁。