deFoodies

Open Now

Now Closed

老實講我對鴨嘅認識唔多亦唔深厚，最為人熟悉嘅鴨肉菜式相信都係北京填鴨或者片皮鴨。呢度嘅一款菜式嘅主食都幾得意：柚子煙鴨胸沙律。最近好多食材無論係海鮮肉類或者蔬菜都會加入生果烹調，呢度都有同款食物。鴨胸經過柚子調味，柚子酸酸甜甜又多汁，酸甜嘅味道可以解到鴨胸嘅膩同埋感覺減少咗啲油。鴨胸係厚切成五片放得靚靚好似一片片牛扒咁🥩咬落多汁又唔乾👍 沙律菜新鮮爽脆加埋自己揀嘅蛋黃醬做沙律醬一啲都唔會爭爭，同舊時認知嘅減肥沙律好唔一樣，係覺得好好味

如果同我一樣未係好接受到純咖啡但又貪戀咖啡香味嘅話呢杯絕對係你嘅選擇！熱摩卡-朱古力鮮奶咖啡☕就係意式特濃咖啡混合朱古力。會飲到義式特濃咖啡微微帶苦焦香嘅味道混合朱古力香甜嘅味道，整體飲到咖啡嘅精髓又會令我地更加容易接受👌賣相方面摩卡表面有個好精緻嘅拉花圖案，唔知道佢係咪固定但我呢一杯就係一朵大花，再撒咗少量可可粉作點綴🍫叫咗一款麥樂雞小食🌾一向對麥樂雞都情有獨鍾但又怕熱氣唔健康所以好少食。事隔一年今日食翻覺得味道同我想像中嘅都係一模模一樣樣，內餡多汁外皮又香脆唔油膩😋

朱古力蛋糕呢款蛋糕都算係最common最經常會係cafe或者蛋糕店會見得到嘅款式 朱古力亦都係大多數人都會愛嘅口味 所以非常常見👀 呢度嘅朱古力蛋糕底層嘅海綿蛋糕做到一下呢幾點：- 蛋糕體蓬鬆鬆軟有回彈力- 空氣洞洞好少好細密 無過大嘅洞洞- 吸水性好 可以根據蛋糕最後嘅口味吸收到唔同味道嘅糖漿或者醬汁- 支撐力夠唔會過軟 可以係蛋糕底層承托著上層嘅餡料- 口感濕潤唔會卡喉 直接食就好味！- 朱古力味道濃郁上面嘅朱古力餡料層都帶濃濃甚至帶少少甘苦嘅朱古力味 配合得宜朱古力味更加係double up令我覺得非常之滿意！😋

身為咖啡愛好者基本上每日都要飲一兩杯咖啡維持生命🤣 呢排天氣都開始轉熱 有時候溫度仲會高達三十度 喺條街度行個幾兩個鐘基本上都已經要搵個室內地方坐坐休息下。餐廳環境以深藍色紫色為主調 檯就選用雲石面 行簡約風。叫咗一杯經典冰拿鐵同一杯熱拿鐵做對比。兩杯拿鐵同樣係將義大利濃縮咖啡加入牛奶混合而成，冰拿鐵口感清爽感覺咖啡味道會比牛奶味道更加突出明顯；熱拿鐵就係表面有一層薄薄嘅牛奶泡沫 質地綿滑綿密🥛仲有撒咗啲咖啡分 賣相加分之餘增加咖啡香味☕

四重芝士鮮茄焗豬扒飯 $68基本上每次我第一次去一間茶餐廳都會叫個鮮茄焗豬扒飯比拼下，無諗過呢度都會有！呢度除左用茄醬仲加入新鮮蕃茄蓉，味道新鮮鮮甜🍅焗豬扒都好嫩滑多汁唔會乾爭爭麥樂雞 $48平時連鎖快餐店叫麥樂雞大約係$25六件，如果乘翻開同呢度一樣時間嘅話價錢都要$42.但呢度環境更加寬敞又坐得更加舒服都只係貴幾蚊真係好值得😍 麥樂雞炸到香脆酥軟，外皮顏色金黃唔會太燶變到焦黑色或者炸唔夠時間令外皮未上到色，控制得剛剛好。即叫即炸所以都完全唔會油膩膩🔥

$68椰香葡汁焗雞扒飯  葡汁焗雞飯相信是一道家喻戶曉的菜式，味道質感香滑可口。雖然我在家都試過上網搜做法跟著煮但跟餐廳吃的也還是差了一點火氣，味道好像不太一樣😭。還是在外面餐廳的比較好吃！葡汁味道帶有濃郁的椰香味和非常輕微的辛辣感覺。醬汁帶濃濃香料味道，令葡汁焗雞飯味道更豐富有層次，雖然味道濃但又唔會膩🥥。據聞葡汁正宗的做法比例是三份椰漿價傷一份淡咖喱汁，加上其他配料熬製而成的醬汁。雞扒肉厚有多汁👍+$3冰凍蘋果汁點完個椰香葡汁焗雞扒飯主菜後只需要加三蚊就可以有一杯味道新鮮清新的蘋果汁，帶鮮甜蘋果香氣🍎。

朱古力鮮奶咖啡（摩卡）飲品個名已經好explicitly講左佢嘅結構層次同埋用料，就係朱古力、牛奶、咖啡。朱古力味道香甜軟滑；牛奶用嘅係新鮮牛奶，絕對唔係奶精或者用奶粉溝水溝出黎嘅平平嘢味道而係真係真材實料味道濃稠厚實帶奶香嘅；咖啡用嘅係濃縮咖啡首先聞落會有典型嘅烘烤香味👃口感鮮明，飲完之後喉嚨間會感覺到甘醇而唔苦澀嘅味道，十分高級。凍蜂蜜柚子 算係我天氣熱時候特別鍾意嘅餐飲，有美美嘅金黃色漸層，一邊飲一邊咀嚼到柚子果肉，而且凍飲真係好夠冰凍，香甜又清爽🧊

香辣蒜炒蝦意粉係炒得乾身又食得出好有火候嘅一味一份菜式🍝。意粉偏向幼身有咬口唔會過份軟爛煮得太耐令到意粉變得蓉蓉爛爛 反而係保留到佢應有嘅彈性咬口👍 調味就係簡簡單單嘅紅辣椒同蒜蓉加蒜片 雖然聽落好似好重口味但因為紅辣椒基本上已經去左子所以唔會有好辛辣嘅味道 整體感覺反而係比較溫順溫柔香口嘅🧄。｜｜跟餐加只需要三蚊就可以飲到一杯酸甜解膩嘅蘋果汁😍雖然只需要加三蚊但呢杯野飲都絕對唔係hea你架。首先份量唔少 其次係佢真係好夠冰凍 雖然表面加咗唔少冰但就算冰融化都唔會令佢味道變得好水🍎

通常如果係同媽媽兩個人出街我地都會叫一個沙律或者前菜同埋加一個主食一齊分享。首先沙律叫咗個柚子煙鴨胸沙律🥗呢度嘅鴨胸都係無骨帶皮嘅，先經過醃製再煙燻，有啲做法係加入蜜柑汁或者橙汁，呢度就選用柚子，可能因為看重柚子有非常特别嘅味道。醃製完後仲會經過煙燻過程，感覺呢個步驟更加可以鎖住醃料味道同埋鴨胸本身嘅肉汁，咬落肉厚多汁又食到啖啖嘅柚子酸香味🍊主食就叫咗個四重芝士鮮茄焗豬扒飯粉量好足茄汁又係酸酸甜甜唔會覺得好油膩好種負擔嘅感覺👍

冰拿鐵🧊我從來都覺得咖啡最重要嘅係咖啡豆同牛奶嘅比例是否平衡 味道有否互相搶戲互相蓋過。第一下呷嘅味道奶滑中帶點微微酸味 又帶點輕微的回甘苦澀味 入口質地非常順滑而且回味會搭到咖啡豆獨特突出嘅香氣。 整體口感柔和順滑唔會刺激或者太濃 咖啡豆 牛奶 同糖漿嘅比例恰到好處味道同質地都剛剛好☕四重芝士鮮茄焗豬扒飯🍅呢個焗飯名副其實嘅啖啖肉🥩 豬扒厚厚一大片又軟稔。焗飯加入蛋炒過先再焗所以特別香口🥚上面鋪滿滿滿嘅番茄醬同埋芝士 濃郁又惹味。

檸檬撻 Lemon Tart 係我一向都好鍾意嘅蛋糕甜點類型。佢嘅賣相通常都會比較簡潔但一啲都唔馬虎，反而係精緻精美嘅。檸檬味道唔會過酸反而係食到點清香清幽嘅味道，令你覺得好清爽好清新嘅感覺🍋。檸檬餡質地好順滑完全無顆粒感，唔會話食到青檸皮甚至係任何顆粒狀嘅物體都唔會有。中間亦唔會有忌廉令到成件事好肥膩感👌整體香滑清甜帶微酸又唔會甜漏配搭薄薄一層曲奇餅底一啲都唔會覺得厚重！紐約芝士蛋糕New York Cheesecake 就屬於比較厚實嘅選擇。一係佢芝士餡料質地同味道都比檸檬嘅存在感更高，厚實綿密之餘芝士味道🧀都好濃郁，底層同樣有畫龍點睛嘅一層曲奇餅底。

呢度下午茶時間由兩點正開始，提供三款食物，分別係法式烤鴨腿配薯角+法式蛋糕+特色花茶。如果想加配飲品都有四款選擇，分別係果汁/沙冰/咖啡/茶/龍蝦湯都只需要加九蚊至十八蚊🥤芝士蛋糕有分好多唔同嘅種類，呢度就提供紐約芝士蛋糕🇺🇸 芝士質地比較硬比較挺身，唔係平時軟呼呼嗰種質地，更加有存在感同埋飽腹感🍴點一份蛋糕只需要加幾蚊就可以追加一杯飲品，我地就叫咗杯蘋果汁。感覺好似有啲發過酵嘅味道，有新鮮蘋果清甜味之餘帶啲酸味，味道都好天然唔會過甜或者好化學劑嘅感覺🍎

唔知有無人同我一樣覺得去新餐廳都會想同朋友或者屋企人叫唔同餐點咁就可以試多啲嘢😋 但係我每次同媽媽出街食飯有九成時間都會叫同一樣餐點🤣 所以今次都唔例外“四重芝士鮮茄焗豬扒飯兩份啊唔該”🙋個人認為鮮茄焗豬扒飯就一定要係炒飯底 炒過嘅飯會更加乾身更加香口 就算係滲著番茄醬都唔會變得太軟爛👌 食得出豬扒嘅鬆軟度唔係因為加咗鬆肉粉而係本身就好鬆軟 帶有豬肉香味同埋少量油脂🐷 配搭四重芝士唔單單芝士味道濃郁重要可以做到芝士拉絲嘅打卡效果🧀

呢間咖啡店環境寬敞坐得超級舒服💺 一入到去出電梯就會見到個大大個嘅電子屏幕，因為燈光唔算好光都比較昏暗，感覺好似去咗個清吧咁非常chill😍 而且因為人流都唔多所以可以好放鬆咁係度享受時間。除左一般常見嘅蛋糕小點佢哋仲有焗飯，我就叫咗個椰香葡汁焗雞扒飯。葡汁味道正宗係椰奶味道偏重嘅嗰種。濃濃嘅椰汁香甜味道配搭輕微咖喱嘅辛香味道令口感細嫩嘅雞肉更加惹味🐔葡汁表面燒到半焦味道更加香濃而且雞扒表面微微脆好過癮好好味。跟餐奉送咗杯熱伯爵紅茶 茶香味突出☕

🐽鮮茄焗豬扒飯加四重芝士🧀平時鮮茄焗豬扒飯食得多，芝士白汁焗雞皇飯食得多或者芝士白汁焗海鮮飯都食得多，但將兩者混合又真係比較少見到少食到喔～～鮮茄焗豬扒飯加上滿滿嘅芝士❓呢度就有得食啦！豬扒先經過煎到七八成熟再同飯底一同放入焗爐烤焗，最後放入四種唔同種類嘅芝士焗多一少段時間。豬扒經過烤焗有少少燶邊位置🥩，會帶點脆口肉質又仲係好軟稔。鮮茄份量多多而且加入咗茄膏。乾爽嘅飯粒混合茄汁嘅香甜同埋雞蛋液焗完後非常之惹味。最後當然係個四重芝士，為焗飯增添鹹香味道。