deFoodies

Open Now

Now Closed

等待時間：0 無咩人留意到，唔洗等室內環境：好chill同好舒適，設計時尚服務質素：正常服務一間應該開左冇一年既新店，見樓下派單長就俾次機會佢，形式類似cafe,專賣法式夾包，款式不多。我同同事就一人叫左一款share試。我係黑松露蟹肉醬，而我同事呢就係薄切燒牛肉。我個人而言就中意傳統軟熱狗包，所以法式硬包口感不討好，但真心配搭味道上是好味既，但如果你係好肚餓同唔細食既人，並不適合成為你地lunch choice.

今日去觀塘上咗deFoodies cafe 食tea set， 因為新鋪開張關係，所以menu上暫時只有superbuns， 味道有薄切燒牛柳配焦糖花洋蔥，黑松露蟹肉醬配酸洋蔥，同埋黃金蝦配卡珍蒜蓉牛油。 我哋揀咗燒牛肉同埋黑松露蟹肉。個牛柳加埋啲燒汁配埋洋蔥食口感一流，而且塊牛柳好淋，黑松露蟹肉醬配上日式芥末醬就更加帶出個鮮味，好食到停唔到口， 另外飲品叫咗菠蘿桃番石榴果汁沙冰，同埋藍莓士多啤梨蘋果果汁沙冰，兩款都好有果味而且好fresh，特別係夏天飲一定涼透心。我哋再嗌多咗個龍蝦湯，好有龍蝦嘅鮮味亦都值得一試。另外想講嘅係環境真係精心設計過，除咗食tea set佢呢度仲有好大地方畀人book場玩音樂而且可以約埋三五知己嚟happy hour飲嘢都得。正！

一早跟朋友嘆早餐，餐牌只有三款輕食的麵包，甘我們三個叫曬，兩個人share 黑松露蟹肉醬包，蟹肉醬很滋味，賣相都唔算太差，味道很咸鮮。薄切燒牛肉焦糖花洋蔥包，我熱愛食牛，薄切容易食，洋蔥甜甜地，唔錯黃金蝦牛油果包，蝦肉爽的，牛油果亦切得適中，每一口都有香味，正當日天地比較涼，龍蝦湯很熱很濃味，沒有苦味，很溫暖叫了杯cuppucino,杯上有心心，飲完好心情。食到甘上下，我們都拍照，又談天，的確很relaxing

今日係牛頭角搵到間輕食的Cafe，竟然係一間多功能studio，除了cafe外，還可以變成小型演唱會的場地，仲見到疑似J.Arie，當晚應該有function搞。🔅裝修感覺很舒服，因多功能關係，所以有梳化亦有輕易移動的木枱，色系傾向Modern。🔅黑松露蟹肉醬·酸紅洋蔥·日式芥茉醬Superburns配有田園沙律🥗，黑松露蟹肉醬佈滿整個法包，非常足料，淡淡都係蟹肉味，值得一試。🔅自家製龍蝦湯龍蝦湯只睇顏色都知濃郁，飲落去非常足料除咗龍蝦仲有其他海鮮嘅味道。🔅菠蘿·桃·番石榴果汁沙冰果汁沙冰即叫即打，菠蘿同桃味足夠，食完濃味野最啱飲番杯嚟清新口氣。😋味道：7/10🙃回頭：7/10💰消費：$94

最喜歡與同朋友食brunch, 享受悠閒上午，吹下水。見到觀塘開咗間新嘅cafe，有早餐食，評語唔錯，以為係普通cafe格局，上到去原來裝修得勁型格，好chill。食物方面，提供西式輕食。我哋每人一杯龍蝦湯，三個麵包餐都試曬。我最喜歡蟹肉麵包，裏面嘅蟹肉足料豐富，有少少胡椒嘅辛辣味，十分滋味。每個餐都跟沙律，朋友試牛肉味，另一個牛油果味就大家share, 食完非常滿足。朋友飲cuppucino, 我飲有氣礦泉水，坐在舒適梳化上，邊享受美食，邊談天說地，好歎。

我和好友都非常熱衷吃西餐，牛頭角有一家工業大廈留上新開的Cafe「deFoodies」，很受顧客喜愛，美食俘虜了我們，環境適合同知己好友來談天說地，特意同好友前來共渡開心浪漫的一個午餐。  地點設於港鐵牛頭角站附近，佔地面積不算很大，餐廳開揚，環境很舒適，氣氛自在輕鬆。  餐廳門口添置美食的圖片，未食巳吸睛，令我胃口大開。  餐廳氣氛自在輕鬆，經過水吧，水吧設備齊全，有很多的水及飲品等，同時，可以看到職員預備給客人的各款食品，提供很多款式。  高樓底感覺很寛敞，店內佈置新簇美觀，添置很多充滿風情的藝術色彩。  Cafe後面是表演場地，晚上可以歡賞唱歌表演。  餐牌添置美食的款式及數量，每次想起都想即時到來品嚐美食。  田園蝦沙律配龍蝦湯 $58田園蝦沙律份量十足，外型已相當討好，蔬菜很新鮮爽口，整個蝦沙律口感細膩，滿載的味道清新，別有一番風味。龍蝦湯入口濃度剛好，散發著濃濃的味道，香氣四溢，味道可口。  薄切燒牛柳。焦糖花洋蔥。牛香燒汁 $58燒牛柳肉質很嫰滑，熟度拿捏得很好，紮實彈牙，少量沙律，令我增加口感，恰度好處，必食之選。另加$15泡沫咖啡，濃郁香醇，清涼的快感

昨天約了朋友去deFoodies 餐廳食野，餐廳在工業大廈樓上，地點都算好方便，都好容易搵到，上到去餐廳，環境非常舒服，佈置得非常好，同朋友來傾下計食野系一個好地方，有一排酒櫃放左幾支白酒，裡面有一個好靚的舞台，系呢度搞小型演唱會系一個好地方，我馬上諗到可以下次Book 場來搞活動，系一個不錯的選擇，服務員非常好的態度，我們叫了田園蝦沙律餐，一來到已經好吸引了，自家製龍蝦湯，好濃的龍蝦🦞味道，泡沫咖啡非常專業，芒果汁🍹都唔太甜非常好味，薄切牛柳焦糖花洋蔥牛香燒汁，牛柳好香口，加埋牛香燒汁味道非常夾，配埋好脆口面包，黑松露蟹肉醬酸紅洋蔥日式芥末醬，我好鐘意芥未醬配蟹肉的味道，好似食緊壽司咁，好特別，呢個環境食野好開心🥳

餐廳：deFoodies (觀塘)地址：觀塘勵業街46號天輝工業大廈1樓去觀塘做facial之前去左觀塘勵業街新開嘅deFoodies［樓上cafe mix event venue］食返個tea☺️，除左食野之外🍽，如果想搞party🍻、mini concert🎤、gathering都可以係到租場，有得食之餘仲可以同成班friend玩成個場地都好大好舒服，咁岩隔離仲有人係到搞緊event添🤓，有幸可以一邊食野一邊聽live唱歌因為岩岩新開張嘅關係🎊，唔同嘅menu都陸續推出緊，今次就試左佢地嘅Superbuns lunch set($58)，3️⃣款buns可以任揀1️⃣款，餡料分別係以黃金蝦🦐、燒牛柳同黑松露蟹肉醬為主，我就揀左燒牛柳。配上焦糖花洋蔥同牛香燒汁夠哂juicy同惹味😋，麵包仲非常香脆，問返職員原來用上與別不同嘅oven黎整😎，難怪格外香口加$18仲可以換埋自家製嘅龍蝦湯🦞，我仲試埋佢地嘅Hot caffe Americano(+$15)☕️，飲完成個人都醒神哂

🐷🐷🐷🐷因為要趕fyp，所以一直想搵一個環境chill啲靜啲無咁迫既cafe坐底食下野做下紙。喺Openrice見到依間新開既cafe想黎試下，果然無揀錯！成個環境俾人嘅感覺好舒服，一啲都唔迫夾，可以舒舒服服專心做下功課💆🏻‍♀️▪️黃金蝦Superbuns Lunch Set ($58)呢個包入面嘅料有黃金蝦，牛油果，卡真蒜蓉牛油同羅勒。偏向係外國人鐘意食既brunch salad咁，比較fresh同健康。沙律分量剛剛好，所選用嘅芥末味沙律醬令沙律更吸引醒胃。我哋加咗龍蝦湯(+$18)，用個杯裝住嘅設計勁方便！飲落去龍蝦同忌廉嘅味道一樣並重，酸甜鹹配合得不錯，容易不知不覺就飲晒。〰️〰️〰️〰️〰️〰️〰5/5🐷〰️〰️〰️〰️〰️〰️〰️▪️黑松露蟹肉Superbuns Lunch Set ($58)除咗黑松露蟹肉之外，stuffing仲有洋蔥同芥末沙律醬。呢個係我覺得三個之中最吸引嘅，主要因為蟹肉香濃，同芥末沙律醬簡直係完美搭配。依個餐加既芒果沙冰(+$18)酸甜，叫左少糖，淡淡地，味道非常自然，明顯無加調味劑！〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️ 薄切牛柳 Superbuns Lunch Set ($58)

This is a relaxing cafe, they play comfy instrumental music in the background.I ordered a set lunch, including salad and a golden shrimps, Cajun garlic butter, avocado and basil bun. They put many shrimps in the bun and it tasted good😋 And I added a Blueberry, Strawberry, Apple Juice fruit Smoothie as well, it tasted fresh. /Just that the portion maybe a little bit light, but so far the food was good and not expensive as well👍🏻 The food & drink were ready after around 15mins.

竟然比我搵到一間可以坐好耐做功課嘅樓上Cafe！而且仲有得食嘢飲嘢，價錢都好合理！上到去嘅時候覺得所有嘢都好新，個環境好似太空倉嘅感覺🤣🤣最重要係佢嗰度有無限嘅Wi-Fi，廁所亦都好乾淨。我留意到佢Cafe後面有一個表演場地，我諗應該係俾啲樂隊，可以book個場地嚟表演。而且環境都好闊落，所有嘅座位都好舒服。餐廳有三款唔同嘅包選擇，亦都有佢自家製嘅龍蝦湯同埋果汁沙冰。我朋友就是做呢個黃金蝦、牛油果包，我偷食咗佢一啖覺得佢啲下嘅份量非常之多，而且亦都烹調得好好，好入味。而且啲沙律菜亦都好新鮮。而我自己就嗌咗呢一個薄切燒牛柳，佢啲牛肉雖然係薄切但係都好入味而且份量都好多，加埋啲洋蔥一齊食，口感好好。而我亦都係多咗一個佢自家製嘅龍蝦湯，飲落去龍蝦味好，重而且亦都好滑、好濃郁。而我亦都嗌咗佢呢一個藍莓士多啤梨鮮果汁沙冰，佢飲落去都覺得佢用咗好多新鮮嘅水果，因為食到佢好多果肉同埋果籽，而且我坐咗喺度兩三個鐘佢啲沙冰都冇咁快溶！

小店位於工廈之內😉旁邊有共享辦公室同共享空間😎新裝修新開業的👍薄切燒牛柳·焦糖花洋蔥·牛香燒汁·SUPERBUNS🥙$58牛肉份量都多，燒得啱啱好😛洋蔥的確好甜，好惹味👍配合埋牛香燒汁，味道更出色😉仲有沙律作伴🥗健康又唔油膩😏自家製龍蝦湯🦞另+$18杯裝盛載😎湯夠鮮，味夠濃😛天氣凍嘅時候飲，感覺舒服😌藍莓·士多啤梨·蘋果汁沙冰🍹另+$18藍莓士多啤梨味道較為突出👍味道清新😚又夠健康😚跟餐都係加$18😎抵飲👍deFoodies (觀塘)觀塘勵業街46號天輝工業大廈1樓

deFoodies (觀塘)Environment: ★★★★☆Service: ★★★★☆Taste: ★★★★★今次和大家分享的是我於觀塘勵業街deFoodies的用餐經驗。deFoodies內的佈置頗時尚，座位的空間亦充足，賣的食物都是以Superbuns為主。Superbun (黃金蝦，卡真蒜蓉牛油，牛油果及羅勒）$58:蝦的份量頗多，調味合適，麵包亦烘得很香脆。Superbun (薄切牛柳，焦糖洋蔥，牛香燒汁）$58:牛柳有頗多片，肉味香濃，牛柳下面是洋蔥，配上牛肉來吃，味道不錯。Superbun (黑松露蟹肉，酸紅洋蔥，日式芥末醬） $58:黑松露的味道頗特出，麵包內盛有很多蟹肉，配上日式芥末醬，頗好吃。自家製龍蝦湯 $28:龍蝦湯十分香濃，蝦的味道十分特出。總的來說，Superbun各有特色，自家製龍蝦湯亦頗特別。🔛🏃‍♀️🏃‍♀️🏃‍♀️觀塘勵業街46號天輝工業大廈1樓#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkg

平時吃lunch都比較趕，今日有多一點時間，找到了一家新開的CAFE；CAFE的裝修比較COSY，可以暫時放下急速的步伐。餐廳有兩邊，另一邊可以包場的。因為新開張不久，所以食物的款式較少；主要都是法包和沙律。*薄切燒牛柳。焦糖花洋蔥。牛香燒汁（$58）牛柳切得很薄，不會很韌；帶少少甜的焦糖洋蔥和燒汁很夾。*黑松露蟹肉醬。酸紅洋蔥。日式芥末醬（$58）法包外脆內軟的，中間夾了滿滿的黑松露蟹肉醬；帶少少洋蔥和芥末香。*黃金蝦。卡真蒜蓉牛油。牛油果及羅勒（$58）最驚喜是這個黃金蝦法包，這件法包烘得比較好；黃金蝦經過調味，每一粒都很香蒜味；個人最愛這個黃金蝦！*田園蝦沙律配龍蝦湯（$58）蝦沙律的蝦和法包上的味道差不多；沙律的份量都不少，沙津菜新鮮，而且沙律醬的份量很足夠。龍蝦湯未有留下深刻的印象，味道不過不失；不太飲到龍蝦的香味。*藍莓士多啤梨蘋果果汁沙冰（+$18）大佬點的，藍莓味較濃，酸酸甜甜，很開胃，又不會太甜。*菠蘿桃番石榴果汁沙冰（+$18）因為有真水果，所以有水果茸；這杯都是酸酸甜甜的，菠蘿的味是最突出的。